|
| |||||||
| الشعر و الشعراء منتدى للقصيد و القصائد النبطي و الفصيح البوح بالخافي منتدى شعري يهتم بالشعر بشكل عام الشعر الفصيح والشعر العامي والشعر الجاهلي والشعر النبطي و كل انواع الشعر |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
01-13-2008, 06:20 AM
| ||||
| ||||
 نبذة عن الشاعره بخوت المري نبذه عنها وبعض مقتطفاتها الشعريه السلام عليكم ورحمة الله وبركاته اسعد الله صبآحكم بكل خير احببت بهذه المشاركه ان تكون عن شاعره نسائيه وهي الشاعره بخوت نسبها بخيتة بنت عايض ال عذبة المري المعروفه بأسم بخوت موطنها : عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة حياتها الاجتماعية كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر شاعريتها: كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة والشاعرة هي عمة ( الشاعره المعروفه.. الراسيه ) >>العرق دساس ليته يناديني وانـا بـس اناديـه=واجاوبه ياحسين ولو كان مـره عليه قلبـي يابسـات عراويـه=اقفا ابقلبي من ضلوعي يجـره ذالي ليال قاعده فـي حراويـه=ليننهـا زادت علـى المضـره قمت اتوجد وجد من مات غاليه=قبوه اقبالـه كـل يـوم يمـره أو وجد من خاوه والليل ممسيه=ينخا ولا حد من هل الهجن مره ^^^^^^ هالبيت هذا اعجبني جدا جدا توصيف رائع وقوي خلي طريح والضواري اتحاضيه=بالمقطعه وامقابله ضلـع حـره على الذي ماشفت حي ايحاليـه=شيخ على القوم المعادين شـره ولها : مل قلب ٍ فر وأفتـر مثـل المروحـه=فرهـا فـرت جديـد قـوي ٍسيرهـا ان ضحك لي صاحبي سر قلبي وافرحه=وان تغلى صاحبي زاد عينـي شرهـا صاحبي ناوي يذبحني وانا مقوى اذبحه=شب في كبدي سنـا نـار زوّد حرهـا وقالت رد على من علق على جراءتها الشعريه العب المنكوس وارفع بصوتي ماعلي=من هل المنقود واهل العلوم الهينـه يقال انه كانت لها قصة عشق بين أحد ابناء عمومتها ويدعى " محمد " وكانت لا تخجل من هذا العشق الطاهر بل كانت تجهر به وكانت تذكر محمد في اغلب ابياتها وهذه احد ابياتها فيه ... ياهل البيت المطرف تراني يوم جيت=عندكم لي حاجة ٍواستحي ماقولهـا ايضاً في محمد ... المحبه لا سطت ما يعالجها الطبيب=روحتك ياصاحبي ليت ربي لدهـا عادة الدنيا تفرق حبيبٍ عن حبيب=وقطعك يارفقة ٍوالمفارق ضدهـا لها في الأحلام البارحـه والحبـايـب كلـنـا لـمـا=يوم اصبح الصبح كل(ن) راح في داره حسبي على الحلم يكذب جعلـه الهمـا=سـوّى بحالـي كمـا عـود ونجـاره ايضاً في ابن عمها " على " وكان بمثابة الأخ لها والأقرب إليها ياعلي ياخـوي ويـن بدوانـي غـدو=لا خبـر ولا مديـد ولا قلبـي بنيـس راحوا العربان في شف قطعان البـد و=في هوى الخلفات ماراوزوا يوم الخميس نحف حالي ياعلي نحف مدراة السـدو=وزوع قلبي زوع حر ٍ إلى شاف القنيص ولها ايضاً في الحكمه ... تل قلبي تل طيرٍ على الجول مهـدود=يطرد المقفي وطرد المقافـي كايـده مهبلك ياللي تبي الوقت الأول لك يعود=من يرده كود محيي العظـام البايـده نوادر من قصائدها جعل وبل الغيث يسقي ديار المفرعين=منزل اللي كن حديثة حليـب معدّيـة ضيقيتي في خاصري دايم ماهوب زين=قومي اللي سم حالـي وبيـح سدّيـة ان سجنته قام يتبـع دروب الدالهيـن=وان نشدته قـال انـا علتـي متعدّيـة ان بغى خلي جنابي فلا غيـره ضـنيـن=وان بغى يقفي فيقفي مراح مودّيـة ومن نوادرها ايضا هذة القصيدة اللي تشبه فية الحرية واستعادتها مثل طير شاهين ربيطة السبق زوع قلبي زوع طير قطع قد هو حكير=من شياهين البحر واستخل اهجارهـا كل ما صاح االمصيح تعلوت تستديـر=عقب ما هي حكرة سعدهـا بطيارهـا وقالت في الحزن ) انا دمع عيني بالدقايق وبالساعـات=ولا هي على فرقا المحبيـن مستـره هواجيس قلبي كل ما أقول راحت جات=تعود علي باليوم خمسة عشر مـره وقالت كذلك في وصف ناقتها التي كانت تسميها (ذروة) كن ذيل ذروة راس بنت على زيان=يازين شوفه في العراقيب يجتالي يازين شوف حوارها بارك ريـان=في حرف روض والمضاهير نزالي تقول بخوت المريه وهي أشهر من تكلم عن السيارات من النساء : حن قلبي حن (( ماك )) على سمر العجل=عشق السـواق والـدرب ممسـوكٍ وراه ما بشفي لا دريـول ولا ريـس عمـل=شفي اللي كـل ماشـاف بـراقٍ رعـاه ونتي ونة خلـوجٍ ولدهـا مابعـد جـدل=تشـرف المرقـاب للـذود وتعـود وراه وتقول أيضاً : ياحن قلبي حن ماكٍ مع الطلعات=ليا عشقه بالعايدي والدبل جره جرمة ثقيل وحملوا فوقه