السلام عليكم ورحمة الله وبركاته


اولاً : الي ما كان معنا من البداية يا ليت يتفضل بزيارة الرابط هذا قبل كل شي
http://bdr130.net/vb/showthread.php?s=&threadid=18704

الكشته الجزاء الثاني كاميرا واحد استعد >>> اكشن :
وقفنا في الحلقة الماضيه عند يؤ نسيت لحظه ارجع اشوف اها وقفنا عند يوم طمرت المشاغبة الصغيرة تحسبنا بناخذها معنا تقنص ضباً (ما بقي الا هي ناخذ بنات يقنصون انا لو اضمن الشيخ مناحي كان خليته يرجعكم للمدرسة قومي بس قومي) وقالت لا لا لا لا لا لا لا لا لا لا لا لا لا لا لا لا لا لا لا لا لا لا لا لا
وقلت لها وش فيك قالت لا لا لا لا لا لا اخاف قلت بس انثبري من قال لك اننا بنخذك معنا وانطلقنا انا والبدر و المصرقع وومفك صلصه والشيخ مناحي على باله بيجلس عشان الغداء قلت له لو تفطس ما خليتك معهم لحالك اركب وخل عنك البربره
وشغلت الددسن والشباب راكبين في الصندوق ما عدا البدر راكب بجنبي لا عادت عليها وازعجني طول الطريق ابي اسوق تكفى سري ابي اسوق لو على الاقل اضرب بوري ليه تخلي الشيخ مناحي يسوق وانا لا !!!!...
رحمته وقلت تعال سق ومشينا والي يسوق البدر وانا على الباب والشباب بالصندوق
وهذا اول ضب يطلع علينا البدر يوم شاف الضب من الخوف لف الدركسون وعكس الاتجاه 90 درجه وانقلبنا طاخ طيخ طخ 7 قلبات وعشان اكون صادق معكم ولا تقولون كذاب 6 قلبات بعدين السابعه تعدل الددسن الله لا يوريكم الشباب تناقزو من الصندوق والشيخ مناحي طلعت له جنحان (سوبر مان الشيخ مناحي) عاد انا اغمى علي بس بكمل لكم وش الي صار الشيخ مناحي يوم طلعت له الجنحان طار فوق بعدين وقع على الارض سليم ما جاه شي وجاء يتبختر بيشوف حنا حيين ولا لا والحمد لله جت سليمه كلنا سالمين
(سالمين ؟ كنه مار علي هالاسم اذا ما خاب ضني يا محل حداده يا بنشري اها تذكرته سالمين باعطيه هذا الي شريت منه الددسن )
المهم البدر على باله يصرف قال وش رايكم في الحركه ؟ (ااااااه يالقهر رح الددسن ليتنا ما كشتنا) وصل عندنا الشيخ مناحي وركب هو الي يسوق لاني انا مغمى علي ولا كان ما خليتهم يلعبون بالددسن ومن زين الطبايع الشيخ مناحي يقول تبون نقنص ولا نرجع للخيمه والبنات احسن لا يجيهم احد قال له مفك صلصه انت ابوها وسمها كلنا دايخين من الحركه على قولت البدر وقررنا نرجع للخيمه
(نسيت اعلمكم الشيخ مناحي ما يعرف يسوق بس الحظ النحس خلاه يسوق بيجرب السواقه على باله)
ودعس بنزين الشيخ مناحي ولما وصلنا للخيمه ما عرف يوقف السياره وكمل الناقص وصار يلاحق البنات بالسياره ومن الخوف راسبة بقوة طلعت فوق شجره مع انها دبيه.. والمشاغبة الصغيرة حطت رجلها مع الخط ما تشوف الا غبارها وعزة المرتزة بحكم انها متابعة بالتلفزيون لمصارعة الثيران اخذت عباتها وصارت تأشر بالعبات للشيخ مناحي الى ان فجأه مدري كيف جت معه الشيخ مناحي واعتقد انها بالغلط من الربكه ضرب فرامل وكان المصرقع راكب في الصندوق وطار المسكين وطاح فوق الخيمه وطاحت عليه الخيمه انا صقعت في القزازه وصحيت من الغيبوبه والبدر يوم شافني صحيت صار يزغرد (كلوولولولولوووووووووش) نزلنا من السياره (لا عادت عليها من رحلة) وجلست اتفقد الرعيه يؤ ناقص نفر وين راح يؤ يؤ المشاغبة الصغيرة وينها ؟ صرنا ندور حولنا مالقينها قال مفك صلصه انا اعرف اقص الاثر قلت له اطمر بجنبي على الددسن خل نشوف وينها ورحنا انا ومفك صلصه ندور المشاغبة الصغيرة ونمشي على جرتها وطلعنا على الخط السريع وقال مفك صلصه شف هذا اثرها دخلت عرض منا وساحبت جلنط هنا وتتبعنا الاثر الى ان طحنا في محطة بنزين والحمد لله لقيناها تأشر في الخط بترجع للمدرسة بس من شافت الددسن حطت رجلها مره ثانيه بس الحمد لله صرت اصوت لها انا سري انا سري وقفي انا سري الي يسوق وهي تقول الشيخ مناحي معكم قلت لا والحمد لله وقفت وركبناها ورجعنا للمحطه نشري لها عنزروت (ما ادري وشو العنزروت بس اسمع امي تقوله) لاني سمعت انه الي يشربه يروح عنه الخوف والروعه وياقف قدامنا راعي لموزين يبي يسئل يؤ يؤ لقينا معه حيمتن كبدها ووابن بطاح ومخرب الطلاب
( قلت في قلبي والله تو ما كملت امحق كشته سريه ) ركبوا معنا ورجعنا للخيمة .........!!!!

صورة للددسن قبل الانقلاب


صورة للخيمة وغدانا يطبخ




[HR]
[HR]
نكمل ان شاء الله كشتتنا في الحلقة القادمة انتظرو المفاجأت؟ مخرب الطلاب يصر ويحكم رايه الا بيصير عريف الخيمه ***** حيمتن كبدها تضارب مع عزه المرتزه وانا السبب **** ابن البطاح يتراد شعر هو والشيخ مناحي ***** الشيخ مكاري كيف جانا في الكشته ؟ *** رسول الحب وش سالفته ؟

[HR]
[HR]
تقبلوا تحياتي وتقديري

المخرج سري للغاية

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

.
........................

الفنان

.

.
مع محبيتي
.