ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

جــــاك · #1 07-07-2003

سالفتي يوم تعزمني نوال الزغبي على (مرقوق)

مساكم ريب بالخير أخواني وأخواتي

هذاك اليوم كاشت أنا والوالد للصمان والله ونجلس ونشب النار وشوي إلا هذي نوال الزغبي هي وأمها وأبوها كاشتين بجنبنا :confused: ... قلت يبه وين الدربيل قالي وش تبي فيه قلت أبي أشوف وين القبله (أنواع التصريف);) .. والله وأطلع فوق الددسن حقتنا وأجلس أدربل إلا يوم جت نوال الزغبي لمنا :eek:
والله وأرمي الدربيل وأجي لمها ركض !!! .... قالت الله يخليك سيارتنا مغرزه تعال طلعنا ... قلت هلا والله مشينا !!!... والله وتمسك يدي وأنا أبطل أجمع !!! ... قالت لي شوف بقول لأمي وأبوي أنك خطيبي !!! قلت هلا والله !!! ... المهم والله يوم جيت لمهم ويقوم أبوها ويجي لمي قالت نوال هذا جاك خطيبي
قال أيه جــــاك حموله طيبه (يلعن أم النصب) !!! ... والله وتجي أمها وتسمكني وتمطخني وتعبي جيوب ثوبي فصفص

والله قالوا تعال سيارتنا ما تطلع قلت خلاص بروح أجيب الددسن حقتنا وتروحون لبيتكم وأنا أطلعها لكم (وش عنده 911على غفله) ... والله ويركب أبوها يسوق الددسن حقتنا وتركب أمها معاه قدام وأركب أنا ونوال بالحوض ... وندعز للديره والله وشوي ونغرز وننزل أنا ونوال ندف السياره ونطامر على الحوض وتطلع الددسن
(يلعن ام الرومانسيه)

والله ونوصل لبيتهم قلت يالله أبي أروح قالت أمها تعال بدك تتغدنا معانا أنا طابخك لك اليوم (مرقوق) ... :confused: قلت والله حاله حتى هذولاء يعرفون هالسوالف !!! ... والله ونجلس الأربعه على الصينيه وأنا ونوال متقابلين وأناظر نوال وهي تاكل وأنواع الدموع تصب مني

... قالت أمها شو مالك قلت لا أبد بس الفلفل ذبحني ... والله ويجي أبوها ويقطع لي لحم لين عبي حافتي بطلت أشوف شي ... قالي كل من يد خالك
(قلت بقلبي تخلخلت عضامك)!!! .... والله وما صدقت خلصت وأقوم أبي أطلع قالت نوال جاك حرام عليك وأنا تتركني :confused: ... قلت يا شيخه الوالد لحاله بالبر بس ما عليكي أبي أرسل له السواق

والله ونطلع أنا ونوال الزغبي بالددسن وتطق البرقع وأنا أتلطم علشان ما يعرفني أحد !!! ... ونمشي والله وتفتح المرايه تبي تصلح الكحل حقها قالت لي عيوني ... قلت وش فيها عيونك !!!
قالت لا أنت أسميك عيوني !!!! ... قلت أيه صح !!!.... قالت خلنا نروح للمقهى قلت يالله على المقهى والله ونروح وتطلب لنا كوبين (حلتيته) :confused: ... قلت يلعن أم الحاله وش هذا ما ينبلع !!! ... قالت لا حبيبي علشان دخلنا برد أنا وأنت يوم كنا بالحوض

والله وأسكر خشمي وأشربه !!!! ... ونطلع والله للسوق وحنا بالطريق ويدق عليها وائل كفوووري !!!! ... وتقفل بوجهه
قالت صحيح ما يستحي يدق علي وحبيبي معاي !!! ... قلت بقلبي وش السالفه يا ولد أنت حلو صحيح ولا وش السالفه ;)
والله وندخل السوق قالت جاك تحبني !!! ... قلت أيه بس لحد يدري

أشتر لي بطاقه سواء بدي أشحن جوالي !!! ... قلت والله ما معاي إلا الميه حقت أبوي وقالي غير فيها كفر الددسن !!!... والله وتناظرني وتجلس تقلب بعيونها قدامي والله وأنا أطلع الميه قلت يلعن ام الحاله عطها بطاقه يا شيخ

والله وتشحن جوالها ونطلع للسياره إلا هذا أبوي جاي من البر مشي وينتظرني عند السياره :confused: .... قلت هلا والله وينك يا شيخ تصدق كنت أبي أدق عليك

قالي هات مفتاح الددسن انت منت كفو والله سياره !!! ... قلت يلعن أم التحطيم طاح وجهي قدام نوال الزغبي !!! ... والله وتجي لمي نوال قالت لا تزعل أنا احبك بددسن وبدون الددسن
قلت يلعن أم الحــب أثاريه فله

والله وتصير خويتي نوال الزغبي وأصير كل خميس ألكش مفتاح الددسن من أبوي ونطلع أنا وياها ندور بأم الحـمـام

والسالفه هذي قد نزلتها لاكن تعرض نكي لمشكله بالداتا وأنحذف الموضوع ... وحبيت أنزله لكم مررره ثانيه ..

تقبلوا تحياتي

جــــــــاكـ.

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

مطلع على سكوتر · #2 07-07-2003

جااااااااااااااااااااااك

خيالك والله لو يوزعونه على مليون خبل ومصرقع وزاحف ماقدروا يكتبون اللي كتبته ..

ياخوووووووووووي قل كلام غير هذا كاشت مع نووال الزغبي لا وبعد على ظهر ددسن
ياشيخ كل كاشت مع برتني سبيرز قل مع سيلين ديون اي شي غير بنتك يازغبي

على العمووووووووووووووم موضوعك رايح في رجلها
اموووووووووووووووووووووت واكشت معك خل عنك نوالوه

تحيااااااااااااااااااااااتي يالمنتهي

القصمنجيه · #3 07-07-2003

8
8
8
8
اخس منهو ها الاطخم المنسدح....

..ايه..هلا جويكان...وش الاخبار..وش العلوم (لا الفيزياء)...

ههههههههههههههههههخخخخخ....الله يسلمك على ها السالفه...بس تقل قاريته...
لا.لا..ذيك حقت بنت عجرم..

الله مير انوه يسلمك علا ها السالفه...

وخيتك....القصمنجيه...

بحر الحزن · #4 07-07-2003

هههههههههههههههههههههههههه

الله بصراحه موضوع جناااااااااان

بس ليه ماقلتلي اجي معك انت ونوال الزغبي

;) ;) ;) ;) ;)

كاشتين وماقلتولي ............. :D :D وحده مصدقه

ويسلموووووو جــــــاكـ على الموضوع

تقبل تحياااااتي .......... @@1 @@1

باااااااااااااااااااااي

الشيخ مناحي · #5 07-07-2003

أبك السلام علاكم والرحمه

وأيبالله أنه ماضوعاً سنع وأنا أخوك يا جويكان
ودام نوال الزعبي من طرفك لا بالله أفلحنا يالأخو
وأيبالله أنه ماضوع تسبير وقد أرسلوه بالرقوب يابعدي

سلام علاكم يالربع ................... أدراه المنتدى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري