|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
12-04-2007, 04:03 AM
| ||||
| ||||
 رواية عديل الروح (اول كتاباتي) اسفه على الاخطاء الاملائيه في العنوان بسم الله الرحمن الرحيم حبيت انزل اول روايه من كتاباتي مالقيت احسن من هذا المنتدى الرائع اتمنى تقرون الروايه وتتفاعلون معاي وتقولون اراكم لانها بتساعدني في الروايه كثير , اذا ماعجبتكم الروايه مارح اكملها. في البدايه ماعرفة وش اسميها لكن بعد تفكير خطر في بالي اسم عديل الروح صحيح العنوان اخذته من مسلسل خليجي لكن عجبني لان يحمل معاني كثيره لان عديل الروح يمكن يكون انسان ويمكن يكون مشاعر ,الابو والام والاخوان وزوج والاولاد كل هذي الاسماء تكون جزء من روحنا او تعادل روحنا , ويمكن يكون الحب والحزن والمال ايضا عديل الروح لفصل الاول (الجزء الاول) لقد رحلت عن هذه الدنيا وتركتني وحيدا فهي كانت حبي الاول والاخير لقد اخذها المرض من حضني. كانت هذه الكلمات تدور في راس عبدالله عندما دفن زوجته الغاليه لولوه بعد ان عانت من المرض كثيرا وتركت ابنها الوحيد الذي لم يبلغ السابعه من عمره مع والده احمد: الله يرحمها ويدخلها فسيح جناته عبد الله والدموع تملا عينه:ماقدر انساها والله ماغدر انساهاليش ياربي تحرمني من الغاليه ليش ماقدر اعيش بدونها احمد: صل على النبي وتعوذ من الشيطان ياخوي هذا يومها هم السابقون ونحن الاحقون لا تكفر ونت تقول هذا الكلام عبد الله: ماقدر اشوف ولدي يعيش بعيد عن امه احمد: الله يخليك له تربيه وتعلمه بعد ثلاث ايام الفاتحه عبد الله جالس في المكتب وسارح بعيد احمد: عبد الله ولدك بتخليه وين عند امك او عندك عبد الله: انا مابي ولدي يعيش بعيد عني بحاول اقنع شيخه اخليه في بيتي يتربى مع اخوانه احمد:زين تسوي ياخوي الولد ماله الا ابوه عبد الله: بحاول اعوضه عن حنان امه احمد:يالله اخليك مع السلامه عبد الله:الله يسلمك في غرفة عبدالله شيخه:اسفه يا عبد الله ماقدر اربيه لان كل ماناضرت فيه بذكر امه عبد الله: الله يرحمها ياشيخه هي الحين ماتت وادري ان قلبك طيب , ترضين الولد يعيش بعيد ان ابوه؟ شيخه :قلت لك ماقدر موكفايه اخذت امه علي وانا بنت عمك والحين جايب ولدها اربيه عبد الله:مو الحين جايه تعاتبيني على شي صاره له سبع سنين , انا ماقصرت معاك في شي اعدلت امبينكم والحين هي توفت شيخه: خل امك تريه عبد الله:مو انا الي اعيش في بيت ولدي في بيت , وش فيها اذا ربيتيه مع عيالك ,حرام تحرمينه من ابوه كفايه انحرم من امه حن قلب شيخه: انزين خلاص بربيه عبدالله وهو يبتسم: كنت واثق انك بتوافقين لان قلبك طيب يابت العم شيخه: وش اسوي هذا العيب الي فيني ان قلبي طيب وسامح بسرعه عبدالله: بس الله الله فيه عتبريه واحد من عيالك شيخه: لاتخاف عليه من اليوم هو ولدي خلاص بكره روح جيبه من عند امك عبدالله :ليش التأخير انا بروح اجيبه الحين عشان ينام في حضم امه الغاليه شيخه: انا غاليه لو غاليه ماتزوجت علي عبد الله :توك وش حلاتك وش الي غيرك شيخه وهي رايحه السرير: تصبح على خير عبد الله : ونت من اهله عبدالله زوجاه ابوه غصب على بنت عمه شيخه لكن عبدالله من النوع العنيد ماحب يكسر خاطر ابوه ويكسر كلامه تزوج بنت عمه وجاب منها سلوى ,وبعدين تزوج لولوه وجابت منه سامي حب الثنتين وعدل بينهم بعدين جابت له شيخه سامر , لكن الموت فرق مابنه وبين لولوه توفت بمرض سرطان الدم(لوكيميا) وتركت ولدها عند شيخه تربيه ربته شيخه مثل ولدها لكن كان في ثغره في قلب سامي كان عكس اخوانه اخذ صفات العناد من ابوه والجمال من امه كان ملك جمال عنده شخصيه قويه صعب انك تجاريه او تجادله لازم تكون اخر كلمه كلمته هذي الصفات كبرت مع سامي مرت 22 سنه على وفاة لولوه وتغيرت السعوديه وتغير العمران اتمنى من كل قلبي تعجبكم كتاباتي واتمنى تفاعلكم سمو الملكه  |
|
12-04-2007, 04:05 AM
| ||||
| ||||
