السلام عليكم ورحمة الله وبركاته

قرارت مدرسة المشاغبين الخروج للبر كشته بمناسبة الاجازه وقد اتفقنا نطلع للبر (نكشت) انا و البدر والمصرقع و مفك صلصه والشيخ مناحي وعصويد المهم تواعدنا نطلع من الفجر والوعد عند باب المدرسة
البدر عليه الماء والبيبسي
المصرقع عليه الخيمه
مفك صلصه قال انا بجيب تبوله على باله سوري
عصويد عليه الصحون والقدور
الشيخ مناحي كالعاده هو الطباخ
انا قلت لهم بجي معكم واجيب معي خبز واحمدوا ربكم الي جبته

والفجر طلعت من البيت وشماغي على كتفي على بالي عربجي واشغل الددسن واروح للمدرسة والاقي الشباب ينتظروني من اول ما وصلت ليه تأخرت قلت لهم بس اصصصصصصصص انا الي مفكر في الطلعه اجي على كيفي متى مابغيت المهم من باقي ؟ ما جاء بس وييزي خرطي
قال البدر باقي عصويد والمصرقع جلسنا ننتظرهم وتأخرو ماهي عادتهم وفجأه الا هذي عزة المرتزه جايه ومعها راسبه بقوه و المشاغبةالصغيرة( البدر على باله بيبعد عن نفسه التهمه انه هو الي معلمهم) قال لحوللللللل هذولي وش الي جابهم
قلت له لا ياشيخ من الي جابهم تلاقيك نشرتها في كل المدرسة بعد وقايل لهم اننا بنكشت
وصلت عزة المرتزه وجماعة الربع الي معها عندنا وعلى بالها ما كنت ادري انكم بتكشتون قالت وش جابكم بدري
وكالعاده راسبة بقوه بنيه سليمه تقول لعزه المرتزه مو انتي قلتي لنا انهم بيكشون
والمشاغبةالصغيرة تأكد بعد انتي قلتيه وقلتي لنا عشان نطلع معهم
قالت عزه المرتزه اصصصصصصصصصص مو انا هذا البدر
اوريك البدر يا فضيحه
قلت انا تأخرو الشباب وش السوات قالوا نطلع على ددسنك ونحط لهم ورقه على باب المدرسة اذا جو يعرفون احنا وين فيه
قلت يالله مشينا ولا عزه المرتزه تونها صيحه
وش فيك ليه تصيحين وااااااااااااااااااااااااااااااااااااااااااااااو ابي اروح معكم
قلت طيب بس بشرط تركبون فوق في الصندوق
قالت موافقه موافقه وطمرت للصندوق هي وراسبه بقوه والمشاغبةالصغيرة
ركبنا الددسن انا اسوق وجنبي مفك صلصه و البدر ومشينا اول ما وصلت اخر الشارع قال البدر ما كنا نسينا شي قلت له مدري بس بنرجع للبيت ونأخذ صحون وقدور من هناك لان عصويد تأخر ما جاء والشمس طلعت قال البدر لا نسينا الشيخ مناحي وينه يؤ يؤ يؤ صدق وينه
وانا ارجع واخذ لفه على المدرسة يؤ وينه وين راح وتطل علينا عزه المرتزه تقول ليه رجعتوا ؟
قلت لها الشيخ مناحي نسيناه وينه قالت شوفوه معنا فوق في الصندوق راكب
وانا اخذ عصى العفريته وانزل عليه وش مركبك مع البنات قال زحمه ياخي
نزلته وتحاشرنا قدام (على باله الشيخ مناحي بيركب مع البنات لو تفطس ما خليتك معهم )
ومشينا الا هذا المصرقع جاي وجهه مفقع وعينه اليسرى زرقاء . قلت له وينك قال مريت على عصويد وصحيته من النوم وترفس في بطني وطردني
قلت له ليه قال مدري عنه اهله يقولون لا تصحيه عصويد اذا نام واحد صحاه يضربه بس قلت يمكن يستحي مني
طيب ما عليك انا اصحيه لكم ورحت لبيت عصويد ولا عادت عليها نزلت واطق الباب ويفتح لي قندهار سواقهم واسئله عن عصويد قال نايم في الملحق بس انت في صحي في مشكل هي قلت له طس بس انا سري والاجر على الله بيخاف مني دخلت ااااااااااااااه ليتني ما دخلت قلت له عصويد يالله مشينا قام ابو الشباب وعينك ما تشوف الا النور انا اذكر اني صحيته بس مدري بعد كذا وش الي حصل المهم مادريت الا وانا في الصندوق وحنا في البر وطاقين الخيمه واقوم قلت يؤ متى وصلنا قالو الشباب اووووووووووه زمااااااااان من الصبح وش السالفه ليه انا في الصندوق وسيارتي ليه كذا مصدومه قالو لي ما ندري عنك حنا جالسين ننتظرك تطلع من بيت عصويد ما درينا الا وانت تجينا طاير من فوق السور وتطيح بالصندوق وكان الشيخ مناحي يلعب بالدركسون من الخوف الشيخ مناحي دعس بنزين وصقع الماسوره الي قدام بيت عصويد
وانظر الا هذي عزه المرتزه وراسبه بقوه والمشاغبة الصغيرة جالسين يحفرون في الرمل مسيكينات ماعمرهم شافوا رمل رحمتهم وعطيت كل وحده منهم ريال والشيخ مناحي يحرك الغداء
قلت لهم وش رايكم نروح نقنص ضبان واطمري المشاغبة الصغيرة لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
ليه وش فيك قالت لا لا لا لا لا لا اخاف قلت بس انثبري من قال لك اننا بنخذك معنا وانطلقنا انا والبدر والمصرقع ومفك صلصه اما الشيخ مناحي على باله بيجلس عشان الغداء قلت له لو تفطس ما خليتك معهم لحالك اركب



--------------------------------------------------------------------------------

نكمل ان شاء الله كشتتنا في الحلقة القادمة انتظرو المفاجأت وبطولات الشيخ مناحي ***** البدر يقلب في سيارتي **** المصرقع تطيح عليه الخيمه ***** المشاغبة الصغيرة تضيع في البر *** راسبه بقوه فوق الشجره لماذا ؟

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه