|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
12-07-2007, 07:27 PM
| |||
| |||
| رد: تجرعت الالم بسكات .. قصه كويتيه .. رووووعه لاتطوفكم
وربي جناااااااااااااااااااااااااااااااااااااان القصة وقطعت قلبي وضحه كملها ياقلبي وتقبلي مروري اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
|
12-08-2007, 03:28 PM
| |||
| |||
| رد: تجرعت الالم بسكات .. قصه كويتيه .. رووووعه لاتطوفكم
الجزء الرابع : ولما وصلهم وضحه راحت لخالد وهي تقوله خالد جزاك الله خير بس لو تمسح رقمي لان مالك حاجه فيه الحين .. خالد استغرب وقال لا ياوضحه يمكن اوديكم مره ثانيه .. وهم يتكلمون الا حمد جااااا ولما شاف وضحه واقفه عند خااالد جاااااا يركض ركض لوضحه وخالد والشر طالع من عيونه .. وقف وبداأ يضغط على يدينه وهو يقوول ايييييييييييييييه اييييييييييييييييييه ياوضحه وين اخلاقتس ولا ماصدقتي الشايب والعجوز يفنقشوون عشان تسرحين وتمرحين .. وضحه انصدمت من كلام حمد وجرأته وهي ماحست بنفسها الا دموعها بدت تسيل ...؟؟؟؟ خالد عصب من الكلام اللي قاله حمد لوضحه وهو يقول لحمد : احترم نفسك ماناقص الا انت تكلم عن اخلاق وضحه حمد لف علطول على خالد وبدون انذار مسبق جود حمد ثوب خالد من صدره وبدوا يتطاققون ., وضحه بدون ماتحس بنفسها من الخوف امسكت يد مريوم وقامت تركض داخل البيت , حتى الاغرا ض اللي شرتهن خلتهن من الخرعه وعلطول دشت هي ومريوم غرفتها وقفلت عليهم الغرفه وهي ترتعد من الخوف .. وكانت تدعي بقلبها ان الله يعدي هاليوم على خيير , مريوم اللي حاضنه وضحه من الخوف قامت تبكي , وضحه : بصوت متقطع شفيتس مريوم ليش تبكين مريوم : وهي تبكي وتمسح دموعها بشيله وضحه لو ان امي وابوي عايشين كان ماصار اللي صار وزاد صوت بكيها اما وضحه فحضنت مريوم حييييييييييييييييل وهي كاتمه بكيها ماتبي تحسس مريوم انها خايفه ,لان مريوم خلقه خايفه وتشوف وضحه تبكي خلاص رحنا فيها اما حمد وخالد فتطاققوا لين فكوهم االشباب الموجودين بالشارع ,, حمد اللي ماسكينه رجالين من يديه ومجودينه لا يروح يتطاقق مع خالد وهو يقول بصوت مرتفع حيل ويحاول يحرك جسمه يبي يفلت منهم ويضرب خالد : والله والله يا خويلد اشوفك معتب عتبه بيتنا ولا جاي عند هاليتمان والله لاتشوف شي ماشفته بعمرك خالد اللي خلا الرجال يفكونه وهو مدنق ياخذ غترته اللي طاحت على الارض .. كان يطالع لحمد بنظرات وهو يقول بقلبه اي هين ماناقص الا البزر يتطاول علي ام خالد اللي كانت تطل من الباب وهي خايفه على خالد وكانت تدعي على حمد ,, خالد دش على امه وهو يسكر الباب و يقول يمه وش فيتس تطلين من الباب تراني ماني بزر ام خالد : وهي تبكي ياوليدي هالخبل اللي مايستحي هذا جزانا اننا مودين هالبنات للسوق والله هالدنيا بالمعكوس ياوليدي تسوي خيير تلقى شر خالد اللي تضايق حيل قال يمه انا بروح ارتاح بغرفتي تبين شي ام خالد : ياوليدي عطني ثوبك اخيطه لك اقطعه هالمجنون خالد : لايمه ابي اودي الثوب للخياط ,, يلا يمه بروح ارتاح وضحه اللي خايفه