 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#51
01-02-2008
| ||||
| ||||
 رد: @@ >>> ما كل من يضحك مع الناس مبسوط <<< @@ اقتباس:
ان شالله ياقلبي ^_^ <<< عفيه عالشاطره خخخخخ
_________________ .,  ., |
|
#52
01-02-2008
| ||||
| ||||
| رد: @@ >>> ما كل من يضحك مع الناس مبسوط <<< @@ اللي مزعلني أنه بندر قاعد يقهر حنان بس هي مو مقصرة ماشاءالله عليها. بليييييز كملي ترى مرة متحمسة و مندمجة مع القصة |
|
#53
01-02-2008
| ||||
| ||||
| رد: @@ >>> ما كل من يضحك مع الناس مبسوط <<< @@ الجزء العشرون للفرح يوم هليت في قلبي هبوب ما اظلم زماني يوم عن الكون غايب لك بسمة تتملك الكون بالطيب ولك نظرة سوت بروحي العجايب نازل من ع الدرج وباذنه تلفوونه حمداان : ياقلب حمدان وطوايف حمدااان ........... ياللوتي حمدان : افااا انا لوتي ...... ايه نعم حمدااان : انا زعلاان ......... دق راسك بالطوفه حمداان : انزيين دوري حد يرمسج بعديين ... لاا عاااد تكفى تعرفني احب اغلس حمداان : فديت الغلسيين اناا ام حمدان للسلطان : طالع اخوك مسوود الوجه يرمس البنيه قدامنا لا حيا ولاحشيمه ..... حمداااااااااااااااااانوه يالسبااال حمداان : لبييييييييييييييييييييه .........طريت اذني حمدان : فدااني ........ من قال حمدان وهو يجلس : انا قلت ........ واثق الاخو حمدان : واايد ... هي ترى خسرتيني واااايد مع السلامه ام حمدان : ايا جليل الحياا ترمس البنيه قدامنا لاحيا ولا مستحى حمدان وهو يجلس : امايه شفيها انزيين قدام ويهج ولا من قفاج ام حمدان تاخذ فنجان فيه غسوول وتطش حمدان فيه حمدان : لااااااااااا اميه خيستيني سلطان : خخخخخخ دواك مسود الوجه حمدان : اناااااااا وابوياا عليكم كلتووني بقشاري حرمة اخويه دافعي عني شيخه وهي تضحك : مااروم رجع تلفون حمدان يدق .. حمدان من شاف الرقم ابتسم بمكر وحط التلفون بوجه امه : شوفي امايه هي اللي متصله مو اناا هن الي يربعن ورااي ام حمدان تسحب التفلون وتفتحه : ياجليلة الحيا ... يامسودة الوجه ماتستحيين تدقيين ع الصبي وابويا عليج خبري الريايل الي يرابعون ورى البنيات مو البنياتهن الي يرابعن ... انتي ماتخافين الله ماتخافين من اهلج وعلى سمعتهم ..ماترمسين ولا ماترومين يومج تدرين ان الغلط راكبنج من ساسج لاراسج .... اميه ذكري ربج اناا الريم ام سلطان تاخذ كرتون المناديل وترميه ع حمدان : شحالج بنتيه الريم : بخير امايه شحالج انتي وحال اخواني ام سلطان: الحمدالله كلنا بخيروعافيه وشحال ريلج وولد ج الريم : مايشكون باااس يالغاليه ... ولدج مسود الوجه شحقه مسكر بوجهي ام سلطان : برااويه السبال ماعليج منه الريم : فديته اخوي ماارضى عليه ام سلطان : ايه معلوم بتفدينه يومه مااصخ شراتج الريم : افاا انا ماصخه ام سلطان : وتلوعيين الجبد بعد وين بندر برمسه الريم : معلوم دامج تبين حبيب القلب .. بندر مو هني سار ويا ابوه ام سلطان : بنتي متى بتيوناا الريم : والله مااعرف الين اللحين احمد مول ماعنده اجازات ام سلطان : الله كريم الريم : اميه سلطان رد حرمته ام سلطان تطالع شيخه وسلطان يساسر ها : ايه الحمدالله شوفيهم عدااالي الريم : اجل عطيني شيخه برمسهاا ام سلطان تناول شيخه التلفون لكن سلطان يسحبه من يدها : نعم شيخه ريم شو بغيتي الريم : بسم الله زيغتنيه انت شو تباا انا قلت شيخه ماقلت سلطان