|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
10-16-2003, 07:27 PM
| ||||
| ||||
 وينك ما دريت وش صار .. عيال الحاره جلدوني الحاره جنب البقاله جنب المسجدهذا هو مكان الجريمة المجرم المجرم هم عيال الحار اداة الجريمةاو سلاح الجريمة سلاح الجريمة وللاسف كان هو النعال والنعال هذي تم شرائها من محل قات والبائع هو زيدي انا اوريه :D الـــــــــــــــــــــــــــــــــــجــــــــــــ ـــــــــــــــــــــــريـــــــــــــــــــــــــ ــــــــــــــمـــــــــــــــــــــة ابوي:يا الكابرس رح اشتر لنا من الباقلة جبن وزيتون انا:وين قاعدين بسوريا كخخخ:p ابوي :امش وانت ساكت انا :انشالله يبه طبعا البقالة قريبه وينراح لها مشي وانا امشي في الطريق يطلع لي سعيدان المنحوس وشلته وهم عبود المزيون:اربع سنين سجن وقضية مخدرات وقضية طامر على بيت ناس وسارق منهم سطل برحي الكابتن رابح وقيل في رواية اخرى الكابتن ماجد سنتين في الاحداث ويقولون له ربعه المحظوظ لانه كان ينام في غرفه فيها سرير السعلو :غني عن التعريف:D قالوا لي طلع الفلوس قلت :لهم ترا ابعلم ابوي كل واحد مسك نعاله وحط رجله اثرهم زادو الشلة وطلعوا لي عند البقالة قدام بقليل قالوا لي البوك قلت لهم:ما عندي قالوا:الفلوس :confused: قلت لهم : مابي اعطيكم كيفي وللاسف جيت بزعط ما زعطت الا عليهم ويمسكوني ويقولون لي اركب سيارة قلت : يا حظكم بتركبون سيارة كان ودي اركب معاكم بس امي تقول لا تركب مع الغرباء قالوا لي:بكيفك ويسحبوني من رجلي ويدخلوني السيارة بس الحمدلله سيارتهم فيها مكيف ونمت في السيارة وبعدها ما شفت الا ذاك الكف قالوا قم وصلنا قلت وين قالوا المقر السري قلت احلاااابعد حتى انتوا عندكم مقر سري تطوروا الشعب دخلوني غرفه وقالوا لي انت بتنام اليلة هنا الين نشوف لك حل قلت:ماشالله فندق خمس تجوم ما يوصل كذا بس مافيه مكيف حرررر نمت في ذيك الغرفة ليلة قشرا<==(قشرا)سامع فيها بس ما اعرف وش معانتها :D الــــــــــــــــــــــــــــــــــــــــــــــــ ـــــــــــــيــــــــــــــــــــــــــــــــــــ ــــــــــــــــــــــــــــوم الــــــــــــــــــــــــــــــــــــــــــــــــ ــــثــــــــــــــــــــــــــــانـــــــــــــــ ــــــــــــــي صحيت من النوم مع الشعر المعفس طخ طخ طخ يالله صبح خير طلع واحد من العصابه جايب الفطور معني مستغرب انه محترم يطخ الباب قصدي يطق الباب مستانس رايح اغسل يديني متحمس على الفطور طلع فول بس قلت دامها نعمة من عند ربي باكلها ويطلعوني ويقولون لي تجهز بعد شوي بنكشت للبر قلت مانيب راعي كشتات قالوا بنذبحك اصلا عاد بغيت والا ما بغيت انا : قلت لهم اتوووووب استغفر الله ما عاد اكلمكم ما عاد احارشكم ما اعرفكم اتوووووب اتوب اتوب الى الله استغفر الله استغفر الله استغفر الله ما عاد ازعط مره ثانية ابببببببد :D قلت لهم الي فات مات خلاص هدوني قالوا لا لا لا نبي فديه قلت: وش فديته موب حولكم فديه كم تبون قالوا ميه الف