ألحقواااا اخر تطورااات عدنااااان وليناااا.......؟خخخ

*بنوته نايس* · #1 (**permalink**) 02-02-2008, 04:31 PM

عدنان ولينا)

( عدنان ) : شفيك يالينا معصبه ..؟!!

( لينا ) : مدري ياخوك احس اني بنخطف زي كل مره

( عدنان ) : يهبووون سميرة وعلام وكل جنود القلعه

( لينا ) : مانيب مرتاحه احس اني قبسه وشكلهم بيخطفوني

( عدنان ) : اللي يقرب منك بتوطاه هينااااااااااا وادوووووس على خشته واوطا في بطنه

( لينا ) : يابعد قلبي ياعدنان... انا اشهد انك ذيب

( عدنان ) : احم احم تسلمين.. المهم وين عبسي ..؟!!

( لينا ) : مدري يمكن يصيد ضفادع عشان الغداء

( عدنان ) : يعععع الله يقرفه ذا الشين .. المشكله انه خويي ولازم اتحمل بلاويه

( لينا ) : يمه يمه .. اسمع صوووت طيارة سميرة يااااويلي !!

( عدنان ) : لاتخافين وقفي وراااي واللي يقول عن نفسه رجال يقرب منك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,

** سميره مع الجنود نزلو من الطياره **

** سميره تتكلم بالمايك من بعيد **

( سميره ) : سلم نفسك ياعدنان ولاترز وجهك

( عدنان ) : اقول انقلعي بس ولايكثر وارجعي من محل ماجيتي

(سميره) : خلنا نخطف لينا براحتنا

( عدنان ) : يخطفك جني يالساااااحره .. اللي يرشها بالميه ارشه بالدم

( سميره ) : اقول لاتميلح وتسوي نفسك مصري اوكي !!

( عدنان ) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها

( سميره ) : الله واكبر على المصاريف ؟ كلها فستان واحد وطق لونه من كثر الغسيل

( عدنان ) <<<< طاح وجهه هع هع

( لينا ) : انتي عاوزه ايه؟ انا موش هينا انا خرجت بره

( سميره ) : اقول انطمي انتي الثانيه لاتسوين نفسك مصريه وتلعبين علي ...

ترى حركاتكم هذي معروفه

( عدنان ) : ماعاش اللي يقول حق لينا انطمي .. شكلي بشوتك باند من الجزيره

** صارت معركة بين عدنان والجنود **

**في البداية عدنان صفقهم وبعد شوي طاح في الارض وتوطو بطنه**

** الجنود خطفو لينا في الطياره وانطلقو الى القلعة **

( عبسي ) : عدنان لماذا انت نايم ..؟!! شفيك ..؟!!

( عدنان ) : اي .. اح .. ضلوعي متكسرة والركب تتصافق

( عبسي ) : لماذا ..؟!! ماذا حدث ..؟!!

( عدنان ) : اقول انطم بس ... سميرة والجنود كانو هنا وتمردغوني وخذو لينا للقلعه

( عبسي ) : افا ياذا العلم !! لماذا لم تناديني عشان اسوي فزعه ..؟!!

( عدنان ) : وانا وش عرفني في اي جحر انت؟ طوول يومك تحووس ورى هالضبان

والضفادع اقرفتنا في عيشتنا ياشيخ

( عبسي ) : طيب ماذا سنفعل الحين ..؟!!

( عدنان ) : ابيك تراقب الميناء اذا شفت سفينة القبطان نامق علمني عشان نطمر فيها

( عبسي ) : حسنا ياسيدي <<<< ماسكه معه الفصحى خخخخخخ

** بعد ساعتين مرت السفينه **

( عبسي ) : عدناااان وصلت السفينه هيااا بنا

( عدنان ) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا

** وصلت السفينة الى القلعة **

( عدنان ) : انا بروح ادور لينا. . وانت وش بتسوي ..؟!!

( عبسي ) : انا بفتح اللاب توب واشيك على ايملاتي لين ترجعون <<<< وشو له جاي ..؟!!

لوووووووول

( عدنان ) : انتبه لاحد يشوفك ونا ..؟!! ترى كلها ساعه نسحب لينا ونعود ديرتنا

** عدنان وصل الى غرفة لينا ويكلمها من ورى الشباك **

( عدنان ) : حياتي ليونه وحشتيني <<< ليونه لووووووول

( لينا ) : هلا والله ... ولكمووووووووو نورت .. وشخبارك ..؟!! وشخبار الوالده ..؟!!

( عدنان ) : يسلمووووووووو .. كلنا بخير ومشتاقين لك

( لينا ) : تشتاق لكم العافية

( عدنان ) : وانتي وشلونك ..؟!! وش علومك ..؟!!

( لينا ) : يووووه انا طفشانه مررره وكل شوي يطقوني

( عدنان ) : ولايهمك اوريهم .. على فكره ترى عبسي جاء معي ويسلم عليك

( لينا ) : وينه الشين !! وش اخباره ..؟!! عساه طيب ..؟!!

( عدنان ) : ابشرك بخير ونعمة .. والرجال يحترينا عند السفينه

( لينا ) : طيب يالله انقذني بسرعه وراك تحب السواليف؟

( عدنان ) : ابعدي شوي تراني بضرب القزازه براسي واكسرها

** تم انقاذ لينا وانطلقو الى السفينه **

انشاء الله اعجبتكم ،،

دقايق انتظار · #2 (**permalink**) 02-02-2008, 04:45 PM

تسلمين والله دخلت جو معاها مع اني عمري 23 سنه بس والله ماقد شفت عدنان ولينا اتمنى بس مافضيت
تقبلي مروري

عاشقة روحها · #3 (**permalink**) 02-02-2008, 05:00 PM

خخخخخخخخخخخخخخخخخخخخخخخخخخخ

قصتك بطله

اقتباس:

عدنان ) : يعععع الله يقرفه ذا الشين .. المشكله انه خويي ولازم اتحمل بلاويه

امووت انا على الصداقه اللي تسذا

اقتباس:

عدنان ) : ابعدي شوي تراني بضرب القزازه براسي واكسرها

** تم انقاذ لينا وانطلقو الى السفينه **

خخخخخخخخخخخخخخخخخخخ
الحمدلله على السلامه يالينا وقره عينك عدنان

يعطيك الف عافية على الموضوع الرووعه والقصة البطله ..

>> من عشاق عدنان ولينا هع

بانتظار جديدك

انا و انت · #4 (**permalink**) 02-02-2008, 05:12 PM

هههههههههههههههههههههههههههه
ههههههههههههههههههههههههههههههههههه

تسلمين اختي على الموضوع الحلو

تقبلي مروري اخوك

< انا و انت > من قسم السيارات

مرايه · #5 (**permalink**) 02-02-2008, 05:20 PM

هههههههههههههههههههههه

الله يعطيك العافيه ......تصدقين قصتك هذه احسن من القصه الاصليه خخخخخخخخخخخ

مشكوره

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

ألحقواااا اخر تطورااات عدنااااان وليناااا.......؟خخخ

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه