 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
12-28-2007
| ||||
| ||||
 قد مرة شافك ولد بالغلط..!!؟؟ ممكن سؤال ياحلوين؟؟  قد مره شافك ولد بالغلط؟؟؟؟؟؟؟ احكي لنا بالتفاصيل............... لوسمحت.. بالتفصيييييييييييييل .. *************** وهذي مجموعة مواقف قريتها وعجبتني.. ((وحده من قريباتي شافت ولد خالها "زوجها الآن" وهي كانت لابسه كعب وجالسه تتمشى في الحوش وأول ما شافته طلعت الدرج تجري ولما وصلت لأعلى الدرج طرااااااااااااااااااااااااااااااخ زحلقت من الكعب وطاحت... المسكينه كانت في موقف محرج خصوصاً إن الولد كان يبغى يشوفها قبل مايخطبها رسمي)) ******************************************** ((مره أخواني مسويين عزيمة لأصحابهم وحنا نظام بيتنا إن الباب الداخلي للمجلس يقابل الصالة يعني بابين عندنا باب خارجي للضيوف والداخلي لأهل البيت المهم أنا كنت واقفة أشوف التلفزيون ومعطيه جنبي للباب الداخلي وتعرفون الملابس التحف اللي تنلبس في البيت ما فيه قطعتين مثل بعض شوي والا أخوي الصغير يفتح الباب الداخلي من جهة صديقهم وأنا من لقافتي فريت راسي أشوف من طلع من أخواني والا عيني تتسمر على شخص غريب وتيبست دقايق ماعرف شسوي ييييييييييييييييييييييييييييي وربي إحراااااج يا شين اللقافة اللي فيني)) ******************************************** ((مره كنت جالسه ألعب مع بنات خالتي ولبست ثوب أخوي وكان وقت صلاة الفجر وعاد تعرفون حركات البنات.. رحنا مجلس الرجال نبغى نشوف الدمار الشامل من وراهم >> لقااااااافه وحنا طبعاً مطمنين إنهم كلهم في المسجد.. خرجوا كل البنات وما بقي غير أنا وبنت خالتي اللي بعمري وشوي دخل علي ولد خالتي الكبير أخوها ومعصصصصصب علي ويناديني فلاااااااااان قدااااااامي عالمسجد وأنا ساااااااكته وأطالع فيه وأخته من الصدمه مو قادره تتكلم بس تضحك وتأشر بيدها قهرتني وهو عصب عليها ليش تضحك وملزم إني فلان أخوه >> ماينلام الرجال وجلسنا على هالحال لما عدت بنت خالتي من جنب الغرفه وسمعته وهو ينادي فلاااااااان قالت له فلان راح المسجد قال لها أجل من اللي جالس مع أختـك بالمجلس دخلت علي وأنا بموووت من الإحراج والفشله وقالت له هاذي لولو انحرج المسكين وعصب على أخته اللي معاي عشان ما قالت له وخرج للمسجد بعد ما فاتته الركعه الاولى يعني فشله شافني وأنا بقمة استهبالي وبثوب بعد.. إلى الحين وهو مو ناسي الموقف )) ******************************************** ((مره كنت نايمه عند عمتي والصبح الكل نايم ..وطلعت بروح للحمام الله يكرمكم وكان ولد عمتي بالصاله وشافني يوم طلعت.. شكلي كان عادي يعني مو حوسه بس كنت أحك يدي (حساسيه).. هو كان مار وشافني وقعد يبتسم بغيت أصفقه والله يقهررررررر ومشيت وخليته)) ******************************************** ((مره وحده من أخواتي هي نظرها ضعيف وما كانت لابسه عدساتها ودخلت على أخوي وولد عمي وتقررررب من وجهه تخيلوا الموقف البااااايخ لأنه يشبه واحد من أخواني وهو مسافر ويجي دايماً من غير ما يقول لنا يعني مفاجآت وحركات وهي تحسبه أخوي وأخوي الثاني في المجلس زررررق وجهه من الإحرااااج )) ******************************************** ((مره كنت رايحه مزرعة عمي وطبعاً تعرفون مزرعة وحوسة لأننا بنام هناك وفيه أولاد كثير المهم.. أنا وبنت عمتي جالسين بالدكه اللي ما يعرف الدكه هي مكان مرتفع جلسه وفيها باب يدخل على البيت اللي بالمزرعه كانوا الأولاد جوا يتعشون المهم إن عيال عماني إذا دخل علينا واحد بالغلط ما يحب يفشل نفسه يكمل طريقه كأن ما فيه أحد كأننا ما نتغطى هههههههههههه فله خخخ مهبل.. المهم أنا وبنت عمتي نسولف وحماس طلع ولد علينا وكمل طريقه خخخ وحنا نضحك وكملنا سوالف هو يوم جا بيرجع قال يا ولد لأنه يدري إننا فيه لأنه دخل علينا المره الاولى المهم هو قال يا ولد وأنا وبنت عمتي بندخل جوا نتغطى وأنا أرركض بدخل <<متحمسه ومادريت إلا ولد عمي الثاني خشمي بخشمه وراه صفة أولاد هم طارت عيونهم وأبي أرجع وألقا ولد عمتي اللي ورطني.. وين أروح محاصره وبنت عمتي جلست بالكرسي استسلمت وش سويت عشان أنحاش فيه جدار قصير حق الدكه وأسوي نفسي رياضيه وأطب من فوق الجدار هههههههههههه وش أسوي مالي حل غيره)) ******************************************** ((موقف ثاني.. بنفس اليوم بالمزرعه مسويه سنعه جالسه أدخل مفارشنا جوا عشان بننام المهم وأسمع صوت الأولاد يضحكون ماجا ببالي إنهم بقسم الحريم خخخ <<ياعمري وأدخل وألقاهم يضحكون تفشلت وأروح من الروعه أركض طلعت برا ووصلت للخيمه ههههههه من الروعه المهم جلست ربع ساعه قلت أكيد إنهم راحوا وأرجع مره ثانيه وألقا ولد عمي وجهي بوجهه جالس يزين شماغه فشللللللللللله.. المهم وأروح وأدخل المطبخ وكان فاضي وهو صغير وأتسند عالثلاجه وأنا جالسه أهوجس وأفكر وأطالع الأرض.. إلا وفيه شي أسود كذا جنبي رفعت راسي أثاريه ولد عمي واقف يطااالع هههههههههه أنا مدري وين أروح أرركض وأصقع بالجدار ههههههههههههههههه والجكيت حقي فيه حديد ويصقع بالباب ويطلع صوت تعرفون ارتبكت مرره وهو واااقف تلقاه يتحمد ربه خخخخ)) ******************************************** ((أما أنا كنت ببيت خالي وجيت بنزل وكان ولد خالي يبي يرقى وجلست أطالعه وهو يطالعني طولنا وحنا واقفين شاف إني لا يمكن أتحرك قام المسكين ونزل وجلست أمشي وراه بالبط هذا الموقف صار لي أول ما تغطيت)) ************************** (((انا مره كنت بيت جدي قاعده مع ولد عمتي صغير وما كان احد في البيت دق الجرس رديت الا عمتي قالت افتحي لي الباب خذت ولدعمتي ورحت وانا اتمشى بالحوش ولابسه تنوره قصيره ومستانسه بالهواء الطلق <<الزبده جيت توني بلف على اليمين<<تسوقين سياره الا اشوف واحد غريب قمت حطيت رجلي ورجعت ورا الا عمي واصدقائه ثنين قمت رجعت ورا الا ذاك الرجال الغريب قمت اصرخ واغطي وجهي بشعري<<شوف الغباء بس والمشكله الي كان وراي يسلم علي بعد<<والله ما تستحي ومافي مكان اروح انخش فيه لاني كنت بالنص!! وياريت واحد منهم رجع واستحى لا كل واحد كمل طريقه وانا واقفه بينهم واصرخ زي المجنونه))) ****************************** اول ماطلعت اغنيه فله على سبيستون كانوا يجيبونها مليون مره في اليوم .. المهم مره واحنا في بيت خالتي كان ولدها الصغير في غرفه التلفيزيون و مشغل سبيستون والغرفه هذي لها بابين باب على الصاله وباب عى قسم الرجال انا كنت ماره في الصاله وسمعت التلفيزيون وانا احب اغنيه فله فما صدقت خبر ورحت اترقص عند ولد خالتي الصغير (( عمره 4 سنوت تقريبا )) وطبعا الباب اللي على قسم الرجال مسكر وانا على باللي مقفل وجالسه ادور في الغرفه وافر لحد مااستدار راسي ولمحت لون احمر وابيض اكتشفت انه شماغ وكان هذا ولد خاتي الكبير موقف عند الباب ومصدوووم يناظر .. انا تنحت اناظر لحد ماركز راسي بعدها اسوعبت انه ولد خالتي وادعس احط رجل للصاله .. ووجهي يتلون خضر ازرق اصفر احمر المهم راحت له اخته تودي الشاهي ورجعت وهي ماتدري انه دخل علي وانا ارقص مسكتها على طول وقلت لها السالفه قالت :: اهااا وانا شوفه ماسك الجريده وفاقع من الضحك .. <<< طبعا مايحتاج اقول لكم وش لون وجهي بذاك الوقت ******************************** ملطووووووووووش لعيونكم "أنا بانتظاركم"
_________________  |
|
#2
12-28-2007
| ||||
| ||||
 رد: قد مرة شافك ولد بالغلط..!!؟؟ هههههههههههههههههههههههههههه مشكوووووووووووة ويعطيك العافية |
|
#3
12-28-2007
| |||
| |||
| رد: قد مرة شافك ولد بالغلط..!!؟؟ صدق بنات مهبل ههههههههههههههههههه ما اقول الا الله لا يبلانا هههههههههههههههه  |
|
#4
12-28-2007
| ||||
| ||||
| رد: قد مرة شافك ولد بالغلط..!!؟؟ فلو رينا مشكوره على المرور القمــــــــــــــــــــــــيل ده...
_________________ |
|
#5
12-28-2007
| ||||
| ||||
| رد: قد مرة شافك ولد بالغلط..!!؟؟ ههههههههههههههههه مشكورة تسلم ايدك تحياتي |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
