ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

مطلع على سكوتر · #1 08-20-2003

ابن ادم زي الانسان ضعيف اذا توفى مات !!!

سلالالالالالام عليكم ورحمة الله وبركاته ...:D

كيف حالكم ايها القوم ... والله شوف عيني كلكم متبطحين وحاطين الكي بورد على المخده افلقوني اذا ماهوب صدز ... :cool:

على العموم كنت ابي اسرد لكم قصتي يوم اني كاشخ من جد انقهرت بس الحال واحد هذه ضريبة المجتمع <<< مسوي فاهم اخلص بس.:D

في مرت من المراريت كنت لاطش سيارة ابوي يوم سافر والسياره كانت فياجرا بيضاء اللون 2003 رقم اللوحه <<<< وش يبي ذا ..
وجالس ادجج في الشوارع راز بخشمي تقول حاطه على الطبلون من زود الرزه ... انواع المهايط <<< توني ماخذ ابرة مهايط والعيار مرتفع حبتين ... وانا جالس امتر شارع البيبسي وخذلك مصاقط والتنتيف للمواتر تعرفون راكب فياجرا <<<< حشى اف 15 ;).. . على العموم ذي ماهي السالفه .... يوم رحت لم مطعم في وسط الديره جيت وقفت وسط الشارع وفيه مواقف خاصه ام حبال تعرفونها ... واجي واحط خشم الفياجرا على راس الحبل واناظر السكيرتي واقوله افتح لي الحبل خلني ادخل الموتر ....المهم نقز السيكورتي وفتح الموقف تقل قارصه عقرب وقال تفصل طال عمرك ... انا من زود الفرحه صدمت راس الرصيف من قدام <<<< تسمع بالحساسات ... وجاني رجل الامن وقال سلامات قلت لا عادي انا متعود اذا مليت من سياره اخربها معها تعرف ولد بطره ....<<<< والله من خشتك يالدباب :D .. المهم نزلت ورحت داخل المطعم راز خشمي ومقدم الصدر شوي حبيتن ,, وانادي راعي المطعم ... صديق صديق .. << ماعرف الاتيكيت على باله في مندي حضرموت ;)...المهم وانا اجلس على ذيك الطاوله المترين في متر <<< تكفى الصدز .... واطلب المنيو وانواع التمليح على الجرسون <<< ياحليله عرف الاتيكيت .... المهم قمت ادبغ في العشاء لين قال المعده تكفى فكنا ياولد الناس .... المهم حاسبت بذيك الضربه مدري كم بس الكشخه تستاهل ورحت لتمتير الشوارع وبعدها للبيت ...
وفي اليوم الثاني جازتلي السالفه حقت البارح والله واكشخ واخم الفياجرا وادز لم المطعم وبعدها سويت اللي سويته البارح .... مر يومين وانا على ذي الحاله .......... وبعد فترة من الزمن <<< اموت يالزمخشري:D .......... جاء ابوي من السفر ورجعت وزبنت المفتاح في محله وفللت الموتر وكن مافيه شي تحرك ......;)
وارجع على مويتري الددسن الغمارتين موديل 84 ام مخده عىل القزازه الخلفيه ومشد على الصندوق ورحت ادجج مع العيال خوياي ...
المهم طقت في راسي وانا والشله نروح لم المطعم الزبده ... دزينا على الددسن لين وصلنا للحبل حطيت خشم الددسن على الحبل وقلت افتح الموقف ....... ناظرني نظره أليمه تقل ماكل حلال امه وابوه وخوله بعد .. وقال وش تبي انت هذا مطعم خمس نجوم ... قلت ادري بس افتح .. قال يمكن انك غلطان ترا شواية الخليج في نهاية الشارع ... عاد انا طقتني ام خباله قلت افتح لا اخلي وجهك خريص تقاطع الملك فهد ... قال رح بس سوق الغنم برا الديره ... <<< والله يحش ويسوق ابن اللذين:D .. المهم انا خربتها ودفيت الحبل بصدام الددسن ونزلت وقلت اذا فيك خير وخر العروسه <<<< دلع الددسن حقتي ...... والله وانزل ان العيال ونتعشي ونحاسب يوم طلعنا لقينا انواع الدوريات والشرطه والعالم .... قلت يمكن فيه حادث ... مادريت الا رجل الامن يقول هذولا هم المرجج والله ويطمرون علينا الشرطه وحط رجلك يابو فنيس .... وبعد برهة من الزمن مالقيت عمري الا بوسط الحجز معي الشله والله لايوريكم الحجز ليلة الخميس انواع اععععععععععععععععع ياربيه ...
هاذي حال الدنيا يوم لك ومليون وطعش عليك ... بس اللي قاهرني وش الفرق فيني يوم اني على فياجرا والا على ددسن فهموني ؟؟؟؟:confused:

م ط ل ع ع ل ى س ك و ت ر

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

دموع العين · #2 08-20-2003

هههههههههههههههههههه

والله ماتمزح يامطلع

داخل مواقف خاصه وبددسن بعد خخخخخخخخخ
وعجبتني كلمه العروسه !!!!

ابن ادم زي الانسان ضعيف اذا توفى مات
وش يعني؟؟؟؟؟؟؟؟؟؟؟؟؟؟؟؟:confused:

اما بالنسبه للفرق فلا يوجد اي فارق في الشكل ولا في المضمون
تدري ليش ؟؟؟

لانهم ثنتينهم سيارات
خخخخخخخخخخ<<< االاخ يستخف دمه شوي

يعطيك العافيه اخوي مطلع

وتحياتي لك وللعروسه بعد

اخوك

دموع العين

{الزير سالم} · #3 09-09-2003

خوي مطلع على السكوتر

ههههههههههههههه لا ابد مافي فرق بين الفياقرا والددسن لاوالله بالهديره ...فيفرق واااااااااااااااااااااااااااااااااااجد

واحد مصدق

ماماماما امداك تنزل السياره وتدخل المطعم مشي:p:p:p:p:p:
الله يعطيك العافيه على الموضوع

الزيـــــــــــــــــــــر سالـــــــــــــــــــــــــــــم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
العلاج السريع لمرض التخلف المزمن - بحث فريد على الاطلاق	صادق عبد الله	منتديات الفسحة العامة	79	10-10-2009 11:25 PM
عمركم شفتوا سمك القرش ياكل انسان...(..نشوف الصور).....ضعيف القلب لا يدخل	مرايه	ممنوع مخالف مكرر	92	05-22-2009 03:55 PM
حلم الانسان يستغرق 6 ثواني	multi1media	منتديات الفسحة العامة	18	01-10-2008 10:16 AM
كيف تعرف الحديث الصحيح من المكذوب ؟؟؟؟ ارجو التثبيت للأهمية	علي = the king	المنتدى الاسلامى	3	11-23-2007 04:31 AM
الختان وقصة التطور والحضارة - بحث مختصر وفريد ومفيد	صادق عبد الله	المنتدى الاسلامى	1	11-19-2007 08:16 PM