وترتعد وكل شوي تروح تطل من الدريشه تبي تشوف الاجواء هدت ولا لا,, مريوم من البكي نامت وعافت كل شي حتى اغراضها اللي شرتهم وضحه راحت تغطي مريوم وهي تبوس جبهتها وتقول يالله مالي غير هالاخت يالله تصلحها ولاتفرقنا .. وضحه مهي والراحه وخالد بالبيت لا وراه سالفه بعد وهي رايحه يمين ويسار بالغرفه فجأه ... طق الباب وضحه حست عروق قلبها توقفت من الخوف وعلطول راحت على السرير جنب مريوم وغطت راسها وهي ترتعد حمد .: بصوت هادي وضحه اذا كنتي قاعده اطلعي ابيتس وضحه : غمضت عيونها حيييل من الخوف وماترد حمد : .. بصوت عالي شوي.. وضحه وضحه ماردت وهي ماسكه يد مريوم وضاغطه عليها من الخوف فجأه خف الصوت وماعاد تسمع لحمد اي صوت حست براحه عقب ماهدت الاجواء وهي مهي حاسه بنفسها الا نامت ....... تلفوون وضحه يرن .. وضحه ماكانت حاسه حتى بصوت نقالها وهو يرن ماشالته ظل يرن يرن وماشالته مريوم قعدت على صوت نقال وضحه وهي تهز وضحه بيدها .. وضوح قومي تتلفونتس يرن وضحه مدت يدها تحت المخده واخذت نقالها وعيونها مسكره مابطلتهن ضغطت على الزر الاخضر وردت وضحه : الووووو فجأه قامت وهي منسدحه المتصل طلع خالد خالد : السلام عليكم وضحه اللي ارتبكت بقوه عطت تلفونها مريوم تكلم .. لانها منحرجه من اللي صار امس ومالها وجه تكلم احد من عايله ام خالد خالد : شلونتس وضحه مريوم : تمام بس انا مريوم خالد : هاه مريوم ترا اغراضتس انتي وضحه عندنا مريوم : يووووووه تصدق امس من الخوف نسيناهم عند السياره خالد : ايه عارف بس عقب دخلتهم امي مريوم : مشكور ياخالد خالد: وين وضحه مو هي اللي ردت علي بالبدايه؟ مريوم : هاه وهي تطالع لوضحه خالد : شفيتس يامريوم وضحه وهي تأشر لمريوم انها تصلي مريوم: وضحه راحت تصلي خالد: اها خلاص مع السلامه مريوم وهي تطالع لوضحه قالت وش فيتس ماتبين .... قبل لاتكمل طق الباااااب وضحه ومريوم خافوا .. حمد اللي كان يطق الباب وهو يقول وضحه ابيتس بكلمه راس وينتس وضحه هالمره تشجعت وقامت وهي تعدل شيلتها وتغطي وجهها .. بس قبل لاتقوم حطت نقالها على الصامت وحطته تحت المخده لانها خايفه خالد يدق فتحت الباب وهي مشجعه نفسها انه ماراح يمد يده عليها وضحه : نعم حمد : وهو مدنق براسه وضحه امشي للصاله بكلمتس وضحه استغربت من شكل حمد ليش شفيه مكسور الخاطر وليه مدنق ماله عاده يسوي كذا .. حمد يلا انا ناطرتس تحت وضحه راحت ورا حمد حمد ظل واقف ووضحه وقفت عند الباب حمد : حياتس ادخلي وضحه وهي تطالع لحمد وتقول بقلبها وش هالاسلوب الحلو حمد : ظل يطالع لوضحه وهو متردد يتكلم وضحه : نعم بغيت شي حمد : وهو مدنق براسه وضحـــــــــــــــــــــــــه انا اسف على كل شي سويته اســـــــــــــــــف والله والله اسف ,, ووجهه بجد يكسر الخاطر وضحه انصدمت من كلام حمد .. حمددددددددددد اول مره بحياته يعتذر لا ويعتذر لمنو لعدوته اللدوده وضحه غرييييييييبه حمد : وضحه انا اصلا لما جيت امس كنت ناوي اعتذر بس لمى شفتس عند خالد .. والله قلت كلام وانا مو حاس فيه والله العظييييم لان ماكنت متصور يوم من الايام اشوف رجال غيري عندكن وضحه اللي وقفت وحست ان موقفها اقوى من حمد وهي تقول بصوت فيه عصبيه شوي : حمد بس الشي هذا مايسمح لك تغلط على اخلاقي مو حنا مثل خواتك يعني حنا عرضك ومافيه احد يغلط على عرررررررررضه مو عدل حمد :والله ياوضحه انتس مثل اختي واكثر .. وضحه انا صج كنت اضربتس انتي ومريوم وكنا نتهاوش .. بس كل الاخوان كذا يتهاوشون ويتضاربون وضحه انا صج تغيرت عليكن وخاصه قبل وفاه عمي وبدا يبكي حمد ,, وضحه استغربت حيل من كلام حمد وغريبه ليه يبكي اوووووووول مره بحياتي اشوف دموعه لالالالالالالا حمد فيه شي لا وشي مهو هين بعد حمد : وضحه انا الفتره اللي طافت لاتحسبيني بخير والله كنت اتعذب والله وضحه كانت ساكته تنطر حمد يكمل كلامه حمد وهو يكمل كلامه : وضحه انا اول ما طلعت من عندكم رحت لربعي الكل هلا ورحب فيني ولو كان بكيفهم حطوني بعيونهم بس كل مامر الوقت الاحظ بدوا ينقرفون مني كني عاله عليه وانا جد عاله عليهم .. من غير الكلام اللي لما امر يقطونه علي والنغزات اللي ماتخلص .. سويت نفسي ما انتبه بس للاسف واحد احقر من الثاني ,, كلفوني مره اجيب اغراض من واحد من ربعهم .. وبين فتره وفتره يرسلوني اجيب ,,انا ماكنت ادري وش هالاغراض وليش بالذات انا اجيبهن تدرين وش طلعن هالاغراض ياوضحه وضحه : وهي منصدمه من قلب وشو حمد : مخدرات يبون يطيحوني بمصيبه ياوضحه ,,وبدا وجهه يحمر شافوني مكسور الخاطر وبدوا يستقلوني وضحه : فتحت حلقها من الصدمه وهي ساكته تبي حمد يكمل حمد : وضحه مانسيت نصايحتس يوم تعلميني انا ومريوم اننا نبعد عن المصايب ونقيس كل شي بكتاب الله ,, والله ياوضحه فجاه لما دريت بهالشي مر قدام عيوني شريط كانه مستقبلي اذا استمريت معهم تخيلت اني انسجن سجن مؤبد ولا اعدام و ماجاء في بالي غيرتس انتي ومريوم .. والله ياوضحه عرفت ان حب ربعي لي مو لله يبون يطيحوني بمصيبه وبعدين لايعرفوني ولااعرفهم .. عرفت بنواياهم الشينه بس عقب شنو صج ان اخو محمد خويي كان ينصحني ابعد عن هالشله بس تهاوشت معاه وخليته انا صج عقب كل هذا ضغطت على نفسي اقعد معاهم واوصل لهم اللي يبونه .. لان وين اروح قلت اروح لوضحه بس اخاف تطردني .. فأستمريت معهم.. قلت عالاقل القى احد يلمني ,, بس جاء مره اخو خويي محمد .. فهد وقال يبيني بسالفه رحت معاه بس تدرين وين وداني وداني للسجن ووراني كل الي طاحوا بهالطريق .. نصحني ابعد عنهم لان فهد عارفهم عدل .. حذرني استمر معهم .. قلت له والله يافهد مالي مكان اقعد فيه غير عندهم .. انا عارف هالشي بس ضاغط على اعصابي ودايس على كرامتي مالي مكان اقعد بوه استغرب مني فهد وقال بيت عمك ؟ قلت له السالفه كلها .. المهم فهد والله ماقصر خلاني عندهم بالدوانيه الاسبوعين اللي طافوا بس والله استحيت وقررت اجي عندكم قلت لعل وعسى ترضين علي وضحه انا جاي وندمان سامحيني .. وضحه بكت من كلام حمد وهي تقول لاياخوي ارفع راسك انت اخونا وحنا مسامحينك لو اخطيت والاخوان مهما صار بينهم يظلون اخوان واحباب ..