عقوق الأحفاد (قصة حقيقية)

بسم الله . في صباح يوم من الايام كنت أمشي شارع الخزان وعندما وقفت السيارة شفت شيء غريب شفت رجال واقف عند حاوية الزبالة عزكم الله فوقفت وقلت ابشوف وش عند هالرجال وكل هالوقت وانا ماشفت وجهه بعد ويوم انه لف جسمه وشفت وجهه اندهشت مره مره
وش اشوف رجال له لحيه كبيرة غطاها الشيب الصراحة استغربت شغيب وقاعد يدور في الزبالة ( كبيرة ) المهم قلت لازم اشوف نهايتها وفعلا حولت من السيارة وصرت اتبعه والشايب كلما مر من عند زبالة وقف عندها وقام يقلب فيها نسيت اقول لكم إني يوم شفت وجهه زين وعن قرب حسيت ان وجهه وجه واحد ماهو فقير حسيت في وجهه انه راعي نهمة والله العظيم المهم استمريت وراه حتى وصل عند فلة واجهتها حجر استغربت وش يبي يوم وصل عند الباب قام وطلع مفتاح وفتح باب الفلة معقول يصير الصراحة مافمهت شيء. لاكن قررت إني ارجع الظهر واصلي حول بيته لعلي اشوف وش السالفة .لاكن ماقدرت ارجع بعد الظهر فرجعت عند صلاة العصر وصليت في المسجد إللي عند بيته وبعد الصلاة قمت اتلفت يمكن اشوفه ولا شيء لاكن ماشفت فقررت إني اروح واوقف عند الباب إللي دخل منه وبعد شوي انفتح الباب
وطلع ولد صغير عمره تقريبا 8 سنوات فسلمت عليه وسألته ابوك الشايب وقبل مايجاوب انفتح الباب مره ثانية فطلع معه ولد اكبر من الاول فسلمت عليه وسالته ابوك الشايب قال نعم وقبل ماكمل انفتح الباب مره ثالثة وطلع ولد اكبر منهم فسلمت عليه وقلته بالي شفته وإللي حصل وعرضت عليهم المساعده فقال لي شفت هالشايب قلت نعم قال هذا كان من ارباب المال في الرياض فأعطاء ولد بنته وكالة شرعية فما كان من هالولد إلا إنه لعب في كل شيء وتنكر لجده واصبحت هذه حالة الجد .هذه القصه تابعتها بنفسي وحز في نفسي هل يعقل ان العقوق يصل الى الاحفاد وبهذه الصورة .لاحول ولاقوة إلا بالله.