هلااااااااااا والله بخواتي الزينات....
بدخل بالموضوع دغــري.(لا يطيح لسانتس)....امس العصريه الله يسلمكم دجيت بسوق صحارى.. دجة مهيب صاحيه ...وشريت لي غريضات تاخذ العقل...عاد قلت بفيد بنات جنسي
اول ما دخلت السووق ...وطبعا مثل كل مره اول شي لازم أدخله محلات الميــك اب عشان افتح نفسي وأعرف اشتري صـــح...
اول محل دخلته أستقبلني ذاك السوري ( أهلييين وسهليين نور المحل ) وقلت له وش نزل جديد ...قال : راح فرجيكي بارفان خرج صبايا راح يعجبك كتير كتير وطلع لي عطر BaZaR من كريستيان لاكروا ...مير من شفت شكل العلبه عجبني وعلى طووول قلت له باخذه ...وكالعاده قبل مااطلع مسك فيني وخلاني اشم الف وثمانميه وسبعه وستين عطر ....وكل واحد يمدحه ويحط الزين كله فيه ويقولي بنراعيكي فيه ...وانا جتني ذيك الدوخه وخذت بازار وسيده برى المحل قبل لااافقد حاسه الشم ...
وعلى المحل اللي جمبه وعند ادوات الميك اب هالمره وبعد اهلين وسهلين فرجاني ملمع لروج ( طبعا من غير مانطلب ) بس الملمع من كلارنس رووووعه حتى طعمه حلوو ( الود ودك تاكلينه ) وخذته...وماامداني اتنفس الا لقيته مجهز لي روج من ريييميل رقم ( 180 ) شكله حليوو بس طبعا بالنظر غير بالحط وشافني هالسوري الحمر محتاره واقلب بهالروج تبرع بوجه الله وحط اروج عليه يوريني اللوون ...مير طلع حلوو عليه وخذته وتشكرته كتير لانه حل لي أزمه
وشفت عليه مونكير مره حلووو وقلت له هذا أي مونكير...عاد هو ماصدق...وقالي هيدا من nivea وطلعه لي وعجبنيي لووونه مررره فاتح ويصلح لو بغيتي تروحين المدرسه تحطينه او الجامعه لانه فاتح وعملي ...رقمه (22 silver stone ) .وبنيات شفت لي ارواج ناعمه وتخلي شكلك بسيطه وغير متكلفه ..وتنفع طلعات بسيطه وسهرات بنفس الوقت....من هيلينا روبنشتاين رقم (01) وروج من E"zup رقم (33) وبودي شوب (12) ..
ونرجع لدجتي بالسووق ...يوم طلعت من المحل رحت يمين وبعدين يســار وبعده برضو يســار وسيــده على $B O D Y S H O P $ ….عاد الداخل فيه مفقود والخارج مولود ..دايم اذا دخلته اطير مع منتجاتهم وانسى نفسي وافقد الذاكره ويسلموني بالنهايه للسكورتي وتعود سواقنا يجي على طول ياخذني للسياره...المهم طبعا قبل ماادخله اصير مفصفصه مجلتهم وكاتبه اللي ابي اشتريه منهم بورقه <<< اخص يالمصريه ... اول مادخلت رحت عند ركن العنايه بالعينين وعند مجموعه البابونج اخذت لي ماسك لمنطقه ماتحت العينين ( هذا مره رهيب بتحسين بنتايجه من اول استعمال يعني فعلا منعش ) وخذت من نفس المجموعه كريم مرطب لنفس المنطقه عاد هذا تستعملينه مرتين باليوم غير الماسك اللي يكون كم مره بالاسبوع ....وبعديين على مجموعه الاعشاب البحريه ( Sea Weed ) هذولي منتجاتهم تنفع للبشره الدهنيه ....جربت المرطب حقهم مره حلو تحسين اول ماتحطينه ان البشره تشربه وخفيف ينفع تحطين فوقه كريم اساس ....غير كريم اللي من فيتامين E قالي ينفع لجميع انواع البشره وطلع خرااط اول ماحطيت على وجهي حسيت كان في طبقه ثقيله ...
وماسك للوجه Blue Corn هذا بعد حلو للبشره الدهنيه ....ومن اول استعمال بعد بتحسن بتغير حتى خلص من عندي وشريت مره ثانيه .....
ونصب على راعي المحل وخلاني اشتري من عنده كريم Tinted Glow Enchancer يقولي هذا يخلي البشره مشرقه وينفع قبل او بعد كريم الاساس ....( شكله معصقل وكانه كريم اساس ) ...مير يوم استعملته خرطي ....ماحسيت بشي ...لا تشترونه يابنات ينصبون علينا ...
وكريم لليدين والاظافر Vitamin E Hand &NAIL يقولون مقوي للاظافر بس بعد ماحسيت بنتائجه اللهم بس ريحته حلووه

وبعد هالدجه ضعت بين اغراضي وقضت فلوسي وقلت بكمل الاسبــوع المقبــــل

يالله يــابنــات طلعوا التحويشه والمكافات والرواتب ويالله على الــشوبــنج وانبسأأطوا وأستــانسوا ...لو شي بعد عندكم اشتروه مره ثانيه عادي مافيها شي ...الزم ماعليكم اعماركم بس وسعوا صدروكم الدنيا ماتسوى
وترى التســوق متـــعــــــه لامثـــيـــل لــهـــــا ..........

يالله....وخيتكن....قصمنجيوووووووووه...

منتديات مدرسة المشاغبين - حواء النسائي الربايع و الستات للبنات نسائي حريمي بنوتات امومه طفوله فقط