علامــــــــك

علامك لابغيت انسى تجي تسأل عن اخبـاري
تروح شهور هاجرني اعاني لوعـة احزانـي

تجي تسأ ل تبي تعرف جديد الحزن باشعـاري
وتاخذ ماتبـي منـي تمـاري بـه وتنسانـي

تماري في عذابـي بيـن خلـق الله ولا اداري
وانا اللي هايم بحبك تشمـت فينـي عدوانـي

حياتي لعبه بيدك تلاعـب بـي وانـا شـاري
ترفق يابعد عمـري تـرى ماجانـي اكفانـي

دخيلك يامعذبنـي مدامـك تعـرف اسـراري
يمين الله ماغيـرك ذكرتـه باجمـل الحانـي

يجي ليل (ن) ويمضي ليل اناجي طيفك الساري
عليم الله من جورك اعيـش بعالـم(ن) ثانـي

غريب (ن)وسط هالدنيا اعيش بزحمة افكـاري
اعاني من الم غربـه وانـا مابيـن اخوانـي

حبيبي وش جرى مني تولـع بالحشـا نـاري
يجـي لـك يـوم تتنـدم تمنـى فيـه تلقانـي