سلام ......

كيفكم طيبين مبسوطين منسمين خخخخخخ

كل عام والجميع بخير وصحه وعافيه ومازولا

المهم بعد الخرابيط اقول

بصراحه قلت في نفسي الي هو انا اكلم انا .... يا منسم تراك ليك اسبوعين ما دخلت المنتدى والحين تجي ويدك فاضيه والله ما يسير يا فطير

قلت انا لي انا : طيب وش تبي تسوي يا منسم تسدح مين ؟؟؟

جا في بالي اسدح في المشاغبات السحالي << اصلا هو من يوم ما شارك في المنتدى وهو شايل على المشاغبات خخخخخخخخ

وتراجعت في اخر لحظه وقلت خل السحالي على الرف الحين وما لك اليوم غير الرؤوس الكبيره حق المنتدى خخخخخخخخخ

قلت انا لي انا :طيب وش تبي تكتب ؟؟؟ وش تبي تكتب ؟؟؟

المهم ما ابي اطول عليكم << لا ياخوي خذ راحتك خخخخخخخخخخ

وتعالوا شوفوا اخترت مين من الرؤوس الكبيره مع اني ما اعرف احد فيهم

واقول :

هي طلعتنا ذاك اليوم انا والشباب الدجه الي معنا في المدرسه طبعا لا في طلعه ولا في شيء بس هي من تأليفي بسبب التنسيم الي في راسي ،،، اخترت بعض المشاغبين في المدرسه عشان تكمل الطلعه وهي في الاساس طلعه للبر
وكلمت المشاغبين لاني انا منظم الطلعه والمخرج ،،،الله يالخبال يالمخرج نيهاههههههه

,, المهم كلمت الشباب المبنشرين الي هم : ابطال الطلعه
1-البدر البدوي راعي الغنم والبعارين نيهاااههههههههههاي
2-دموع العين الولد المدلع < ياااااااااي نيهاااهههههههاي
3-ناصر لو ما هو في ما تحلى الطلعه لانه مهستر خخخخخخخخخ
4- واحلى منسم << جا بالواسطه لانه يعرف المخرج خخخخخخخخخ

المهم اتركم مع الشباب الدلوخ هم وطلعتهم العجيبه الرهيبه نيهاااااااههههههههههه

ملحوظة : ينصح عدم الآكل والشرب وقت القراءة خخخخخخخخخخخخ


المخرج : المشهد الاول ،، في بيت منسم وعنده ناصر جالسين وقدامهم القهوه والتميرات ويناقشوا امور الطلعه

منسم : ها يا نويصر كلمت الشباب كل واحد يجيب معه الي اتفقنا عليه ؟
نويصر : ايه كلمت البدر يجيب معه تيس صغير من حوش التيوس والبعارين حقه
منسم: وهو وينه الحين ؟؟
نويصر : مدري يمكن الحين جالس مع بعارينه في الحوش يحلب النياق ويسولف معهم هههههههههه
منسم : ودلوعة ماما وبابا دموع العين كلمته يجيب الدراهم معه
نويصر : افاااا عليك بس تدري اني علمته اننا طالعين بحر ينبع خخخخخخخ
منسم : خخخخخخخخ ليش يالخبل احنا ما قلنا بنطلع البر
نويصر : ايه بس زي منت عارف انه دموع العين يخاف من البران والضبان ههههههه
منسم : ايه فكرتني فذاك اليوم الي انصرع فيه يوم شاف الضب نيهااااااااااههههههههه
بس تدري خير ما سويت يا نويصر بنحطه امام الامر الواقع خخخخخخخخ
نويصر : خلاص الميعاد بكره الساعه 10.00 الصباح عند حوش بعارين البدر
منسم : اوكي اهم شيء كلمت الشباب على الميعاد
نويصر: افاااااا عليك وصلهم العلم والميعاد
منسم : اجل ضف وجهك الحين ونتقابل بكره على خير
نويصر : لا بضف رجلي بس ...خل وجهي عندك تتسلى فيه ههههههههههه
منسم : ايه خله عندي اكفخ فيه طول الليل نيهااااااهههههههه
نويصر : لا هونت اقلك سلام