| رد: رواية عديل الروح (اول كتاباتي) اسفه على الاخطاء الاملائيه في العنوان (االجزء الثاني) التعرف على شخصيات الروايه عايلة عبد الله عبدالله(ابو سامي):الابو المثالي الي يحب اولاده والحنون معاهم ولي مربيهم على الدين والاخلاق مدلعهم تدليع الي يطلبونه يبونه لكن وقت الجد جد ماحد يجادله في شي الي يقوله يتنفذ وهوصاحب اكبر شركات مقاوله في الشرقيه شيخه(ام سامي)الكل يسميها ام سامي لان هي الي طلبت هذا الشي:الام الحنون الطيبه الي ينقص عليها بكلمتين وتسامح الكل وعدها ولادها بدنيه كلها سلوى:عمرها 30 سنه متزوجه طلال وعندها ولد خالد سبع سنين ونوره ثلاث سنين مثال الاخت بمعنى الكلمه حنونه وطيبه مع اخوانها اخذه هذي الصفه من امها وقريبه من سامي كثير تفهمه من نضره وحده سامي:عمره 27سنه يشتغل في شركة ابوه مهندس هادى جدا مايحب الاصوات المزعجه عنيد بطبعه ومغرور عنده عزت نفس وقوي الشخصيه الكل يحترمه في البيت وكلمته مسموعه ومابعدها نقاش لكن اذا عصب الله يستر(اتقو شر الحليم اذا غضب) سامر:عمره 25سنه يشتغل في شركة ابو رئيس قسم المحاسبه دائما البسمه على وجهه كله يمزح ويضحك والي في قلبه على السانه طيب مره سلمان:عمره 20سنه يدرس في كلية الدمام لتقنيه حياته كله ضحك وناسه مايهتم الى شي سهر في الليل ونوم في النهار سلمى:عمرها 17سنه ثالث ثنوي علمي طيبه مره ولي في قلبها على السانها تحب المغامره وكله هواش مع سلمان مزعجه وتحب الفرفشه والوناسه عايشه يومها لكن اهم شي دراستها وحلمها تكون دكتوره سمر:عمرها 13سنه اول متوسط دلوعة البيت على اقل شي تصيح وتحب سامي اكثر حتى من نفسها العمه حصه: شريه ومتعجرفه عندها بنت اسمها لماعمرها 22 سنه العم محمد: عمره 30 سنه متزوج العنود بس ماعنده عيال وهو دكتور اسنان حبوب وطيب وقريب من بيت اخوه عبدالله كثير عايلة احمد احمد(ابو فارس):طيب كثير بس حازم مع عياله وحنون عليهم ومربيهم تربيه الكل يشهد فيها , صديق عبد الله من يوم هم شباب مثل الاخوان واكثر لين ورثو الصداقه الى اولادهم وهو صاحب اكبر شركات تجاريه في المملكه حوالي 30 شركه تجاريه في جميع المجالات اغنى من عبدالله بكثير بدريه(ام فارس):الام الحنون الي كلمتها تمشي في البيت ومسموعه عند اولادها فارس:عمره 27سنه يشتغل في شركات ابوه وهوصديق سامي من يوم هم صغار لين الحين خاطب بنت خالته مروه , حنون على اخوانه وعزهم كثير كله يضحك ويمزح وينكت بقلبه الطيب ليلى:عمرها 25سنه متزوجه بدر وعندها ولد ياسر سنتين حبوبه وطيوبه وتدخل القلب بسرعه سعود:عمره 19سنه يدرس في جامعة الملك فهد للبترول رومنسي بقوه وطيب لكن كله هواش مع اخوانه هو من شلة سلمان يعني اصحاب جوري:عمرها 17سنه ثالث ثنوي علمي الفتاه الحالمه الرومنسيه جدا الي دلوعه كثير وطيبه بشكل مو طبيعي عندها عزت نفس بقوه وعنيده مره الي في راسها تسويه صديقة سلمى وتعتبرها مثل ختها ناصر:عمره 11سنه خامس ابتدائي مغرور بجماله وقوي الشخصيه يقدر يقنعك بسوهله وياخذ الي يبي رغم صغر سنه العمه مريم:عمرها 20سنه تدرس في حامعة الملك فيصل تمريض ساكنه مع اخوها لان بيتهم في الرياض وجامعتها في الدمام درست تمريض رغم انها غنيه مره كانت تبي تدخل طب لكن مجموعها في الثانويه ماسعدها فدرسة تمريض طيبه وحنونه مره قريبه من جوري كثير الخاله هدى:متزوجه وعندها بنتين رهف وريم توائم صديقات جوري وسلمى الخاله موضي: عندها بنت مروه 20 سنه تدرس تمريض في جامعة الملك فيصل العم ابراهيم :زوجته فوزيه وعندها ولدين خليل وعمر وفي شخصسات بنتعرف عليها مع الاحداث |
|
12-04-2007, 06:52 PM
| ||||
| ||||
| رد: رواية عديل الروح (اول كتاباتي) اسفه على الاخطاء الاملائيه في العنوان شكررررررررا جدااااا قصة رووووووعه .........
_________________  رحـــــل مطرهـــــآ المبكي" أفرآحــــــــــآ |
|
12-04-2007, 08:12 PM
| |||
| |||
| رد: رواية عديل الروح (اول كتاباتي) اسفه على الاخطاء الاملائيه في العنوان شكل الرواية حلو وايد تسلم يدك وتقبلي مروري |
|
12-04-2007, 11:56 PM
| ||||
| ||||
| رد: رواية عديل الروح (اول كتاباتي) اسفه على الاخطاء الاملائيه في العنوان شكرا بعد كم يوم بنزل جزء ثاني |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
