الاختبارات جايه بس المذاكره في جهه ولسحالي في جهه خخخخخخخ ؟؟؟

السلام عليكم ورحمة الله وبركاته

شلونكم ان شاءالله زينين مع الامتحانات؟؟ عاد الله يعينكم ويوفقكم يارب كلكم نفر نفر سواءا شباب والا صبايا

سلمكم الله وبما انه هالفتره فترة امتحانات ... وبما اني مالي شغل في الامتحانات لامن قريب ولا من بعيد الحمدالله مخلص دراسه ومفتك اللهم لك الحمد ... الفال للبقيه ان شاءالله

في إحدى المرات وانا قاعد في احد الكافيهات احتسي القليل من القهوه والكوفي مع احد الاصدقاء الاعزاء ... واحنا قاعدين في امان الله واذا بي اجد تحت قدمي وبالتحديد تحت الطاوله اللي قاعدين عليها اوراق ومذكرات لإحدى الطالبات اللي كانوا يدرسون في نفس المقهى شكلها ناسيتهم ورايحه الحين المسكينه شلون اتذاكر ؟؟

بس تعالوا نشوف شنو مكتوب على المذكره ههههههههههههههه




خوش مذكره الصراحه ^_^

عاد اتهقون الأخت اللي ناسيه مذكرتها انجحت والا ما انجحت ؟؟ الله يوفقها ان شاءالله وتنجح يارب واتييب اعلى الدرجات ههههههههههه





شكلها من كثر ما اهيه منبطه جبدها من دراستها الظاهر والله اعلم راسمه الأبله مالتها بالرسمه اللي فوق لوووووووووووول

زين ليش جذي الشعر واقف هىهىهىهىهى الظاهر اتمجّع فيه وايد او انه طلبتها اميننينها

نشوف الصوره التاليه

ونشوف حالة هالطالبه واهي تدرس ...





وليـــــه شكو هالشعر طايح هني ... مو منها والله من التفكير العميق في الدراسه ... صج الله يعينكم الظاهر دراسة الحين تختلف عن دراسة قبل

الله يرحم ايام قبل ... دراسة قبل اذا الواحد مايبي يدرس في البيت لاكافيهات ولاهم يحزنون يقعد الشخص المسكين اللي يبي يدرس تحت شبّة (عامود إناره) بالشارع العام ويقعد يدرس لين تطلع عيونه من اضاءة الشبّه ... مو مثل الحين كافيهات ومطاعم وشغل عدل وقهوه رايحه وقوري جاي راد وبلاليط رايحه وهوت جوكليت ياي

وسوالف ووناسه ورايحين ورادين وآخرتها ناسين مذكراتهم وماشين

المهم الكافيه اللي كنت قاعد فيه كان يطل على البحر حيث الاجواء اللطيفه والهدوء التام وفي ظل هذا الهدوء والا شوي وصارت لويه من احدى الطالبات الدارسات والا شنو ؟؟؟





المذكره اللي كانت تدرس فيها الامتحان راحت في البحر ... طيرها الهوى وطبت في البحر والجو بارد يعني مالك امل تطب تسبح واتييب الورقه ههههههههههه عاد مو مبين الماده اللي كانت تدرس فيها لوووووووول

يالله هاردلك بنيه وهاردلك دراسه ماعليه تكبرين وتنسين اتصير باحسن العوايل هذي آخرة اللي يدرسون بالكافيهات على البحر خو درسوا على البر وخروا عن البحر مشكله البحر ترى




ونشوفكم ان شاءالله في مواضيع أخرى بأذن الله تعالى




اخوكم : العنكبوت