المخرج : المشهد الثاني في اليوم الثاني عند حوش بعارين البدر
وعلى الساعه 10.00جا نويصر بسيارته وراكب معاه منسم ونويصر مسرع بسيارته ويسحب جلنط قدام الحوش وبعد ما وقفت السياره طلع راسه من شباك السياره
نويصر : هاااا وش رايكم في الحركه اعرف افحط ؟؟
البدر : اقول ما تبي تروق الخبال الي انت فيه تراك غبرت على التيوس والبعارين خخخخخخخخ
منسم : المعذره يا البدر ليك ولبعارينك بس هذي اوقات الذروه للخبال عند نويصر نيهاااااههههههه
البدر: ياهلا والله نويصر ومنسم وين الدلوع دموع عنكم تراه يموت في الخبال خخخخخخخ
منسم: مدري بس حنا مواعدينه الساعه 10.00 مدري وش فيه اتأخر
وانتبه ترى حنا معلمينه اننا طالعين ينبع البحر لانه اذا عرف اننا طالعين البر بيهون
البدر: خخخخخخ ولا يهمك منسم اترك الموضوع علي هذا حبيب القلب دموع
منسم : ترى هذا المدلع ذابحني وقاهرني مافي يوم نتواعد فيه الا يعطلنا
البدر : اقول منسم اركد زين وما اسمحلك تتكلم على دموع ،،،الغايب عذره معه << مسوي حميه خخخخ
منسم : ترى يالبدر بنوقف سياراتنا وبنطلع بوانيتك
البدر: ابشر الوانيت جاهز
منسم: اهم شيء غسلت الونيت
البدر: انت صاحي والله هذا الي باقي اني اغسل الونيت ههههههههههه
نويصر : خخخخخ من كثر الغبره صار الواحد ما يفرق بين لون الونيت ولون ثوب البدر ههههههههه
البدر : من الي فيك ما تفرق يالخبل خخخخخخخخخخ
نويصر : لا تقول خبل
البدر: اقول ضف وجهك
نويصر : ايه كذا ازين ههههههههههههههههه

المخرج : المهم الشباب قاعدين ينتظروا والشمس طابختهم وريحت حوش بعارين البدر ما شاء الله عليها تقول الصرف الصحي حق الحاره نيهااااهههههههههههه
ومنسم ونويصر ضاربه فيوزهم من دموع وعلى الساعه 11.00 جا دموع العين متجنتل صح خخخخخ

البدر: وين كنت دموع ليش اتأخرت ترى الميعاد الساعه 10.00
دموع : كنت سهران طول الليل ارتب الملابس حقتي يالله خلصت الحين
منسم : لو انك ركي مارتن ولا ما يكل جاكسون رايح على باريس،، ما سويت كذا
البدر : ايه والله انك صادق يا منسم << مسوي انه يعرفهم هههههههههههههه
دموع : منسم احترم نفسك !!! انا احلى منهم ههههههههههههه
منسم: هدوني عليه انا قايلكم انه يبي يذبحني
البدر: اقول اسكتوا لا احطكم في حوش البعارين تأديب هههههههههههه
دموع : يااااااااي انا اصلا كنت ابي احجز في المطار على ينبع بس عيال النعمه يحترموا المواعيد
نويصر : امحق مواعيد انت وشعر راسك الي يشوفه يقول انه شارد من وجهك هههههههههههه
دموع: احسن من شعر راسك تقول شجرة نبق ههههههههههه
منسم : يا شباب يالله لا نتاخر ,, يالبدر يالله جيب التيس خلنا نمشي نبي نروح
البدر : ابشروا الحقوني علىالونيت والحين اجيب التيس الثاني من الحوش
منسم : وين التيس الاول عشان تجيب الثاني ؟؟
البدر: نويصر ما تشوفه جنبك ههههههههههههه
دموع : يا بدوري تكفى جبلنا واحد تكون عيونه زرقه تمشي عيونه مع لون البحر يااااااااي هههههههه
منسم :<<< على باله اننا بنطلع البحر خخخخخخخخخخخ البر يعني البر
البدر : انت تامر امر يا دموع العين ،،،، اركب عيوني بدل عيون التيس هههههههه
دموع : تسلم عيونك يا بدوري(( ابوك يالعيون خخخخخخخخخخخخخخ
البدر : << فاتح فمه ومبسوط اول مره احد يدلعه ههههههههههههه