والضفر عمره مايطلع من اللحم حمد من الفرحه ماحس الا وهو يحب راس وضحه ويقول والله يااختي ماراح القى مثل قلبتس الطيب والابتسامه ماليه وجهه من غير الدموع اللي سالن وهو يتكلم مريوم اللي كانت تسمع كلامهم دشت عليهم فجأه وهي تناقز وتقول هييييييييييياااا هيييييييييييييييااااا والابتسامه ماليه وجهها حمد و وضحه ضحكوا عليها وعلى شكلهاااا ............ الحمدلله الاجواء ببيت وضحه تغيرت 180 درجه كانت اجواء عائليه ..حمد اللي قاعد يلعب مع مريوم بلاستيشن ومطولين على صوت المسجل وضحكهم اللي مغطي على صوت المسجل ووضحه اللي تقرا الجريده وتنطر دورها اللي يخسر هي وراه .. مريوم وهي طايره من الفرحه : حمد عط عط وضحه يدة البلاستيشن ترا انت الخسران حمد وهي يضحك على ثقه مريوم الزايده : اعقبييييييي يامريوم ماناقص الا حمد تفوز عليه البزر .. وكانت بجد اجواء ممتعه وضحه وهي تطالع لهم كانت مبتسمه وفرحانه حيل حست ان لهم ظهر يستندون عليه عقب ابوهم وامهم وهي تقول احمدك يارب .. الحمدلله يوم حمد انبه ضميره ورجع لنا حمد وهو مندمج باللعبه وضوح انتي شنو تخصصتس .. وضحه انصدمت من سؤال حمد وهي تكلم بصوت هادي حمد انا ماسجلت بالجامعه حمد استغرب وعلطول هد يدة البلاستيشن وراح يقعد جنب وضحه ويقول ليه ماسجلتي ؟ وضحه سكتت شوي وهي تقول حمد انت عارف الظروف اللي مرينا فيها والله ان نفسي عافت حتى الجامعه حمد لا ياوضحه الشي اللي صار مكتوب ولا يمكن نعترض بس انتي لازم تسجلين باقرب وقت ممكن .. وضحه افرحت من كلام حمد حيييل ولو كانت مهي مستحيه كان ناقزت من الفرحه وقالت يعني راح تسجلني انت .. حمد مبتسم ايه كم وضحه عندنا بـــس وضحه برد وجهها لما قال حمد بس .. قالت شنو بس .. حمد : وضحه تعرفين ماعندكن رجال بالبيت غيري وانا مثل ولي امركن انا ياوضحه خايف عليتس من .. وسكتت قال وش رايتس تدشين كليه التربيه كلها بنات وتطلعين مدرسه مثل الجامعه .. لا وسمعت انها اسهل بكثير من الجامعه وضحه : ابتسمت وهي تقول حمد انت مثل اخوي وانا ماراح اعترض عن اللي تبيه خلاص ابي كليه التربيه الاساسيه وهي كانت فرحانه لان طموحهاا راح تحققه باذن الله صج ان طموحهها كان الجامعه .. بس عوامل التعريه لعبت دورها حمد : وضوح جهزي اوراقتس وعلى بدايه الكورس الثاني اقدم لتس ان شاء الله وضحه : جزاك الله الف خير وهي طايره من الفرحه انا اليوم بدق على منور واسالها عن الاوراق المطلوبه حمد وهو يطالع لساعته اقول وضحه ما اذن مذن العصر وضحه : ايه توهه اذن حمد : يلا على ماتوضع واروح للمسجد الا هو مقوم وضحه فرحت حيل يوم درت ان حمد التزم ويصلي بعد مريوم اللي قطعت تفكير وضحه .. وضووووووووووح تعالي العبي معي .. وضحه طالعت لمريوم وهي تضحك وتقول ماني فاضيه لتس مريوم وهي تطالع لوضحه : هي هين ياوضوح وضحه راحت لغرفتها وعقب ماصلت وخلصت قعدت على السرير ودقت على منور وضحه : السلام عليكم منور : هلالالالالالالالالالالالالالالالا وعليكم السلام .. شلونش وضوح وضحه : بخييييييير وانتي شلونتس منور : بخير ولله الحمد وضحه : اقول منور دريتي بسجل