 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
09-27-2003
| ||||
| ||||
| صفقت بنت على وجهها وانا بالفيصلية بدون شعور كان ياماكان في قريب الوقت والزعان (( اول شي ماودي اقول في قديم الوقت لاني ماذكر من قديم الوقت شي خير شر ثاني شي ادري ان الكلمه الثانية مهي بلم سالفه بس صدقوني ناسيها مدري هي المكان والا الرمان والا مرجان والا ضيعان المهم كملوها بس صدقوني ان الجمله ذي فلته قصدي الحكمه ايه نرجع لمحور حديثنا كان ياماكان في حديث الوقت والرمان؟؟؟ (( قلت لكم كملوها ماعرفها )) شاب يانع في مقتبل العمر ((اخص ياللي تكلم عربي ومضيع كلامك الي فوق)) ههههههههههههه كان به شاب يانع في مقتبل العمر ((( يويلك لو يعرفون ان الي تمدح فيه من اول الليل هو انت )) المهم مو يافع ولا في مقتبل العمر ولا شي يعني عدوني اكذب المهم الولد ذا خمته بيوم من الايام الا يسكن الرياض ويفتك من الكليجا ونخل القصيم تعرفون قصيمي مايعرف الا الكليجا ويبي يسكن عاصمة الثقافة عام الفين المهم سكن الرياض وبيوم من الايام ومن كثر مايسألونه اصدقائه ذالسؤال الي مالامه داعي (( انت جيت المملكه او الفيصلية )) قرر الولد يدور وينهي فيه ذالبوفيه الي يقولون عنها المملكه والفيصليه تخبرون متعود على فوال عندنا يقارب اسمه للمملكه والفيصليه المهم لبس الولد وتجنتل وتطيب من كلونية الوالده (( توه مخلص العطر الوحيد عنده )) وزبط الغتره والشماغ والثوب احم احم ماتلاحظون فوق به جمله غير مفيده مرررره شماغ وغتره سوى والله النصب ههههه لا مو نصب قصدي طلعت بالغلط المهم الولد قوى روحه ومشى ووقف عند اول شارع بالعليا واشر لتكسي قولو ليه انا اقولكم مايدري وين ذالمملكه والفيصليه فيه ؟ والا ترا عنده سياره بس من الدجه سأل واخواننا المصريين عندهم حكمه ساموها اهل الطائف بعشره مليون يقولون فيه من يسأل ميتوهش كل ماقريتوه فوق صوب والي مر علي صوب الله لايوريكم المهم لفلف بي التكسي ساعه لين وصلنا وقف التكسي وانا جلست ولاحركه دقيقه دقيقتين اربع خمس عشر وابو الشباب الي هو انا متسمر (( يعني جالس )) على الكرسي مانزلت طبعا طقت كبد السواق وبالاخير قال بكل غضب وعيونه حمر (( بابا هادا مكان انتا يبغا هادا مكان مال انتا هادا مكان نيم فيسليه معلوم سديق )) انا بكل انواع الفشله قلت ايه معلوم من عشرين سنه اعرف ان هذي الفيصليه (( والله لو السواق سعودي ان يقول يبن اللذين ماللفيصليه خمس سنين وانت تقول من عشرين سنه )) بس الله ستر برجع واقول كله بصوب وماحدث لي بصوب المهم دخلت وأول استقبال صدمت الباب لانه زجاج يعني قزاز وانا متعود على الحديد والخشب لكن الحمد لله ماشافني الا السكرتي بس يالله خذ انواع التفحيط هنا مني عارف وين اروح عيوني فوق مسوي ثقل اطالع بلوحات المحلات المهم وهي الاهم بالسالفه اني كنت مبحلق عيوني فوق ومسوي اوتوكيت على قولتهم ومطنش امة محمد الا واسمع صوت قدامي قصدي امامي تك تك تك تك اكيد بنت بل اجزم صوت نعال بنت والا لو يموت العيال ماسوو بمشيتهم تك تك تك الا مشيتهم طرع طرع طرع كانهم داخلين حلبة مصارعه قلت يولد اثقل وخلك عاقل ولاتنزل نظرك عشان الصوت طبعا كان معاي واحد من خوياي (( الله من الدجه من خوياي )) نسيت اقول اني لاقيته اول مادخلت (( شفتوا الدجه )) قبل السالفه هذي بعشر دقايق كنا اخذين ايسكريم من باسكن روبانز وقاعدين نلحس فيه تقل ميتين جوع طبعا خويي ذا من بلدياتي قصيمي بس له بالخدمه 5 سنوات بالرياض يعني راعي محل ومسوي فيها سبهلله يعني يتفلسف علي كانه يوصف لي جزر الكناري والا منتجعات ديفد او منتجعات امستردام او غابات السويد وبنفس اللحظه اللي الصوت قدامي قلت خل اسوي فيها ثقل قمت اسولف على صاحبي واعيوني فووووووق للوحات واليد اليسار فيه االايسكريم واليمين تجاه صاحبي طبعا تفاعلت وانا اصف له احد برامجي وكانت يدي الي فيها الايسكريم تتحرك شمال يمين لاني متحمس اوصف له شوي والا قرب الصوت وزاد حماسي لكن !!!!!!!!!!!!!!!!! وش صار انا اقولكم يوم صار الصوت يساري من الحماس مع الوصف حركت يدي اليسار الي فيه االايسكريم لليسار بقووووه والا بوجه صاحب الصوت الي كان يمشي قولو منو هالشخص بنت ومعها خويتها طبعا للحين الولد مسوي ثقل ولايدري وش صار شوي الا صوت يقول يمال العما الي يعميك قل امين طبعا اللقافه ماتخليني نزلت نظري ابشوف وش الهرجه والا الصوت خلفي قصدي وراي اطالع ؟؟؟؟ يؤ يؤ يؤ يؤ مو معقوووول مني مصدق مو معقول ياهووووه شي خرافي اللي اعرفه ان البنت بالسوق اسود باسود لكن هنا شفت بنت راسها ابيض يعني اسود تنده ابيض هههههههههههههههههههههههههههه اثاري الايسكريم اللي كان بيدي طب في وجهها من الحماس من الربكه والخوف ولانها اول مره تمر عل الحاله هذي بحياتي نزلت الشماغ ورحت امسح الايسكريم عن وجهها وغطا وجهها يوووه 8 ثواني والا الي يسمونهم سكرتيه حقين الامن جايين يراكضون لمي قطيت الشماغ بوجهها والنعال للحين مدري فينها وعلى الباب سيده ومثل مادخلت طلعت صكيت الباب براسي مادريت انه زجاج او قزاز على قولت ربعي ومن ذاك اليوم ماصرت اتمشى الا بسوق الحمام والطيور واذا تهورت طلعت لميد والا لبنده هههههههههههههههههههههههههههههههههههههههههههههههه ============================================= هذي قصه اختلقتها البارح والا ترا مب صحيح بس حبيت افرفشكم معاي اخوكم البدر
_________________ خطة سير العمل في مشروع الصندوق الماسي الاصدار Massy Version 6 تم الانتهاء من قرابة 92% بالمية وبعد طرح الاصدار السادس سيكون السابع بحول الله اكبر من التصور فسيقوم على الجلب وبني السابع على قاعدة صمم صندوقك كما تحب واحصل على ازره جديدة كل فترة فقط استدعاء وتركيب من التحكم والله الموفق  |
|
#2
09-27-2003
| |||
| |||
 المفروض انك لحست التنده هههههههههههههههههههههههه مشعلووووووه[/ALIGN]
_________________ رايت سكوتي متجرا فلزمته ان لم يفد ربحا فلست بخاسر |
|
#3
09-27-2003
| ||||
| ||||
| ههههههههههههههههههههههههههههههههههههههههه القصه ولا في الخيال بس روعه الله يعطيك العافيه |
|
#4
09-27-2003
| |||
| |||
| قصة رووووووووووووووعةيالبدر الله يعطيك العافية |
|
#5
09-27-2003
| ||||
| ||||
| الله يغربل ابليسك البدر  وانا قاعدة اطالع كلامك وكل هذى وانا مصدقة انه صار معك صج اثاري كل الحكاية تخيلات روووووعة يسلمووو البدر تقبل تحياااتي
_________________   " كل امرئ سيفنى ويُبقي الدهر ما كتبت يداه فاحرص أن لا تكتب غير شيء يسرك في القيامة أن تراه ياقارئ خطي لاتبكي على موتي فاليوم أنا معك وغداً في التراب فإن عشت فإني معك وإن مت فالذكرى وياماراً على قبري لا تعجب من أمري بالأمس كنت معك وغداً أنت معي أموت و يبقى كل ما كتبته ذكرى فياليت كل من قرأ خطي دعا لي  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| تابعوني في قصتي الجديده واللى مايتابعني خسرااااان | يسور | القصص و الروايات و الحكايات قصص قصيرة و تعلم القصة story novelette | 207 | 11-11-2008 04:05 AM |
| شعر محشش لحبيبته.... ام الفله | جذابه بس لعابه | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 8 | 01-06-2008 11:56 AM |
| اجمل قصة بالنت لاتفوتكم | مشتاقة ليك | القصص و الروايات و الحكايات قصص قصيرة و تعلم القصة story novelette | 3 | 12-14-2007 09:31 AM |
| >> الهواوي ومزمز ميرندا في الادغاااال << | @الهواوي@ | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 28 | 12-06-2007 11:22 PM |
| قصيدة المحشش لزوجته | مشوت الورعان | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 0 | 12-01-2007 10:16 PM |
-الدورات
التدريبية بجامعة نجران-
العرض العادي
