الجروح أشكال والوان ..مثل البنات..

السلام عليكم ورحمة الله وبركاته
اما بعد ..
هذا واحد من الشباب كاتب موضوع مفقع عيونه من كثر ماقز وطلعت النتائج جيدة والحمد الله .. وحبيت انكم تقرون الموضوع وتردون عليه
مقدمة :
أول جروحي .. قلب ميّت من الإهمال !
ثانيها .. قصة حب ماتت ،، بـ..طولة بال !!
ثالث جروحي .. نزف !!
ورابع جروحي .. ضعف !!
ودمع وقف بالعين ،، جمر حمر ما جف !!
وخامس الأخماس .. يا سيدي الحسّاس !!
إني أنا كلّي .. ما عاد فيني إحساس !!




^^^^^^^^^^^^^^^^^^^^^^^^^^^^^^^^^^^^^
الموضوع :

يومن من السنين ،، وصلتني قصيدة ( منسوخة ) من وحدة من العيال!! (شلون تجي هذا مادري بس معليش فوتوها له)

وعلى قولة ( راعي الطرب ) :
ما دري اشلون كلمته ؟
والله يا ناس يا هو واحد ..
يا ربي حسنه ما مثله ..
ولا في أيّة واحد ..
قلت له وش القبيلة ؟
قال لي من أصل واحد ..
أرضنا أرض العروبة ..
والمسمى والدين واحد ! >>>>>>> يحلفون إنه ما يسمع أغاني شعبية ( تسجيلات الوادي الأخضر )‍‍!! :confused: :confused:

ومن يومها ،، وأنا أدرس ظاهرة الجروح والبنات !! وزي العادة ( أمسك خط ) مع أحلام اليقظة !! >>>>>> على طاري اليقظة ،، لا يفوتكم العدد القادم من مجلة اليقظة !! بيحطون صورة الفائز بمسابقة الذب ،، جنب فتاة الغلاف !! ويكتبون عنوان ( النتائج السلبية للتلاعب بالجينات البشرية ) !!

نرجع لسالفتنا !!

بتلت على ذا الحال ،، ما غير ( أقزقز ) في بنات خلق الله !! وأسجل ملاحظاتي على أنواع الجروح !! حج وقضيان حاجة !!

كل هذا ،، عشان أقدر أميّز ( البنت المجروحة ) من المتعافية !! وأثبت للناس إن مقولة ( جروح البنات دائماً وأبداً تكون نتيجة الحب من طرف واحد ) نصب وإفتراء >>>> معنى كلمة ( طرف ) كما وردت في معجم البلدان ،، لسعيد العويران !! يعني ( خروف ) وفي رواية ( حافة ) وقيل ( طرّار منسدح عند باب طيّارة البلوي ) !!

وبعد سنة وشهرين و أسبوع !! طلعت بنتائج ( مذهلة ) عن أنواع الجروح >>>> الحقيقة أنا كنت كاتب ،، نتائج بنت كلب !! بس وحدة من العيال !! قالت : غيرها تراها مهيب زينة في حقك ،، وأنت خريج جامعة ( عين شمس البارودي ) كلية ( مقهى أبو هيثم ) تخصص ( حبوب هلوسة ) !!

نتائج الدراسة :
===========
ملاحظة ( تمت الدراسة ،، في جنوب الرياض ،، بالقرب من منتجع الحائر الصحي ) الرجاء استخدام كمّامات واقية ،، للصالح العام !! >>> وإلا صحتكم كأفراد من المجتمع ،، في قريح !!
=====================================
الجروح عدة أنواع و فصائل ( متناحرة في السودان ) !!;4
وأخرى في ( أريتيريا ) علاوة على تلك الأنواع المهددة بالانقراض من فصيلة ( الثديات )!! (بدون تعليق) :D

على طاري ( الثديّات ) الله يرحم زمان أول ،، يوم ( المصريات اللي في مستشفى الشميسي ،، منوّل ) إذا أقبلت عليك ،، ولاك ما تشوف وجهها ،، ما تشوف إلا البلكونة !! تلقاها تمشي ،، وهي ،، متسلقيه !!
هذي ( الثديّات ) وإلا بلاش !! أجل مثل ألحين ( الله لا يخزينا ) ما غير ذا ( الفلبينيات ) !! اللي ما تدري هي رجال وإلا حرمة !! ( الوجه كنّه طايح عليه مكيّف ،، والصدر ،، ممسوح بـــ( قريدل ) ،، ولا تدري هو صدر رجال وإلا حرمه ،، من زين الطبايع لابستن حمّلات )!!