بالكليه الكورس الجاي منور: حلفيييييييييييييييييييييييييييي يعني تبين تجين عندي وااااااي ونااسه وضحه :وضحه وهي تبي ترفع ضغط منور لاماني جايه عندتس بجي للكليه منور: قامت تضحك وتقول كلتا الحالتين تبين تجيين عندي وضحه : ابتسمت وقالت منور اول ماسكر ارسلي لي مسج عن كل الاوراق المطلوبه زين منور : من عيوني وانا كم وضحه عندي وضحه : وهي تقلد كلام منور وتضحك.. ماعندش غير وحده والله يعينها عليش منور: ماتت ضحك على وضحه وهي تقول ياجعلني فدوتش وضحه : وهي مبتسمه منووور يلا مع السلامه منور : الله يسلمش وضحه علطول راحت للمطبخ تبي تشوف شنو فيه وتسوي شي ياكلونه .. وحمد اللي اول مارد من المسجد انسدح على الكنب وهو لاهي بنقاله ..وضحه : حمد حمد : هلا وضحه .. وضحه: حمد مافيه عيش ولاخضره اسويها للغدا حمد : ماعليش وضحه سوي اي شي لين الله يفرجها وضحه : لفت تبي تروح بس وقفت ولفت على حمد .. حمد ماانت ناوي تكمل دراستك ؟ حمد: اووه ياوضحه كنتس ماتعرفين اني مستحيل امشي بالدراسه .. انا وانا بالابتدائي كنت ارسب من دون الثانوي وضحه : بس لازم ياحمد عشان تقدر توفر لنا اللي نحتاجه .. ولا نسيت انك رجال البيت حمد : وضحه والله مانسيت بس كلمت خويي محمد يكلم اخوه فهد يدور لي وضيفه على قد حالي ..يقول ان فهد عنده واسطات وضحه : وهي مبتسمه الله يوفقك ياحمد خالد اللي توه جاء من برا .. دخل وسلم على امه وقال يمه لاتقعديني زين وغداا مابي.. ام خالد : ليه ياوليدي ماكلت شي من الصبح خالد : لا يمه مريت لي مطعم وتريقت .. بس لاتقعديني زيين ام خالد : عافيه ياوليدي .. خالد اللي علطول طلع تلفونه من دشداشته ونزعها وفتح درج الكبت وطلع تلفون ثاني .. انسدح على السرير وحطا التلفونين قدامه .. تلفونه الاصلي N72 والثاني نوكيا القديم الازرق مسك ان 72 وبدا يتصل خالد : الووووو انوار : بصوت ناعم حيل الوووو خالد : ياويلي فديت هالصوت والله انوار: بصوت انعم بعد تسلم والله خالد : مشتاق والله مشتاق انوار: بصوت دلع مايمديك تشتاق توني شايفتك خالد: وهو يتزيعل وش مايمديني اشتاق مر على شوفتس ساعتين انوار : ياويلي فيدت اللي يزعلون فجأه دق تلفون خالد الثاني ... خالد : انواري حياتي ادق عليتس شوي انورا : ليش شفيك ماصار خمس دقايق من دقيت علي خالد : وهو مستعجل ابوي يصوت لي انوار: ياويلي ياجذبك مو قايل لي ان ابوك متوفي خاالد : اووه انوار قلت اكلمتس شوي يلا باي خالد رد على التلفون الثاني خالد: نعم اريج : اووه للحينك زعلان خالد : بصوت خشن ايه زعلان اريج: خالد والله ما اقدر اشوفك الايام هذي الظروف ماتسمح خالد : لا لو انج تحبيني صج جان سويتي المستحيل عشان تشوفيني (( خالد مسوي نفسه حضري على بشاير )) اريج : اسمع انا بقول لامي بروح السوق واشوفك .. ارتحت خالد : ياااااااااقلبييييييييي فديتج فديت اللي يغامرون والله اريج : شوف بقول لبنت خالتي وضحه تجي معاي .. دور لك على واحد يقعد معاها زين خالد: اللي من سمع اسم وضحه تلخبط ..وسكت اريج : خالد ؟ خالد : هلا حياتي اريج : شفيك وين رحت خالد : قلبي معاج .. بس قاعد افكر منو من ربعي اجيبه لبنت خالتج اريج : وهي تضحك عادي اي واحد لو هندي جيرانكم خالد: وهو مبتسم اقول قلبي انا اخليج بدق عليج شوي زين اريج : اوكيه حبيبي خالد اللي سكرت التلفون وتذكر وضحه .. قال برسل لها مسج .. عاد ان شاء الله اجيب راسها ارسل خالد مسج لوضحه وضحه توها مصليه العصر وجت تبي تمشط شعرها .. الا صوت مسج .. جت تبي تقوم تشوفه قالت اووه محد مرسل لي اما رسايل خدمه ولا الوطنيه وكملت تمشط شعرها .. مريوم : وهي تناقز وضوح وضوح حمد عطانا نص وضحه : وهي مبتسمه جزاه الله خير .. بس مريومي .. تعالي بالاول اقعدي عندي .. مريوم اللي جت وقعدت جنب وضحه وضحه وهي ماسكه يد مريوم .. مريومي حياتي .. خفي على الرجال مو تبلشينه وتاخذين منه فلوس .. مريوم قاطعت وضحه .. بــٍس وضحه كملت كلامها وهي تضغط على يد مريم ..الرجال اللي فيه كافيه وماعنده فلوس .. خفي عليه لين الله يرزقه بالوضيفه وذيك الساعه اطلبيه مريوم : وضوحي والله هو صوت لي وعطاني .. وضحه وهي مبتسمه : كان عييتي .. مريوم والله غصبني .. حمد اللي قطع سوالف وضحه ومريوم وهو واقف على الدرج ويصوت ..وضحـــــــــــــــــــــه .. مـــــــــــــــريم بصوت عالي علطول نزلوا وضحه ومريم تحت لحمد .. وضحه وهي متغطيه : هلا حمد بغيت شي حمد : وهي مبتسم باااااااااااركي لي ياوضحه لقيت وضييييييييييفه وضحه الي افرحت من قلب .. الف مبروووك ياحمد حمد: والله ياوضحه فهد ماقصر توسط لي مع اني ماعندي غير شهادة المتوسطه لقالي وضيفه حيل حلوه وضحه : وهي مبتسمه وشنو هالوضيفه الحلوه واللي تكتفي بشهاده المتوسط حمد : وهو يسوي نفسه ماسك مسدس .. ويغمز بعينه .. بالجيش وضحه : ماشاء الله مبروك والله هالوضيفه حيل حلوه .. وابوي قبل لايتوفى الله يرحمه كان يطري انك لو تدش الجيش احسن لك حمد : الله يرحمه مريوم : حمد لا تنسى اول معاش ينزل لك تشتري لي بدله كشخه حمد : وهو يضحك اشتري لتس البدله اللي تفضخين قلوب البنات فيها وقاموا يضحكون كلهم وضحه اللي ترتب سريرها رفعت المخده ولقت المسج اللي من يوم جاها مافتحته .. ضغطت على زر الفتح وهي منصدمه يوم شافت اسم خالد .. المرسل : خالد ((أعترفلك.. أنك أجمل.. ماحصل بالكون فيني وإنك أغلى.. من هواي ومن سنيني وإنك أحلى.. حلم في فكري وعيني.. أعترفلك.. آه وشلون أعترفلك؟؟ آه ياجرح..بكيته آه ياهم..سريته طول عمري والين ربي ياخذني إليه ببقى "أحبتس" )) وضحه افتحت حلقها من الصدمه الاكبر يوم قرت المسج .. علطول امسحت المسج وهي ترتعد من الخوف وضحه مهي متعوده على هالسوالف .. تضايقت حيل من المسج .. وضحه : ياربي وش يبي خلاص الحمدلله جاا حمد .. هو وش يبي صج انه ماقصر الايام اللي طافت معانا بس هالرجال والله مارتحت له مانسيت نضراته بمنظره السياره .. ياربـــــــيه بس حمد وضحه قعدوني على صلاة الفجر .. وضحه : ان شاء الله حمد : يلا تصبحون على خير وضحه : وانت من اهل الخير اول ماراح حمد .. ووضحه تطالع لمريوم لي فاتحه حلقها تثاوب .. اقول مريوم امشي حتى