((((سالــــــــــــفة قلبين ))))

ღ Lamoo ღ · #1 (**permalink**) 12-13-2007, 11:35 PM

السلام عليكم اليوم حبيت انقل لكم ...رواية .."سالفة قلبين " واتمنى انها تنال اعجابكم ..

للأمانه منقوول

ღ Lamoo ღ · #2 (**permalink**) 12-13-2007, 11:39 PM

خطى بخطوات غاضبه خطوات كانت شوي و تشق الارض من قسوتها .. تنهدت هتون بخوف وقلق .. جففت دموعها المتساقطه على خدودها الورديه .. غمضت عيونها بتعب .. حط يده على مقبض الباب وتنفس بعمق .. دخل للغرفه المظلمه وشاف هتون مستلقيه في فراشها .. دخل بهدوء وسكر الباب .. خذ غترته وحطها على فراشه .. فصخ ثوبه ولبس بيجامة النوم .. طلع بهدوء من الغرفه وراح الغرفه الثانيه .. مسك جهاز التحكم بالتلفزيون وتم يقلب القنوات بملل .. بعد فتره غلبه النعاس .. بند التلفزيون ودخل الغرفه مره ثانيه ارتمى على سريره وغمض عيونه بتعب .. غط في نوم عميق ..
حمد وهتون متزوجين من سنه .. هتون بنت العشرين حلمت بسقف واحد يجمعها مع حمد .. ولكن حلمها تحول الى كابوس .. هتون البنت المرحه المندفعه للحياة .. هتون الطائشه المفعمه بالحيويه والنشاط هتون البنت الوحيده لساره و علي .. حمد الرجل الغامض .. دايم التفكير والسهر .. حمد عمره 33 سنه .. من عائله تتكون من 4 بنات .. خوله 44 سنه ارمله .. توفي زوجها من 5 سنين .. وينادونها ام عوف .. عوف وهو اصغر عيالها عمره 12 عاما .. اخته الكبيره منار 18 .. والوسطى تيماء 16 سنه .. من بعد خوله .. عائشه 30 سنه متزوجه من فواز 30 سنه .. وعندهم ولدين وافي 4 سنين و سهيل سنتين .. بعد عائشه .. ملاك 24 سنه .. ملاك تعيش عالم الرويات والقصص .. انسانه حالمه وخياليه .. بعدهم شروق 22 سنه .. انسانه طموحه ومجتهده .. ام حمد (نوره) حنونه جدا .. مشاعرها جياشه وتفيض بالحنان .. بوحمد( صالح) رجل متواضع جدا يحب يجمع عياله حوله .. عائلة بوحمد متواضعه جدا .. ويعتبرون من ذوي الدخل المحدود .. اما عائلة هتون وهم .. ابوها (علي) وهو رجل معروف وذو مكانه مرموقه فالمجتمع .. قلبه طيب ويحتوي على حب هتون وامها ساره .. ام هتون (ساره) انسانه طيبه واخلاقها عاليه .. ربت هتون على طاعة الله .. اخلاقها عاليه جدا .. انسانه متسامحه وحنونه .. هتون عمرها 22 سنه .. عبدالله اخو ساره عمره 35 سنه انسان حنون والكل يحبه
باقي الشخصيات بتتعرفون عليهم من خلال القصه ..

في احد الليالي المظلمه تمسح هتون دموع نزلت بحراره على خدها .. تقلبت صفحات الماضي في مخيلتها .. تتذكر ذاك اليوم .. لما جمعتها الاقدار مع من كانت تتمنى .. هتون طول عمرها حلمت انها تتزوج حمد .. اول مره شافت حمد لما كنت رايحه تزورهم وكان عمرها تقريبا 14 سنه .. كانت رايحه مع امها وابوها .. في هالوقت ما كانت هتون تتحجب .. فكانت انيقه ومرتبه بلبسها .. وفي هالزياره تعرفت على خوات حمد اللي هم شروق وملاك وخلود .. وحبت بنات خوله تيماء ومنار وصاروا وايد قراب من بعض ..
الساعه 4 ونص العصر ساره كانت قاعده مع هتون في غرفتها وتجهز لها ملابسها ..
هتون مبتسمه: يمه ..
ساره وهي ترتب ملابس هتون: هلا يمه ..
هتون: يمه انتوا من وين تعرفون هالناس ؟
ساره مبتسمه: نعرفهم من زمان ..
هتون تلعب بشعرها: من متى من زمان ؟
ساره التفت عليها: ام حمد هي اللي خطبتني حق ابوج ..
هتون مبتسمه: الله يمه ..
ساره: هههههه ..
هتون: زين بس ليش قطعتوهم كل هالفتره ؟
ساره: ما قطعناهم بس قلة زياراتنا ..
هتون: بس اليوم اول مره اعرف انكم تعرفونهم ؟
ساره مبتسمه: لان لما نزورهم ما ناخذج معانا ..
هتون: زين ليش يمه ؟
ساره: مادري .. كل ما نقرر نروح لهم انتي اما تكونين بيت خالتج ولا مو موجوده ..
هتون: اهاا ..
ساره: ام حمد عندها بنت اسمها خوله اكبر مني بكم سنه .. عندها بنات في سنج .. اليوم بتتعرفين عليهم .. وبناتها ملاك وشروق ..
هتون مبتسمه: ان شاءالله ..
ساره: وايد طيبات وحبوبات ..
هتون: يمه حمستيني يلا متى نروح ..
ساره: بعد صلاة المغرب ان شاءالله ..
هتون: زين عيل انا باخذ لي شور وبالبس ..
ساره: زين يمه ..
طلعت ساره من غرفة هتون وراحت تجهز ملابس زوجها وملابسها .. تجهزوا هم الثلاثه وطلعوا من البيت متجهين لبيت بوحمد .. وصلوا وتم استقبالهم مثل كل مره .. بالضحكات والقبلات والابتسامات المعهوده .. طبعا بيت بومحمد او مره يتعرفون على هتون .. وكانت هتون مستحيه منهم شوي .. الكل تجمع فالصاله وقعدوا مع بعض .. هتون بسرعه اندمجت مع البنات وخذت عليهم .. وايد حبت منار وتيماء بنات خوله واندمجت مع شروق وملاك .. في هالقعده حمد وبوحمد والبنات كلهم قاعدين يسولفون وياخذون اخبار بعض ..
علي: شلونك يا حمد ؟
حمد مبتسم: طيب الحمدلله ..
علي: غديت ريال وما عليك قاصر .. متى بتعرس؟
حمد: تو الناس يا عمي ..
علي: كم عمرك الحين ؟
حمد: 25 ..
علي: يعطيك طولة العمر .. بس يلا عن الدلع ..
بوحمد وعلي: هههههه ..
بوحمد: ان شاءالله قريب بنخطب له ..
علي بوناسه: يستاهل بوصالح .. انا علي عرس الريايل ..
بوحمد: وانا علي المهر ..
علي: شد حيلك يبه ..
حمد منحرج: ما قصرتوا ..
حمد رفع راسه وتلاقت عيونه بعيون هتون .. طالعها وابتسم .. هتون حست بحراه في جسمها وانحرجت .. نزلت راسها مسكت يد امها وضغطت عليها ..
منار: تجين معاي غرفة ملاك ..
هتون: زين ..
طلعوا من الصاله وراحوا غرفة ملاك .. قعدوا على السرير وتموا يسولفون ..
هتون: مب ملاك خالتج ..
منار: اي ..
هتون: ليش تنادينها باسمها؟
منار: هههههه .. عادي .. تعودنا اناديها باسمها ..
هتون: اهااا .. والله انتوا فله .. كلكم بنات
منار: ليش انتي ما عندج خوات؟
هتون: الله ما كتب لامي وابوي الا انا ..
منار: وليش سموج هتون ؟ وش معناة اسمج ؟
هتون: اسمي معناته تتابع المطر وانصباب الدمع ..
منار: غريب اسمج .. ليش سماج ابوج هالاسم ..
هتون: مادري .. ابوي يحب يقرى وايد فالظاهر انه لقط الاسم في احد كتبه اللي يقراها ..
منار: زين انتي ما عندج بنات عم او خال ؟
هتون: بلا عندي وايد واحبهم كلهم ..
منار: زين شرايج تجين بيتنا ..
هتون: ليش وهالبيت مب بيتكم ؟
منار: ههههه .. لا هاي بيت يدي .. احنا عندنا بيت بروحنا ..
هتون: اهاا ..
تموا البنات يسولفون شوي وبعدين طلعوا من غرفة ملاك وراحوا تحت .. اول ما طلعوامن الغرفه حمد كان طالع من غرفته وهو يتكلم فالتلفون ويضحك .. ومعروف عن حمد ان ضحكته حلوه .. هتون اول ما شافت حمد ابتسمت له ونزلت راسها .. حمد تم يطالعها ورفع حاجب ..