=====================================
وقفة إعلانية !! ونعود معكم !!
=============
======================================
إعلان ( صلي قبل أن يصلى عليك ! ) >>>>> ( حكمة بالغة فما تغن النذر )!

======================================
عودة من جديد !! ومع ( نتائج البحث ) !!
======================

على طاري ،، نتائج البحث !! و ( أدخل كلمة البحث ) >>> بعض الناس من يشوف ذا الحتسية ( أدخل كلمة البحث ) !! يكتب ( صور عربيات ) !! تسنّه ما قد شاف سيارة ( ملاّكي القيزه )!!

يا خي ترى ( السيارات ) اللي عندنا ،، أزين ،، من ( العربيات ) اللي في مصر !! ودعاء السفر معروف ( سبحان الذي سخر لنا هذا ) !!

نرجع لموضوعنا !!! < لو إن الموضوع ( آدمي ) كان تفل في وجهي ،، وصك الباب !! من كثر ما أروح ،، وأرجع !!

الجروح أنواع !!مثل ما البنات أنواع !!
==================
بنت تقدر تقول عنها ،، بنت !! ومحدن يلومك !!! ركبتها ( بيضاء ) !!
وبنت إن قلت عنها بنت ،، تخالف ظنونك !! ركبتها ( بنيّة ) !!
وبنت تقول عنها بنت ،، وإلا ما تقول ،، أبدن ما يصدقونك !! ركبتها سوداء ،، وعشان كذا ما استفادة كثير من التلفزيون الملوّن !!

****
النوع الأول من الجروح !! ( نورمان أسعد ) !! >>> والله يا هي جرح !!
ومن تالي ،، عقب ما نفخت براطمها !! صارت من أسباب نقض الوضوء !!

النوع الثاني من الجروح !! جرح سطحي !! >>>>> عادة ما يصيب البنات اللي وهم يمشون ،، يشوّتون القواطي ،، ( شغل عرابجة ) !! ;4

والبنت هذي تلقاها كل ما شافت ،، شاب ،، مشخّص ،، وشالخ أبو ( الكوبرا ) والثوب المكوي ،، والجزمة ،، والسبحة ،، والنظارات الصغيرة ( الزرق ) !! وجوال ( المملكة ) والعطر النسائي !! يا كثرهم !!

قامت وقربت منه !! ثم ذبت عليه ( ذبه ) على بالها ،، بتطيّح وجهه !! وهي حافظتن ذا الذبة من بنت خالتها ،، اللي سامعتها من أخوها ،، اللي يماشي شباب استراحات ( الشفاء ) !!

ما تدري إن منظر ذا الشاب ،، من براء ( يصلح للذب ) بس إنه ( منسم !! وينصح بعدم التوهق معه !! ) والله من تالي ما عاد تدري ،، من الصاحي ،، من السقيم !! كلهم مثل بعض !!

فتتوهق الضعيّفة وتذب عليه ،، أختنا في الله ذبه !! ثم يتسلّط عليها ذا الآفة ،، ويذب عليها ،، ألين تتمنى إنها ( فش فاش ) في يد بزر !! نخرورة يسرب !! ولا تسمع مثل ذا الحتسي !!;4 ;4 ;4

هذا جرح ( سطحي ) !! >>>>> وترى إن سطّحتو علينا الكورة مرتن أخرى بنشقها !!


=========
النوع الثالث من الجروح !! ( الجرح العميق ) !! >>>>> واصلن الماء الحار ( يصب ثمان بوص ،، وما يقطع ) !!! ( ثقافة قروي ) !!;2 ;2
=============
وهذا الجرح عادة ما يصيب ( بنات الحمايل ) !! الحمايل !! >>>> من ،، حمل ،، يحمل ،، حملن ،، فهو ،، محمول !! وفي رواية ( جوال ) !!

