ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

مطلع على سكوتر · #1 08-22-2003

السلام عليكم ورحمه الله
الصيف ومادراك مالصيف ,, يخلي الواحد من زود الفضاوه يادلخ ياذكي :D,, والصيف هو الوحيد اللي يفكرون فيه العالم تلقاهم يفكرون وين يسافرون له واللي تلقاه يفكر وشلون يدبر دراهم ويتونس واللي تلقاه يفكر وشلون يقضي هالمده من دون مايحس ,, يدلك ان البيوت عليها دخنه تقول مطاعم ,, وتزيد الريحه لاجيت من عند حواري العبيد ,, وصاحبكم (( اللي هو انا )) فكرت ذات مره وليتني مافكرت ;)
كنت بالبيت جالسن بلحالي ,, بيني وبينكم فرحنا يوم جت الكهرب الديره وليتها ماجتنا من اول كنا نتجمع ونسولف ونتونس اما الحين كلن ببيت امه عند هالدش ,, اجل لو جانا الزفلت وش بيصير ؟؟!! <<<< بتسوون رحلات زفلتيه :cool:

شغلت التلفزيون على هالقناه الجديده اللي اسمها نغم (( باقي الديجتل مايعرفونه )) ووش اشوف ووش اخلي ,, اول مالها واحدن غربي يتغني والظاهر انه يقول للحرمه تفصّخي ماشوفها الا تظحك وتفصّخ (( ماكني غطيت على عجيب بالترجمه )) :D ثم طب بعدها نبيل شعيل في اغنيه ببر اول ماشفته احسبه مركب جنحان ومسوي خفاش بس بعدين عرفت ان اللي وراه خيمه (( مسكين شكله يبي يقلط بس تورط )) ثم تطب لك هاك الفرقه اربع قطاوه يحبهم قلبك معدين فوق راس طعس (( تصدقون اول مره احس ان الطعوس زينه )) ;)ويترقصون ومبسوطات حتي صحاريهم مايعرقون فيها ماهو بصحارينا اللي من تفكر تطلع البر ينقلب لون وجهك من الشمس

طفيت الدش قبل لا يجيني حارش ثم مشكله من وين بادبر نفسي ماخبر عندنا شي يهلك تصمل ,, (( <<<< من النوع اللي يفك مع صوت اميره على الاف ام )) :D,, المهم بديت افكر ,و خبركم الواحد لافكر جاب العيد ,, وطرى على بالي اسوي فيديو بن كلب علشان هالحريم يترقصن معي ,, ومن اصبح الصبح وانا طامر لموتري ومجهزن عمري وعلى الرياض دايركت ,, واكلم لي واحد من اللي يشتغلون بالبنك (( على باله ان مايفهم الا هم )) ;)قالي هذا مكتب واحد من العيال ينسق لك مع فنانين تصور لهم قلت قدام (( انا يو مسمعت تصور ضعت على طول )),, وقالي اصبر يبيلك مبلغ قلت قد ايش قال حوالي الميه الف قلت الله واكبر هذا تسميه مبلغ (( ماقد سمعه وعلى باله من شله الهلل )):cool:

والله واطير للمكتب وادخله الا على هاك البراد ومن زود النظافه حسيت اني وصخ (( احلى يانظيف )) قعده على بال مايجي الموظف ومستغرب اقول شكل الموظف فلبيني من شفته حاط فنيلته على الكرسي وبيني وبينكم طفشت :D,, قلت انا من قمت الصبح وفي خشمي شي ناشب لي خلني اطلعه هالحين وقدامي مرايه وقاعد اتفنن وانا اشوف اصبعي شغال يوم خلصت تورطت مامعي مناديل والله مايبيلها كلام الطاوله اللي قدامي تغري واسوي من زود الوصاخه علامه زورو الا هاك الصوت اللي يقول لي يمين الله لو ماشيلت يديك ليكون اخر يوم بعمرك ولا ماكون عصمان:confused:

انا انلخمت وقلت يلعن ابو التكنلوجيا اثر عندهم عيون سحريه (( باقي ماسمع بالكميرات )):D واتلفت ابي اشوفها الا يوم قالي انا جالس على المكتب ماتشوفني واطالع الا الفنيله يوم ارتفعت شوي الا يوم بانت ملامح واحد واكتشتف اخيرا انه زول بس عجاز يقولي وش تبي المهم فهمته السالفه وقالي امر عندنا فنانه توها جديده (( يعني ماحد لعب باقي )) وسوريه والبنت تبي دعم علشان تسوي فيديوا لها قلت انا بادعمها لو من ظهري بس هي وينهي قال ابشر وعطاني العنوان وقالي من بكره جهز فلوسك وعلى سوريا قلت يالله توصي بشي وجيت باطلع الا يوم مسكني وقال هيه وين يازول وين الحساب ,, قلت الحساب يوم الحساب (( على بالي احرجه ));) قال عطني خمس ميه لا قسما بالله احنطك هنا (( بيني وبينكم ماعرفت وش قصده باحنطك بس قلت اخاف ان فيها الشرف )) خل نعطيه وهي زكاه لله من اولتها تكفير ذنوب

حجزت رحلتي وجهزت دراهي (( كلها الفين زارفها من تجوري الشايب )):D واركب ولا ردتني الا سوريا وعلى طول رحت لموقع التصوير متحمس لو يقلون بنصوركم قلت امروا (( الولد فاهم غلط )) واخش لك على هاك العالم وعلى بالي ان السواريه زي اللي عندنا زلايب ويخافون طلع الواحد منهم طحش وابيض تقعد تدور عليه تدور وين الباب ومن زود اللخمه يتكلم من كل مكان وماتفرق بين ريحه فمه وريحه اللي ماهو بفمه (( خاف من مقص الرقيب ))وتجي الفنانه ويبدا التصوير بس لحظه كيف يبدون الفيديوا ,, طالعت فيهم وانا محتار اثري ماجبت مخرج قلت تدرون مايحتاج اللي يسمعكم يقول ان التصوير عندنا يبيض الوجه ابد حط لك نخلتين وجب وايت خله يصب كنه نهر فوق هالطعس وهي تمشي وخلصنا قالوا طيب ,, و ويصورون الفيديوا كله مشهد واحد (( من حر الشمس صارت الفنانه تقول كرتون سن كولا )) ;)ياحبيلهم ياشيخ هم من الشمس يحمرون وحنا نسود خلص التصوير وجوك يبون الدراهم وانا اللي اطلع لهم خمس ميه ريال (( لا كريم الولد )) وقلت هاكم وخلو الباقي معكم (( بمطعم شاورما انت )) ,, طالعوني بنص عين وقالو التصوير كلف خمسين الف دولار وانت معطينا خمس ميه

قلت افا يعني اثر الدعوه غاليه ,, قالو غاليه !! وهم اللي يطمرون علي هاك الطمره اذكر اني شفت سنون واحد ونجمتين ثم مادري من اللي طفا النور ولا وعيت الا بسجن فيه ريحه الحمص تلجلج :D,, وارسلو لابوي قال خلوه عندكم ياكل ويشرب لابارك الله فيه ,,
والحين انا بالمعتقل يطلعوني كل يوم خميس علشان السواح يقلون لهم ترى هذا كان عايش قبل الف سنه ومحنطينه (( تحسون اني ماعرفت التحنيط الا قريب )) ويرجعوني للسجن الين اسدد المبلغ ولابارك الله في الدش ولا في الساعه اللي عرفت فيها افتح تجوري الشايب بس الشهاده لله من الحمص صرت اسولف زيهم من فمي ومن اللي ماهو من فمي
((انتهي كلامه )) :D

م ط ل ع ع ل ى س ك و ت ر

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

الملقووفة · #2 08-23-2003

ههههههههههههههههههههههه
ههههههههههههههههههههههه
يسلمووووووووووووووو
اخوي على هالموضوع اللي
يرج...
بس احلى شي يوووم انك ترسم علامة زورو
حلوة الحركة...

ارق التحيات/
الملقووفة.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري