اول موضوع لي لا تتهاونون فيه

السلام عليكم ورحمة الله وبركاته

هذه اول مره انزل فيها موضوع
انشاء الله يعجبكم

أخوي مألف قصيده يوصف فيها حالنا
في شهر من هذه السنه
وحبيت اقولها لكم
بالله لاحد يتهاون ومايقراها
أمانه عليكم غيرتقرونها
ونبي دعواتكم لوريف

شهرن علينا مر ياكافي الشر .................. فيه القمر مكسوف ماشفت نوره
لعتني الدنيا وفيها تفكر.......................... مآبي مرايرها وذقت المروره
ورهف عليها شفت انا الموت الأحمر............ والله وقاها وزال عنها الخطوره
تواردتها سهوم قدمي تكرر........................ونا قدامها واقف تقل صوره
مقدر أسوي شي وبالحال مشعر............... ومن شافني يقول فاقد شعوره
ومن بين الاخطار أتصيح وبعيوني انظر........ وياليت هاك اليوم ماشفت جوره
ومن بعدهن ريما وبالحاله اخطر................... الله يعين الأم صارت صبوره
الأم مثل الأرض من الغيث تبذر..................... والناس دايم تستغيث لبذوره
من صدرها تعطف على الطفل ودر............ ولولا العواطف ماصخت بالدروره
ومن بعدهن وريف ويا ساتر استر.................. الله يستر من مصايب شروره
لقيت انا تقريرها عند سستر...................... وقالت أبوها لازمن من حضوره
وزهمت أبو فيصل وبالوقت حضر............... وأخذت انا راية ومنتهاون بدوره
وعلى المطار رحنا نبي نغادر....................... معاد نبي البيت هو والبزوره
نبي ربيعه وربعه اللي يذكر............................ اللي فعايلهم تزيد ابشكوره
أنشوفها على الشاشة وبالأخبار......... تظهر ديرة الملوك اللي عساها معموره
معمورتن بالعدل والسيف الأبتر.............. وصقر الجزيرة راح وبعده صقوره
ويقول العريفي يوم شخص وصور.................وشاف خلقة راسها قال كوره
قال عمليتين لازم تقرر........................... قلت طفله بشهرين قالو ضروره
وحده صغيره شوي والثانية اكبر............... بين الحياة اتصير وبين الخطوره
لله يالي عالم الحال والسر ......................... عسى عواقبها علينا بسروره
نبي دعوات اللي هواهم هو البر..................... أمي وأبوي لشتكو من حروره
ولعل أماني ماتمر باللذي مر ................ حبيبتي اللي على قلبي حنونة وغيوره
دنيا تجيب اعبر ومنها تعبر............................والقبر لازم يالفتى من مروره
صورت انا الموقف وما أبغى اتذكر................. يالله عسى ذنوبي تكون مغفورة
وترى اللي صار لهن شئً مقدر...................... والموت كل إنسان لازم يزوره