صح الشمالي صدره أوسع من الكون=بس إنتبه لاضاق صدر الشمالي
وصح انك الغالي وانا فيك مجنـون =بس انت ماقدرت من قال غالي
خيبت هقـوات ٍ كثيـرات وظنـون=وأخلفت ماكان بخيالي وبالي
وخليت كل الناس عنـدي يقولـون=مسكين يمشي بالهوى دون والي
والناس ناس وأكثر الخلق يـدرون=باللي معك صاير وماقد مضالي
كم قلت لك لاتفعل اللـي يسـووون=خلك معى مخلص بأول وتالي
كم قلت لك إترك هل الهرج يحكـون=وأرفع مقام الحب دايم بعالـي
لأن الهوى مبـدا وحكمـه وقانـون=شي ٍ كبير وشي شي ٍ مثالي
الله لو تدري اليـا غبـت وشلـون=حالي اليا من غبت وشلون حالي
لارحت ضلعي من عنا البعد محزون=حتى منامي لاحشا ماهنالـي
وإن جيتني دمي وروحـي يغنـون=دبكة غلا من بعد طول إنشغالي
واليوم ماني فيـك مغـرم ومفتـون=اليوم أنا في غيبتك صرت سالي
مالك ومالي ماانتْ للخافـق تمـون=وان قلت ليه اقول مالك ومالي
وأكيد لك رجعه وأنـا اكيـد بكـون=أحرقت صفحاتك ولا لك توالي
وبسّمعـك أحـلام لاجـرت لحـون=وش ذكرك حب ٍ طوته الليالي
نعم طويتك والغـلا مـات مطعـون=حتى خيالك بقتلـه لاطرالـي
انا شمالي صدري اوسع من الكـون=بس انت ماخليت صدري شمالي

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

كلمات رائعه نالت كل الاعجاب.... شكرا لك