ياجاهلي ماتجهل الأرض وبل السحاب = ويا حاسدي بعيوني ماشفتك ابد
تخفي ورى جهلك لحرفي إنجذاب = وانت ممن على أمتان حرفي صعد
كان لك بحرفي شك وارتياب = ارتب بس في حضرتي لاترتعد
لله دري متعلين مثل غيم وسحاب = وحروفي يسبق غيمهن برق ورعد
غامض مره ومرات مثل الكتاب = نذير شؤم ومرات تلقاني طير السعد
الاسم محمد والوصف مايهاب = والحرف رسمي وأشجع من الفهد
ماقواني غير هاك الأهداب = ولغيرها ماهمني من قام و قعد
جرح المحبة في خاطري ماطاب = وعذوق شفايها بخافقي مثل الشهد
أحبها كثر ماحلق في السما أسراب = وتحبني كثر ماعلموها تصد وتصد
سبايب صدها شبت وتوي شباب = وسبايب شخصيتي فرايصها ترتعد
تحبني لسبب واعشقها لعدة أسباب = كثر عيوبها زينها لايحصى ولا يعد
ماقول كامل ومافيني شي يعاب = ولأهل الطولات انا وافي ومستعد
وإلا الردي في مذهبي ياكل تراب = وياكثر من في حسابي كمالت عدد
فيك ياجرح الهوى عشت بارتياب = واكبر من اللي مضى مالي جهد
لاتفتح للعذول بقلبك باب وباب = ياخذك روح ويرمي منك الجسد
حبك بقلبي وبوسط خافقي ذاب = ليت تحفر لحبي بوسط قلبك لحد
خلني حاضر بقلبك والباقي غياب = ترى البواقي ماعلى فرقاهم كمد
البواقي مثلهم مثل حفنة ذباب = وما يسود بهالوقت إلا شبيه الأسد
الأسد ماساد لاجل عض الأنياب = الأسد واضح وطريقه دايم في رشد
انا واضح ولي من حرفي أحباب = ومن كرهني نده ظلالي يكفي ويسد
معتمد بالله ويا كثرهم حولي الأصحاب = وبوقت الردى خيرهم سرابٍ بدد
حبيبتي طيفك عن خيالي مايغاب = والصحيح عهد الهوى انتي واجمل وعد
اطلب الله المغفرة وطريق المتاب = وماخاب من رجاه المعبود الصمد
والختام أصلي على سيد الأحباب = وارجي اللي رحمته ماتحصى وتعد