يا الله مشكلتي مشكلة إلها أول ما لها آخر و إذا ما بعمل يللي براسي رح يتدمر حلمي ، ساعدوني

هئ هئ هئ هئ هئ

شو بدي قلكون؟؟؟

قلكون إنو حلم حياتي ادرس إعلام و اشتغل بهالمجال يللي بحبو من قلبي و حقق الشهرة يللي بطمحلها من سنين

و صير محط الأضواء و الأنظار و حديث المجتمع بالشي المنيح و اطرح قضايا بتعبر عن واقعنا و عقلي و توجهاتي

و لما بتتاح الفرصة إلي لإبدا مشوار الألف ميل و بينفتحلي أول باب من أبواب المستقبل المشرق و بيطلعلي اول بصيص نور هيك و فجأة و بدون سبب و بظلم بيجوا أهلي و بيسكرولي ياه!!!!

و ياريتها أول مرة!!!

أنا من قبل لما كنت سابع كانوا بالمدرسة يشاركوني ببرامج تلفزيونية

و كون ديماً أحسن المشاركين و بسبب مواهبي المتعددة و شخصيتي القوية الملائمة للإعلام عرضت عليي القناة يللي صورنا فيها بالمدرسة كم حلقة

إنو اشتغل هنيك و صير مقدمة عندون و طار عقلون فيي

بس للأسف بابا ما قبل و ما وافق و طفالي أول شمعة من شمعات حلمي...

بس ما نقهرت كتير لأنو بعدني ما كنت آخدتها جد و لا متحمسة للفكرة كتير

أما هلأ حاسة نار و عم تولع فيي خصوصي إنو فرصة ما بتتعوض و مناسبة لعمري

و هي إنو أعمل و قدم برامج للمراهقين يعني للبعمري على سبيس بور و اكيد كلكون سمعتوا فيها هيدي القناة خصوصي للـ teenagers


و هلأ عم يقدموا إعلانات بيطلبوا فيها مراهقين بين 15 و 19 سنة لليشتغلوا

و أنا ما صدقت لما عرفت لأنو كل هيدي الفترة عم بتمنى قدم برامج للمراهقين و اثبت وجودي و حس بكياني و استقلالي

بس بابا رافض الفكرة كلها و عم بيقلي إنو أنا زغيري و مش معقول اشتغل و دراستي كل شي بالنسبة إلي

لك حتى لاغي فكرة دراسة الإعلام لما اكبر و مصمم يدخلني طب أو هيك شي لأنو علاماتي عالية كتير

و أنا بكره الطب و الهندسة و الصيدلة و بكره كل شي إلا الإعلام و الصحافة

يعني بصراحة حاسة حياتي بها اليومين عم تتدمر و صرت مكتئبة و زعلانة و قلبي... ما بعرف هيدا مستقبلي و بيحقلي حددو متل ما أنا بدي مش متل ما أهلي بدون

هني عاشوا سنون و عاشوا حياتون و اختاروا المجال يللي بدون ياه و ما حدا منعون بقى ما بيحقلون يقرروا عني لازم يتركوني عيش متل ما بدي

هيدي حياتي هيدا مستقبلي و مصيري و عمري و لازم اختار كيف وجهو بإيدي و ما اسمح لغيري يقرروا عني

يعني قدراتي و بعرفها لو دخلوني طب مستحيل انجح فيه لأني بكرهو إي أنا إذا شفت دم بحس روحي ح تطلع بقى كيف اشتغل بهالمجال؟!

و حتى لو نجحت بالجامعة لأنو مش معقول اسقط، بالحياة العملية مش رح امشي و لا اتوفق

و كمان ما بدي صيدلة لأني بكرها و هندسها ما بطيقها

أنا بدي إعلام و بس و بدي من هلأ حدد مصيري

و الفرصة سانحة و حلوة ليش ليدمرولي أحلامي؟؟

ليه الأهل ما بيفكروا غير بحالون؟ ليش ما بيحطوا حالون مطرح ابنون و بيقدروا شعورو؟؟ ليش عم يتحكموا فينا؟ يعني مفكرينا زغار و ما منقدر عم يستغلوا ضعفنا و عجزنا!

بس أنا مش رح اتخلا عن حلمي و رح نفذ يللي براسي لو عجبون أو ما عجبون

و مع هالشي خايفة لأني رح قدم للقناة و حط بابا تحت الأمر الواقع و لما انقبل خبرو

يعني ما فيها شي ليش هني هيك!

إذا هيدا المجال يللي اخترتو و هيدا يللي ببرع و بأبدع فيه ليش ليوقفوا بوج نجاحي؟!

كرمال الله انصحوني شو أعمل لأني رح طق و انفجر محتاجة احكي لحدا و إنتو الوحيدين يللي لقيتكون بوجي

يعني رفقاتي كلون بعمري تفكيرون متل تفكيري أنا محتاجة حدا أكبر و تفكيروا غير ليدلني ع طريقة اقنعون فيها

كرمال الله ما تتجاهلوا قصتي لأنها بتحدد حياتي و ساعدوني

أنا ح موووووت.