يارب حسّنت خلقي حسّن أخلاقي=يارب الواحدالمعبود خلاقي
واكرم نبايه وكرّمني وجمّلني=الآدمي وش حياته دون الأخلاقي
لاصار مازان مفهومه ومنطوقه=دم ولحم وش بقاله ف الزمن باقي
فالدين والخُلق وشروط(ن)يكمّلها=هذه طراة الحياة بكل مالاقي
والالعمر رحلة لابد نطويها=والرابح إللّي لفعل الخير سبّاقي
متجنباً شر بقعاءمالتفت يمه=دنيا تقلّب بلاعهد وميثاقي
يعطي حقوق الولي بالسمع والطاعة=مخلص ولايستمع عاذل وبواقي
يحسب حسابه ليوم فيه جمعتنا=لاشخصت أبصارنا والتفّت الساقي
ماينفع الشخص لابختهولاطيبه=ولاقصيد يخطّه فوق الأوراقي
ماينفعه غير ماقدّم وماسوّا=الوجه رباً من النيران عتّاقـي
يارب أعذني من أهل الكبر والغيرة=وجنّب سموعي سوالف كل همّاقي
وقرّب جنابي من أهل الدين والعفه=إللّي لهم قدرهم في داخل أعماقي
يارب أعنّي ع نفس أجاهدها=وصبّـرخفوقي ليّامن زادت أشواقي
وعطني من إرضاك ياربي ومن جودك=الرزق بيديك وأنته تكفل أرزاقي

يارب لوكنت أناشاعر ولي شهرة=وش عاد هي شهرتي لاراحت أخلاقي