انا ما اسوى ريال ميه الف ذبحوني بس قبل لا يدري ابوي انكم تبون ميه الف ويذبحني فكروا شوي قالوا بنقول لأبوك ميه الف يمكن يوافق قلت:ما عندكم ما عند جدتي ولا قرش ترن ترن ترن العصابة السلام عليكم <== توني ادري انهم يعرفون يسلمون:p ابوي:وعليكم السلام العصابة:احنا خطفنا ولدك وموب راجع لك الا بميه الف ابوي:خلوه لكم قالوا بنقتلك ويسحبوني البر وانا طول الطريق ادعي عليهم وصلنا البر جهزوا كل شي حتى انا الي حفرت القبر بين العصابة واحد مطيري قلت له ترا اذا ذبحتني بروح الجنه قال لا خلاص هونت محنا بذابحينك بنقطك في سجن تحت الارض في المقر السري قلت: طيب بس الله الله بالاكل الزين واحنا في الطريق اشوف سواقنا كومار قلت له كوماااااااااااااااااار قالوا:من تنادي قلت:لا بس كنت نايم وحلمت بالسواق عاد كومار شقردي يدري اني مخطوف ويلاحقنا كان ويصدمنا تراه بايعها يبي فلوس ما يدري اني مانيب معطيه شي وامسكوه قالوا له وش عندك قال انا في يجي اساعد صديق انتا في جنجال :D قالوا:وش بتسوي؟؟ قال :انتا ايس فيه قم بس قم ويسحبني من بينهم قال هذا صديق وازد تيب قلت له سكرن((شكرن)) قال:أفون ((عفوا)) يالا الهين فيه روه بيت اشان بابا في وازد فرهان انا:يلا وجحدت عيال الحاره وهم ساكتين كانهم موب موجودين ونرجع البيت ابوي:وين الزيتون والجبن؟؟ انا: يبه تعرف البقاله يقول خلص الجبن والزيتون ورحت انتظره في الميناء بس قالوا الحين طلبيه يوصل بكره <========= ما يكذب :D ابوي: واليومين الي اختفيت فيهم لا يكون طامر لسوريا تزرع زيتون وجبن وتجي؟؟ <=== ما خبرنا الجبن ينزرع تعرف يعني القدر المحتوم وجرح الزمان هذي اشياء ما تحملها النفوس ابوي:اقول لا تطلع برا الموضوع سمعت يقولون انهم خاطفينك وش السالفه؟؟ انا:لا هذولي سعيدان وشلته يلعبون معاي غميمه((صيده)) ابوي:يلا بس رح نام واطمر من الصبح رح جب الزيتون والجبن انا:انشالله يبه خير انشالله تشاو يبه ابوي:تشاو <============ صار خكري :rolleyes: الــــــــــــــــــــــــــــــــــــــــــــــــ ـــــــــــــيــــــــــــــــــــــــــــــــــــ ــــــــــوم الــــــــــــــــــــــــــــــــــــــــــــــــ ــــثــــــــــــــــــــــــــــــــــالث الساعة ست الصبح بتوقيت بنغلادش ابوي:الى الحين ما رحت؟؟!!!!!!!!!!!!! انا:يالله صبح خير اصبحنا واصبح الملك لله انشالله يبه وانا طالع الا الشله واقفين لي قدام البيت قلت لهم بنادي سواقنا كالعادة كل واحد مسك نعاله وما شفته قلت للسواق تصدق ان اسمك ينفع بعض الاحيان قلت له تعال اركب جنبي نروح البقاله تعرضوا لنا عيال الحاره اطلع انت <==== صار يقمط منهم:D يوم وصلنا البقاله قلت له عندك زيتون وجبن قال :ايه قال :كم كيلوا نسيت ابوي كم قال؟؟قلت بتفلسف عليه والي يجي يجي قلت سبعطعشر كيلوا وثلاث ارباع وثلاث ميه وخمسين غرام واثنين ملي زيتون وعطني عشره كيلوا وست ميه وعشرين غرام واثنين متر وثلاثه سانتي  رجعت البيت و شاف ابوي الزيتون ابوي : من قالك جب زيتون اخضر قلتله توني ادري انه الزيتون الوان بس كنت اشجع المنتخب قام ابوي يلاحقني با النعال و قالي خذ الزيتون ولا ترجع الا وهو اسود وأخذت التلاوين و اخذت اللون الاسود و لونت الزيتون و عاد حظ كومار الحلو انه جنبي و قلت بسم لله خذ يا كومار ذوق الزيتون و بالهنا و الشفا ذق وحده يوم كلها شفته انسدح قلت ما تنلام انك ذقت هذا الزيتون الحلو من حقك تنسدح من حلاته و وديت الزيتون للأبوي ابوي:مبين على الزيتون ناضج انا:ايه عندك ولد شقردي يعرف كوعه من بوعه:D عاد ابوي مب امصدق انا الزيتون زيتون البلد قام يتفحصه و لحسه انا:اي يا النكبه انمسحت الالوان ابوي:بلا الزيتون قلب اخضر و طعمه مر انا:تعرف الزيتون مصمم يشجع المنتخب ابوي:بلا استهبال وش فيه قلب اخضر انا:تعرف الزيتون يمشي معا تقلبات الجو ابوي:الله يقطع بليسك تلون الزيتون انا:لأ يبه اكيد هذا راعي البقاله مالقيت الا النعال تلاحقني ويوم طلعت من البيت شفت لا زال كومار متمغط على الارض ما تنلام على هذا الزيتون:p شفت الشغله طولت وهو منسدح قلت: ياله كومار عن الدلع قم و شفته مب قايم و وديته المستشفى قال الدكتور: انتو وش مأكلينه عنده عسر هضم انا:ابد ولا شي بس كل تلاوين الدكتور:جت سليمه ذي المره انشالله تاخذه معك الحين يوم جيت بطلعه من المستشفى قالولي:وين اقامت الرجال انا:في البيت قالولي:وين نصرفها هذي في البيت انا:انشالله الحين اجيبها و ادق على ابوي و يقولي ابوي:الو انا:اقول وين اقامت السواق ابوي:منتهيه وش تبي فيها:confused: انا:كومار في المستشفى ابوي :اقول اذا الشغله فيها اقامة تبرى من السواق انا :انشالله يبه و قلت لهم انا ما اعرف من هذا بس انا لقيته في الشارع و جبته و انحش من المستشفى و اخلي كومار والمسكين كومار سفروه و رجعت للبيت و الاقي عيال الحاره و قلت لهم السواق الجديد رامبو جاي في الطريق الاسبوع الجاي و بعداها وخرو عن طريقي و رجعت البيت و لقيت ابوي ابوي:بلاك ما رجعت الزيتون انا:قفلت البقاله و مكتوب عليها للبيع لعدم التفرغ ابوي:طيب وش نسوي في الزيتون انا:نوزعه على اعضاء المنتدى وعساه يعجبهم :p توته توته خلصت الحتوته حلوه ولا فتفوته ملكوش لكشتن طيبه :D عصويد الدويشر
_________________  |
|
10-16-2003, 09:34 PM
| |||
| |||
| يرووووووووووح يروووووح ثم يرجع :D.. بعمى ظلاله :p .. يخوك اثقل .. ما عاد بالعمر شي ياعصويد .. وحتى عيال الحاره .. فتحت لهم باب .. وبعضهم لحنج:D.. أجل امس ماسكين واحد .. بالمنتدى .. مطلعن سرّه :p.. خير ان شاء الله ؟؟ :D ...ههههههههههههههههههههههههههههههههه م ط ل ع ع ل ى س ك و ت ر
_________________  |
|
10-17-2003, 06:01 PM
| ||||
| ||||
| يالدويشر والله من التنسيم دايم قوي اخبرك مستقوي بكومار يالملعون ابوك يالزيتون الاخضر موضوع مطهبل يامطهبل الله يطهبل ايامك ياعصويد والا تحرمنا من طهابيلك الزير سالـــــــــــــــــــــــــــــــــــــــــــــــ ـــــــــــــم
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
