|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
11-14-2003, 01:38 PM
| |||
| |||
| ايام حارتنا اخواني المشاغبين والمشاغبات قصدي اخواني اعضاء هذا المنتدى الحلو مدرسة المشاغبين كل واحد عنده ذكريات حلوة زينه ولا شينه احب اقول لكم هالخققي يمكن يوسع صدوركم شوي ----------------------------- ----------------------------- أيــــــام حــــارتنا -------------------------- يا حلو ايام الحارة رغم الشقى والتعب كنا ساكنين في الرياض وبالتحديد في شارع الشميسي القديم وكانت ايام جميله ولا نفكر في موت ولا شيء ولا في المشاكل اللي حا صله هالايام من تفجيرات ولا بلاوي زرقاء <يازين منول وبس> كان كل تفكيرنا وشلون نسرق حلاو توفي من الدكان لا وتوفي الاصلي مهوب حق هالايام كنا نروح للدكان وكان يبيع فيه واحد يمني اسمه قايد واكلف ما علينا < ندحدر مع الدحديره> يعني ندربي دمجنا لين نا صل الفريسه < حشا بنسرق بنك حنا>وطبعا دكاكين منول لا باب المنيوم ولا يحزنون باب سحاب اللي يطلع فوق بعض الايام نصير 3 او 4 حسب الخطه واحد يلهي راعي الدكان والباقي يسرقون << الله يعفو ويتسامح>> ونسرق توفي وساعات نسرق حلا و <تـــتـــن>وبعد عملية السطو المسلح على البنك قصدي <دكان قايد الغزلان> نروح ننزل ذيك الخرابه ونقسم المسروقات لك:o لي:mad: لك:o لي:mad: لك:o لي مثل قسمة الاولين وبعد كذا تطورت عريبيا وطحنا في الجبن الكرافت الحجم الكبير اللي بعد ما تخلص ماكله تقصه مع الجهتين وتحطه صيخ للدنانه <الدنانه جيط سيكل 24 او 26> ومع القايله يشتد العطش <وعلى قولت الممثل دريد لحام <غوار----امـــ نا العدل في مكان ان تبقى زبدة الحياة بدون طعام او مأوى>وتخبرون الجبن مالح شوي << احساس لا يقاوم>> كنا عشان نقاوم العطش نروح للدكان بعد ما يصك لصلاة الظهر ونجلس عند صناديق الببسي ونقعد < نسرب الغراش لين نملى غرشه كامله وبعدين نحط قرعه << قرعة كاس العالم على العازة>> واللي تجيه هو اللي < يلط> يشرب الغرشه عقب هندي عقب اللي هي عقبه ما علينا وبدت عملية التفنن بدينا نسوي < كوكتيل> ببسي على ميرندا على فانتا مع كراش وبسمك يا رحيم ونلطها على قولت دعاية بعض المشروبات.. <<مرطبات لا تروحون بعيد>> لذيذ حتى أخر قطره يالذيذ يا رايق وبعد العصر نفرق كوره بابين واحيانا باب حسب زحمة سيارات الحاره << تقول فريق انتر ميلان>> حنا فريقنا مطعم بنجوم القرى معنا ناس من رغبه من شقراء من القصب من وشيقر من عنيزه يعني خليط من النجوم وكانت الكوره < صب> لونها بني ونسك هاك الكنادر الشرع < كنادر لونها ابيض مره ولها زقم << يعني بوز>> وعشان تعرفون الكنادر مزبوط هي اللي استوردها حسين واخوه سعد < في المسلسل الكوميدي الكويتي درب الزلق>لا عاد والشراب شراب طويل ومخطط يتعدى الساق << ساق سلوى على العازة>> واحيانا نا خذ سياكلنا ونروح لسويقه او شارع الثميري وكانت سويقه هاك السنه المحسنه مثل الفيصليه ولا اسواق صحاري هلحين المهم نروحن نكحل عيونا بمناظر هالشاميات وكان اذا نا ظرتنا بنت ياربيه ما ننام الليل نجلس نفكر فيها وهي