حنا نبي ننام مريوم يلا .. اول ماحطت مريوم راسها على المخده نامت .. اما وضحه ضلت تفكر بمسج خالد .. فجأه دق التلفون .. وضحه اخترعت من صوت التلفون العالي وهي ماتحس اضغطت على الزر الاخضر لانها خافت حمد يسمع صوت تلفونها يدق ويشك فيها وضحه وهي ترتعد .. حطت السماعه على اذنها خالد اللي كان داق .. يقول بقلبه طلعت خفيفه البنت معناها صيده سهله وضحه : نعم خالد : وهو يتنهد نعم الله عليتس وضحه : وش تبي داق علي بالليل خالد : يقول بقلبه تسوي نفسها ثقيله .. مشتاق لتس وضحه : وهي معصبه وماحست ان صوتها ارتفع انت ماتستحي على وجهك .. حيوان حقير وتسكر التلفون وعلطول تغلق جهازها وتحطه تحت المخده وهي ترتعد من الخوف اما خالد : ظل فاتح حلقه ايه هذا الشي اللي كنت متوقعه منها من قبل .. بس هين ياوضحه ما ناقص الا انتي تسكرين التلفون بوجهي مريم وحمد اللي قعدوا الصبح وكل واحد راح لدوامه اما وضحه فضلت بالبيت كالعاده بس هالمره .. بطنها يعورها حيييل وضحه آآآآي آآآآي بطني يعورني ..وهي تبكي وضحه : آآي حتى حمد مو اهني عشان خليته يوديني المستشفى آآآآآآآآآآآآآآآآآآآي بموت بموت ياربي وش الدوا الي كانت تعطيني امي لامن عورني بطني آآي ممم وهي تتألم مافيه غير اروح لخاتي ام خويلد .. اي خويلد مو اهني اكيد بالدوام لبست عباتها وضحه وهي تسحب نفسها سحب عشان تروح لام خالد طقت الباب .. افتحت ام خالد .. هلا هلا بوضحه ادخلي وضحه دخليت وهي قاعد بالصاله وعيونها حمر من البكي ام خالد وش فيتس ياوضحه ؟ وضحه خاله عمتي جتني وهي مغمضه بعيونها حيل من العوار ام خالد : لحظه بجيبلتس مره من المطبخ ....... راحت ام خالد وضحه وهي حاطه يدينها على بطنها وتضغط من العوار .. فجأه دش عليها خالد .. وهو مبتسم ويقول تسكرين التلفون بوجهي هاه .. وضحه انصدمت منين طلع هذا ؟؟ وضحه اللي نست العوار هاه ..وقامت علطول .. خالد الي بدا يقرب من وضحه وهو يبتسم كأنه طاح على صيده جاهزه .. وضحه كل ماقرب خالد بدت ترجع ورا وهي تبلع ريقها بصعوبه وعيونها تصب من الدموع ................................................. انتضرونا بالجزء الخامــس ... تحياتي زينه البنات ننتضر ردوودكم وتوقعاتكم اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-09-2007, 03:06 PM
| ||||
| ||||
| رد: تجرعت الالم بسكات .. قصه كويتيه .. رووووعه لاتطوفكم
مشكوووووره اختي على القصه وننتضر التكمله اخـتـكـ شرقاويه ذوق اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-10-2007, 12:45 AM
| |||
| |||
| رد: تجرعت الالم بسكات .. قصه كويتيه .. رووووعه لاتطوفكم
للرفع للرفع
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-10-2007, 01:51 AM
| ||||
| ||||
| رد: تجرعت الالم بسكات .. قصه كويتيه .. رووووعه لاتطوفكم
wallahi jnan tilami okhti walahi khwild tli3 moch f tawa9o3ati w hamad tili3 rijal yarabi thati lna ljoz2 lkhamiss bissor3a ana mithamissa mot
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
