|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
02-08-2008, 03:29 AM
| ||||
| ||||
 الهزوى عدوى >>>تعالوا ان شاء اله تنبسطوا المقدمة من يومني بزر و انا اسمع بقولة ( الهزوى عدوى ) وما كنت ادري وش معناها لاني كنت ادربي راسي وماشي على المثل الي يقول ( فق ثمك ويرزقك ربي ) ومادريت ان فقت ثمي و هزواي بترجع علي واغني ظلموووهـ .  اغلب اخوياي اتتريق عليهم واقول لاي واحد منهم لين مات ابوك لا تخاف انا ابعرس على امك  مهوب حب(ن) فيك والا حب(ن) فيها لا والله بس كله ابي اهينك وادق خشمك لو مايجي من هالعرس إلا ان ازلج الباب دونك لين تأخرت عن الساعه 10 بالليل ماجيت للبيت يالتسلب لابوك لابو من عرفني فيك , اما من سنع امك وان صار لها شف(ن) في المحارش وتجديد شبابها تالي عمرها  فا أنحن( مهوب يا اهل سدير ) لها ابشر بالي بيطيب خاطرها وينسيها ابوك الله ابوك.ومادريت اني ابنحط في هالموقف في يوم من الايام وهكذا الدنيا تدور ( ودور فيها ياطرش دور فيها ) جارنا ابو وليد الملقب بعنتر مدري هو علشان شنباته الي تسنها طرف زوليه ملحق وإلا صوته الي لين حتسى تسنك تتوحى لكنداسة حراثه الله لا يعيده من جار , كان شاقن بنا وينط لنا في كلش الله يغثه ومن قرادتنا انه جارنا جدار بجدار يعني حقنه وعالية التركيز بعد , حتى لو نغسل الحوش نط لنا وقام يهايط ليه المويه تطلع للشارع وتنقع قدام بيته !! وماخفي اعظم لكن بالمختصر المفيد انه كان صورة ومثال للجار البثر والحقنه والي ودك ماتجاوره لو في جهنم  << واضح انه غاثنا لابارك الله فيه ومن يجاوره .مشروع التميلح اه يا اغبى مشروع شفته في حياتي بس للامانه قدر هالتسلب يسلب عقل اميمتي جعلها للجنه البارده وهالتسلب في النار ملعون الثوى , استغل حبها للقرع والكوسه  وقام يجيب لها سطيل كل ماخذ له يوم او يومين وقت الضحوية ابن اللذينا يوقت ان محد فيه من اخواني كلهم في دواماتهم وضامن محد منكد عليه بهالخلوه لين طق الباب وفتحت له امي ( تسني به قدامي هالحين يمسمس غتيرته جعلها تصير كفنه ) وهاك ياتميلح وفرد عضلات , اذكر مره ماداومت وقمت قبل الظهر لين هاك الي يهيجن من فوق الملحق وتقل تسنه يرفع الصوت جهة درشة صالتنا ومير اهج الدريشه << حركة لعانه ابي اشوف وش وراه , وانا الي اتكمكم بالستاره وهو يحسبني امي ابن التسلب ويرفع صوته باغنية مقادير ياقلب العنا مقادير وش ذنبي انا ومن هالكلام الي يخقق الله آبوه من شايب خققني وبغيت اطيح من طولي وانا الي افقع ذيك الضحكه الي عقبها اختبص الضعيف ويقوم يسب في عياله ملاعين الوالدين ويقول كل مابغيت شي مالقيته إلا فوق هالملحق << نعنبوه مصري ماعاقت معه التصريفه مع اقرب مخرج مير صرفني .حتى امي بعد فيها حقها الله يمكر بالعدو الي نقلت جلستها الضحويه من الملحق لبيت الشعر وتحط شعرها ظفيرة واقفه تسنها اريل مودم واقولها وراتس يمه وش هالتسريحه الجديده فتقولي علشان الحريم يقولوني اني دبيشه ولا ادري من اين هي هابه وحطيت هالتسريحه علشان اعرف لين هبت لينها من وين ( الله من الدباشه فيتس ياميمتي صدز ) وتقولي فيذا الشمس ابرد وانا على نياتي اقول انتي ابخص وهي على بالها بتستقبل واير لس كود الملعون يبث لها شي(ن) يهيضها وتوني اكتشف اني كل ماقعدت في بيت الشعر وشغلت البلوتوث لين ذاك الاسم ( العاشق ) وانا على بالي انه بنت الجيران تستهبل وارسل لها ولاتستقبل وتجي في بالي اغير الاسم واحطه العاشقه وشوي إلا البلوتوثات تدهر علي واستقبل هالبلوتوثات واشي قصايد واشي مقاطع مهيظه << الشهادة لله ماهيب مخله بس تؤدي للاخلال وتخلي اشياء مستوره تطلب الحرش , اثره مهوب سهل هالشويب من شفته طاقن الــ 95 مطور وانا داري انه مهوب على سنع اثره ناوي امي ملعون الثوى .نقطة التحويل خمتني ام العبيد واصول على الشباب إلا نطلع هالخميس للبر وكلهم يقولون خلها للخميس الجاي وانا مطنقر إلا نطلع هالاسبوع وفعلاً طلعنا وانبسطنا بس طول الوقت وقلبي ناغزني واقول شكل البرد لافحني يوم رحت البي نداء الطبيعة(من النوع اللي يحب يمخمخ ) وماش كل ماله وقلبي يوجعني زود قلت مابدهاش العمر مره وحده ويوم شق النور قلت يالله ياعيال مشينا وهم ماصدقوا على الله ودخلنا للديره وكل(ن) راح في سبيله , من دخلت البيت متوقع امي كالعادة بتتريق علي وتقولي هاه وش جبت لنا من القنيص ياعين ابوك ( ) وانا كالعادة اقول تراب في وجهي بس اليوم ماش مالقيتها مسنتره في مكانها المعتاد واللي لفت نظري ريحة العود اللي تعجعج بالبيت ماهيب العادة إلا في عزيمه شكل الوضع فيه إنّا , ويوم رقيت للدور الثاني لين هاك الزول اللي يخقق ,الشعر المقصوص كاريه ومميش وهاك الجسم اللي يطق اصبع لشاكيرا وقتها انا بلمّت  يعني معقوله اخوي سعيدان مسويها ومطلع خويته في بيتنا وإلا وش السالفه , ياعليها جسم يأهلها لقناة غنوة واللي ربكني انها يوم التفتت وشافتني وتطيح الاغراض اللي في يدها وتشهق وقتها انا فقيت ثمي ماعاد ادري وش اسوي اللي قدامي بوهتها ماهيب غريبه فيها من سحنة خوالي اللي كلهم طخه وحده ولا تفرق بينهم وبين خالتي وامي إلا بالشنبات والدقون لخوالي وعرجة خالتي هيا هي الي تفرقها عن خالتي نوره المراد قلت معقول جدي خربها ومعرس على لبنانيه وجاب منها هالفرخ الاطرق بس عيبها انها تشبه خوالي وإلا كامله والكامل وجه الله ( ايه هين ) واصيح باعلى صوتي يمااااااااااه يماااااااااااااه وين انتي << لزوم التميلح عند الخاله اللبنانيه , وهي الي ترد علي تقولي بسم الله عليك ياجنيني والله يطامنك باسمه ويحجا عليك اكيد ماعرفتني وانا امك ؟ قلت نعم قالت انا ابي امي حصيصه ماهوب انتي ياخالتي نجوى ( انتهى الموضوع وصدقت انها خالتي وان جدي معرس صدز على لبنانيه ) قالت تنجوّت عيون العدو بلا جعلك البالووووش اللي بك يلوووش هذا انا امك والشرهه اللي يتزين عند ناس ماعندها نظر << أي نظر ياميمتي الله يرضالي عليتس وانتي كنتس هند رستم في اخر عمرها بس وش السالفه ؟ ويقطع حتسينا صوت نحنحه ماهيب غريبه علي لين هذا والله جارنا الحقنه ابو وليد وتوني منفج(ن) مناخري ابلقطه مع جرانه واتفاهم معه وتنشب فيني امي سيبوه يامفتري << حنت له هند رستم , وهو اللي يقولي على هونك ياولد تراني اخذت امك على سنة الله ورسوله والتفت على امي وهي اللي تدنق من الحياء وتقولي ايه والله ياوليدي اخذته يونسني واونس وحدته ويقضي لوازمي , قلت لها وحنا مقصرين عليتس بشي قالت لي لاياوليدي بس فيه لوازم ماتقوون عليها وربي سخر لي هالرجل يقضيهن لي ( وانا اقول في نفسي ماهد حيل ابوي اجل إلا لوازمتس الله يرحمه وجعل ماجاه تكفير ) قلت يصير خير وبنفس الوقت احترت مدري افرح لامي وازغرط لها وإلا وش اسوي مير اني دخلت غرفتي ابرقد وقعدت ابتسي وشكلها دموع الفرحه لامي << ايه هين .التعديل الأخير تم بواسطة عبودي شان ; 02-08-2008 الساعة 03:31 AM سبب آخر: كيفي موضوعي وانا بسمكره |
|
02-08-2008, 03:32 AM
| ||||
| ||||
| رد: الهزوى عدوى >>>تعالوا ان شاء اله تنبسطوا مشروع مصارحه طلعت من البيت تسني مطرود من الغبنه , اجل شايب هالشيطان ياخذ مكان ابوي والقهر ان بهالشي كسر عيوننا ومانقدر نسوي له كل ماجيت ابتفاهم معه بيذلني ويقول ياولد ام صروال خط البلده وإلا بيقول تراني معرس(ن) على امك << احيانا ودك حروف الجر تكتب ولاتنطق ابلغ في التعبير بس قلت اللي مهونها انه على سنة الله ورسوله وإلا تخيل اننا شيعه وكل يوم مشروع متعه جديد والله اللي بانهبل صدز , والمراد اني اقنعت نفسي وقلت هالحين انا وواخواني هالثيران كل واحد لاهي في عمره ولا فكر بهالضعيفه اللي راح شبابها في مصالى ابونا الله يرحمه وماتدري وش الخافي يمكن ابوي الله يرحمه ماطيب خاطرها ولا خلاها تمارس حقها كزوجه لين يشهب شعر راسها من كثر السبوح << ماتدري البيوت اسرار , لكن مدامها راضيه فالله يوفقها ويرزقها الذرية الصالحه ومادمي اقتنعت فاشوا هدية زواجها ماهيب تكلف راس مالها صرّة ديرمه وطاقة شيال ام منيخل ودرزن صراويل خط البلده وركز على الالوان الصارخه خل عقل هالشياب يزر من راسه لين يقوم ينّدي تسنه دودة كابرس تهرب زيت ولو اني داري انه دركسون هالكابرس مامنه إلا الصجه والحنه وإلا النشاط مامن نشاط خلاص راحت عليه ( ماسموه دركسون هواء من فراغ ) والحمد لله الزم ماعليك اميمتك ورضها ولو انه مع هالتسلب بس مايخالف احشم التلسب علشان حرمته .ابتدا ابتدا المشوار عقب ما اقنعت روحي ونكست للبيت واظهر المفاتيح ابفتح الباب ( يعني بتصور بهن مثلاً ؟ ) ولا والله عيا ينفتح هالباب قلت يمكن حدى اخواني هالثيران ناسي مفاتيحه جوا الباب وإلا شي ويوم ادقق إلا والله الكيلون ( حق الباب ) مغير بكبره ( وشو له تغمز انت وخشتك لو الكيلون الثاني قال للتغيير تسان تلقى محلات تغيير الكوالين تنافس محلات الزهور والحلويات عند مستشفى الولاده ) وهي اللي تقفل معي دريت ان هالاشيمط مسويها وادق على امي قلت قولي لهالي جنبتس يقوم يفتح لي الباب لايجي علم(ن) ثاني قالت استح على وجهك وتراني نايمه ويبي لي ساعة اضفضف عمري ( صورة اشلاء لحم متناثره في الغرفه ) ما تسني امك ابد قبلك ترفع صوتك علي , واحتري عند الباب وافتح كبوت الموتر واقعد احورف فيه وخل الجيران يقولون مقضم وماسكه على الموتر ولا يقولون طارده رجل امه , وانا احترى يطلع يصلي الفجر واعرف اتفاهم معه ومن لعانة هالشايب ماصلى الفجر في المسجد بزعم انه ممداه مدري هي راحة عليه نومه وإلا خاف يلفحه براد عقب السبوح , وقلت مابدهاش وانا اللي اطمر السور وازبن في الملحق ولين اصبحنا يصير خير ان شاء الله .ويا صبح اصبح وانا اللي ارتز له عند باب الغرفه ممداه يظهر إلا عاكر(ن) فيني شايب عرعر ملعون الثوى وانا اللي القطه واقوله اخذت امنا قلنا مايخالف لحد هنا وحدك وممداني اكمل كلمتي إلا امي طالعة(ن) علي ولافتن الفوطه على راسها ( مسويتن فيها سهير رمزي ) وقالت وش انا شايفتن منك انت واخوانك هالحين يوم انك تنشب في الرجال هاللي وسع صديري ويناظر خاطري حتى شعري دوكاه غدا ناعم من كثر ما اتسبح بالشمبو ( صورة امي وهي تفل شعرها تسنها فالتن حصير خوص ) لكن بالعويض الله من شرك ولا تتعرض له لا اتبرى منك يالثور , وهو اللي يناظرني من فوق لتحت واحسه يقول في خاطره جهدي ماراح عبث (غمزة) , قالت مابه مفاتيح الحين عمك صار هو رجال البيت وانت واخوانك اللي بيجي بدري وإلا يرقد في المكان الي جاء منه لابوكم لابو من عرفني فيكم .وصرت من صلاة العشاء وانا مسنتر في البيت اخاف اظهر ومايفتحون لي لين جيت ومن لعانته كل يوم مقلب في هالبيت ياشايل ياحاط يوم اجي القى الملحق معفوس فوق حدر وبيت الشعر مير ماتحلى له الجلسه هالشايب إلا فيه لابوه لابو قطّوش يعني بالعربي يبي ينكد وبس وانا اقول حسبي الله ونعم الوكيل . النهاية صحيت هاك اليوم ونا اقول هالشايب يا انا ياهو في البيت خلاص مليت من هالذل يعني ماخذ امنا وذالنا في بيتنا مايصير ومن قمت وابليس يتنطط في وجهي وكل شوي طاريتن لي فكره وعقب دقيقه جايه فكره العن منها وابليس هاك اليوم مذاكر زين ومافاته شي ابد من العانه , واجي لامي وقلت لها وين شايب الشيطان التفتت علي وقالت وش تبي به , قلت ابسلم عليه واحب راسه , قالت لا تحب راسه حبك قرد تخصص احصاء ( صورة دار الاركان << والله مالي دخل يابو راكان ) ومن باتسر ابيك تروح للمحكمة وتطلقني منه ملعون الصير , قلت افا وش بلاه , قالت اثره ماخذني على طمع ويحسب ان البيت لي وانا اللي احسبه ماخذني يبيني انا ( قلت في نفسي من يصبر عليتس ياميمتي الله يرحم ابوي بس عن النار ) ولاتجي إلا مطلقني منه وطالب بالنفقه << قلت ترفقي على عمرتس يالناشز << حاق ام السالفه , والحمد لله تطلقت منه ورجعنا كيلون الباب الاول .مايستفاد لين مات ابوك حط على باب البيت لافته مكتوب فيها منزل ابناء المرحوم بدون شركاء علشان مايطمع احد في امك والدعوة موضوع لا اقل ولا اكثر لاحد يطفي النور ويجي على وجه ويهايط |
|
02-08-2008, 03:41 AM
| ||||
| ||||
| رد: الهزوى عدوى >>>تعالوا ان شاء اله تنبسطوا هههههههههههههههههههههههههههه بارك الله له وبارك لها وجمع بينهم بخير مقادير ياقلب العنا اتخيل الشيبه يرددها خخخخخخخخخخخخخخخخخخخخخخخخخخخخخخخخخخخخخخخ هههههههههههههههههههههه
_________________ اذا مالظلوم استوطأ مركبا***ولج عتوا في قبيح اكتسابه فكله الى صرف الزمان وعدله***سيبدو له مالم يكن في حسابه |
|
02-08-2008, 01:33 PM
| ||||
| ||||
| رد: الهزوى عدوى >>>تعالوا ان شاء اله تنبسطوا اقتباس:
وبعدين لاتستبعد شي هالأيام مع ارتفاع الاسعار |
|
02-10-2008, 03:46 AM
| ||||
| ||||
| رد: الهزوى عدوى >>>تعالوا ان شاء اله تنبسطوا شكرا عبودي شان على الموصوع الحلو |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
