يولد البدوي ويترعرع ويتقربع في احضان الطبيعه البكر

فهو من صباح الله خير وهو صاحي كنه جني

ومع طلوع الشمس يبدأ ذلك الورع البدوي نشاطه

بطاردة الكوره (على باله انه موهبه) :D والكوره هذي

عباره عن مجموعه من الخرق داخل شرّاب منطول

لآنه مستحيل يلاقي شي جديد ، ثم تلف هذه الخرق

في داخل الشراب ويستلمها ذالك البدو الصغير شوت

وتسمع صوت الشوته تحسب انه واحد ماسك عصا

وينفظ زوليه :D.

ويعود هذا الورع البدوي منكوش الشعر مفتوح الصدر لآن الزراير

مقطعه حافي القدمين لآنه لو يموت ما يحلم بحذيان ألا اذا نجح

من سادس وهذا وجهي لو نجح ;)

ومن ضمن المناظر اللي تشوفها على هذا الورع الجميل

انه كل يوم طاير له ظفر :D وكله من مداعبة هذه الكره المجنونه:rolleyes:

ويعود الى المنزل ليشرب حليب طازه من المعزه الى بطنه عدل بدون

تدخل مواد أضافيه :D مما يعطيه طاقه زياده ليعود لمزاولة نشاط

أخر مع أقرانه من عوال البدو :D <---- يعني وش بيكونون عوال فرنسيين

(منين جت عوال هذي :eek

ويزاولن نشاطهم بالمطارده اللي على قل سنع ومن ثم يقومون برشق

السيارات الماره بالحجاره تيمنا" بأخوانهم في فلسطين .

واذا جا الظهر تضاربوا ألين معاد يقدر الواحد يتحرك من مكانه :D

ثم ذهبوا الى بيتهم في عزة ووقار .

ومن بعد العصر يتجمعون مره ثانيه للدشره والا للكوره

وهكذا راح العمر ياولدي .

وسقط ذالك الورع البدوي الجميل وما قدر يعدي سادس أبتدائي

يعني مستحيل أبوه يشتري له حذاء جديده ولا حتى سروال جديد.

وكبر الولد وقد حرم من نعمة أظافر القدمين :D

ودور له وظيفه ولكن بعيد على خشمه لآن ما عنده الا سادس

وأخذها بالغلط بعد .

فيضطر انه ينخرط في السلك الدبلوماسي أأأأأ قصدي العسكري

برتبة جندي أو جندي أول وبهذا يكون طموحه وكيل رقيب .

ولكنه لا يزال محافظ على لياقته البدنيه التي أستمدها من حليب العنز

فعاد الى مزاولة معشوقته كرة القدم ...

ولكنه للآسف ما رضي يلعب مع الفريق العسكري ألا بالكوره الشرّاب

وحلف بالله انه ما يدقها وحرامن عليه انه لو يموت الرقيب حقه انه

ما يلعب بذي الكوره :eek:

فهو متعود من ذو نعومة أظفاره (اللي كلاها الدود وهو حي ) على

كورة الشراب .

وقال لهم تبغوني ألعب معكم جيبوا لي كوره شرّاب وألا بكيفكم

وبألعب حافي بعد وألا والله لآخرب عليكم :D

فأضطروا انهم ياخذون سروال الوكيل رقيب ويحطونه داخل شراب

علشان ينفكون من ذا البدوي وخلوه يستعرض مهاراته قدامهم

فكان يشوت الكوره بكل قوته ويلحقها والجدير بالذكر أنه كان

يسبق الكوره :D:D في منظر غريب مالقيوا له تفسير الى الان.

وأملط شنبي لو لقويا له تفسير بعد :D

وأهكذا بقية حياة هذا البدوي الذي بدأ كأي ورع ولكنه للآسف

مالقي أحد يهتم فيه وألا كان بنستفيد منه أكثر وأكثر @@3

ولو درا عنه ريال مدريد كان هو ألحين جنبا الى جنب مع رونالدو

وكل واحد معه كورته .

وتقاعد البدوي وكأن حياته لم تكن ......

فأين المحافظه على المصادر الطبيعيه عندنا (غمزه ).