كبر خشمي والحب دق باب قلبي (ارعص فيذا الله لا يهينك)

مطلع على سكوتر · #1 (**permalink**) 10-26-2003, 09:39 PM

فضلا وليس امرا اقطفوا الاتصال<<<<<لغته العربيه دمار

مرحبا شباب وصبايا كيف الحال وش الاخبار وش العلوم والرياضيات وش علوم الوالد والوالدهو>>>>>>>وش يبي ذا:rolleyes:

انا وبسراحه متناهيه (يبيلي انام اسبوع على هالكلمه :D)حبيتكم شباب ولا يهونون امهات الركب السود:pوقلت في خشمي اقصد في نقسي ورا ما تدخل عليهم وتروعهم بخشمك .اقصد وتشاركهم اقلاعك .بعد مشاوره طويله المدا(ياروووحي على هالكلمات)وصلت لاكثر من ثانيتين ,بيني وبين خشمي عفوا نفسي.قررت ادخل بموكب وبقياده صديقي محماس ابو الاحساس وهذا الموكب مكون من دداسن مطيحه وسياكل مشلحه من ابو هنود لهذا المنتدا المنسم واسوي زحمه. وبعد ما زفوني لزوجتي (احوووول وش معجلك على صدمة الركب السود :D<<<<اقول من زين خشمك اللي كنه موزه يابسه :p اقصد وبعدما زفوني للمشاغبين وانا شايل معي بعض اقلام الرصاص وبرايه ام مرايه وقلمين ام نص ريال.وبعض الاوراق اللي نصها مشققه . كتبت لكم موضوعي الاول واتمنى انه يحوز على رضاكم: مشاغب ومشاغبه

.

اوكي شباب انا راح ادخل بالموضوع بدون لف ودوران اقصد بدون مقدمات <<<<<واللي كبر قريح فوق وشو :p.

في يوم من الايام الحاره والغيوم المحمله بالغبرات اللطيفه.قررت انا وصديقي العزيز المشهور ببراطمه الكبيره وصوته اللذي يذكرني بصوت فتى فلسطين (جواد)<<<<<<<كفخوني ان طلعت صادق :rolleyes:
محماس,هذا صديق عمري وصديق العربجه والتفحيط في نص اليول والمغازل في منفوحه.كنا انا وياه في ذاك اليوم بنجربع ونصيد ظبان. :p

فجاني هو من فجر الله (لاحظو من فجر الله بس الحر في كل خشم اقصد في كل وقت وكانه مهوب حر فهو جمده! ) وعيونه كانت محمله بالغمص الواضح والكثيف وبراطمه كانت محاطه بالسعابيل اليابسه فتحات خشمه كانت معششه . وريحت اثمه ريحتا مخوره ;4 ;4 ;4. عاد قلت له وانا كالعاده حاط اصابعي في خشمي"ورا وجهك كذا ما غسلتا". قال هو "الا,بس ما قعدة ثلاث ساعات اغسل كالعاده خفت اتأخر عليك" ثمين قعد يناظرني . رزيت صدري عاد انا احسبه معجب. ثمين قال "ما كن خشمك كابر شوي "وجعني خشمي اقصد قلبي وقلت "هاه , لا تقول, انا و لحد الآن مالي وجه كل وجهي خشم" قال هو" اخاف يكبر يوم ورا يوم وتصير انت كلك خشم مهنى جسم خخخخخخخخخخخخخ ;1." قلت انا وبكل برائه" لا, لايكون ,وشلون طــــــــــــــوط اذا اعرست ." قال" اقول امش بس خن نمشي" :D

وانحن في الطريق كان محماس مشغل اغنيه اجنبيه.ويردد وراها ايوووووواه ياروحي يا لوف (حب)<<<<<يقالكم يعرف عنقريزي :p. ترا محماس ما يدري وش القصه (عاد انت اللي تعرف. اقول ظف خشمك ;1.)بس هو يقول كل الناس طاحو اجنبي خل اصير مثلهم مطور!!!!!!!!(امحق تطور)