سلطان : وانا حرمتي ماترمس بتليفونات الريم : ياامصخك سلطان : ماتستحين تسبين اخوج العود الريم : ماتستحي تطفر باختك الوسطيه سلطان : سوداااا الريم : عدال يالابيض .. عطني حرمتك اشووف سلطان يعاند : مااااااااااابااااااااااااا الريم عصبت : سلطاااااااااان وبعدين حرام عليك المكاالمات غاليه سلطان : بس بعطيج ايااها رأفه بولد عمي مسكين كل يوم وثاني وانتي مخسرتنه الريم : محد قاله ياخذني ويبعدني عن هليه سلطان : بلل مو بلساان عليج الريم: اذكر ربك عن تنظرني سلطان : مو بذااكر خذي هذي هي شيخه شيخه وهي تضحك : خخ هلا ريمووه الريم : ضحكتي بليا ضروس شيخه : بشكيك لسلطان الريم : دخيييلج مافيني اتحمل مصاخته اكثر ... مبرووك ردتج لبيتج شيخ : الله يباارك فيج الغاليه الريم : وشلون سلطان معج ان شاء الله زييين ترى ان زعلج قوليلي ترى اسنعه لج شيخه بصوت واطي : فديييييييته مو مقصر سلطان الي كان مشغل الرادار : فديييييييييييييييييييييييتج اناا حليلهاا شيخه استحت وخذت التلفووون وراحت بعيد حمدان يناديهاا : هيييييي تلفوووني سلطان : خاف ربك موب ماكلاه *ع التلفوون * الريم: هذا اخوي ماعنده سنه ولامذهب شيخه : بسج عااد كله ولا ابو راااشد الريم : معلوووم رضيتي عليه الليحن من يروم يقول عنه كلمه شيخه : تدريين اني راضيه عليه من زمااان الريم بجديه : نساهااا شيخه : يقووول الريم : مصدقته شيخه تنهدت : تبين الصج انا اعرف زيين انه مستحيل ينساهااا ... وان ذكراهاا لسى بقلبه ... صح معاملته لي احسن بواايد وبديت احس بحبه وحناااانه علي لكن كل هذاا مايعني انه نساهااا الريم : شيخه انا ماقصد اضايقج بس انتي بنت عمي وصديقتي واخت ريلي شيخه تبتسم : ولا يهمج ريمااني انا مو بزعلاانه ... انا ماكنت احلم ان سلطان بيووم رح يحبني رح يشتاقلي الريم : انتي تستاهليين كل خير واخوي عمي اذا مااحبج يبوس ايده مجلب يومانج حبيتيه مو وجه نعمه ذا الصبي شيخه : ريموووووووووه ماارضى عليه ترى الريم : حسبي الله طريتي اذني خلاص مسامحه شيخه : شحال اخووي وولده الريم : طالعو سألت عن اخوهاا وولده وانا عطتني بولباس شيخه : ههه ترمسيني من اول معناته زيينه الريم : وهم زيينيين ماعليه خلاف كاهم وصلووو وتسمع ريم تصارخ ... احمدحرام عليك كم مره قلت لاتاخذله كاكااووو خيس هدوومه احمد : من ترمسيين الريم : شيخه اندووك ارمسهاا ...شيخاني رمسي اخووج بسير اغسل لبندر ايداته احمد سحب السماعه : مرحباا ملايين ولايسدن شيخه : مرحباا بااجي فديت هالحس احمد : سلمتي يالغاليه شحالج وحال عربانج شيخه : مايشكون باس ومن صوبك احمد : الحمدالله ... ببيتج ؟ شيخه : ايه ببيتي احمد : فديت العاجل اناا شيخه تعرفين ان المره مالها الا بيتهاا ومهما كبرت المشاكل بين الريال وحرمته ماتكوون بالهرب شيخه : ان شاء الله ماتصير أي مشكله عقب اليووم احمد : ان شا ءالله .. وان بدر من رجلج شي ترانا خواانج عزوتج شيخه : ماتقصر يااخوي ... وان شاء الله مابيصير شي احمد: اندوج الريم كلتني ويلي منهاا ....... هين يااحمد براويك شيخه : وابويا عليكم متى بتعقوولون الريم : ليه الشيخه شايفتنا ميانيين شيخه : سلاامة الميانيين منكم الريم : هييين ان ماا شكيتج لاخوي مااكون الريم شيخه الحريم شيخه : هذا ان سمعج اصلااا الريم : يعجبني الوااااثق ... اقول شيخااني عندي لج نصيحه روحي لاقرب صالون واعملي نيو لووك شيخه : لييه؟ الريم : شيخه انتي من اعرستي ماغيرتي بشكلج .. وكنتي تقلدين اليازيه بتسريحاتها وطريقة لبسهاا شيخه قاطعتهاا : تدرين زين ليش الريم : اعرف بس هذاا قبل اللحين هو تغير وانتي تغيري ارجعي الريم الي قبل الي تحب الضحك والغشمره شيخه الي كانت مسكته بشياكتهاا واناقتهاا شيخه الي كنا ننتظر المناسباات عشان نشووف شنو استايلها عسب نقلدهاا شيخه : اخااف اغير ومااعجبه الريم : ابصملج انك رح تعجبينه ... حبيبتي الريايل يحبون التغيييير ... واذا تبينه ينسى .. بيدج تنسينه كووني شيييخه شيخه الكشخه شيخه : خخخ ان شاء الله عمتي الريم : انزيين نا بقفل اخووج بيطلقني والسبه الفاتوره شيخه : بسم الله عليكم ان شاء الله ربي مايغير عليكم ابد الريم : امييييييييين سلمي شيخه : يوصل بمان الله *أحمــــــــــــــــد* كنت اطالعها وهي ترمس ... هالبنيه كل يوم تخبلبي اكثر واكثر ..صدقوني عمري ماتخيلت اني رح احبهاا بيووم .. عمرها مالفتت انتباهي كانت بالنسبه لي بنت عم لا اكثر ولا اقل .. كبرت انها محيره لي وان الزمن طال ولا قصر باخذها ...خذتهاتنفيذ لعرفنااا .. تخيلت ان بيتنا ر ح يكون مصح عقلي .. جنونهاا نشااطهاا حركتهاا بالنسبه لي كان خارج عن المألووف تذكرين باليهااال وبيني وبينكمانا كنت اعتبرها ياااهل ع الرغم من انها كانت بال18 يوم خذتهاا .. بتسألوني شلون حبيتهاا بقولكم مااعرف كل الي اعرفه اني احبهاا ... الا اموت عليهااا واموت ع خبالهاا ولسانهاا وكل شي فيهااا .... تمت تزقرني وانا ماانتبهت فحرجت الريم : احمدوووووووه قلت لهاا : طريتي اذني قالت : الحمد الله ع السلاامه ذبحتنيه وانا ازقرك وماااترد قالت لهااا : سووري ماانتبهت قالت : اهاا ماانتبهت .. الي ماخذ عقلك قلت لها وانا اتنهد عسب اغايضها : اااااااه من الي ماخذن عقلي قالت وهي تحاول تكتم غضبها : الله يهنيك ويهنيه رفعت ايدي : اااااميييييين عطتني نظره ... وابتعدت كاانت تلبسه دخلت عليهاا شفتهاا مشغوله مع بندر او تتشاغل ... قلت لها : تضايقتي من غير اهتماام : من شوو قلت : من رمستي قالت لي : مايهمني قلت لها : مايهمج ..اجل ليه بوزج شبريين قالت لي : يتراوالك قلت لها : اهاا زيين برايج وييت بطلع نادتني : احمد التفت وقلت : لبيه ياقلب احمد ابتسمت لي ابتسامتها الساااحره : مابنروح نزور قوم بندر قلت لها : الا بس انتي زهبي عمرج قالت لي : انا زاهبه ... انا بشل بندر وانت شل الاكيااس قلت لهاا : ان اشاء الله ... لبسي شيلتج * حـــــــــــــناااان * اووف لي اكثر من ساعه جالسه لحالي .. هذا الادمي وين اختفى مااادري ولاكلف نفسه حتى يقولي اناا طالع .. غريب امره ... انا جيعااااانه وابغى اكل شكلي رح اسوويلي فطور واطنشه كنت لابسه بنطلون جنز بقصه فضفاضه مع قميص بالون الاسوود مخصر شووي باكمام طويله مافيه أي زخرفه ولبست جاكيت جنز يوصلل للخصر شعري رفعته ذيل حصاان يعني اللحين صار ينمسك زي الناس اخ على عيني اني مااقدر اقصه .. وطبعا مافي أي اكسسورااات باستثناء ساعتي الرياضيه الي من سواتش خخخ اتذكر امي شلون نشفت ريقي الين مارضت اشتريهاا تمت تقوول ساعاات رجال واكبر من يدك وشهالخبال وهلم جرااا سمعت رن الجرس استغربت الصراحه من الي بيجي اللحيين ؟ بندر معااه مفتاح ... يمكن نسي مفتاااحه الله اعلم .. رحت الغرفه جبت لي شيله تحجبت زي الناااس فتحت البااب شفت مره وبيدهاا طفل شكلهاا جد حلووه وابتسامتهاا احلى واحلى قالت : السلاام عليكم ابتسمت : هلا وعليكم السلام قالت لي: انتي حنااان مووووو حرمة بندر ابتسمت : انتي الريم ؟ وهذا بندر ؟ ضحكت : ااااايه بشحمها ولحمهاا قلت لها : والله موبشايفه شحم واللحم مشكوك فيه الريم : خخخخخخخ لا دمج خفيف قلت لها : تفضلي دخلي الريم : واخيراا قلتي دخلي تعبت وانا واقفه ع البااب قلت لها : انتي مسويه نفسك ضييفه وانتي راعية بييت الريم قالت وهي تجلس : تسلميين الشيخه كلج ذووق خذيت منها بندر : ماشاء الله حلوووو الريم : احم احم طالع علي فديتنيه قلت لها : اول مره اشوف احد يتفدا نفسه الريم : اناا غيييييييييير قلت لها : من هالناحيه انا متأكده قالت لي : وييينه قلت لها : منوو ؟ قالت لي : ريلج السبااال وينه فيه قلت لهاا : ايش ؟زبال؟ فطست ضحك : سبااااااال يعني قرد بالاماراتي قلت لها : اهااا ... قلت لهاا : طلع ...الا والبااب ينفتح دخل بندر بيده كتب شكله كان بالمكتبه ومعاه وااحد يقول هوود هوود حرمته قالت هدا هداا ... شكلهاا كلمات للاستأذان بيني وينكم ماكنت مرتاحه لاني كاشفه اول مره اسويهاا لكن عاد شنقوول الضروره بالمطار بهدلوني الله يبهدلهم فكي الغطااء والي يناظرني بخووف كاني جايه من كوكب ثاااني حتى كاان في مره كبيره صرخت وقالت الحقووو ارهابيه معاها حزام نااسف ... شي يتعب القلب ويديمه ان دينك او رمز منه اصبح دلااله للاجراام ... شي كل مااذكره يضيق صدري .. نرجع للواقع بندر : هلا ام بندر شحالج ربج بخير الريم : لا هلا ولا مسهله بندر : افاا ليش زعلج مسود الويه قالت له : ايه نعم زوجهاا : اناااااااااااااااااااااا بندر : اعترف شسويت بالبنيه زوجها : يبن الناس والله ماسويت شي ..ريموه انا شسويت قالت : من قال ؟ بندر : مو تقولين انه مزعلج قالت : انا قلت مسود الويه انت شايف ريلي ويهه اسود شوف بياضه ولا الثلج زوجها : احم احم بندر : شوي شووي قالت : وين رحت وتركت حرمتك لعنبوو ماتستح على ويهك مودر مره ببلاد غريبه بين الطوف بلا انيس ولا ونيس قال لها بندر : ولللللللللل بالعه راديو انتي خبطه زوجها : اذكر ربك عن تنظر حرمتيه بندر قال : يكون زيين ع الاقل ترتاح من لسانهاا زوجها : بهاذي صاادق عصبت الريم : لاااااااااااااااا والله انت ويااه دورو من تطبخلكمبعد جذيه بندر وهو يحط ايده على كتفي حسيت بالاحراج : الله يخلي حرمتي لي الريم : معلوووم طاح كرتي اللحيين احمد : هلا اختي مبرووك ان شا ء الله قلت له : الله يبارك فيك احمد : اختي عديني شرات اخووج ... ان زعلج هالخايس وادري بيزعلج تخصصه التغليس سأليني انا ماعنيت منه قليل ... عرفي ان عندج اخ هني عون وسند الريم قالت : احم احم واخت مستعده تفلع رااسه ضحكت : ماتقصروون والله من طيبكم بندر : انزيين ممكن اعرف شبالاكيااس هااذي الريم تبتسم : ريوووووق بندر: زييييييييين وليه ماتكلمتي من اول وخذ الاكيااس ع المطبخ بسرعه الي يبي يااكل يجي وان ماتبون والله توفرون قلت له وانا مفتشله : عييييييييب يالمفجووع احمد ضحك : عاااااااااااااااادي متعوودين حطينا الاطبااق ع السفره وكان في اكلات غريبه انا بصراحه مااعرفهاا وبالنسبه لي كاانت اكتشااف .. الفطور كان ممتع سوالف وضحك مااتوقعت اني رح اندمج معاهم بسرعه بعد الفطوور بندر واحمد دخلو المكتب واناا والريم فضلنا بالصاله نتقهوى * بنــــــــــــدر* اخذت