 |
|
|
||||||
هذي اخرة اللي يجمع صور السنتوب عن طريق تشليحها من البقالات
 |
|
|
أدوات الموضوع | انواع عرض الموضوع |
09-19-2003, 05:00 PM
|
||||
|
||||
|
هذي اخرة اللي يجمع صور السنتوب عن طريق تشليحها من البقالات
هذولي الله يسلمكم مجموعة دشير سلنتح صايعين ضايعين مايدرون وش الدنيا ووين الناس وصلو له أبد مثل أخويانا عصويد ومطلع على سكوتر :D
همهم الاول والاخير تجميع صور السنتوب عشان يجمعونها في دفاتر ويرسلونها للمصنع يرسل لهم كابات والعاب وكانو ثلاثة اشخاص اسمائهم سعيدان وصويلح ورويشد كانو اذا سطو على بقالة يسوون خطط ويوزعون الادوار بينهم كان سعيدان مثلا عليه ان يشغل الهندي راعي البقالة ويسئلة اسئلة مالها داعي من نمونة::D فيه عندك علك مايطلع صوت اذا تفخته بفمي وفرقعته؟ ولا ماعندك بلونات ماتنفقع اذا مليتها مويه وطقيتها في علبا الهنود؟ ولا ماعندك بسكوت ابو نص ريال؟ عاد اذا قال الهندي:ايه فيه..قال سعيدان:بكم؟ يعني اسئلة بثرة تخلي الهندي تجيه حالة احباط وهستيريا تخليه يلعن اليوم اللي فكر فيه يترك ديرته ويجي يشتغل هنا اما صويلح بحكم انه موب ملكع مثل سعيدان بس انه ثور ودبشه وعلى نياته وشكله يروع فدوره كان يقتصر على مراقبة الناس اللي يدخلون المحل :D اما رويشد على انه قزم وتحقره لامن شفته بس انه داهية يده ماهنا اخف منها سروق محترف درجة اولى ينزع صور السنتوب اللي في ثلاجة المحل كلها في اقل من دقيقة وكانو اذا بغو يسوون فيها تغيير نمط حياتهم على سبيل الترفيه والتسلية تقاطو في كرتون بيض وتوزو ورى احد هالبيوت ولا السيارات وهات ترجيم في من مر من خلق الله بس انهم يركزون نشاطاتهم على الهنود والبنقاليه لانهم مرة رجمو سعودي يحسبون انه هندي وعينك ماتشوف الا النور جا وراهم ولحقهم وكمخهم وكسر بيضهم فوق روسهم ومن زود النذالة اللي فيه فرك خششهم في التراب لين غدو كنهم اكياس اسمنت فاضية منطولة في الشارع ^ ^ ^ ^ ^ ^ ^ المهم ترى الكلام اللي فوق مجرد بداية بس عشان تعرفكم بابطال قصتنا :D كانو الشباب في يوم من الايام متكين في ملحق بيت سعيدان يعدون حصيلة اليوم من صور السنتوب وكل شوي ساطر احد الثاني بكف ولا بقس يقال له الحين انه يعبر عن سعادته وفرحته بكمية الصور :D وكانت الكمية اللي جمعوها ذاك اليوم هي اكبر يجمعونها من يوم عرفو بعض كانت تكفى على الاقل انها تجيب لهم 4 كابات وكم لعبة معها المهم دب الطمع في قلوبهم وكل واحد كان يبي ياخذ كل الصور له الحاله قال سعيدان: شوفو ياشباب انتو عارفين اني لو ماقعدت اكلم الهندي واخليه ينشغل عنكم كان ماقدرتو تاخذون ولا صورة...عشان كذا انا اللي باخذ صور اليوم كلها لي ;) ويقوم رويشد وينقز لم السوني وياخذ يدها ويقعد يصوبها على رجل سعيدان ويرميها بكل قوة وتطق جبهة سعيدان بين عيونه بالضبط<<== نسيت اقول لكم ان رويشد حول الله لايبلانا بس بواردي ماشاءالله عليه ويصرخ:وشوووو تاخذها كلها؟؟ وليش وانت وش سويت.... اصلا ياحبيبي لو ماكنت معكم ممداكم تاخذون لو صورتين الا والهندي شايفكم ثم والله ان يكمخكم بالمكانس اللي انتو خابرين اللي عند باب المحل قال سعيدان:اسمع عاد علم ياصلك ويتعداك اليوم محدن ماخذ الصور الا انا ... رضيت ولا يمدحون الصبات اللي في الشارع اختر لك وحدة وكمخ راسك فيها ويتفل رويشد في وجه سعيدان وهو يقول : معصصصصصصي والله ثم والله ماتاخذها لو تحب السماء .. اصلا..:D وشوي الا ذيك الصرخة اللي خلت جدار الملحق يتشعًر من قوتها وطاح الباب من مكانه على الارض كانت صرخة صويلح ... توه يستوعب الضعيف لان تفكيره وادراكه الله بالخير بس جسمه ماشاءالله عليه قال صويلح:وشووووو بتاخذون الصور لكم انتو الحالكم وانا لا؟؟<<=== توه مابعد استوعب الموقف صح لين الحين قال سعيدان وهو يمسح تفلة رويشد من وجهه في سترة الدريشة: لا موب ماخذها الا انا الحالي تفهم انت ولالا؟؟ قال صويلح:وشلون يعني انا باخذ معك بس ورويشد مهوب ماخذ شي؟؟ قال رويشد وهو يتفل على وجه صويلح: لاأأأ يالثور منتب ماخذ معه شي بياخذها له كلها الحاله :D قال صويلح: لاحووول اهم شي انا باخذ صور ولالا؟؟ وتوصل اتش مع رويشد وسعيدان ويقومون على اسلاك السوني وياخذونها ويلشطون بها صويلح وهو ماغير يضحك يحسب انهم يدغدونه ولا يمزحون معه تعبو سعيدان ورويشد من التلشيط وصويلح ماجاب خبرهم توه يضحك قال رويشد: شف ياسعيدان انا عندي اقتراح... اللي يقدر يسويه هو اللي ياخذ صور السنتوب كلها؟؟ وش رايك؟ قال سعيدان:هات اقتراحك نشوف ولو اني متأكد ان محد ماخذ الصور الا انا قال رويشد:تذكر ذاك السعودي اللي رميناه بالبيض...يوم يفرشنا ذاك اليوم وقعد كل واحد منا في بيت اهله اسبوعين مريض؟ قال سعيدان:ايه اذكره وش فيه؟ قال رويشد: اللي يقدر يروح له ويرجمه ثاني مرة بدون مايلحقه ويمسكه ويفرشه هو الفايز وياخذ الصور كلها قال سعيدان: وييييييين مجنون انت ذاك اليوم بغى يذبحنا وانت تبينا نرجع له ثاني مرة وبعدين شف... ويصرخ صويلح:سعيدااااااان الحق علم ابوك الظاهر ان ملحقكم فيه تهريب جيبو سباك بسرعة قبل لايخرب الملحق <<=== توه ينتبه لتفلة رويشد على وجهه :D المهم اتفقو من بكرة كل واحد يرجم السعودي بدون ماينتبه له وذا لحقه وسطره يعتبر خارج المنافسة ولا يحق له المطالبة بالصور كلها..واحد يتربص للفرصة اللي يرجم فيها والاثنين الباقين يراقبون من بعيد.. كانت المرة الاولى من نصيب صويلح<<=== لعبو في عقله الضعيف يبون التجربة تصير فيه :D راح صويلح وسرق من ثلاجة بيتهم بيضتين وحطهم في مخبى ثوبه وتوه طالع من زلفة الباب وتطق رجله في حافة الباب ويجيك مجاوب على جبهته في زفلت الشارع ويتكسر البيض اللي مخباته ويرجع يغير ثوبه ويسرق بيضتين ثانية ويمشي شوي شوي يوم مر عند زلفة الباب وممداه يطلع ويلتفت للباب وهو يضحك الا ويجيك هندي سافط طبلون سيكله وطررررراخ في صويلح ... المهم في الاخير قدر صويلح بعد محاولات مضنية انه يطلع سالم ومعه بيضتين في مخباته ..ويمر سعيدان ورويشد يمشون لم بيت السعودي اللي فرشهم ويوقفون يراقبونه من بعيد :cool: وصويلح واقف ورى ددسن يحتري ابو الشباب يطلع من بيتهم طلع السعودي من بيتهم وتوه بيمشي مادرى الا ذيك البيضة اللي مشوته جنبه تمشي الف وفققققششش في قزازة سيارته ويلتفت الا صويلح توه مولم البيضة الثانية يبي يذبها عليه ويوم شافه صرفها صويلح كنه يتمغط ويسوي تمارين رياضية الا وابو الشباب محضر عنده وهات تشويت وتكميخ وتركيل وجميع فنون القتال جربها في صويلح الضعيف وفي الاخير من النذالة شوته شوته لين خلاه يدخل تحت الددسن لين غدا كنه قطو مفترش ظل موتر في يوم قايلة وينحاشون سعيدان ورويشد من شين ماشافو وخلو خويهم لين جو عمال البلدية وشالوه يحسبونه كيس بر فاضي منطول في الشارع اليوم الثاني كان من نصيب سعيدان بعد ماسوو قرعة 26 مرة 23 مرة منهاجت من نصيب سعيدان والباقي رويشد طلع سعيدان من بيتهم وهو موزي البيض في شراب رياضة قديم كان عنده عشان ماينكسر ومر رويشد وراحو لم بيت السعودي نفسه وقف سعيدان جنب جدار مسجد قدام بيت السعودي ورويشد واقف يراقب الوضع من بعيد:D طلع السعودي من بيتهم يمشي وسعيدان دقات قلبه صافطه طبلونها ويصوب اول بيضة للسعودي وتشطف شعر راسه ونكمل مسيرتها لين صقعت في وجه هندي كان مار بسيكله في الشارع ابو الشباب كمل مشيته على اساس ان الهندي هو المقصود ويصوب سعيدان البيضة الثانية والاخيرة اللي معه ويتوزى بسرعه ورى جدار المسجد وطراااخ في صدر السعودي والسعودي قام يتلفت يمين ويسار يبي يشوف من وين جاية البيضة ولا درى ويرجع لم بيتهم ويدخل وطلع بعد شوي سعيدان من ورى جدار المسجد وهو يضحك ويصايح من الفرحة:اخيررررررررا باخذ الصور كلها لي ويركض لم رويشد ويصارخ وهو يقول له:ماقلت شرط ماياخذ الصور كلها الا اناااا ...وهو متشقق من الفرحة ورويشد واصلة معه اتش مارد عليه.. وشوي مادرو الا هم مرتفعين عن الارض ويوم التفتو الا السعودي هو اللي تالهم مع علابيبهم وهم شوي ويصيحون من الخوف ..ويصرخ فيهم:انتو مرة ثانية هاه ...الظاهر انكم مابعد تبتو من المرة اللي راحت وهم يصايحون:تكفىىى الله يرحم والديك والله ماعاد نتعودها اخر مرة تكفىىىى :D وهو اللي يجرب فيهم فنون القتال من تكفيخ وتلكيم وتشويت وتركيل على نطاق اوسع من اللي جربه في خويهم صويلح ويسوي فيهم حركة نذالة تخليهم يبكون دم بدل الدموع قام ابو الشباب و....:confused: ويطلع صور السنتوب اللي سبب مشكلتهم من مخباة رويشد ويشققها كلها ويذبها فوق روسهم :D الخاتمة بعض الشباب الله يهديهم يضيعون اوقاتهم في اشياء مالها داعي من جد ماغير يتسببون في اذية خلق الله واهلهم بعد الله يهديهم تاركين لهم الحبل على الغارب ..لامراقبة ولا مسئولية لهم كنهم موب عيالهم واتمنى اني ماكنت ماصل معكم منقول محبكم / أبو شوق كتب اكترونية 
|
|
09-20-2003, 05:51 PM
|
|||
|
|||
|
ابو شوق
ياعليك سوالف تموت من الضحك اشكرك على هالقصه تحياتي كتب اكترونية
|
|
09-22-2003, 01:54 PM
|
|||
|
|||
|
هههههههههههههههههههههههههههههههههههههههههههههههههه هههه هههههههههههههههههههههههههههههههههههههههههههههههههه هههه هههههههههههههههههههههههههههههههههههههههههههههههههه هههه منسم .. مهبول .. خبل .. منتهي .. مصرقع .. مقلع .. حشاااااااااااااااااااااااااااااااااااااااااااااش :D;) يسلموووووووووو على هالموضوع الخبل م ط ل ع ع ل ى س ك و ت ر كتب اكترونية
|
|
| مواقع النشر |
«
قالت لي : والله مالك طعم
|
هذي اخرة اللي يجمع صور السنتوب عن طريق تشليحها من البقالات
|
حب المقلع اقلاع
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 01:25 AM.