يمكن يوم تطالعنا تضحك على خلقانا ولاعلى شوشنا المنتفشه خلاص حنا حطيناها << عشق>> واحيانا نروح نتسدح في <حديقة ام سليم> وش نسوي قاتلنا الفراغ وكان معنا في الحاره ناس من المزاحميه متطورين شوي<<الله يذكرهم بالخير>> عزلوا من بيتهم اللي في الشميسي وراحو لحي الشفاء قبل ما تجي هالاحياء الزينه الرائد وحي القدس وحي الملك فهد <<اللهم احفظ خادم الحرمين الشريفين--- امين>> المهم سوينا اجتماع مغلق في الحارة وعزمنا نقوم بزياره له في حي الشفاء واستاجرنا تاكسي ورحنا يوم وصلنا ماشاء الله ساكنين في فيلا وطقينا الجرس وفتحت لنا الشغاله المصريه واول ما شفناها << طارت بوهتنا>> الظاهر اول مره نشوف وحده حرمه وفاتشه قلطنا عنده لا عاد وصلنا الضحك قام وشغل الفيديو وكان فيه نجوى فؤاد ترقص وشوي وخلص الفلم وش سوى واحد من الربع << يسوي نفسه فاهم>> راح بيقلب الشريط << الله من الذهانه>> يوم رجعنا من صديقنا ودخل كل واحد بيتهم جاه حالة اكتئاب فرق في كل شيء الحاره في البيت في كل شيء << الحين ولد شارع السباله مثل ولد الملز>> فرق شاسع في فلتهم صاله حلوة الجدران مليانه تحف ولوحات وحنا بيوتنا القديمه ما فيها صالات ولا شيء كنا نسميه << بطن الحوي>> لا ويطرز الجدران اسلاك الكهرب وكل مدخل غرفه من الغرف فواتير كهرب ملفوزه تحت السلك وعباة امي محطوطه على مكينة الخياطه والدرج ضيق مرة مرة يجيب <<المر>>لا والباحه اللي تطل على بطن الحوي<< الصاله>> بهو الفندق على العازة -------------------------------------- تحياتي لكم :D:D نكمل بعدين
_________________ الاعسم |
|
11-14-2003, 03:06 PM
| ||||
| ||||
| بسم لله الرحمن الرحيم قصه جدا واقعيه أنا على إنتظار التكمله أرق تحياتي
_________________ fأنا نسمه أرد الروح و قطره ندى مني تشفي الجروح و الهم و الحزن بقراءه مواضيعي يروح أمزح معاكم |
|
11-14-2003, 03:43 PM
| ||||
| ||||
| بسم لله الرحمن الرحيم العفو يا أخوي
_________________ fأنا نسمه أرد الروح و قطره ندى مني تشفي الجروح و الهم و الحزن بقراءه مواضيعي يروح أمزح معاكم |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| مقاطع لصيد طيور ايام زمان | مزمز ميرندا | القنص الصيد الرحلات البريه الرحلات البحريه | 20 | 12-25-2008 04:05 PM |
| حركات البنات ايام الامتحانات,,,,,,,,هروبا من المذاكره | بنت ابدوي | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 14 | 04-14-2008 10:07 PM |
| يا معشر المشاغبين اللي عنده سجل اجرامي ايام طفولته يدحدر في ذا ( الجزء الثاني ) | @ هلالية شقردية @ | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 29 | 03-21-2008 11:26 PM |
| اعطيني ايام الشقا في حياتك | عمري بكفن حي طويته | الشعر و الشعراء منتدى للقصيد و القصائد النبطي و الفصيح البوح بالخافي | 6 | 11-22-2007 03:10 PM |
| تبادل اعلاني مع منتدى حصل على 65 عضو مسجل في 5 ايام | نسر الصحراء | اشهار مواقع تبادل اعلانات بيع و شراء منتديات | 0 | 11-11-2007 03:38 PM |
-
-
العرض العادي