ღ Lamoo ღ · #3 (**permalink**) 12-14-2007, 12:15 AM

يعني ماعجبكم الموضووع

هذا البارت الاول ولا في احد يرد

مختلفه عنهم · #4 (**permalink**) 12-14-2007, 08:01 PM

ولا تزعلين يالمو رديت عليك ولو ان القصه ما كملت
صاحبتك:
Nora***

ღ Lamoo ღ · #5 (**permalink**) 12-14-2007, 08:20 PM

مشكووره ياقلبوو
وهذاا البارت الثاني ..

هتون فتحت عيونها ومسحت دموعها ..

هتون " آآآه يا ذيك الايام .. ليش اتذكرها ليش .. انا قررت اني انساها " .. قامت من فراشها بكسل .. رفعت شعرها ورتبت ملابسها .. شافت حمد نايم وما كان متغطي .. سحبت طرف اللحاف وغطته بسرعه وطلعت من الغرفه قبل ما يحس فيها .. لان حمد نومه خفيف .. طبعا حمد حس فيها بس تم مغمض عيونه وما حرك ساكن .. دخلت هتون الحمام وخذت لها شور .. بعد ما خلصت نزلت تحت عند ام حمد اللي تموت فيها ..

هتون مبتسمه: صباح الخير عمتي ..

ام حمد: هلا وغلا بنتي ..

هتون: شلونج ؟

ام حمد: الحمدلله .. كيف اصبحتي انتي ؟

هتون: والله مثل كل يوم ..

ام حمد: وينه ريلج ؟

هتون" آآه يا عمتي لا تقولين ريلج تجرحيني بهالكلمه " ..

هتون: نايم عمتي ..

ام حمد: روحي قعديه .. بسه نوم ..

هتون تبتسم مغصوبه: بيقعد بعد شوي عمتي .. امس نام متأخر ..

ام حمد: روحي قعديه يا بنتي ما عليج منه ..

هتون باستسلام: ان شاءالله ..

طلعت من الصاله رايحه غرفتها .. في طريقها شافت خوله ..

خوله مبتسمه: هلا هتونه ..

هتون: هلا حبيبتي ..

خوله: وين رايحه ؟

هتون: بقعد حمد .. عمتي مصره الا اقعده ..

خوله: ههههه .. حليلها امي ..

هتون: عن اذنج حبيبتي ..

خوله دخلت الصاله عند امها .. سلمت عليها وقعدت معاها .. هتون دخلت الغرفه وقفت عند باب غرفة النوم وهي تفكر ومتوتره .. خذت نفس عميق وفتحت الباب .. قربت من فراش حمد وتمت تتأمل ملامحه بحزن ..

هتون بهمس: حمد .. حمد ..

حمد كان يسمعها بس ما يرد ..

هتون: حمد قوم امك تنتظرك تحت ..

حمد بخشونه: زين ..

هتون رجعت لورا وتمت اطالعه .. حمد فتح عيونه وطالعها .. هتون خافت وطلعت من الغرفه بسرعه .. سكرت الباب وراحت الغرفه الثانيه اللي فيها التلفزيون .. وقفت جدام المرايه وهي ترجف .. رتبت شعرها وبسرعه طلعت و نزلت الصاله .. دخلت ولقت الكل متجمع .. جهزوا الريوق وتجمعوا على السفره .. دخل حمد وسلم ..

حمد: السلام عليكم ..

الكل: وعليكم السلام ..

ام حمد: شرقاده اللي لين هالحزه ؟

حمد: نايم متأخر امس ..

ام حمد: وليش السهر ؟

حمد " مب خالص من اسالة امي " : كنت متابع فلم ..

ام حمد: السهر مب زين لجسمك يا يبه ..

حمد: ان شاءالله .. ما راح اسهر مره ثانيه ..

ام حمد: زين تعال تريق فديت قلبك ..

حمد قعد جنب امه .. توه بيمد يده ..

بوحمد: وين جاي فالضيق .. قوم اقعد عند مرتك ..

حمد انحرج ومارد على ابوه ..

خوله: وش لك تملغ على امي وابوي .. قوم عنهم يا حمد ..

ملاك: خلك رومنسي يا حمد واقعد جنب هالقمر هتونه ..

منار: بسكم عاد قطعتوا خالي ..

الكل: هههههه ..

