قصة منسي المسكين ( لا تفوتك) الحلقة4

<FONT COLOR="Gold">ارجو ان تكون القصه عاجباكم </FONT c>
ــــــــــــــــــــــــــــــــــ
لقى عكش زميله اللي في الطياره وقام يسولف هو وإياه كل واحد قام يعلم الثاني عن الأماكن ووين راح ويوم إنهم وصلوا للممنوع همس خوي عكش في إذن عكش وقال : ( صرف النشبه أخوك ) ويجي عكش ياخذ منسي على جنب ويعطيه فلوسه ويحط رجله ( فرك ابن الذين) المهم منسي قال الفلوس ومعي والتذاكر ومعي وش بقى ؟؟ خلني أصف وألعب لقى منسي لعبة قطار الموت قال خلني أركبها وأبيع عمري وش ورانا والله ويسري منسيوه وبالصدفة يوم جاء يركب سمع صوت ينادي من اللي نادى؟؟؟؟ اللي نادى كانوا البنات اللي سولف معهم منسي نادووه وقالوا تعال إركب معنا أول شئ منسي استحا وقال في نفسه ( يلعن أم الموانه ) لكن بعد محاولات وتطلب وسحب وشد ركب منسي والمصيبة إنه ما ركب إلا جنب أحلى وحده وكانت بنت من بنات الرياض؟؟؟؟؟؟ بدى القطار يا حليله أول ما يبدى منسي مسوي لي فيها ثقل ما خاف أما البنات بدوا يعزفون إيقاع الونونة والصياح بدت الزعقات تعلى شوي شوي اللعبة بدت تصير مرعبة شوي وش شوي إلا بدت تصير تخوف بدى القطار يتقلب ويتمايل ومدري وشلون المهم أم الشباب اللي جنب منسيوه قامت تصيح ومنسي يهدي فيها ويقول لا تخافين وبتخلص الحين والمهم وينومها على صدرها بدى منسي يدق كان يدق من زمان ويوم حطها على صدره طلع قلبه يدق سامري يدق من الخوف ويدق من الحب ..... المهم قضت اللعبة ووش صار بعد اللعبة طلعوا البنات وشعرهم مكشكش ومنسي مسوي قوي ولا كأنه خاف الصراحة منسي نسى الخوف يوم حط البنت على صدره من يصدق منسي وبنيه والله صدق من قال إن الدنيا دواره وعلى شكل كوره ( هذا الكلام اللي كان يدور في عقل منسي ) منسي بدى يحب البنات ونفس الشئ البنات كانوا يعاملون منسي كصديق زي أي صديق قبله المهم منسي قال أنا جعت كلهم قالوا مشينا للمطعم راح يطلب منسي حجزوا طاولة كبيره طلب منسي وحط الأكل على الطاولة وجلس ياكل راحت البنت اللي ركبت معه في القطار تبي تجيب كتشب ومايونيز ويم إنها راحت صار حدث غريب وعجيب ؟؟؟ تدري وشو ؟ أكيد ما تعرف !!! جوا للبنت شابين خليجيين وقعدوا يغازلون في البنت والبنت مهيب معطيتهم وجه المهم منسي كان جالس ويوم إنه التفت بينادي البنت لقاهم متلبسين بالجريمة والله ويقوم منسي وفي جسمه حرارة عروقه تبطبطت وعضلاته قومت ؟؟؟ لوووول ( لا أحد يفهمها × ) وفي صدره قوه تقول قرندايزر المهم ويقوم ويروح لهم وسأل الشباب وش تبون ؟؟ قالوا أبد نطلب قال بس ؟ قالوا انقلع وش تبي انت تحقيق هو ؟ ما أمداه يخلص الكلمة إلا ويجيه ذاك البقس على وجهه واللي زاد الطين بله جاء في خشمه ومير ينزف من هالدم ويجي يلفع فيه بقسات والبنات يديهم على قلوبهم 2 على واحد والثاني عييييير شكل منسي بيرووح فيها المهم البنت تقول لمنسي خلاص منسي مطنش جاء الثاني بيضرب منسي ومير ينحاش منسي ( لأن الثاني كان جسم وشده ) ويحاول أبو الشباب يمسك منسي منسي قال يلعن أم الورطة عز الله رحت في خرايطها وش أسوي ياربي؟؟؟؟ قال ما فيه إلا أشوته برجلي مع أبو الشباب ويغمى عليه وبالفعل طاح أبو الشباب وجاء منسي بيكمل بس هون وقال وروني عرض أكتافكم لا أبوكم لا أبو اللي خلفكم برى ( أكن المطعم مطعم أبوه ) المهم وتجي البنت تتفقد منسي جاك شئ ومدري وشو وتجيب ثلج ( كان فيه صعرور في راسه ) وقالت ليش سويت كذا ؟؟؟؟ منسي قال وياليته ما قال؟؟؟؟؟؟؟؟؟؟؟؟ عشاني عشاني عشاني أيه عشاني خايف عليك !!!! قالت شكرا لك بس لا تسوي كذا مره ثانيه لأن مهوب كل مره تسلم الجره ؟ المهم منسي قال على راسي وقال وين همبرجري أنا جوعان وجو ذولا وزودي جوعي والله وياكلون لكن منسي شاف شئ ...... وش شاف رامبوا زمانه ؟؟؟؟سواها منسي لقى منسي ساعة حائط معلقه في المطعم وكانت الساعة 8 إلا خمس دقايق وقال للبنات أنا مواعد أبوي والتور مواعدنا الساعة ثمان يعني حركوا لا يفوتوا الأطر وبالفعل يحرك منسي بعد ما خلص أكله مع البنات للبوابه ويلقى عكش إن منسي مع البنات قال عكش أكيد هالسبهة خاش عرض وواقف معهم مهوب معقوله هالمخفة يعرف هذولي؟ المهم منسي قال لهم نشوفكم وركب في الباص وحرك الباص المهم سرى الباص ومنسي مستانس وما جاب لعكش أي سيره عن البنات كل سواليفهم وش ركبت ووش ما ركبت المهم الزبدة في روحت منسي للملاهي إنه طلع وهو توه يعرف شئ اسمه الحـــــــــــــــــــــب الغريب إن الحب ما سوى أي شئ في منسي عادي الوضع عنده المهم منسي بدى يمشي مع أخوه عكش وكل يوم يعرف شئ جديد في الجنس قال عكش ما دامي شفت الدعوه خربانه خلنا نخربها من جد والله وعرف منسي كل شئ المهم في يوم من الأيام اجتمع عكش ومنسي وخوي عكش (( اللي في الطياره )) وقرروا إنهم يهربون أفلام خليعة لأنها كانت رخيصة هناك ومنتشرة وبالفعل قطوا الشباب وشروا لهم حوالي سبعة أشرطه الفلوس وتدبرت والشنطة وتسهلت لكن كيف يدخلونها للسعودية كيف ؟ وفيه الجمارك والأجهزة كيف؟ فكروا الشباب ولا لقوا حل و جلسوا حوالي ثلاث ساعات يفكروون حك منسي راسه وقال لقيتها فزوا الشباب وقالوا وش لقيت؟ بنت ؟ قال لا الله يقلعكم لقيت الطريقة اللي نخشش فيها السيديات لديرتنا وبدري على أي أحد يمسكنا ردوا عليه وبسرعة وشي إخلص ؟ قال منسي ذي طريقة شفتها بفلم يوم كان هالكمخة نايم (( يقصد عكش )) قالوا وشي ؟ قال حنا جايبين الفيديو وأشرطة أفلام كرتون لإخواني البزران صح؟ قال عكش طيب ؟ قال سهلة اشتر لي مفك وأنا أوريك؟ ويجيبون لمنسي المفك والأشرطة حقت أفلام الكرتون قام منسي فك العلبة حقت الأفلام الجنسية وشال الشريط نفسه وفك علبة فلم الكرتون وحط فيها شريط الجنس ومشت على الباقيات المهم منسي ما سوى هالحركة إلا قبل سفرهم بيوم واحد بس ودس الأشرطة في شنطة الملابس الوصخة والجزم وطقتها؟ ليش سوى كذا؟؟؟؟ سوى كذا عشان حقين الجمارك لو فتحوا الشنطة ما يشكون ولو شكوا بلقون ستكر الفلم مكتوب عليه (( افتح ياسم سم )) فكانت فكرة ما تخرش المية والله وشد أهل منسي رحالهم للرياض ومنسي وعكش خايفين ينصادون من المطار والله ويحطون العفش عند حقين الجمارك ويرن الجهاز ؟ ليش؟ لأن الجهاز مبرمج على أي شريط فيديو المهم منسي وعكش مسوين لي فيها براءة المهم فتح أبو الشباب الشنطة بغى يطرش دخل يده وطلع له الأشرطة لقى مكتوب عليها (( افتح يا سم سم )) ولقى الفيديو ولقى البزران جمعها مع بعض قال أكيد هذولا بزران ومن الزهق أخذوا الفيديو والأشرطة عشان يتونسون هناك المهم أبو الشباب قال مشّي يا عمي مشّي الحمد لله على السلامة يوم قالها منسي وعكش قعدوا يضحكون ضحك إلين ما وصلوا للبيت؟؟؟؟ ههههههههه بعد وصول منسي وعكش قرروا نسخ الأشرطة هذي وتوزيعها أو مناظرها في الملحق مع الشباب لكن منسي له أصدقاه وعكش له أصدقاه المهم منسي صاروا يجلسونه في صدر المجلس ويبدى ينصب على الشباب ويصدقوون المهم منسي خلى كل اللي معه وصخين زيه (( يعني لديهم معلومات جنسية في سن مبكر )) والله ويقول منسي عندي لكم بعض الأشرطة شوفوها والله ويتفقون إن تكون الدورية في بيت منسي وبالفعل ناظر الشباب الفيلم وقبل ذلك كانوا يشكون في صحة كلام منسي إنه قدر ينفذ بالأفلام من الجمارك لكن بعد كذا صاروا يصدقونه في أي شئ وصار منسي محبوب الكل واستمرت الدوريات والأيام إلى أنا جاء يوووم ما ينسى في عمر منسي بيك أنا فيكتابتي هذي تقريبا نقزت أكثر من سنتين يعني صار منسي بالصف الثاني ثانوي يعني في الإجازة الصيفية يعني السنة الجاية سانوية عامة؟؟؟؟ خلونا في اليوم اللي قلنا لكم عنه تبي تعرف وشو هاليوم؟؟؟؟ هاليوم هذا كان يوم خميس وكانوا الشباب متفقين يروحون يضببون في الدهناء ذاك اليوم يعني قاموا من الفجرية وحرصوا كل الشباب على منسي إنه يكون معهم لأنه صار العمدة بينهم المهم عطوه خبر ومروا عليه الشباب ومعهم جيب سفاري ماجلان وسروا وبدوا في الطريق ضحك وكهكهة وساعة صدر ووناسة وقبل لا ينزلون أخذ واحد منهم منسي على جنب وقال منسي شف أنا جاب لي واحد فلم جنس عربي وأزيدك من الشعر بيت سعودي إن كنت تبي تنسخة تراه تحت مرتبة السواق زين والله ويقول منسي مشكور وماقصرت المهم جلسوا الشباب فرشوا البساط طلع واحد منهم العود وواحد طلع المرواس (( الدربكة)) وبدوا يغنون ووناسة وضحك وكل هالكلام كان الصبح وفي العصر بدوا يضبطون الغدا ووالله يوم بدت الشمس تغيب ناداهم منسي وقال شباب حركنا لبيوتنا قبل لا تسود السماء والله ويركبون ويمشون ................. قبل لا ينزل منسي أخذ شئ من مرتبة السواق وشو ذا الشئ؟