لي انا واحمد نسكافيه ودخلنا المكتب .. هذا مكاني المفضل عالمي الخاااص فيني .. المكتب هيئته شرقيه مئه بالمئه كاثااث وزخرفه وع الجدااار في لوحه كبيره تمثل الصحراء خياام وقواافل مبتعده وطيور تحووم بالسماء ... وع جدار ثاني معلق اسلحه بطريقه عشوائية احب اقضي وقتي فيه لما ابغى افكر ابغى احس اني بديرتي ... جلست اناا واحمد ع كرسيين متقابليين احمد سالني : هاا شرايك بالعرس قلت له وفاهم قصده : ماصار شي من الي تقصده ولا بيصير احمد باستغراب : ماصار وفهمنهاا امامارح يصير مشكوك فيهاا قلت له : انا وياها اتفقنا اننا نكون اخوان احمد شرق بالنسكافيه : كح كح كح .. شووو قلت له : الي سمعته احمد : بالله هذي رمسة عقال قلت له : هذا الي صار احمد قالي : البنيه ماتضايقت من كلامك قلت له : بالعكس طارت من الوناسه .... احمد انت اخوي ومااخبي عليك شي البنيه ماتباااني .. وافقت بس عشان ترضي ابووي وعمي مو لاني عاجبهاا ياخوي انا وهي مانقعد مع بعض الا تهاوشناا ... تصدق اننا بيوم عرسنا تهاوشنا وحكاه على سوايا حنااان قالي: ههههههههههههههههههه قلت له : اضحك وشعليك مو انت الي سمعت كلام مثل السم قالي : زعلك كلاامهاا قلت له : مااخبي عليك حسيت بالاهااانه ... حسييت بالحزن قالي : اسالك وتجاوبني بصراحه قلت له : اكيييييد قالي : تعجبك ؟ قلت له : منو حناااان خخخخخخخخ قالي: ماقلت شي يضحك قلت له : توني اقولك نتهاوش تقولي تعجبك قالي: مو بشرط قلت له : ريح نفسك الشيخ مالهاا بقلبي مكااان قالي : والله انت ابخص بعمرك قلت له : زيين ممكن اللحين نطالع دروسناا *حـــــــــــــنان * خخخخخ هالبنيه تحفه مدري كيف اندمجت معااهاا ا حس نفسي اعرفها من زماان وحسيت بيني وبين نفسي بلووم لاني ظنيت فيها ظن السوء ..وولدها يااي يجنن تختوخ شووي وابيضااني وضحكته شي كنت ماسكة الولد العبه : ياقلبووووو انتي يزنيي يزننني الريم تضحك : خخخخ والله ولقيت لك معجبات يابندر ضحت عليهاا : خخخخ مو أي معجبهاا الا حناان بنت عبدالله يطول ولدج الريم : عداااااال انتي بس الي تمنيين نظره من ولدي قلت لها : ههههههههه القرد بعين امه الريم : قرد ريلج قلت لها : نعم نعم ترا مااسمحلك الريم : وانا استأذنت عشان تسمحيين انا اوردي سبيته قلت : وتعترفين بعد الريم قالت : افكوورس انا ماخااف خخخخخخخخ قلت لها : شرايك تسولفين لي عن نفسك يعني اذا ماعندك مانع الريم : عندي دواس ينفع قلت لها : من قاص عليك وقايل ان دمك خفيف الريم : محد قال انا عارفه لاني مخففته بالماااي قلت لها : ويك ويك بااايخه الريم : شرات ويهج قلت لها : هيييييييييييء (شهقه ) ببيتي وتسبيني الريم : اوووبس نسينا تعالي بالممر اسبج ونرجع قلت لها : خخخخخخخخخ والله مو بصاحيه الريم : خخخ توك تدرين سمعي ياطويلة العمر انا اسمي الريم راشد ال... طبعا تعرفي اني اماراتيه وهذا واضح من رمستيه امم عمري 20 متزوجه من احمد ولد عمي وربيع ريلج عندي بندر سمي ريلج امم ماكملت دراستي اناماكنت شاطره اولا وثانياا عرست وحملت بسرعه ماوحالي تهنى بالعرس هههه ام عندي اخيين الكبير سلطان هذا معرس واقدر اقول عنه انه ابوووي الي رباااني عقب موت الوالد الله يرحمه معرس له سنه وماخذ اخت احمد شيخاني وعندي الاخو المينوون حمدان قلبه ع الكل وحنون واااااايد وبنفس الوقت عليه غلااسه ماتنطاااق هذا بعده عاازب وشكله جذيه بيعنس ضحكت عليها : خخخخخخخخخ حلوه يعنس الريم قالت : خخخخخ والله اني صادقه ها الصبي من يسمع طاري العرس يودر الميلس ويطلع ركيض تقولين لاقعنه عقرررب ...ومن في ايه ميثه عمرها 18 ماخذه ثاني ولد عمي تخيلي هو اصغر عن احمد بعشر شهور قلت لها : ماشاء الله الله يحفظه بس لاحظت انكم خوان ماخذيين خواات الريم ابتسمت : صح اوب يماعنده غيراخ واحد واحنا عندنا البنيه لولد عمهاا وانتي سولفي عن نفسك حنان : امم اسمي حنان عمري 20 يعني شراتك كنت ادرس الين ماتزوجت ادرارة اعمال واللحين رح اكمل انتساب عندي ثلاث خوات نور الكبيره هذي عمرها 22 ومتزوجه من عشر ة ايام تقريباا وماخذه تركي اخو بندر وعندي ليلى هذي مرها 18 وتدرس تقنيه طبيه ومريم عمرها 17 وهالسنه ثانويه عامه الريم سالتني : ماعندك اخوان قلت لهاا : لااااا .. كنت اتمنى يكون عندي اخو عزوه سند وانا صغيره كنت اسمع البنات يتكلمون عن اخوانهم وعن خوفهم علهم عاطفتهم غيرتهم بيني وبين نفسي كنت احسدهم بصرااحه وقررت اني اكون لخواتي الاخ الي ماانرزقنا فيه الريم : يعني اسفه ع التطفل ابوج ماكان نفسه بولد ؟ ضحكت عليهاا : تصدقين مره سالنا ابوي هالسؤال قالنا ليه اتمنى الولد واناعندي بناات يغنييني عن مية رجال كملنا انا وياها سوالفناا الين ماطلع رجلهااا وراحت معااه حاولنا نعزمهم ع الغذا لكنهم رفضوو
_________________ ., ., |
|
#54
01-02-2008
| ||||
| ||||
| رد: @@ >>> ما كل من يضحك مع الناس مبسوط <<< @@ *عبد الرحمن * كنت جالس لوحدي .. اخ الوحده صعبه والعجز اصعب .. تذكرت رجلي حسيت بالالم والحسره صعب ان الانسان يفقد جزء من جسده بهالبساطه لكن هذا قدر رب العبااد ولازم نرضى .. لاز ياعبد الرحمن ماتضعف لاازم تكون اقوى من قبل لاازم ميبان عليك الانكسار لاجل اهلك ... اهلك الي مالهم بهالدنيا غيرك دخل ممرض من قسم الاطراف الصناعيه اخذ مقااسي تكلم معااي وكان يرفع من معنويااتي وقالي ان العضو رح يكون جاهز عقب اسبووع بعد ماطلع كنت ابغى اناام .. يمكن هرب من مشاعر الحزن الي تملكتني يوم شفت رجلي لاول مره وهي مبتوره وملفوفه بالشااش اندق البااب استغربت من الي رح يجي .. دخل علي ابتسمت اول ماشفته هلا والله هلااا بالنسيب عبدالله : لا والله اهلا وسهلااا انت واحد ماتستحي تعرف ذا الشي قلت له : ليييييييييه قالي : اللحين انا صاحبك من سنييين وفوق كذا قريب ان شاء الله وتصير خال عيالي قلت له : خخ خال عيالك .. املك عليها بالاول قالي : والله اختك تدلع مو راضيه .... هذا مو موضوعناا .. ا نت كيف تطيح بالمستفشى واناا ماادري ومادريت اليوم الا بالصدفه يوم جيت الشركه وسالت عنك قلت له : انت كنت مسافر و .. قاطعني : وخير ياطير واذا مسافر من بعد المسافه .. والله لو بالصين كان رجعت انا ماعندي اعز منك ياا عبدالرحمن انت اخوي وصديقي الوحيد ابتسمت : ماتقصر والله ياابومتعب بس انا طول الوقت كنت بغيبوبه وماصحيت الا امس قالي : المهم الحمدالله ع السلاامه واجر وعاافيه قلت له : الله يعاافيك ويخليك لي سالني : متى بيطلعونك من هني قلت له : بعد يوميين .. لكن لازم اجي اراجع عشان جلسات العلاج الطبيعي قالي: اهاا طيب ليه الاصابه كبيره ؟ قلت له : ابد بترو ساقي شفت الصدمه على وجهه : لاحول ولا قوة الا بالله .. قلت له : ونعم بالله الحمدالله ساق ولا الاثنيين وانا احسن من غيري ابتسم لي : طوول عمرك قووووي وماتنكسر تنهدت بالم : مااكذب عليك واقولك ان السالفه ماتفرق معي .. الا والله اني احس بنفسي مكسوور وعااجز لكن مااقدر ابييين مااا اقدر اقوول قدامي اهلي سويت نفسي طبيعي وقمت اضحك لكن بقراارة نفسي انا اتقطع اتقطع يااخوي حط ايده ع كتفي : لييته فيني ولاا فيك ... عبد الرحمن مو عيب انك تحس بالالم وصدقني فاهمك وحااس فيك لكن خلك واثق من نفسك خل هالالم دافع لك بالحياة دافع يخليك تنجز ووتفووق انت ماشاء الله من اشهر رجال الاعمال واسمك يرن رن انت انقذت شركة ابوك من الخسااره وكبرتهاا الين صارت الي هي عليه اليووم وان شاء الله رح تستمر بالتقدم ومارح يووقف بوجهك شي وانا رح اكون جنبك وكل الي وقفو معاك باول الطريق رح يكونون معك اعتبرناا عقاازك الي تستند عليه ابتسمت : اشهد انك نشمي ياعبوودي عبدالله : عبودي بعينك ان شاءالله احم احم هذاا دلعي ماتقوله الا حرمتي قلت له وانا افهم قصده : ان صاارت حرمتك فتح عيونه : نعم لايكون بترجع بكلامك ؟ قلت له : والله لو تبغى تملك بها اليوم املكت لك وخذها بيتك الاخ ابتسامته من الاذن للاذن : لو بيي كان رحت جبت الشيخ اللحين لكن انا ماارضى اخذ بنت مساعد كذا ... لازملهاا عرس تتكلم عنه جده كلهااا ابتسمت له : ماتقصر يابو متعب .. وقف وقال : تامرني على شي قلت له : وين خلك عندي قالي : لا بروح البييت تعبااان ابغى انااام قلت له : زيين الله يحفظك قالي وهو مستحي : عبدالرحمن لاتفهمني غلط بس عطي رقمي الاهل لو احتاجو شي او صارلهم شي لاسمح الله قلت له : تطمن في سواااق وفر خدمااتك قالي : مالت عليك مع السلاااامه * بعد مرور 3 شهور * عبد الرحمن لاقى بتدريباته ع الساق الصناعيه صعوبه الا انه قدر يتفوق عليها ورجع لشغله بكل عزيمه ونشاط احلام وليلى ومريم .. بدت دراستهم وبدأ معاها الكرف تركي نور الاوضاع مستقره واخيرا ترك بعد شهر من زواجه رجع للشغل بعد كلمتين بالعظم من جدته ( انت مو ناوي تروح شغلك كله لاصق بحرمتك تركي : جدتي انا عريس الجده : لك اكثر من شهر ترى اخرتها بتزهق منك تركي يطالع نور : زهقتي الجده نطت : ايه زهقت من بكره ارجع شغلك تركي : امرنا لله ) سلطان وشيخه .. حتى الان مستقره حياتهم حمدان انعدل وصار يداوم بالشغل حتى قبل سلطاان الريم واحمد ... حياتهم ماشيه اووكي وولدهم مجننهم بندر وحنااان الاخ والاخت مبسووطييين ع الاخير تعودو على بعض وبندر يسمي حنان خويي (صاحبي ) لان الحبييبه مو مقصره محسسته انهاا ولد بمعنى الكلمه وصار يطالعلهاا من هالمنطلق لغاية يوووووم ... كان احمد عازم الريم ع العشى وطبعاا مافي احد يكون مع الولد الا حنان الريم مستحيه : حنان والله مستحيه بس حنان قاطعتها : لاتقولين كذا احنا زي الاخواات مابينا هالشي الريم : ماتقصرين والله انا جبت لك كل الاشياء اللي تحتاجينها وترى الاكل بالحافظه حنان : ريم والله عارفه شفتها روحي واستانسي ولا اشوف وجهك انتي ورجلك الا بكره سامعه ... يالله بسرعه رووحي بعد لعب وجهد جهيد وبعد مانتف شعرهاا ناملها بندر الصغيرون ... نام على حظنهاا حنان كانت تحسس وجهه بكل نعوومه وشعرها نازل على وجهها قامت وبحركة عفويه ترجعه ورى اذنهاا بندر كان يراقبها طوول الوقت لاول مره شاف حنان ناااعمه ..لاول مره شاف انها انثى صورتهاا وهي حاطه بندر بحجرها ونظرتهاا له انحفرت بخياله بندر " من يصدق حناان حنونه كذا " قرب منهاا : هاتي رح اوديه الغرفه انحنى اخذه من عليهاا ماكان مركز .. تركيزه كله كان على وجههااا حنان : بندر خلاص يالله شيله ابتسم بندر واخذه حطه السرير جات هي وحطتله مخدات من الجوانب عشان لايطيح غطته بشرف وتركت البااب مفتووح طلعت هي ويااه الصاله اول ماجلست ع الكنبه فتحت بكلتهاا عشان تلم الشعر الي طالع بندر انتبهلها حنان رجعت تلم شعرهاا بالكااامل بندر" ليه ترفعينه خليه مفتوح احلى " لكن طبعا ماتجرأ يبدي رايه خاف يجيه شي منهاا حنان : خير فيه شي بندر : اقول ماتزعلي حنان : هات الي عندك بندر : اول مره احس انك بنت حنان بنص عيين : سووري يعني لكن انا اول مره اشوف ان عندك عاطفه وحناان حسيت هالشي من معاملتك لبندر الصغير ولاطول الوقت احسك واحد من اخويااي حنان حز بخاطرها كلامه لكن على ميين : والله عاد احاسيسك خلها نفسك ماتهمني تصبح على خير بندر : حنااااااان لحظه حنان التفت له : اسمع يابن الناس لاتحط ببالك اني انجرحت من كلامك قلت لك من قبل واقولها لك من جديد انت اخر انسان ممكن يهمني بالكوون وترى انا اؤمن بحريه الاراء عن اذنك حنان بنفسهاا " هذا الي باااقي الاخ بندر جالس يقيم درجة الانوثه عندي مالت عليه ... معقوله انا ماابان انثى لهالدرجه ... خليك منه مابقي الا تفكرين بكلاامه مغروور على ايه يااحسره وجععع انام احسن لي * غرفة نور وتركي * نور : انت كيييف تفهم اقوووولك وخر عني مو طاايقاااك تركي : نور لاترفعيين صووتك نور : ياااخي انقلع انقلع من قدام وجهي تركي يمد ايده يبي يهديها : وخر ايدك لاااتلمسني مو طايقتك مو طايقه لمستك انت كيف تفهم ... مااتحس ماعندك مشاااعر اقولك ماااااابغاااااااااااااااك تركي عصب منهاا : وانا الي مايباني مره مابااه الف وطلع قفل البااب وراه بقوة نور خذت تحفة عندها ورمتها ع البااب وتكسرت لقطع قطع زي قبلها الي انكسر *ســـــــــــــــلطان * اخيرا رديت تأخر وايد بالشغل يلست ع القنفه عسب ارتاح شوي شفت ملابسي ع الشبريه زااهبه .. ياتني شيخه وعطتني الفوطه : تسبح الين ماازهب لك العشى قلت لها : انا شبعان من هالجمال قالت: لا ماينفع العشى بتعشى اعرفك اكيد ماطاح شي بطنك من الغذا قلت : انا احبج يزوووي شفت ابتسامتهاا بهتت وقالت انا بسير ازهب العشى مااستوعبت اني ناديتها باسم اختها الا بعد ماطلعت من عندي *حــــــــــنان * سمعت جرس البااب يرن طالعت الساعه اللحين الساعه 1 قمت من النووم شفت بندر طالع فتح الباااب وكانت الريم بندر : الريم خير فيه شي ؟ الريم بدت تبكي.. جريت عليهاا : ريم خير الريم اول ماشافتني ارتمت بصدري قلت لها : شصاار احمد صاارله شي بكت : لااااااا بندر : حناان خذيها دااخل عندك وانا بشوف احمد الريم من وسط بكاهاا : لو سمحت بندر ماابى اشووفه بندر وانا فهمنا انهم متخانقيين قلت لها : ولا يهمك بندر رح نام عند صااحبك والريم بتقعد هني بندر : زيين .. ان احتجتو شي اتصلواا راح بندر وتركني انا وريم اعطيتهاا ملابس عشان تتسبح ورحت اسوي لناا هوت شوكلت تمهيداا لجلسه كلاام طوويله
_________________ ., ., |
|
#55
01-02-2008
| ||||
| ||||
| رد: @@ >>> ما كل من يضحك مع الناس مبسوط <<< @@ هذا نهايه الجزء 20 انوار حبي اكمل ولا بتروحين تنامين ؟؟ اذا تبيني اكمل قولي لي واذا بتنامين بعد قولي لي ^_^
_________________ ., ., |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