وهو خاش جو ناظرته انا وانا أسوي رياضتي اليوميه بعد الفطوراللي تجيب لي الفرح والسرور وتنسيني مصايبي ألا وهي التنغـــــــــيف ;1.!!وقلت له"اقول محماس قد حبيت"ناظرني هو وعطاني ابتسامه ودخل اصابعه في خشمه (قلوووود :D.)وقال"آآآآآآآآآآآآآآآآآآآآآآآآآآآآآآآآآه.:confu sed:.."وهو يقول آآآآه انا ناظرت يدي اليمنى ولقيت انه معي مقلى(لحد يقولي وشي)فرفعتها من غير شعور ورنعتها في راسه اللي يسمونه في الحاره تضاريس من كثر الصعارير .. وتحولت الااااااااه اللي يقولها من ااه الحب لااااه الوجع وقال"جعلك الموووووت ليه سويتا كذا " من شدة الضربه اللي شنتها امريكا على العرب .اوه اقصد من شده الضربه اللي جته مني طلع له صعرور صقع في التنده من طوله. انا ناظرت صعروره وهو يطول وقلت" ليه ما علمتني يالثور" هو قال "توني كنت ابقول لك" قلت "طيب يالله قل".
قال محماس"لا عقب هالرنعه منيب قايل لك الما تقول اسف او تحب دمجتي" قلت " ما بقى اللى هي احب راسك اللي كنه بريق يفوح خياس ;1. ;1."

المهم مشينا باقي الطريق واحنى ساكتين و كل واحد يتفنن في تطليع( )من خشمه وعععععععععععع ;1. ;1. ;1. ;1.
وصلنا للمكان ثمين قال محماس" يالله وصلنا. انزل ندور ونشوف المكان".
المهم لقينا ضب قريب فنا ظرت انا محماس بشوف وش قاعد يخطط له. يوم التفت لقيت محماس مستنزل ويغني"هين هين يالضبان هين هين يالضبان الوعد ان قاله الله ان قاله الله شكمان ;1. ;1." قلت"هيه محماس صدق انك مغبر,يالله وش ناوي عليه, لا تستنزل فيذا :mad: " محماس بعد ماسوا اللي يبي وانقطع صوته من الغنا وتكسرت اصابعه من الرقص.اللى االضب قد راح وييق وييييق ويييييييق ويييييييييييييييق

. المهم دورنا ضب ثاني ونزلنا من السياره علشان نصيده. يوم نزلت انا جت عيني بعينه.مدري وش جاني يوم جت عيني بعينه ;2. حسيت اني مانيب قادر اصيده. تدرون وش صار لي ما راح تصدقون اذا قلت لكم.. حبيته تصدقوووووون. ثمين غمزت له. وانا اغمز له نا ظرني محماس وقال" قه قه قه قه قه قه( تراه يظحك مب يصيح;1. ;1) وش تسوي" قلت" خن نخطفه"
قال" وش تقول انت, اقول انت مناظر فلم أمس" قلت" وش دراك بسم الله;2" قال" انت دايم كذا تتأثر بالافلام, اقول بعدين ترا ذا ضب مب بنت" قلت انا" لا بس عيونه تقول حكي لي" قام هو وشاتني مع المنطقه الحساسه وقال"يا خلنا نصيده واحك مثل الرجاجيل او رح لبيتكم ازين" عاد انا عقب اللي جاني معاد صرت اناظر عيون الظبان علشان ما اطيح فيهن حب".

المهم بعد ما صدنا وسوينا كبسه ضب وتغدينا ثمين بعدما تاغرنا ;1. ;1. ركبنا الددسن وشغلنا اغنيه نوال (تهددني) يوم خلصت الاغنيه انا ما قدرت اقاوم وناظرت الضبان اللي باقيه معنا ومن ضمنهم حبي وقلت" لالا انا ما احب غيرك , وانا ما هددتك محماس هو اللي سوا كذا ولا انا ما ابي اطبخك على مرقوق( وانا اقول مرقوق طاحت سعبولتي وسعبولت محماس في نفس اللحظه وكل وحده اكبر من الثانيه وطلع صوت طــــن يوم صقعت بارض السياره) قام محماس يناضرني ثمين شال رجله من البنزين ورفعها وكمخني مع خشمي وهو يقول "يااااااااع" ثمين قال"انت ما تتوب ,فيه احد يحب ضب" قلت" لأن انا ما اقدر احب بنت لاني بروعها بخشمي الجميل"قال محماس وعيونه تدمع( تعرفون محماس حساس)"لا ياحبيبي(يوم قال حبيبي انفتح خشمي اقصد اثمي وطارت بوهتي , من وين محماس تعلم هالحكي) انشالله اذا كبرت خشمك يصغر"

