 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
07-20-2003
| ||||
| ||||
 اهم شي الاخلا77777777ق.. سلا7777777777777م هلا والله0000 شخباركم شلونكم تسيف الحال ؟؟ انزلو تحت....المقدمات منتهيه صلاحيته...علشان تسذا...سالفه من دون مقدمه...(اخلصي).. 7 7 7 7 7 7 7 7 7 7 7 7 7 7 700000000000000 هذا ياطويلين العمر في يومن من ايام الربيع الجميله هذا إذا كان عندنا ربيع أصلاً كنت جالسه طفشانه مدري شسوي وكالعاده رحت للتليفون وجبت معي بيالة الشاهي وسجادة الصلاة عشان اجلس عليها وماتتأثر بشرة كرعاني من الأرض <<========= شايفتها بدعاية كريم بالقناة الأولى وطبعا جبت معي الفصفص = البزر = الحب بلغتن أخرى ( منقول من معجم اللغة العربيه للكلمات المبهمه ) مبهمه = لا تسألوني عن معنى ذي الكلمة الزبدة أن عدتي ( قشي بمعنى آخر ) اكتمل فتربعت قدام التليفون وكلمت خويتي وحبيبت قلبي مزنة الملقبه بالرادار والحائزه على الجائزه العالميه بالتجسس مع مرتبة الشرف شاكه انها تشتغل بالإف بي آي من ورانا أنــا : ألوووووووووووووووووووووه مزنة : هلا وغلا بهالصوت الي كأنه صوت ددسن أخوي محمد أبو غمارتين الي موديله 81 لمن يفحط هاهاهاهاها أنا : بستس عاد عن الملاقه = البياخه بس بلهجة روان العاصي إنتي للحين تغارين من صوتي <========== واثقه بزياده المهم شخبارتس ياوخيتي وشلونتس ؟؟ مزنه : انا بخير ياوخيتي إلا ماسمعتي اخر خبر <== قايلتن لكم انها رادار أنا : هاتي الي عندتس بسرعه ترا سعابيلي تقاطر << مشفوحه مزنه : يقولون ان ام سعد بتسوي عزيمه كبيره ببيتهم وبتعزم كل بنات الحاره عشان تختار لولدها عروسن سنعه وفي تلك الأثناء ( احلى بالفصحى ) ذهب تفكيري الى الوراء الى ايام الطفوله السعيده يوم كنت البس زنوبات اميمتي الي شرتهن من البطحا بعشرة اريل وخذتهن بخمس تريل عقب ماتخانقت هي والبياع وعطته كم بقس وكم حركة كاراتيه <<==== عند امها خبره بالكونغ فو تعلمتها من الممرضه الفلبينيه الي بالتخصصي عقب ماترقدت كم يوم عشانها تسممت من اكل ام طليحان الله يرحمها ويغمد روحها بالجنة ؛؛؛؛؛ نرجع لمحور حديثنا يوم كنت البس ذا الزنوبات الي قصتهن قصة كنت البسهن واتكشخ بهن قدام سعد حبيب الألب <<==== سامعه ذي الكلمة من مسلسل مصري كان يجي على القناة الاولى الساعه عشر بالليل كان سعد هو وخشته الي كلها صعارير من تكفيخ ابوه له عشانه يأخر الصلاة بالمسجد فارس أحلامي على الحمار الأبيض بوقتنا ماكان فيه حصان ابيض الا عند الطراطير = الشوام عشان كذا خلونا بالحمير مو لازم حلوم يقظه كنت أنا روميو وهو جولييت عفواً قصدي هو جولييت وانا روميو وجلست اتذكر خشته الي كأنها خشة عبدالله السدحان بحلقة الحارة يوم يمثل دور سعيدان هو وسنونه الناطة الي كنها تريلا تطامر بكوبري الخليج نياهاهاهاهاهاهاها وفجأة أفقت من ذلك الحلم الجميل <<=== اشوف قلبنا عربي مره ثانيه قومتني الخبلة مزنه وهي تصارخ بصوتها الي كأنه صوت هندي يبيع بالحراج حق الفقع مزنــه : مرجووووووجه وصمخ جعلتس تشرقين ببيالة الشاهي الي تشفطين منها تقل وايت يشفط بيارة بشارع بالشميسي ليه ماتردين رديت عليها : يوووه حتى بتفكيري لاحقتني تقل صمغ بتكس وتركت البنت على التليفون منطقه ورجعت لحلمي وتذكرت ذاك المكان اللي نلتقي فيه على الطعس الي ورا النخله اللي بظهر حوش جارتنا أم عياش بآخر الحارة كنا نسمي الطعس ذاك طعس المحبه ( امحق اسم ) أنــا : الوووووووووه ايام باك <<==== مستانسه على الكلمتين الي عارفتهن بالعنجريزي مزنه : الله الله بالكشخه تلبسي زين للعزيمه تراها بتصير بكرا الربوع أنا : ابي البس ثوبي ذاك الي لبسته يوم رحت به لحصيصه تتذكرينه ؟ مزنه : الله واكبر ذاك الي عليتس الي لونه بردقاني ماشاف الحلى ذاك خيمة مهوب ثوب أنا : انتي وش معرفتس بالزين والموضه <<==== اجل انتي الي تعرفينه واصبخ السماعه بوجهها * * * * * * وفـي يــوم الأربــعـــاء = الربـــوع = يـــــوم العزـــــــيـــــــــــــمــــــ ــــه 0000000000000000000 قمت على صوت امي وهي تنادي : مرجووووووووووجه قومي وجعتن توجعتس عساتس للسارس ( ماتطورت الا بأدعيتها ) أنا : خليني نيمه تونا ماصرنا بالقايله أميمتي : انتي نسيتي ان اليوم عزيمة ام سعد يالله قومي أنا من سمعت كلمة ام سعد نطيت طايره للدولاب = الدالوب لدى المسنات ملاحظه : المسنات كلمة تعني العجز والمخرفات الي عمرهن تعدى الستين وسميت المسنات بهذا الإسم نسبة لامرأه عجوز لم تضهر اسنانها = لم تسنن الا بذاك الوقت المهم اني لبست ذاك الثوب البردقاني واستشور شوشتي الي تشبه شوشة صباح الشحروره لحد مالبدت وجبت مكياج امي الي لاطشته من بسطة واحد هندي من سوق الحمام وصبخت بذا المكياج على خشتي وصار وجهي منه كأنه لوحة موناليزا الي رسمها ليوناردو دي كابريو عفون اقصد ليوناردو دافنشي مهوب المزيون لأ الشايب طلعت اجنن حتى باسكال تستحي لمن تجي جنبي من جمالي وركبت الونيت حق اخوي اي زهقني بزاموره ثمن وصلت لقصر الأمير سعد عفون اقصد عزبة سعد ويوم دخلت طاحت الانظار كلها علي يتساءلون من ذي المزيون الطخماء الي غطت على القمر بجمالها <<<< اشوف زودتيها وطبعن اختارتني ام سعد عشان يشوفني ولدها سعد وسويت حالي مستحيه وانا بقلبي صواريخ تطير وطرطعان من الفرحه لا وبعد مو اي طرطعان الطرطعان الزين الي كان اخوي يجيبه المهم قلت لأم سعد : خالتي ممكن اطلبتس طلب ( شوفوا الأدب ) أم سعد : تدللي وش تبين أنا : ابي اقز ولدتس سعد قبل مايشوفني من الشباك وعلى طول اروح طايره للشباك وانا امشي على اطراف اصابع رجولي <<<< دارسه باليه مسبقن اللهم لا حسد ثم قزيت = طليت = رايت بالخفاء خشة سعد والا وش انا شايفه ؟ غوريلا مقعد قدامي مير الغوريلا تنتحر لو عرفت اني مشبهته عليها ( غوريلا خكريه خخخخخخ ) الله ياخذ شكله هذا اللي مسوين عشانه حفله مير انا على طول بديت بالعد التنازلي عشان بعدها بتصير عملية اغماء 5 00 7 00 3 00 2 00 4 <<< لا تشرهون عليها ماكملت ثالث ابتدائي يوم وصلت لواحد وابي اطيح نفسي قلت لنفسي لا ياشيخه حرام عليتس تسذا تحطمين الولد <<<< تخاف على شعور الاخرين بعد ماخذت قرار جت ام سعد الخبله ( من الحين بدت العداوه الحماويه بين المره وام رجلها ) وخذتني للمجلس عشان يشوفني سعد ودخلت وانا شايلة العصير <<<< لاطشه الطريقه من حلقه بطاش ماطاش اصصصصصصصص لا تعلمون المألف ومامداني اجلس الا وشوف الرجال طايرتن عيونه مثل عيون مستر بوقس اللي كان يطلع على القناة الثانيه يوم كنا بزران نتابعه قمت وسألته ليه تطالعني كذا ؟؟؟ قال عقب مابلع ريقه ( الريق مصطلح حضاري يعني السعابيل العالقه بالحلق ) : لانتس تشبهين وحده أنا : صح اشبه حليمه بولند كثير قالوها لي <<=== بالأحلام يالمفهيه قاطعني وهو يضحك فاتح فمه وبانت سنونه الصفرا من كثر التتين ( مصدر مأخوذ من كلمة تتن ) وبان كل جهازه الهظمي حتى الدود ساكن ببطنه ومسوي استراحات ويخطط لمشروع سكني مع مستشفى مجاني الظاهر انه مايشرب سنا مكه ولا خروع ( دوا مسهل ) نرجع حق محور حديثنا يوم قاطعني وهو يضحك وسعابيلة تتناقط بكثره على خشتي الله ياخذه راح ذا المكياج بسبة سعابيله قال : وش تقولين انتي وين وحليمه بولند وين انا قصدي تشبهين شغالة جيراننا ميراتو الي امها سيلانيه وابوها من الصومال انا فهمتها على الطاير كلامه = عفون ان الرجل المطلوب لايمكن الزواج به الآن فضلا جرب رجلا اخر او حاول مرتن اخرى انا انصدمت كيف انا الطخماء الي كل شباب الحاره تغزلوا فيني يشبهني بذيك السعلوه ومالقوني الا وانا ماسكه زنوبة حمامهم اصطره فيها وطبقت عليه حركات الكاراتيه الي علمتني عليها امي يوم تعلمت من الممرضه الفلبينيه الي بمستشفى التخصصي واخيرا طلعت من المعركه منتصره <<==== تابعت مسلسل صلاح الدين الي يجي برمضان 000000000000000000000000000 مايستفاد ::::: نمبر ون 1_ الشكل مهوب مهم اهم شي الاخلاق والعلم نمبر تو 2_ حب الطفوله مثل حب روميو لجولييت ينتهي غالبن بحزن وبكاء ربما يؤدي للموت مثااااااااال : حالة سعد عقب التكفيخ انتهت به بترقيد للتخصصي ( يستاهل ) نمبر ثلاثه 3_ ماكل مايتمنى المرء يدركهو تجري الرياح بما لاتشتهي السفنو (وش حاشره ذا المثل ماادري ) 4_ القرود بعين امهاتهم غزلان كحال بطلنا سعد 5_ اخذ العظه والعبرة من قصص الأمم السابقة عفون اقصد من قصتي انا وسعد 6_ عدم الزواج من شخص بدون ماتقزينه ولمن تقزينه ( الهاء هاء الغيبه عائده على المقرود الي بياخذتس ) قزيه بشدة <<=== بنت خالت ولد جيران عمها من الرظاعه مدرست نحو لولولولولولليييييييييش 7_ هجوا من الرادارات مثل مزنه........... قصمنجيوه....:p
_________________  مســــــــــــاء الخيــــــــــــــر والحنيـــــــــــــه مغطــــــــــــــــــــــى بكليجـــــــــــــــــــا عسلــــــــــــــــيه لكـل من كانـــــــــــــــــــــــــــت امــــــــــه قصيـــــــــــــــــميه ترق مرقـــــــــــــــــــــــوق بصــــــــــــــــــــفريه |
|
#2
07-20-2003
| ||||
| ||||
| مرحبا...القصمنجيه بربي انك منتي صاحيه عموما يعطيك الف عافيه تحياتي لك الوافي
_________________ |
|
#3
07-21-2003
| ||||
| ||||
| يالله حيوووه:D:D... . اشوا احد عطان وجه...مير مشكور ياخوي على المرور.... ما تقصر... بس وراكم جاحدينن...:p:p....... يالله اتحراكم... سلام..
_________________ مســــــــــــاء الخيــــــــــــــر والحنيـــــــــــــه مغطــــــــــــــــــــــى بكليجـــــــــــــــــــا عسلــــــــــــــــيه لكـل من كانـــــــــــــــــــــــــــت امــــــــــه قصيـــــــــــــــــميه ترق مرقـــــــــــــــــــــــوق بصــــــــــــــــــــفريه |
|
#4
07-21-2003
| |||
| |||
| هههههههههههههههههههههه ههههههههههههههههههههههههههههااااااىىىى اللـــــــــــــه يرجك وربي انتى فلـــــــــــه يعطيييييك العافيه انتظر جديدك سيووووووووووووو :D
_________________    |
|
#5
07-22-2003
| ||||
| ||||
| مرحبا...القصمنجيه هذا مروري الثاني على موضوعك ولا يهمك ماحناجاحدينك اختي احناء في انتضار جديدك تقبلي تحياتي الوافي
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