المخرج : المشهد الثالث في وانيت البدر بعد ما حطوا التيس في الصندوق ,, والبدر السواق وحاط اللثمه ومطلع يده من الشباك وصباع يده الثانيه في خشمه نيهااااااههههههههه
ومركب دموع قدام ودموع يناظر تحت المقعده خايف يطلعله ضب عارف ان الونيت ملغم خخخخخخ
والبدر يقززه بعيونه هههههههه
مداخله من البدر: اقول يالمخرج عن الغلط لا اتبطحك
المخرج : تيب تيب بكمل
ونويصر ومنسم راميهم البدر في الخلف ولو بيده كان ركبهم في الصندوق مع التيس ههههههههه
مداخله اخرى من البدر: ايه في هذي انا معاااااااك خخخخخخخخخخخخخخخخ
المهم نكمل بعد ما حركوا بالونيت :

نويصر : هاااا يا شباب جبتوا المايوهات معكم << يمشيها على دموع خخخخخخخخخخ
ترى المايوهات اهم شيء
دموع : ايه انا جبت معي المايوه وجبت كريم لترطيب البشره بعد السباحه
وجبت كريم البرنزاج بعد
البدر: برنزيز مدري برنزوج وش الخرابيط هذي خخخخخخخخخخ
دموع : هذي ما هي خرابيط يالمتخلف هذا كريم يسمر البشره
البدر : يالله يا زين العقل ،، الناس تبي تبيض وهذا يبي يسود خخخخخخخ
دموع : انا حر كيفي جسمي وانا حر فيه
،،، منسم وانت جبت المايووووه ؟؟
منسم : لا انا جبت لي لستك كفر سيكل <<< نيهااااااااااهههههههاي
دموع : الا ما قلتولي يا شباب وين راح نسكن في ينبع ؟؟
البدر :<< يصرفهاااا ( راح نسكن في افخم شاليه على البحر على شانك يا دموع خخخخخخخخخ
نويصر : ايه انا سمعت بشاليه يمدحون فيه اسمه ( غازلني عيني عينك .. ورقمني عمى بعينك ) فيه بنات موت احمر هههههههههههه
دموع : لا انا مستوايا فندق فايف ستار ياااااااااي
نويصر : اقول تسكت ولا اتوطى في بطنك انت والبدرخخخخخخخخخخ
البدر : وش قلت يا نويصر
نويصر : لا ابد ما قلت شيء << خاف هههههههه

مداخله من المخرج : الخبل نويصر يفتح الشباك ويطلع راسه ويسكره كررها ثلاث مرات مدري ليش ؟؟
منسم : اقول نويصر وش تسوي ؟؟؟
نويصر : لا بس اجرب الشباك اشوف يشتغل ولا لا ههههههههههههههه


المخرج : المهم الشباب وقفوا عند البقاله واشتروا الاغراض الي يبونهاا طبعا كلها على حساب دموع العين وبعد ما خلصوا ركبوا الونيت وتيسهم معهم والبدر حاط الثمه وداعس 180ويجدع بالونيت والغبره من وراه تقول بخاخ بلدية خخخخخخخخخخخخخخ
والناس تفكر ان الغبره من الطريق مايدرون ان الغبره من وانيت البدر ( سنين ما تغسل ) نيهاااااااااههههههه
المهم البدر يجدع يمين في شمال في يمين في شمال الين وصلوا البر ويسفط البدر تحت اقرب شجره ودموع الدلخ ما هو داري وش الطبخه
المشهد الرابع :

البدر : يالله ياشباب وصلنا وكل واحد ينزل أغراضه
دموع : وين وصلنا هذا بر،،، مو احنا قلنا بنروح ينبع البحر
نويصر : انت ما دريت انهم نقلوا ينبع البحر هناا ههههههههه
يقفز منسم : لا والله ما حد قلي << غبي صدق ههههههههههه
دموع : يااااااي لا انا اخاف من البر اخاف يطلع علينا عوووو
منسم : مين عووووووو ؟؟؟
دموع : يعني ذيب يا متخلف ههههههههه
البدر : ترى يا دموع الطلعه هذي كلها على شانك ولا تخاف مدام معك البدر< طيب يالبدر يا قوي ههههههههه
دموع : ياااااااي انا ثاني مره ما اجي معاكم يا متخلفين
البدر : اقول دموع لا تزودها ترى عطيتك وجه اكثر من اللازم
دموع : يااااي من زين وجهك تقول شركة مقاولات لاعبه فيه هههههههههه
منسم : والله اذا مو بعاجبك ارجع مشي ما حد مرجعك لو تذبح نويصر خخخخخخخخ

