 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-04-2003
| ||||
| ||||
| حديث جدي مشعل العاشر على الهواء مباشرة في عام جمع من تفقيش الماضي وتنصيب الحاضر وتخريط المستقبل قعدت مع جدي مشعل العاشر مرة من المرات أخذت هكسان (البعير) حقي ولبس العباة( البشت) وبروح اتمشى بالتحلية واشوف حال العربان هناك المهم واروح هناك وكان الوقت مسيان (قبل المغربية بشوي) وهذا وقت الشاي لدينا (تكفي يا ليدي) المهم قلت اروح دختر كيف ( والله مهوب سهلين كان عندهم دختر كيف قصدي د .كيف) اسلم يا جـــ 10 ـــد والله واوقف هكسان عند معلفة هذي وانا جدك مثل الشيشة للسيارات (بالعربي محطة وقود) والله واقول (والحديت لجدي) لابو يمن علفة نص فل واروح للدكان حق دختر كيف واخذ المنيو (مهوب سهل جدي) والقى مكتوب شاهي مغربي وقهوة تركية و اقول للعامل اللي مدري وش جنسيتة انت من وين قالة من المغلب (كان التغ) جدي :وش تقول الله يغلبلك قال: من ارض مكناس قال جدي اها بس لاتقول بس (جدي مهوب عاقل راعي سفريات) طيب منهي تركية اللي تصلح القهوة مامرت على(؟؟؟؟) هذي منهي بنتة قال المغربي من تركيا قال جدو: اها انشالله نروح لها واشرب قهوتها قدامها(((؟))) اقول عطني شاهيكم الزين ونراني بالبخشة (الحديقة ) اللي قدامكم قال المغربي ابشر من عيوني والله وانا قاعد احتري الشاهي الا والله القمر صار يمشي ( جدي وش فيك ) قال اسمع لا تعلم جدتك ثم انا اعلمك شغلك يا ميشو ابشر يا جدي سرك في بير اسلم طال عمرك ويقول والحديث لجدو10 كانت بنت مثلها ماشفت في السعودية ولا غيرها شفنا احسن بالمغرب المهم كانت بنية مسكينة عليها قل حال رحمتها انا : جدي؟؟؟ رحمتها ولا استغليت الفرصة؟؟ جدي: ولـــــــــــــد اعقل قبل الزبيرية ماتمسح بك الارض قلت: جدي اتغشمر وياك وش دعوى يا حافظ قال : حافظ ولا عبدالوهاب اها بس والله ويجي الطلب........ (يوم قال الطلب شكيت ان معة جراك) والتفت لها الا البنت اختفت؟!!! والتفت يمنة <<< ويسرة>>> فلم اجد لها جرة (سيارة على غفلة) تعوذت من ابليس وقعدت اجرك (صادوة.... صادوة....قلتلكم ! ) قصدي اشرب الشاهي واقول لجدي فاصل اعلاني وأسألة وش رايك بالجراك ولا المعسل ؟؟ وقال( بدون وعي) الجراك للرجال والمعسل للورعان ويوم انتبه قال مشيعل وش فيك ؟؟ قلت يا جدي انا لم اقصد انك كنت تشرب ولكن ما رأيك فقط (مشعلوية= سيبوية) قال اها بس لا يغرونك عيال الشارع والتسكع ماينفعك وقعد ساكت وانا اقول وش به ساكت؟؟؟؟؟ شكلة يفكر بشيء ما قالي هاه مانتهى الفاصل؟؟؟ قلت هاه؟؟؟؟؟؟؟؟؟ ( جدي مهوب سهل رسمي) الحين بينتهي وقعد الرجال يتكحكح (قلت لا يموت الحين واتوهق بالموضوع الي بحطة<<< اكبر همة) قلت:بسم الله عليك جدي وش فيك ؟ عسى ماشر قال هاه انتهى الفاصل؟؟ قلت اية تفضل طال عمرك ************* قال نعود لمحور حديثنا ويقول بعد ما خلصت من دختر كيف رحت يم هكسانول الا والله البعير رايح في خبرها وش السالفة يبو يمن قــــال ابو يمن :انب نسيت الطرمبة الين امتلى جدي: الله ياخذك ويشلك وراسك بالجدار تعلق ليش يا تبن ويروح يكلم هكسان بلغة العيون جدي : ليش يا حبيبي هكسان : كل هذا بخل فيني جدي : لا والف لا بس الاكل اللي بالسنام اذا ما استعملتة بيخرب ويفسد ثم يجونا وزراة التجارة ثم يفضحونا بالجرايد هكسان : صح!! كان علمتني من قبل جدي : ماعلية بس لاتعودها رحت لابوسعيد ( راعي سوامر) واسألة عن اقرب سامر قال ابوسعيد مـــــــــــــــــــــــــابة جدي : وراو؟؟؟؟؟؟ ابوسعيد: دحنا مش فاضيين للتخلف هذا جدي: افا يبو سعيد ابوسعيد : هذا العلم يقوم جدي غضبان زعلان قلقان ........الخ ويروح مجلس العمدة والله وادخل المجلس الا القى الربع مبسوطين انا: وين قصر افراح ولا فندق؟؟ قال :لا بالشالية انت ما تقدر احد يا مشيعل ترا والله ان ما عقلت بالزنوبة قلت انشالله المهم (جدي الذي يتحدث) واقول لابو سعيد متاهو العرس ؟؟ قال بعد اسبوعين قال جدي تمام واروح للحوي (البيت) والقى امويمتى مصلحه هذاك التنور ( اكلة شعبية لها جماهرية كبيرة وانا اقول العقل نعمة الله يخلي الكودو) وقاطعت جدي قائلا وين مرتك؟ قال ذيك الوقت ما فكرت فيها ولا كنت اعرفها قلت كيف مطلقها؟( استن تن تن تاج قوي) قال يا بزر يا دلخ يا ............. (غير صالح للقراءة) ما تزوجت ذيك الساعة المهم ويوم اصبحنا واصطبحنا |
|
#2
07-04-2003
| ||||
| ||||
 (الاصطباح يختلف عن الاستنطاح والانبطاح ويعني شرب حليب النوقات صباحا و(النوقات تختلف عن نيو قات NEW GAT أي قات جديد وهو تخزين لابو يمن)) المهم عقب ما اصطبحنا رحت لابو قايد وهو يماني مشهور لتفصيل الثياب عشاني من بعد سنة الرحمة ما فصلت سؤال يا جدو ممكن!! (ممكن تاخذ الرقم هههه) متى ذيك السالفة عن سنة الرحمة ؟؟ قال سؤال وجية يا بني كانت بعد 6سنوات ( وانا اقول ليش القعدة معهة تجيب الغبار) وافصل الثوب . الى ان جاء وقدم واتى قبل خمسة ايام الزفاف (على كلام جدي العرس) واجهز عياد للسفر(؟؟) من عياد يا جد؟ قال الخيل يا دبشة نسيتة (صار جدي موريني صورتة داخل كوخ كأنة من الاثار حقت الفاو) وأسألة وين تسافر ياجد ؟ قال للعرس يا ولد ابوك العرس برا الديرة في هجرة ال صنيتان قلت اها بس الا البيالة في جبهتي ؟؟؟ وش السالفة يا جدي ؟؟؟!!! قال لي : حقوق الكلمة محفوظة قلت : لايكثر عااااد تراني مليت وربعي ملوو قال جدي رح انت ويا ربعك اللي بيمرون مرور الكرام ولا عطوك مرتبة زينة وبيصير موضوعك مركب لحظي انا : (( سكووووت )) وناظرت تحت والله واروح يم الهجرة وتوني طالع من الديرة الا والقى لوحة هجرة ال صنيتان على بعد 4ايام بدون ليالي وعلى بعد يومين بليلتهن والله واتذكر ايام المغرب (وانقز له وش في المغرب) ويقوم يصرف الموضوع ويقول واسمع اذان المغرب قلت لا يكثر يا جدي قال: وشهو كتشب؟؟ لايكثر والله واكعها ضحك واطقه على ظهرة من الحماس بالضحك الا والله بالزبيرية على علباي (رقبتي) والله مايتفاهم وشفيك يا جدي ؟ قال انا طقيت ابوك بالخيزران يوم سوا مثلك ( والله رحنا وطي) قلت : طـقـني عــاااااااااادي بس مو قدام هالبشرية قال اها بس قلت اسلم يا جـ10ـد قال وانا امشي ومثبت السرعة وباقي على البلاد يومين تقريبا الا عياد قام يكحكح ويعاطس ويتعتع وطفا قلت والله البلشة لا يكون فية المرض الجديد اللي اسمة صوارص وادور اقرب بيطري والقا قبل الهجرة ال صنيتان بيوم ويشوفة المصري وقال ده عندة سارز قلت شيفاز؟؟؟ قال لآء لاء سارز قلت اشوا يعني ماهو صوارص قال أي ده مرض قديد قال جدي :اها بس متى بيطيب قال ان حشوفة ومرضة معدي قلت طيب وش السالفة ابي الحق عالعرس قال المصري ماعليك انا حزبطة ليك المهم يروح جدي يتمشى بين الغدران والانهار المهم وهو رايح بالطريق الا القى المزيونة عند الغدير قاعد يشرب وفاصخ البرقع والله واقول في نفسي واويلي ويلاااااااااااااه الين سمعنتي (امحق من نفس ) وقامت بتلبس البرقع الا واشوف وجهها مثل القمر بس زعلانة وقلت: هيلا يا رمانة هيلا هوبا الحلوة زعلانة مين يراضيها انا اراضيها يوووووووووووووووووووه (قامت تمج علية موية) وش ذا الماء الزلال قالت : انقلع بس انت بلاك ما تدري تحسب الدنيا لعب وغناء وهي سبب بلاوي وكل هالعناء جدي: خير انشالله يا بنية فيني ولا فيك البنت: اهيئ انتو كذا كل الرجاجيل تبون كل شي يمشي على كيفكم يا بنت انتي منتي غريبة على؟؟؟ قالت : انا كنت عند المقهى ذاك اليوم جدي: ايية يا ولد قالت: روح ترا فيني اللي كافيني قال جدو10: افا والله وانا اخو شما وولد صيتة وابو عمشى..... قالت : بس بس بتقول العيلة كلها قال جدو: افا والله وش بك؟ قالت : وبتسوي شي؟ قال : لك مني وعد ان مالك الا رضواك قالت وبمكر : اهيه قدها ؟ |
|
#3
07-04-2003
| ||||
| ||||
| قال جدي : لا واكبر منها! قالت : بيجوزوني من ابن شيخ قبيلة المطازيز وانا ما ابية وان كانك على قد كلمتك يالله وشوي الا البنت ركبت خيلها ودعست ويبيها جدي وراحت الا طاح منها المكحلة حقتها وتقفل مع جدي وقال ثاني مرة ويروح راجع لـ عياد والمصري الا المصري صار مدرس يدرس العيلان جدي : وش صار يا خوي المصري : لحزة انتا ما تشوفني مشغول جدي بالزبيرية الا المصري جاي فية اية يا عمنا دنا اتغشمر معاك جدي اخلص وين عياد ؟ المصري دهو هناك خلف القدار يالله وش صار فية المصري : دهو فية مرض الحب الخالص دهو بيحب صحيح ويجي جدي لـ عياد ويدقة وقالة سويتها قبلي يالخسيس المراد ما طول السالفة عليكم والله وانا ماشيين اطلع المكحلة واقلب فيها يمين ويسار فوق تحت وشوي الا القى عليها ختم مكتوب حورية زامل النحاسي وافكر افكر وش هذي واتذكر زامل بن طحنون بس هذا راعي غنم واتذكر زامل بن لعبون بس هذاك راعي جموس الحمر(الله يستر) واتذكر زامل بن جندول هذا راعي سوالف و زامل بن زيتون وهذا راعي سمكرة و زامل بن سيفون وهذا .........( ما اعرفة) وزامل بن كربون وصار راعي النحاس وادق على واحد من اخوياي بالاحوال اسألأة عن موقعة قال انة عند ال صنيتان قلت بس اها ( عكسها من الفرح) قال خوية: الله الله قال جدي : مشكور ويسكر الخط جدي مبسوط وراح للهجرة ويستقبلهم بن صنيتان بالورد واليابانيات الحسناوات وبالحلويات والقــــــات حيث كان يوم وصولي هوقبل يوم الزفاف بيوم وبقول واروح للسوق ادور النحاسي المهم في خلف الزقاق العام انا :جدي وشهو الزقاق ؟ جدي : هو انا الحين ما صدقت انك سكت انا : وشهو طيب ( بلاك ماتدري اني كنت ماخذ غفوة) جدي : الزقاق مالة معني بس هو الظاهر انة شيء يخرج من شجرة بالعراق ولة خواصة الكيميائية الجغرافية و انا اقول انه فاهم اسلم يا بعد حيي جدي : والله والقاه كيف حالك يا ولد اسمع شف لي هذي المكحلة منهي لة؟؟ ياخذها ويقلبها ويناظرني بعين ( مدري وش اسميه ) جدي :علامك يا صبي النحاسي : قال هذي حقت مرت بن صنيتان اللي ماتت وش جابها عندك ؟؟؟ انت اللي ......؟ ويظهر جدي المبراة من جيبة وقال له اسمع لو احد يدري بهالعلم لا اسويك مقلقل ( وياسم(وسم يوسم وسما) خشمة وحط تمثال مرسدس) الصبي : ابشر ياعم ويقوم جدي يروح لبيت البنت العصر ويقابلها البنت ( سوت انها ماتعرفة) جدي: مبروك يا بنية وترا مطلوبك الليلة بيجيك وانشالله يعجبك وهذي هدية مني لك في المكان) انا : جدي وش السالفة ؟ جدي : ماش منتب على جدك يا الاثول هذي شفرة بيني وبينها عشان تنحاش ووعدنا عند النحاسي قلت طيب هي فهمت؟؟ قال: اجل يبوك وشخلت عينها يعني موافقة!ّ جدي: ويوم جاء تالي الليل الا الموكب جاي ؟ والله اللي رحنا فيها صادوني وصاروا ما هب لمي لاني مطفي النور!.. وشوي الا البنية جاية ومعها خيل زود قالت : اركب يا بعدي قلت : ما يحتاج !( يسوي يتغلى) قالت: اركب ولا فضحتك ! قال: اها بس لا يكثر ....... ركبنا وعلى الله توكلنا والله ونمشي تالي الليل كلة ومتجهين صوب البحر ومنها على الطريق كتبنا كتابنا من الاحداث : لغة العيون لغة تحدث بين الحبايب ( يحب لة بعير)خخخخخخخخخ السوامر كانت حفلات السابق وكان فيها خرافات وخزعبلات واشكال تروع اما الحفلات تشاهد الغزلان في المرج تلعب وعليكم الباقي الجموس الحمر تستخدم في عمليات النقل لـ الحلويات مطفي النور : أي ملبق الخيل بالريوس عشان عيونة ما تعكس مع الاعتذار لجدي10 ولكم على الاختصار |
|
#4
07-04-2003
| |||
| |||
| ياخوووووووووووووووووووووي كم مصرقع بالحياة انت ابوهم يابعد السادس عشر كلهم اما الموضوع يبيله بريق شاهي تلقيمه محكور حق خطوط علشان ندقق معك في الصرقعه
_________________  |
|
#5
07-04-2003
| |||
| |||
| ....... الله يعطيك العافيه بس والله مو بصاحي جدك ذا اجل اسم الجمل هكسان صدق موضوع مجنون
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| Manhunt 2 ( الحل الأول عربياً وحصرياً ) | محمد عبود سلوم | العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا | 12 | 01-17-2010 11:30 PM |
| تابعوني في قصتي الجديده واللى مايتابعني خسرااااان | يسور | القصص و الروايات و الحكايات قصص قصيرة و تعلم القصة story novelette | 207 | 11-11-2008 04:05 AM |
| زبدة الكلام في بيان الصحيح والضعيف من حديث خير الانام | الرويال | المنتدى الاسلامى | 2 | 11-28-2007 11:55 PM |
-الدورات
التدريبية بجامعة نجران-
العرض العادي
