EMINEM والسندريلاء المنلحسه

سلام عليكم
هذي سلمكم الله قصه صارت في قدييييم من زمان

القصه تقول كان يا مكان من زمان


كان في واحد اسمه Eminem <== يعني مهب انت ؟؟ ايه انا
المهم كنت انا عزوبي وكنت بدري على الزواج والحب والعشق يعني مالي في هالا شيا
كنت اشتغل راعي غنم ادور بهالصحرا مع الغنم اسرحهم وانا اسرح معهم بالمناظر الخلابه والطبيعه الخضره من على حماري الي مكشخه اكثر مني <== امحق طبيعه
المهم كانوا جيرانا (الخيمه الي جنبنا ) عندهم بنت اسمها منلحسه وكنت انا وياها زي الربع امزح معها وارجمها بحصى <== هذا يقالك يمزح
وهي اذا شافتني سرحان تروح تاخذ قدر مويه وتكبه على
عاد انا اقوم الحقها وهي تنحاش <== الحقها بالحركه البطيئه زي الافلام
وهيالمسيكينه كانت تشتغل شغاله عند جريانا
كانت تستغل شغل الحمير
من بعد الفجر لييييييين نص الليل
ويدها ما توقف من الشغل
يا انها تحلب العنز ولا مكنسه الكهرب بيدها وتكنس<== كهرب وفي بر :D؟ المهم
ولا المواعين طايحه تنضيف فيها
والمسكينه هي عند ناس ما يقدرون الشغاله ولا يعبرونها حالها حال عامود الخيمه
مع مرور الايام بدت منلحسه تكبر بعيني وتحلو مع انها ما تعرف المكياج ولا الديرم ولا الحنه
وانا بديت اتغزل فيها
يعني اذا جيت ابروح لدوام الصبح وانا على حماري اروح جنبها واتغزل فيها شوي
واقولها اوصلك يا جميل يا روحي حرام هالجمال يمشي بلحاله
عاد هي تسوي فيها زينه وتتميلح وتقولي فارق
واقولها
ابفارق يا نظر عيني وقلبي معاك ------- والله لو مهرك ست الاف لا ابيع حماري واجيبك
وترد على
روح الله وياك ياروح قلبي ---- كل ماجيت احلب العنز قلت يا ليت انت العنز علشان اقابلك


المهم مع مروم الايام


المعزب حقي قالي
يا Eminem تراك عندي من وفات ابوك الله يرحمه وانا الي ربيتك وعلمتك وش لون ترعى الغنم وتحرسهم <== الي يشوفني يقول هذا بيصير دكتور بجامعه :D

عاد انت لازم تتزوج وحده من بنات جيرانكم واشوف عييلك يمشون وراك
( دقيقه ابطلع بره النص علشان نسيت ما اقولكم عن بنات جيران
بنات جيرانا ذولي ثنتين وحده دبه اسمها عطيات من متنها انها مرتن من المرات قالت لي تبي تركب على حماري ويوم جلست على ظهر حماري سان يبرك الحمار على الارض ويطلع لسانه ويغمى عليه من ثقلها , والثانيه اسمها مرزوقه وحده خرقه ضعيفه من ضعفها انها تقدر تتوزى ( تختبي ) ورى عامود الخيمه
طبعا هذولي الثنين عندهم ام كأنها البارونه الي في مسلسل ليدي
ومنلحسه المسكينه تشتغل عند هالي ما يعرفون الرحمه ولعنين سقافه)

نرجع لنص
قلت لمعزبي اصبر على شوي اراجع نفسي واشوف
واجلس افكر من الي تناسبك يا Eminem من الي تناسبك ويشغل بالي هالموضوع ليل ونهار
حتى وانت بالدوام وانا ارعى غنمي افكر
واحيانا امسك حماري واسئله لونك بدالي وش تسوي؟؟
عاد يرد على بقلبه ويقول : والله لوني منك يالحمار كان اخذ الي قلبي يميل لها ويحبها!!

والمشكله ان منلحسه ما جت على بالي مع انها كانت حبي الاول والاخير

وبعد اسبوع جاني المعزب ويقولي
ترى باتسر عندنا عزيمه كبيره في الحاره ( وش حارته وانت ببر ) يعني الخيام الي جنبنا
وابيك تصير جنبي واعلمك شوي على كباريه القبايل ( الزعماء) قلت له ابشره من عيوني.


( نروح لحبيبه القلب مزولا اقصد منلحسه )
كانت قبل العزيمه بيوم تفرك في قدر وتنضفه من بقايا المعكرونه الي معييه تروح من بعد الطبخ
هذا الكلام تالي الليل
المهم وهي تفرك وتفرك كان يطلع لها شبيك لبيك ( المارد ) من القدر :D
ويقولها شوي شوي وانتي تفركين القدر فقعتي راسي
كان تقوله معليش ما كان قصدي
ويقولها المارد ها وش تطلبي امري تدللي انا خادمك بين يديكي؟؟
وتقوله منلحسه : انت خدامي ؟ اصلا انا خدامه القبيله كلها
ويرد عليها: اقول اخلصي على ولا ابرجع ترى عندي مشوار ابودي اهلي لسوق ؟
وتقوله : طيب خلاص ابطلب انك تنظف هالقدر الي فقع مرارتي وهو ما نظف؟
ويرد عليها : امعصي الحين تطلعيني علشان البي هالطلب البايخ ؟ اقول اطلبي طلب زي الخلق يعني اطلبي شي لك شي تستانسين له مش تنظيف كدر ولا قلة حيه ؟
قالة: ايه صح باتس عندنا عزيمه وجمعة حريم وودي اتزين ؟
قاله ابشري من بكره تعالي لنفس المحل هذا ومعك سرويس ( صحن كبير ) وجربوع وتتحقق امنيتك

