بنات الجامعه

ودي اقول شئ في نفسي وأفش خلئي : وأغني وينك ياخلي ... صار لك مده وأنت عني متخلي ..وش بلاك يازين متعلي ...لو أنك تشبه ملحم زيني.. ماقلنا شيي .. لكن الزين عنك... والله ياخلي متبري ..

في الحقيقه والواقع ان فيه بنات الله يهديهم تصرفاتهم ما كنهم بنات جامعه

وفيه حركات تصدر منهم تخلي الواحد يتعجب

أنا مو قاهرني الا اللي تجي بعد العطله وتسأل : وين سافرتووووو هذا الصيف ؟ وهي تقول : والله جالسين نحرس الرياض .. وانتو وين سافرتو
تقول : والله ابوي حلف علي انه يوديني لجنيف بس أنا ما ودي مليت من تصفيط ملابسي دايم أسافر .. والله ودي أقعد معكم أحرس الرياض

وبعد شوي تقول معك ريال ابشتري مويه والا جوالك شوي لأن جوالي عايله وين أجل جنيف خرررررطي


والا اللي تجيك مشووووووووووووته تمشي مليون تسن عندها خبر وياويل اللي يجي قدامها توطاه ..وتدخل القاعه وتسبق البنات علشان تحجز لخوياتها وخويات خوياتها وكل من يعز عليها واللي بعد قالت لها صباح الخير تحجز لها حق وواجب
وشلوووووون تحجز ؟؟
تطلع دفاترها وتحطها على الكراسي اللي حاجزتها وأذا خلصت الدفاتر طلعت الأقلام وأذا خلصت الاقلام طلعت البرايه أذا ما لقت شي فصخت شرابها وحطته والا شباصتها وفكت شعرها وحجزت الكرسي وبنت أمها اللي تشيلهم


والا اللي تلبس كعب وفاكه شعرها ودي اقولها وش يقرب لك المعرس دقه يعني جايه لعرس

والا اللي تغثهم بأخوها كن محد صار ولد الا اخوها
والبنات طايحن يشبهون أخوانهم بملحم زين ......
وحده الله يستر عليها تقول لي ان اخوي يشبه ملحم زين نسسسسسسسسسسسسسخه وحتى امي يوم شافته بالتلفزيون
قالت لي : مهوب ذا تسنه دحيم أخوك وش موديه لذيتس الديره قلبي حاسني انه ماراح ابها

ويوم قالت لي كذا وقلت في نفسي :الحمدلله يانفسي الدنيا لسه بخير يعني فيه سعوديين حلوين مهوب أشاعه
والمهم وأشوفه ذاك اليوم في المطعم قسم بالله ان رابح أملح منه .. صدق رابح في عين أمه ملحم

والا اللي ترتز عند البوابه لاهي اللي طلعت ولا دخلت بنات المسلمين يطلعون ماغير مطالع في أخوان البنات علشان
أذا صارأخوها حلو صادقتها بني أخر زمن

والا البنات اللي تجيب معها زمزميه شاهي وقهوه ومعمول وفطاير وكيك وشاندوتشات وبيتزا ولقيمات وكبه وورق عنب وتجمع صديقاتها ويأكلون كل هذا في البريك بس ويسدون الطريق وبنت أمها تمر ألا أذا كانت سوبر مان ..

وموبس البنات عليهم ملاحظات حتى المشرفات تشتغل ماشاء الله شغلتين في وقت واحد مشرفه وخطابه
وتطلع البنت من محاضرتها علشان تسالها :انتي معرررسه... ؟؟ من انتي بنته تقرب لكم فلانه وعلانه ووش يقرب لك أبوك

أنواع القلق فيهم ...