وصلت لدنيتي وحدي أبد مالي خيال إنسان=مللت من الرحيل اللي خلق حزن ابتساماتي
رجعت وداخلي طفله تحب اليأس والحرمان=يتيمة فرحة الأيام تحاصرها إنكساراتي
تعبت أحمل دفاتر الحزن وأردد كلمة النسيان=لفا يوم الوداع اللي يداعب همسة شفاتي
تحريت الفرح لكن خياله مر لي ما بان=سوى حزن يجدد أجمل آماله مع ذاتي
تصورت الأمل إنسان خايف يطلب الغفران=ذنوبه بالحشا زايد لهبها في معاناتي
وشفت إن الفرح شعب كبير غادر الأوطان=كتبت تاريخه إحساسي ودونتها بسجلاتي
بقى حلمي وأنا لوحدي ودرب بيننا حيران=جعلني صمتي بموقف أمام أصعب خياراتي
ومدري مين الغلط فينا أنا ولا القدر غلطان=وطاحت مني الدمعه غصب رغم إحتياطاتي
حسافه كانت الذكرى على طاري الفرح أكفان=يجمع لحدها البسمه وصوت آمال ضحكاتي
وأنا عقب الحي كله حرقته صادي دخان=أثاري كل ما قلته كلام يدينه إثباتي