المهم تجي العزيمه
وتخلص البنت من تنظيف الخيمه وترتب كلش :rolleyes:

جت البنت ومعها سرويس ومعها جربوع مطارته ليله كامله ليين ما صادته وجت لنفس المحل الي كلمها المارد منه .
ويوم وصلت شافت الجربوع ينقلب ناقه وش زينها والسرويس ينقلب لهودج كبير وملابسها الخايسه والمنتفه تنقلب لدراعه من محل زارا

ويطلع لها الجني ويقولها ترى حدك لين ما يجي القمر من ورى الجبل ولا ترى ملابسك بترجع زي اول

وتجي العزيمه

وهي الي تدخل وتهز الحريم هز
الي يقول وش هالجمال وش الاناقه هذي منهي بنته

والنصابه تقول انه جايه من قبيله بعيده وصدقوها

المهم والعزيمه تمشي والوقت يمشي ولا احد حاسن به
ويتأخر الوقت على منلحسه وهي ما تدري :D

وانا جالس مع الرجاجيل جاني رجال كبير وقالي قم لبق حماري زين انا جين متأخر وحتى وانا جاي عطوني قسيمه سرعه
ويرمي على مفتاح حماره
وانا قمت ابلبق حماره
المهم وسط العزيمه قامت منلحسه بتقضي حاجته وتطلع برى الخيمه
ويوم طلعت وراحت من ورى خيمه الحريم ,اجي انا بالحمار وانا كاشح الانوار العاليه واشوفها وهي تمشي
واقرب واقرب لييين ما شفت هالجمال والعيون ( طبعا كانت مبرقعه ) وهي عرفتني وانا ما عرفت الا عيونها
وقلت له من وين انت ؟ :confused:
قالت انا من عندكم
قلت مستحيل انت من عندنا
قالت وربي من عندكم ويوم طالعت الجبل من وراى الا والقمر شوي ويختفي
قالت لي انا لازم امشي تأخرت
قلت طيب عطيني رقم جوال ولا الثابت اكلمك
قالت : بعدين وهي الي تركض ويطيح برقعها وتنحاش زي المهبوله على ناقتها
وامسك برقعها وقلت ما يهدى لي بال الا لما اعرف منهي ام عيون زينه هذي واتزوجها

وامسك البرقع واقعد الف على بنات الحاره كلهم لين ما اشوف العيون الي تركب على هذا البرقع
وفي الاخير ما بقى الا بنات جيرانا عطيات و مرزوقه :cool:

ويجي يوم واشوف عطيات تمشي بالبر وتأكل عسكريم
وقلت لها عطيات ابيك تجربين هالبرقع وتلبسينه ابي اشوف شكلك
قالت بس على شرط تأخذ بي لفه بحمارك وقلت لا مافي تبين تموتينه
وتقولي بكيفك؟
وتوها بتروح قلت لها خلاص خلاص امرنا لله امشي اركبي
واشوف وجه حماري يتصبب عرق وهي ما بعد تركب وكأنه يقولي يرحم والديك كفني من هالدبه واقوله تحمل يا عيوني علشان خاطري والله وتركب المتينه حماري ووياخذ فيها لفه بالتعب والشقى
ويوم حولت اشوف ظهر حماري جاي على شكل حرف يو ;)

ويوم حولت قلت لها يالله البسي البرقع ياعطيان ويوم حقطت البرقع على راسها ما كفاها البرقع لان راسها كبير
قلت لها الله يخلف مهيب هي الي شفتها ذيك الليله
واروح لا اختها مرزوقه وقلت لها البسي هالبرقع ويوم لبسته اشوف فمها طالع والسبب هو ان خشمها طويل :cool:

وخلاص انا فقدت الامل في ان اشوف هذي مره ثانيه
رحت اتمشي بالبر واتحسر على عمري لين ما سفت منلحسه وهي تحلب لها عنز و قلت بس هذي الي ادورها وامسكلها واقولها البسي البرقع يا منلحسه ولا كبيت اللبن الي جالسه لك ساعه تحلبينه ويووووووووووم لبست البرقع
صارت صورت البنت الي شفتها ذيك الليله قدامي وهي كبرت بعيني
وارفع البرقع عنها وكأنه القمر <=== يمدي على الشاعريومن بكره اروح ;)اتزوجها واطق لها ذيييك الخيمه سته في اربعه ونعيش سوا


وانشالله ما طولت عليكم وترى قصص الحب تتطلب اكثر من كذا

والله يستر لا تصير وحده بالمشاغبين اسمها منلحسه :D