المخرج : المهم الشباب نزلوا الاغراض ونزلوا تيسهم وفرشوا الفرشات دموع استسلم للامر الواقع ويالله الين اقنعوه الشباب انه ينزل من الونيت،،، بس هو ما اقتنع من كلام الشباب
ريحة ونيت البدر سببته دوخه وصداع واجبرته انه ينزل من الونيت نيهااااااااااااهههههههههه
المشهد الخامس :

البدر : يالله يا شباب اول شيء نبي نذبح التيس ونجهز الغداء بسرعه
نويصر : انا ابي انام واذا خلصتوا الغدا صحوني اساعدكم في الاكل هههههههههه
منسم : ليه حنا جايبين معنا جدي وانا مدري هههههههههه
البدر : اقولك نبي نذبح التيس وانت تقول تبي تنام ،، وش رايك نأكلك بعد
نويصر : أي والله ياريت انا ما فيه اغسل يدي ههههههههههه
البدر : اقول قم ساعدنا ولا تصير دلووع
ينقز دموع : نعم ،، مين ناداني هههههههههههههههههههههههه
منسم : اقول وش رايكم نعلق ميشوووو بدل التيس ههههههههه
البدر : انا ناديتك يا دموع تعال هنا جنبي امسك التيس من رجوله
دموع : يااااااااي لا انا راح اتفرج من بعيد ما اقدر اشوفه وهو ينذبح
البدر : اقول خلك تمام واوقف معنا وقوي قلبك وامسك رجل التيس
دموع : بس ،، انا .....
البدر : اقول لا تبسبسلي امسك رجل التيس
دموع : طيب راح احاول بس بغمض عيوني
البدر : يالله يا شباب امسكوا التيس خلوني اذبحه
نويصر : خذ السكين يا البدر وقول بسم الله والله اكبر
البدر : بسم الله والله اكبر << يتمنى ان منسم يكون بدل التيس خخخخخخخخخخخخ

المخرج : المهم البدر يوم انه ذبح التيس وتناثر الدم اغمي على دموع العين فورا من اثر الصدمه ،،، اول مره يشوف تيس ينذبح قدامه ما تحمل المسكين ،،
تعالوا نشوف وش صار
المشهد السادس

نويصر : دموع .. دموووووع ؟؟ يا شباب الولد اغمي عليه ترى بنروح فيها اذا جاه شيء
البدر : هات المويه يا منسم بسرعه ؟؟
منسم : ما في غير البنزين ينفع خخخخخخخخخخخ
البدر : البنزين الي ينشب تحتك اقول اخلص
نويصر : يالبدر انفخ عليه ههههههههههههه
البدر: تهقى بيصحا هههههههههههه
منسم : ايه يا يالبدر اكيد انه راح يصحا << خابر ريحت فم البدر خخخخخخخخ
البدر : طيب وخروووا شوي ،،،هوووووووووووووووووف << من قلبه ههههههههههه

المخرج : بعد ما نفخ البدر على دموع طبعا منسم ونويصر حطوا ثيابهم على خشومهم خابرين الريحه تقول ريحة بيض خايس نيهااااااااااهههههههه
المهم : دموع صحي من الغيبوبه والحمد الله الريحه جابت مفعولها ههههههههه

صحيح انها ادت الى فقدان الذاكره لمدة اربع ساعات لكن الحمد الله هو طيب خخخخخخ

وقاموا الشباب كملوا الذبيحه وجهزوا الغدا وبعد الغدا تونسوا بسواليفهم السنعه

شوي يضحكون وشوي يتصايحون

وهذا حالهم الين رجعوا الى بيوتهم سالمين غانمين والحمد الله

ودموع العين حالف ما يطلع معهم مرة ثانيه للبر

واحنا نقوله طلعة البحر في الطريق انشاء الله

والي يبي يطلع معنا يحجز من الحين ويجيب قطته معه

ونشوفكم في طلعه اخرى مع طلعات مدرسة المشاغبين

ولا حد يزعل علينا ترى الشغله ضحك ومزوح وناسه والله والنعم بالشباب البدر ونويصر ودموع العين

والنيه هي توسعة الصدور واتمنى اني وصلت للي ابيه


تحياتي لكم


احلى منسم