هذا النوع ،، من أصعب الأنواع !! >>>> كنّه أسئلة الفيزياء في سنة أولى ثانوي !!

واللي يخلي التعامل معه صعب !! هو ،، أن البنت تحب واحدن من براء العائلة الكريمة !! ثم توّهق مع أهلها !!
ان بغت العرس ،، ما فيه أمل !!
وإن فكرت في سعة الصدر ( من بعيد لبعيد ) ذكرت إن اللي قبالها شاب سعودي ( مهوب ثقة ،، وفضيحة ويخور ) !!

وهذي المجروحة دائماً ،، تظهر عليها علامات ( الشرود ،، والسرحان )!! أو مثل ما نقول في مجتمعنا ( تبي من يقراء عليها ) !!

على طاري ( الشرود ،، والسرحان ) وش ظنّكم لو يعرس ( عبدالله الشريدة لاعب الهلال على هالة سرحان ،، ذيك المصرية الملوسنة ) تحرّون الشريدة ،، بيبرد تسبدها !!


=====================================
النوع الرابع من الجروح !! ( الجرح الدائم ) !!
=======================
وهذا النوع يأتي نتيجة ،، فقدان الثقة في النفس>>>> بعض الناس من يسمع طاري الفعل ( فقد ،، يفقد ) وهو ( فاقد ) ومتوحّم على ( البحرين ) !!

ولشرح هذا النوع من الجروح ،، نقول والله المستعان ،، هناك بعض من البنات من كثر ما تسمع تعليقات الشباب ،، عن البنات السعوديات ،، وركبهن السود !!

تفقد الثقة بنفسها !! ثم تأخذ سكين البصل ( أم غزالين ) !! وتبدأ تسلخ في ركبتها !! ;4 ;4 ;4

على بالها ،، بتطّلع الطبقة البيضاء !! ما تدري إن السواد واصلن العظم >>>> ما فيه أمل !! هل يصلح ( البسام ) ما أفسده الدهر !!

وتبقى ،، آثار تلك الجروح ،، على ركب ،، بناتنا !! أبد الآبدين !!

=====================================
النوع ما قبل الأخير من الجروح !! جرح على شكل ( فلقة ) !!
==========================

وهذا النوع يصيب البنات المسترجلات ،، ( ما أدري ليه نسميهم بنات ؟؟ مع إن طبايعهم تدل على إنهم تماسيح ،، مع سبق الإصرار والترصد ) !!

وعادة ما تكون هذه ( الفلقات ) نتيجة مطارد البنات ( المسترجلات ) للبنات ( الناعمات ) في أسياب المدارس الكليات ،، دون ملاحظة المكيفات اللي ماخذتن نصف ( السيب ) !!;4 ;4 ;4

مما ينتج عنه حوادث اصطدام شنيعة تستلزم ،، ( إباحة التأمين ) لتغطية تكاليف سمكرة جبهة ( المسترجلة ) المفتونة بالبنت الناعمة !!

تعليق !!!

( كل ما قلنا هانت وبنلقى بنت تفك معنا ،، وتعطينا وجه !! طلع لنا منافس قوي ،، وكسر سوقنا !! بس !! خلّ عنك ،، ما لقاها إلا ذا المنافس الجديد !! ( البنت المسترجلة ) والله ياهي طابتن في ( الودمه ) وما أحد يقدر يقول لها شي !! ( طب ،، وتخّير !! )

======================================

النوع الأخير من الجروح !! ( جرح خاص ) !! >>>> ويفتح بيده !!
=======================

وهذا الجرح طبيعي ،، يصيب كل حرمة ،، تعرس ،، وتولد ،، وتجيب عيال !!
الله يجزى أمهاتنا ،، خير ،، على قبولهن بأخذ التثمين مقابل التوسعة !! و إلا كان ما شفنا الدنيا

--------------------------------------------------------------------------------

ما يستفاد من الموضوع !!


لا تحسب ،، انت الوحيد ،، اللي بك جروح !!
غيرك ،، نزف ،، ومات ،،، محدن درى به !!

THE END

والعذر والسموحه من الكل لان الموضوع طويل ... وانشاء الله يعجبكم.
نـــــــــــــانـــــــــــــو