بصراحه مدري من وين ابتدي معاكم ..

ابغي اشكي لكم همي وحزني .. وابوح لكم ما يجول في خاطري و فكري..

وما يحتويه قلبي..

انا حبيت واحد وابتلشت فيه وبحبه..مع اني ما كنت متوقعه هذا الشي انه يصير..

ولا حتى كان يخطر في بالى لأنه ضد مبادئي وقيمي..

وانا اصلاً اعيب على اللي يحبون واللي يعشقون بس الظاهر من عاب استعاب ..

المهم يالربع احكي لكم قصتي التى ادمت قلبي ..


ذاك اليوم وانا راجعه من الدوام الساعه عشر إلا شفت واحد رزه رزه من قلب..

يدور ويحوس بالفريق المهم كسر خاطري قلت خلني اسأله من يبغي؟؟

رحت صوبه طبعاً هو اخترع مني لأنه كان يدور شي يبغيه بس وشو مدري !!!

وطبعاً التفت صوبي ويوم التفت و ياليته ما لتفت حسيت قلبي انشلع من مكانه ..

كنه القمر واقف قدامي .. عجز الساني من الكلام وضاعت احروفي..

وتلخبط كياني ونسيت العالم كله ..

طبعاً هو قعد يسأل وانا سرحت بملامحه وكشخته والغتره الحمرا مع بياض وجهه

وعيونه الخضر وقول حق عمري هذا ياتري متزوج ولا عزوبي .. مطلق ولا أرمل..

المهم كان يبغي حد يدله على مكان وطبعاً انا ماصدقت انه سأل

دليته على بيتنا وقلت له اقلط وما كان حد من أخواني ذاك اليوم موجود

بس أبوي ابي اوهقه ...خخخخخخ

المهم رحت اركض المطبخ ابغيهم يحطون له عشى ويضيفونه أحلى ضيافه ..

وحطيت له كل أنواع الحم الابيض والاحمر بس المهم يستانس..

ويقد عندنا اطول فتره ممكنه ..

وهو قاعد ياكل وكان مستحي مني لأني كنت اطل عليه من الدريشه ..

وكان يطالعني بنص عين وهو ياكل مسكين كسر خاطري فقلت بخليه ياكل على راحته ..

وخليته وقلبي كان عنده..

طبعاً ماستحملت فرقاه رجعت له وطبعاً ارتبك يوم شافني مره ثانيه ..

واخرة المتمه لما شبع راح وخذ قلبي معاه وعبرتي تترقب الطريق اللي مشاه ..

وسرحت ف فكري ياترى في يوم راح القاه أو انه بتلاشى وضيع المشاعر وانساه..

ساعدوني صدقوني ما قدرت ارقد من كثر ما افكر فيه احبه موووت بل اعشق ملاح وجهه ..

عيونه اللي اسرتني ..
وجنتيه اللي عذبتني ..
ولا نور وجهه اللي ضوى في حياتي..
ولا صوته اللي حاك في مسمعي..

هذا هو حبيبي وهذي هي معاناتي..


تقبلوا مني تحياتي..

اختكمـــــــــــــ
بـــريــــدوووووووو