البيبات=ويدعس عليه ببنزينه ولا سرّه والماك : (هي السيارة الكبيره ) أما في وصف السيارات فقد برعت الشاعره فيه تل قلبي تل فرت ٍعلى سبر العجـل=عشقه راعيه والحوض تحته قد ملاه ان تسنّد عشّقـه ثـم لـده بالدبـل=وان تحرر ريّحه لين ياصل منتهـاه ولها بوصف المرسدس المرسدس محلاه في طلعت ام حويض=اليا عطي ثالث جاوب السير شكمانـه ونلاحظ هنا دقة التعبير والوصف في هذا البيت وقالت في الفراق ياجماعة وإن عزمتوا على أنكم راحلين=غمغموني عن مظاهيركـم لاشوفهـا كن في قلبي لهب نار ربـعٍ نازليـن=اشعلوهـا بالخـلا والهبـوب تلوفهـا ول عودٍ لاش رحمه ولا قلـبٍ يليـن=عسى ذودك في نحر قومٍ وانت تشوفها عيدوا بي في الخلا والفريق معيديـن=كل عذرا نقشت بالخضـاب كفوفهـا مايقرب دارهم كود صنـع الذاهبيـن=كود حمرا عزمها من صفـاة بلوفهـا كن حنين الويل يشبه لخلفات القطيـن=لينوا له بالقدم مـع طمـان اجروفهـا وتقصد بالحمرا : السيارة .. وقالت في التوجد : ياوجودي وجد من حط معروفه وضاع=بين بواراً ومن بيـن جحـاد الجميـل اووجود اغريراً فاقداً حلـو الرضـاع=ماتت امه والمنايح حلال القوم حيـل او وجود اللي فقد خوه ابن عمً شجاع=محزماً فالضيق وان جاه مختف الشليل كما لها بالتوجد على حياة البر والباديه: وجودي على بيت الشعر عقب بيت الطين=وجودي على شـوف المغاتيـر منثـره وجودي على خوة هل الموتـر المقفيـن=وجودي على شوف السهل من ورا الحره ليا حلوا البدوان وصـاروا علـى بيتيـن=ومن كان لـه خـل مـع ذاك ماغـره وقالت ايضا : ما بشفي لا دريول ولا ريس عمل=شفي اللي كل ما شاف براق رعاه قاطنين فوق عد على جاله عبـل=طيب للبل وراعيه ما يقطع ضماه ============= (لايزعلن علينا البنات تراها قصيدة ) ..وقالت في وصف الطائره: إسمحوا لي يامحمد على ست اكلمـات ذا كـلامٍ فاضـيٍ واستحـي لا طوّلـه يامحمد مـا الأناثـي بكفـو معامـلات قولهن لا هوب يصمـل ولا ينـردّ لـه راكب اللي في سما الجو تمشي بحركات صوتها من سرعها من وراهـا تنتلـه روّحت وقت الضحي من محلّ الطايرات وخطّرت راع الهجن مارحٍ في منزلـه وخطّرت ركابة الدوج من دون ادمرات ومرت الصلب الحمر والفريق بالسفلـه داربٍ سواقهـا مـا يحسـب للممـات وغلقت خمس الدقايق على الطالب هله ..وقصيدتها الي غناها الفنان الشعبي خالدعبدالرحمن آيست الاخبار من صوبكم ياهل الجنوب داركم عقب البطا سعد أبو من زارهـا وأخيراً تلك المساجله بينها وبين الموت : أناأشهد شهادة حق ماتستحي ياموت وأنا أشهد أن مافيك ميز ولاشيمـه صلاتك رديه والحكي زور يابخـوت وكل خذيته من هله وأنتـي مقيمـه وفاتها عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي. الله يرحمها ويسكنها فسيح جناته... ويرحم جميع اموات المسلمين لكم مني كل التقديروالشكر على حسن القراءة ... منقوووول ببعضا من التصرّف __________________ اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
01-14-2008, 01:59 AM
| ||||
| ||||
| رد: نبذة عن الشاعره بخوت المري نبذه عنها وبعض مقتطفاتها الشعريه وعليكم السلام ورحمـة الله وبركاته ::  وين إحنا عن ذا الموضوع // وربي اجتمع فيني كل شي وانا أقرأ فيه ؛؛ أحب السير الذاتيه اللي مثل كذا ؛؛ وأنا أقرأ ؛؛ جلست اتخيل شخصيتها ؛؛ حسيتها مرحه // وقويه وقرأت بيتين .. من جد ضحكت لين شبعت .. أضحك الله سنك ؛ اقتباس:
سرد جميل وسيرهـ ذاتيه شيقه/ بارك الله فيك ودوم في الانتضـار اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
01-16-2008, 06:39 PM
| ||||
| ||||
| رد: نبذة عن الشاعره بخوت المري نبذه عنها وبعض مقتطفاتها الشعريه
مشكورة أختى على هذه السيرة ليتنى شوفتها
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
01-26-2008, 04:32 AM
| ||||
| ||||
| رد: نبذة عن الشاعره بخوت المري نبذه عنها وبعض مقتطفاتها الشعريه اقتباس:
يالله انك تحيي الشيخة مزنة واللهم آمين عسى الله يضحكنا جميعا بخير وياحلو سوالفها دامها اعجبتك والله يعافيك ومن الشرّ ياقيّك وأنا دوما بأنتظارك بس طالت الغيبه عسى المانع خير يارب بحفظ الباري اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
01-26-2008, 04:33 AM
| ||||
| ||||
| رد: نبذة عن الشاعره بخوت المري نبذه عنها وبعض مقتطفاتها الشعريه اقتباس:
منوره أخوك خالد بحفظ الباري اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