هتون وحمد كانوا يضحكون من ورا خواطرهم .. حمد قام من مكانه وقعد جنب هتون اللي ترجف من يقرب منها حمد .. هتون صبت له حليب وغرفت له من كل شي في صحن واحد .. حطت الصحن جدامه وقعدت .. التفت عليها بكل هدوء ..

حمد: عطيني ماي ..

هتون بلعت ريقها: ان شاءالله ..

قامت من مكانها وصبت له ماي .. مدت يدها تعطيه الماي وتلامست اطراف اصابعهم ببعض .. حمد ارتبك وهتون تركت كوب الماي .. طاح الكوب على الارض وتبللت ملابس حمد وهتون بالماي ..

بوحمد: طاح الشر ..

هتون: انا آسفه ..

حمد كاتم غيضه: حصل خير ..

قام من مكانه وطلع وهو متنرفز .. هتون تمت واقفه مكانها ومنحرجه ..

بوحمد مبتسم: ما صار شي يا بنتي ..

هتون ابتسمت بتوتر: ببدل وبرجع ..

طلعت من الصاله رايحه فوق .. تمت تمشي ببطئ لين وصلت الغرفه .. توها بتفتح الباب الا حمد يطلع في ويها اول ما شافتها ارتبكت ونزلت راسها .. وقف حمد يطالعها فتره .. مشى عنها ونزل تحت .. دخلت الغرفه وتفجرت براكين الدموع بعيونها .. صاحت بقهر وصمت .. مسحت دموعها وغسلت ويها .. بدلت ملابسها ونزلت تحت بسرعه .. تيماء بنت خوله خلصت ريوقها بسرعه وقامت .. هتون اول ما شافت مكان تيماء فاضي بسرعه قعدت وغرفت لها شوية اكل .. تمت تاكل بدون نفس ..

ام حمد: هتون يمه ..

هتون رفعت راسها: هلا عمتي ..

ام حمد مبتسمه: ما في شي بالطريق .. بتكملون سنه ..

هتون شرقت شرقه وتمت كح ..

خوله: سمالله عليج ..

ام حمد: اسقيها ماي ..

عوف قام وعطاها الماي .. هتون شربت الماي وتمت تتنفس بسرعه ..

بوحمد: ما تشوفين شر ابوي ..

هتون تمسح عيونها وحلجها: الشر ما يجيك عمي ..

حمد كان منزل راسه وياكل بهدوء .. هتون قامت من السفره بتطلع ..

ام حمد: ليش ما كلتي فديتج ؟

هتون: احم .. بس شبعت الحمدلله .. وطلعت من الصاله

بوحمد: ما كلت شي ؟

تيماء: هاي اكلها اصلا ..

ام حمد: فديتها تاكل مثل الطير على قدها ..

بوحمد: الله يحفظها ..

ام حمد: زين حمد يبه قولي ..

حمد: شاقولج يمه ؟

ام حمد: ليش تأخرتوا ؟

حمد: في شنو ؟

ام حمد: في العيال بعد في شنو ؟

حمد: تو الناس يمه ..

خوله: تو الناس عدل كلامه ..

حمد ابتسم لخوله ونزل راسه ..

ام حمد: بسك من هالكلام .. يلا شد حيلك .. ابي اشوف عيالك ..

حمد: ههههه .. زين

البنات طلعوا من الصاله بعد ما خلصوا الريوق .. بوحمد وام حمد وحمد تموا فالصاله .. تم بوحمد يوصي ولده على هتون ..

بوحمد: حمد يا يبه ما وصيك على بنت الناس ..

حمد: ان شاءالله ..

بوحمد: تراها غاليه من غلا اهلها .. لا تزعلها ولا تضيق خاطرها بشي ..

حمد خذ نفس: ان شاءالله ..

بوحمد: لا تقصر عليها بشي ..

حمد تنرفز: يه شمسوي فيها انا ؟

بوحمد: وليش معصب ؟

ام حمد: ما قلنا لك شي ..

بوحمد: نوصيك على بنت الناس ..

حمد: هي تشكت لكم بشي ؟

ام حمد: لا والله ما تذكرك الا بالخير ..

بوحمد: البنت تعزك وتموت فيك ..

ام حمد: ذاك اليوم تقول لامها انك عازها ورازها .. وحاطها بعيونك ..

حمد تفاجأ بالكلام اللي سمعه ..

حمد: شفتوا اني مو مقصر معاها .. لا توصون ..

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

((((سالــــــــــــفة قلبين ))))

القصص و الروايات و الحكايات قصص قصيرة و تعلم القصة story novelette