:48_48::48_48:b][center][b][size="6"][size="6"]-كيفف تصطادين المعرس؟
للاجابه على هذاالسؤال اليك مايلي:
- اهم نقطه انتبهي على العجوز اللي حاطه عينك على ولدها ثم نفذي ما يلي:
1-خليك مع امك لا تروحين مع البنات وتتهيبلين اصبري عنهن كم شهرلين تتم العمليه
2-امشي وانتي حاطه راسك بين كتوفك لاترفعينه ابد حتى لو يصير كله صعارير(خلي الفكس دايما في متناول يدك)علشان يقولون مؤدبه وماهي متكبره
3-كلمه خاله خليها على لسانك وخاصه لام المعرس علشان تحس بنوع من التميز عن بقيه العجايز لامانع تنادين عجوز ثانيه بخاله علشان اذا مانجحت الخطه مع العجوز نمبر ون تنجح على الثانيه (الاحتياط واجب يابنيتي)
4- اذا بدت امك تتكلم انغزيهابكوعك عشان تدخلك بالموضوع حتى لو مالك داعي تطبيقا للمثل(كثر الطق يكسر الحديد)ادري المثل ماله داعي بس ما لقيت غيره
5- اخوانك الصغار لاحقيهم وطامري معاهم وين مايروحون حتى لو ماهي عادتك بس تصررفي معهم كانك امهم عشان العجوز تاخذ فكره انك حريصه على ذريتك
6-كل ماكلت امك من اكله زينه خليها تقول:نفس الاكله اللي تسويها بنتي (حتى لو الاكل من المطعم الصيني او المكسيكي)
7- اذا جيتي بتمدين ايدك توجعي وخلي امك تقول:قايله لك وانا امك لاتنظفين جدران البيت ب انتي الله يهديك ذابحتك النظافه(جعلي مابكيك)
8-اذا تكلمو الحريم عن العرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس انتبهي لاتكتمين نفسك بقووة اخاف تروحين فيها واصير قتلت نفس بغير حق؟؟)وبغيناها طرب صارت نشب
9-مهما كان موضوع الحوار حماسي لاتبدين رايك خليك مثل الطرمان لان اللقافه تجيب اجل الخطه وتطير العرسان
10- شعرك افريده لاتخلينه طاير ومشوش او او كيرلي مهما كانت الموضه لان العجايز مايدورون الا اللي شعورهن ناعمه والا اللي شوشهن محد يلتفتلهن (مع احترامي لصاحبات الشوش)
11- اذا ادلت العجوز (ام المتوههق)باي راي سواء سياسي ولا وطني ولا اقتصادي وافقي عليه حتى لو انه ماسخ وماله داعي وخرافي مثلا" تقول العجوز امس بوش متقهوي عندنا يافلانه قوليلها وليه ماعلمتينا يا خاله نجي نعاونكم ؟؟
12-في العروس لا ترقصين واعتبري الرقص عيب وشق جيب اقضبي ارضك وانثبري
13-اذا جا طاري السوق وهو طبعا لازم يجي الطاري لانه ملح الجلسه عند الحريم خلي امك تقول:بناتي مايطلعون للسوق مايحبن الاسواق انا اجيب اغراضهن (احتمال وارد الحدوث)يمكن تكون العجوز حاطة عينها على بنت غيرك لكن بعد النقاط السابق ذكرها بتصرف النظر عنك وعنها(امزح لاتصدقين)ماعلينا اااااااااااااااااااااااااااااا المهم الحين العجوز بتكون وقعت في الفخ*نررررررروووووووووووح للمعرس الحين*
اهجدي في بيت اهلك ولا عاد تطلعين واذا جاء المعرس بيشوفك خلي ابوك يقول:ولله ودي تشوف البنت بدون ما تدري علشان تاخذ راحتك وانا عمك وبعدين تشوفها على الطبيعه علشان ماتقولون عشيتوني ((ايه هين ياالشايب ولله لو بيدك لا تحط مكانها باسكال مشعلاني ولا نوال الزغبي عشان تعجبني))
وقبل لا يجي اليوم الي بيشوفك فيه بحوالي اسبوع او اكثر(على حسب شين وجهك )اركضي من صالون لصالون :صبغة فرد تنظيف بشرة...الخ لا تخلين على روحك قاصر ولما يجي المعرس خلي اخوك يوقف جنبة عند الشباك عشان مايطول بالتبحلق ويبان المستخبي وذالك تطبيقا للنظريه ((اللــــــــمـــــــحة ذبــــــحة) :83dd219d3a:بعدها عاد كيف بيشوفونك هذه عليك انت ماهوبكلشي اعلمك اياه دبري عمرك بس خلي ابوك في نهايه المشهد يقول:العذر والسموحة وانا عمك(بشرط ان الاب ضمن الولد يوم يقوله)ترا البنت حوسه (مع انك طاقك كل زينك)بهاللحظه الولد بينط على راس ابوك ويبوسه لين يشفط مخة: ويقول متى العرس ياعمي(اللهم ارحمه فقد كان بارا بوالديه) عاااااااد الله يوفقك ولا تنسيننا من حلاوة العرس واياااك تعلمين الولد من معلمك هالعلوم ولا حتي باسمي
تحذير:: ابتعدي عن امهات العيال الي متعلمات راعيات الشنطة الى مثل لون الجزمه لان هذولي يبيلهم خطط بعيدة المدى
نصيحة: رفيقاتك بيلاحظون التغيرات الي صارت لك قولي لهم قبل ما يفضحونك انك عرفتي درب السنع والعداله.

هههههههه تسلمين اختي وضحى على المعلومات القيمه بس انا الحين رايح انبه على امي

على العموم تقبلي مرور اخوكي الزعيم

ههههههههههههههههه
بتجبين اجل المعرس

تسلملي يالزعيم على مرورك العطر

تسلمين ياnoooon على مرورك العطر