ماني مجازيك في صدك وهجرانك = ودعـتك الله وتلقـى واحـد ثـاني
أتعبت الاعيان والاقدام من شـانك = وانته ولاشئ سويته على شـاني
فزيتلك يوم قلـت اسمـك وعنـوانك = لوكان ماتنـتمي لأسـمي وعنواني
ماجــيت ادورك والا اطـــق بيبانــك = و الا تـرجــاك مثـل أفلان وفـلاني
انت الذي جيتني واعلنت بلـسـانك = انك على شوفتي جايع وعطشاني
صدقت هرجك ولو ما أثبت برهانك = واقبلت لك مندفع من كل وجـداني
ماكنت افكر يجي في يوم نسيانك = وأنساك وانته معاهدني ماتنساني
الا بــعد ماقريــت الكــذب بــعيانك = حاولت اودعك وانسى كل ماكاني
خــلاص ماني متــعني علــشانــك = ودعتك الله وتلــقى واحـد ثـــاني

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي