قاعد طفشااااان بالبيت اتفرج على مريم نور..(ذيك العجوز اللي كنها بطه خوالها ضفادع):D.. تحكي عن كيفية تقليم اظافر الجراد... والنفس خظراء والكبد حايمه منها ومن كل شي وفجاءة ويتصل واحد من اخوياي قال عربوج قلت وتبن قال معي اصبع خل نطلع نتمشى ونفرط ونصهلل قلت تم ياصديقي.... :rolleyes:
ويجي والله ونمشي قلت له وش جدول الرحله ...؟...قال ..ترقيم..فرفره..تحشيش..عشاء...ونسري:D
..قلت ويلوموني بحبك لوك بنت كان كوفنتك بالزنوبه يازنوبة:D قال لي..خذ.. (شكلها منتشره بالبلد هالحركة بس مدري وش معناها....) طبعا كلنا مرسمين وطاقين الكشخ ولابسين الكبكات..(خمس هلالات ملحمة بسيم)..دخلنا شارع التحليه الا ذاك الجمس المضلل يدور ونطق العفريته..(يعني عدلنا ظهورنا وشيكنا على التشخيصه) ونلز بالجمس وانواع التحديد والمضايق وانا معي لوحه مكتوب فيها رقم جوال سواقنا لانها بطاقة سوا وشوي الا درايش الجمس تفتحت واناظر الا وش اشوف .....واناظر زين اثرهم الهيئه ومسوين كمين للشباب اللي يغازلون... :confused:
يوم شفنا الدعوه كذا ويااااااااااااافكيك وندعس وهم ورانا ويمين بيسار بيمين بيمين بيسار ..(صار كروكي بيت جيزاني بالحله)..والله ويحدوننا بحاره سد وظلمة وينزلون ويجوننا يركضون باقصى سرعتهم كنهم يلعبون بلياردو....يوم شفنا الدعوة كذا وافصخ عقالي وخويي فصخ صرواله..(اول مرة يفصخه من يومه بسادس):D..ونستناهم يوم قرب واحد يبي يكتفني وانا ألسبه على مقفاة بالعقال وقال لي ويحك ياهاذا هلكت هلكت وانا اقول له على شحم محد قال لك تلحقنى... وخويي جوه اثنين ومعهم عسكري يوم مابقى الا خمسه متر ويوصلونه ويبدء يلوح بصرواله بالسماء وشوي الا هم متسدحين متشنجين ويتنافضون قلت له عباااادي خلاص البس صروالك لايموتون وتورطنى..توه لابس صرواله الا جايه ثلاث دوريات مدري من مبلغهم ..شفنى الدعوه كذا واستسلمنا ويشقلوننا على قسم العليا.. :D
ويصكوننا بالحجز يومين لاحد طل علينا ولا حقق معنا ولا ندري وش القصه.:confused: ..اليوم الثالث دخل علينا عسكري وقال استعدوا بنعرضكم على المحكمه قلت ليش ياحبيبي وش مسوين قال ابد بس متهمين انكم تهربون وتتاجرون وتستعملون اسلحة شمال دامر..؟....(لاتواخذون هالجندي جيزاني ومنقول تأديبي للرياض)..واستعملتوه وتسببتوا بعاهات لثلاث رجال...وتسود بوجهي الدنيا وعبادي خويي من كثر الصياح والخوف صار يطاقع وينغف بنفس الوقت..المهم ويودوننا للشيخ بسياره مصفحه ومكلبشين يدينا ومسلسلين رجلينا يوم وصلنا للمحكمه ووقفونا قدام القاضي وورانا كم عسكري قال الشيخ انتم مهربين اسلحه كيماويه وتتاجرون فيها واستخدمتوها ضد رجال كل غلطهم انهم يبون ينضفون هالمجتمع من اشكالكم من العرابجه والسلنتح ياسلنتح تفوووووو عليكم..قلت طيب لاتتفل ياشيخ وبعدين واللي يحرمني من خشمي اني مدري وش اشعة درام شالم ذي ولا ادري منهي قال الشيخ.. والثلاثه اللي سببتوا لهم عاهات مستديمه وكشفنا عليهم وصاروا متأثرين بسموم كيماويه نفاذه قتلت خلايا دماغهم من تسبب بهالشي..؟..وتقفل معي وانقهر لاني متاكد اننا ماسوينا شي واقول له ايه حنا اللي مشوهينهم عندك شي..؟..(ياقوي يا انا....)..قال حكمت عليكم بخمسطعش سنه سجن يالله الخلا انت وياه..وينقلوننا بسيارة مصفحة للحاير.. :D
والله وندخل لاستقبال السجن الا هم يحتروننا... دخلونا على مدير السجن يوم شافنا قال اجل كيماوي اجل والله لا اطلعه مع اذنابكم يالدشير :D يالله فصخوا والبسوا هاللبس وندخل لغرفة تبديل الملابس وحنا نبدل ويلقى خويي بجيبه الاصبع اللي كنا ناوين نفرطه قلت وزه لايشوفونه ولاتنسى الولاعه قال وين احطهم طيب قلت بــ.........المكان اللي يريحك..... خذوا ثيابنا ومتعلقاتنا الشخصيه وبعدين قال مدير السجن حطوهم بعنبر العرابجه...اول ماطلعنا من استقبال السجن ودخلنا للعنابر الا وش اشوف... شي عظيم ماتشوفه الا باوروبا والدول المتقدمه..البويه الوحيده اللي شفناها كانت بالاستقبال فقط وشكل اللي صابغها مستخدم فنيلة علاق بدال الروله ولون البوية تحس انها تصلح بمحل مطبق لانها اصفر زيتي لماع...بتلنا نمشي بالسيب والوضع غريب ومريب...جدران لونها اشهب طبعا موب بويه الا نغاف ناشف ومتقشر...وجدران مكتوب عليها ذكريات وخرابيط من نمونة..(ان مر الزمان ولم تروني فهذا خط يدي فتذكروني....) ريحة الاسياب تحسسك انك جاي لعرس جيازنه حاطين بدل العود البخور حلتيت وحلبه....قلنا للجندي لايكون بتسكنوننا هنا لاياحبيبي انا ولد نعمه واهلي بياكلونكم اكل لو دروا...قال هب ضفعة وامش وانت ساكت..(يعني على شحم)..فتح لنا باب حديد من وصاخة الباب لابس دسوس وهو يفتحه قال ادخل يامسجون انت وياه واويق مع الباب الا غرفة مترين في مترين وفيها شفاطة حمامات ومغسلة وسطل وكمبلين..(بطانيتين....الترجمه للاخوه السنغاليين....)..ويدخلنا ويصك علينا الباب.. :eek:
قلت لخويي..عبادي انا واحد ماقدر اتحمل هالوضع ياخي حسيت اني جرذي ببلاعة عزبة مصارية موب ادمي... طلع اصبع الحشيش والكبريت خلنا نعثور امه هنا قميننا ننسى الوضع اللي انا فيه وعلى ماتفك معنا يكون اهلنا عرفوا... ونجدتنا قربت قال طيب ودمعته على خده ومخاطته فوق برطمه وكشته طايره....يوم طلع الولاعه الا مافيها قاز الا قطره قلت هذا مايكفي يالصتيمه لكن وشرايك نشب بفنيلتك عشان تصير النار اكثر واذا قبست النار جدعنا الاصبع فيها وبدينا نطفيها عشان تعثور بالزنزانه كلها ونقلع صح...قل تم ويفصخ فنيلته ونشب بأمها يوم النار علت ونذب فيها الاصبع ونبدء نطفيها عشان يبدء الهبو يلجلج بمخنا..قمت انا وبديت اتفل على النار عيت تطفي مسكت الكمبل ورميته عليها وبدت تطفى وشوي الا الكمبل قابع نار والله ونرتاع ونقعد نصارخ ياعسكري نار نااار ...@@4
ويجي واحد ويفتح علينا الزنزانه ويفصخ القايش..(حزام البنطلون......ترجمة للاخوها البنقاليه....):D...ويلسب عبادي على ظهره وانا اكمخه على وجهه بقفى يدي ويطيح مصفر وننحاش واشوف النار بدت تكبر وتشعلل وحنا نركض ونصارخ حريقه حرررريقه ويبدون يتجمعون الجنود والضباط وكل واحد مشمر ذرعانه ومكسع اطراف بنطلون بدلته وشايل سطل مويه يبون يطفون الحريقه... ولا جابوا خبرنا ونطلع برا الاستقبال ونطمر السور ونطلق عناننا للريح وركض باقصى سرعه لين وصلنا للطريق العام قعدنا حوالي نص ساعه نحتري ليموزين يجي مافيه امل وشوي الا هذا وايت الدفاع المدني جاي يمشي صفر من بعيد ووقف جنبنا قال يا اخوان ماتدرون وين سجن الحاير يقولون فيه حريقه قلت له ياشيخ كبر دماغك وش حريقه وماحريقه الوايت اللي انت فيه مخروم من تحت ويخر والمويه اللي فيه ماتطفي زقاره ارجع بس بلا تعبث... قال ياخي وش اسوي هالوايت اشتغل عليه من يومني جندي من خمس وعشرين سنه لو بيحكي قال اعتقوني قلت بس لازم نركب معك عشان ندلك قال تم ونركب معه وندله غلط لين وصلناه لمنطقه فيها ليموزينات وحركه بعدين قلت له خلاص نزلنا هنا اما سجن الحاير فأمش من هنا طوووووالي لين يجيك على اليسار..(مسكناه خط الطائف....)... عاد الحين حنا متوزين بملحق بيت خويي عبادي وتلفزيون الملحق خربان ولاندري وش صار بعد مانحشنى..!!! :confused:
هاااااه بشروا عسى اهل السجن والمساجين سالمين وانذار الحريق المبكر وقاطع السلامه..(اللي يقطع الكهرباء اتوماتيكيا في حال اشتغل انذار كاشف الدخان اكثر من دقيقتين والنوافير ذاتية الدفع المركبه بالسقوف اشتغلوا ولا احد تأذى او انصاب..؟؟ لاتقولون لي ان مافيه من هالاشياء عندنا واني احلم والعالم راحت طعام جحوش لا بليز بليز بليز..<-- جواد متلطم.... :cool:
منقول
الموقع أدناه عصويد الدويشر:D
صدق
العرض العادي