المهم بعد ما وصلني البيت .انا خذيت نص الضبان وخليت له النص. ثمين دخلت في الحوش وحطيتهن في المزرعه الصغينونه اللي فيها نخل(احلف).ورحت نمت في غرفتي اقصد ملحقي.بعد القليل من الوقتي استيقذ تي ولقيتو صارورا على خشمي. ولاكني لم اصرخي بل قلت "عيب يابابا تتمشا على خشوم الناس وهم نايمين " وخليته يروح لبيتهم. بس ما سالتوني ليه استيقذت من نومي?لاني سمعت اصوات بزران يصايحون ويصجون. بعدين تذكرت ان اخواتي كل يوم خميس يقشون بزرانهم ويجون يلجونا لا بعد وبعضهم يمرحون

.
قمت من lمرقدي بسرعه ورحت للمزرعه وقعدة ادور الضبان ما لقيتهم. وانا ادور سمعت صوت وراي . يوم التفتت لقيت بنات اخواتي وراي .قالولي"هلا خالي". انا ما قلت شي .صنمت لقيت معهم الضبان.وكل وحده معها حبل رابطته في رقبه الضب وماسكته بالحبل يعنني زي افلام كرتون مسوين الضبان كلاب.
انا بعد خمس دقايق استوعبت الوضع وقلت "هيه انتم وش تسوون ,حرام عليكم عذبتوهم وراكم مربطينهم بالحبال..." عاد قالطعتني اصغرهن وقالت"يعني وتو انحن نبغا نستانس وانت تعسب علينا وتديق صدغنا" انا ناظرت عيون الضب ولقيت فيها كلام .كان يقولي ليه خليتا البزران يصقعون بنا في الجدران ليه. ليه ما كليتنا وخلصتنا .ليه خليتهم يغززوننا بالعودان.ليه خليتهم يلعبون معنا واحد طش ليه وليه وليه... انا قلت وبصوت عالي لدرجه ان بنات اخواتي قعدو يسمون ويقولون وش فيه ذا انجن"لالالالالاااااا ارجوك لا تزعل لالالالا انا ااااسف سامحني" ثمين ناظرت بنات اخواتي وقلت"يالله تقلعو كل اللي سويتوه وقاعدات يالله عطوني مقفاكم تقلعوا"
المهم راحو لامهاتهم يصيحون وانا رحت حطيت الضبان في الونيت وقررت ارجعهم للبر. وانا في طريقي للبر كنت مشغل اغنيه "انا حبيت واحد والمحبه صعيبه"

The end
منطول:rolleyes:

مطلع على سكوتر :D

{الزير سالم} · #2 (**permalink**) 10-29-2003, 07:55 PM

الله يسلمك على الموضوع يامطلغ ياخبل وانت والخشم الي باذنا فيه

بعدين فيه الحين عندنا ركب بيض وينك انت شكلك ماطلعت من بيتك من زمان ارفق عليهم

الزير سالم

عصويد · #3 (**permalink**) 10-30-2003, 09:33 PM

مطلع علومك بس اجل مع جوااااد والله رجعت لزمانك;)

اقول لاتفهم غلط ههههههههههههههههههههه

اقول ابو بطي وش يبي الزير علا بالي يعرف الركب البيض والسود لايهمك البريداوي تراه مأجر الدور الخير بالمملكه

تسلم على الماضوع المطهبلاتي

مراسلكم عصويد الهيعه مدرسه المشاغبين

الملقووفة · #4 (**permalink**) 10-31-2003, 02:21 AM

اجل امهات الركب السود ها..

زين تشوف يابو خشم..

ومشكوووور على هالموضوع..

ارق تحياتي/
الملقووفة

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
مشاهير انظر كيف اعتنقوا الإسلام ؟	بحار جدة	المنتدى الاسلامى	29	07-19-2008 01:25 AM
ابو بكر الصديق أول الخلفاء الراشدين وأحد العشرة المبشرين بالجنة	saad_saad_1962	المنتدى الاسلامى	7	03-05-2008 12:21 PM
فضل العشر الاوائل من ذي الحجه واحكام الاضحية واداب عيد الاضحى المبارك -	علي = the king	المنتدى الاسلامى	4	11-23-2007 04:37 AM
مصعب بن عمير ......رضي الله عنه ( أول سفراء الإسلام )	MIDO 32	المنتدى الاسلامى	2	11-21-2007 09:27 AM
ادعيه تحتاجها كل يوم	تحياتي من دمر حياتي	المنتدى الاسلامى	2	11-15-2007 11:35 PM

كبر خشمي والحب دق باب قلبي (ارعص فيذا الله لا يهينك)

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه