بطانيه ناااعمه .. وكوب شاهي تلقيمه ..
محمد عبده مع انغام العود .. والساعه تقترب من الـ 2 صباحاً ..
يعني الجو رااااايق ..

دخلوا معي بجوي .. امممم وبراسي كمان .. مايمنع ..
يمكن تكون أفكاري متضاربه .. بالله لاتنزعجون بحاول ما أفكر فيها كلها مع بعض
وأخلط الحابل بالنابل كالعاده
( ملحوظه مهمه : اخترت لكم لون غامق حفاظاً على سلامة أعينكم لاني ادري انو خنبقاتي كثيره )

.. _ أطلع من راسي بلييييز لانك انت لما تتواجد تدخل بكل فكره وتحوسها _ ..


::

/

::

/

سؤال يتبادر لذهني من زمااان .. !!
لو شخص طلبت منه زوجته انه يحملها في مكان عام .. وش بيسوي ؟؟

طبعاً بيعصب ويصرخ ويقول مجنونه انتي .. وش تبين الناس يقولون عننا صح ؟

طيب قبل ماتجاوبون ..
اذكر قد قريت انو مره السيده عائشه رضي الله عنها طلبت من رسول الله صلى الله عليه وسلم انه يحملها
لما كان الأحباش يرقصون .. وكانت رضي الله عنها تتعمد تطيل الوقوف .. مو عشان تشوف .. لكنها كانت
تبي تكون محموله أطول فتره ممكنه ..


هذا وهو في زمن أشرف الخلق ..
ياترى صدق لو شخص طلبت منه زوجته وش بتكون ردة فعله ؟؟!!


/

::

/

::

رفقاء غرف الانتظار .. !!
وما أدراك ما رفقاء غرف الانتظار ..
في الآونه الأخيره وبسبب مرضي .. ترددت على المستشفى كثير ..

وراح أخذك معي في رحله أوصف لك غرف الانتظار ..

طق .. طق .. السلام عليكم ..
ويرد السلام ثنتين او ثلاث من أصل خمس أو سبع حريم ..

كلهم سواد في سواد .. ماغير عيون تناظر يمين ويسار
ويعم الصمت .. ماعدا أنفاس متملله .. وأذكار من البعض تقطع هالصمت .. وأحياناً نغمة لاتخاف من الزمان لأصاله ..


جلست .. وكانت بجنبي وحده تناظرني من فوووق لتحت ..
وبدأت بسلسله لاتنتهي من الأسئله اللي مادري وش تبي ..
_ متزوجه ؟!
_ لا ..

_ بتدخلين عند دكتور ولا دكتوره ؟!
_ دكتور ..

_ أي عياده ؟!
_ المسالك ..

_ ليه وش فيك ؟!
_ الكلى ..

_ عندك اخوان ؟!
_ ايه ..

ومجموعة اسئله ثانيه ما أبي أذكرها ..
ليه كذا ؟؟
معقول انها محاوله لقتل الوقت والانتظار فقط لا أكثر ؟؟
ولا هي حشريه زاايده ؟؟



::

/

::

/


( الرجاء الاتصال بي .. خدمة كلمني من موبايلي ) ..

تحبون هالخدمه ؟!

أنا ماكنت أحبها .. بس صرت أحبها الحين

وقت تكون نايم بعز نومك .. وتصحى على صوت مسج ..
تفتحه وتلقاه اتصل بي ..
تتصل .. ويسألك : كنت نايم ؟! .. صوتك نايم لايكون أزعجتك ؟!!!
وترد أنت : لالالالا .. كنت مسترخي شوي ..
المهم .. وش الاخبار ..

هنا تحسها على قلبك زي العسل


/

::

/

::

خطر على بالي تساؤل ..

وش أصل الإنسان ؟!!
{ وخلقنا الإنسان من سلالة من طين } ..

عند خلق شيء من شيء آخر .. هل يعني أن الآخر هو الأصل ؟!!
يعني أصل الإنسان طين ؟!!

طيب وش أصل الطين ؟! عشان نعرف وش أصل أصل الإنسان ..
الطين .. أصله رمل ؟!!

هل يعني اننا اصلنا رمل ؟!!

اممممممم .. شكلي بشرك بعد الموضوع هذا ..



::

/

::

/


أحلى ما في البيبسي أول رشفه .. لذلك لايمكن أتنازل عنها وأقدمها لأياً كان ..



/

::

/

::

ممكن أتلبسك ساعه .. ؟!
بصراحه ينتابني شعور اني أتلبس كذا عضو .. لمدة ساعه من الزمن ..
أسوي كل شي هو يسويه .. سواء بحياته الواقعيه أو بالنت ..

ودي أكون عاشقة روحها .. وأحس بمشاعرها ..
ومرات ودي أكون بنت شمر .. ابي أعرف خفة دمها وش مصدرها

مرات ابي أكون ياكثرك .. أو أحب بنت أخوي
الكل .. بلا استثناء .. واللي ذكرتهم كانوا للذكر لا للحصر ..
امممممم .. ممكن تكون رغبه مجنونه .. بس حييل ودي ..

طيب .. ممكن أتلبسك ساعه ؟!


::

/

::

/

بقولكم سالفه ..
فيه قبيله من القبائل الأفريقيه .. لما ينولد لهم طفل .. يسمونه ( توتو ) .. ويعني عندهم نور الشمس ..
كل أطفال قبيلتهم أسمائهم ( توتو) .. لحد مايوصل عمر الطفل سواء كان ولد أو بنت .. إلى 6 سنوات ..
بعدها يختار له أسم بنفسه ..

أحيان يجيني شعور .. مو كيفهم يسموني اللي يبونه .. بعد هو أسمي وهم اللي يتحكمون ..

/

::

/

::

واللي ما يوم انجرح ماجرب العشق ..

خلص كوب الشاهي .. وانقطع حبل افكاري فجأه ..
مضطره أقفل الموضوع .. بس حتى القفله مو جايه معي .. وش السواة ؟!

طيب قبل أقفل بسأل ؟؟
كل الإدمان مضر بالصحه ؟!


تحياتي لكم

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

المشاركة الأصلية كتبت بواسطة &طرطعانه خربانه& شكرا على الموضوع الحلووتقبلي مروري&طرطعانه خربانه&

المشاركة الأصلية كتبت بواسطة عاشقة روحها اهــم شيء رشفة البيبسي اعجبتني ... عاد هذي مالنا غنى عنها وفوفو قلبي تبين تلبسيني ســـاعه... فداك ساعتي وصاحبة الســـآعه.. >>> فاهمه الساعه غلط لا شكراً عندي ساعه ... بس أنا أبي مشاعرك ساعه لبى قلبتس فــوفــو موضوعك لحس مخـــي .. حسستيني إنو مخك آيس كريم بس والله احرجتين فــي مشاعرهــــــا وربي قريت موضوعك مرهـ مرتين ثلاث مرات واربع بس عجزت اركب رد على بعضــه .. بس مادري احس حــلو موضوعك عجبني يااااي أحرجتيني <<< مين قدها عاشقة روحها عجبها الموضوع فــوفو يعطيك العافية ربي على الموضوع النــايس .. الله يعافيك ياب واتمنى ردي بعد مايلحس مخــك .!!!. وجبت العيد فية والله شوي بس للأسف العيد جا وخلص الله يخليتس لعين ترجيتس .. دمتي بحفظ الرحمــن ..