السلام عليكم

تيقاااااااااااااااااااا <<=== تعلم باكستاني



بصراحه انا مليت من قهري ........ قصدي انا مليت وقلت يا ولد وش تسوي علشان يروح الطفش؟؟؟

ما لقيت الا اني اشغل التلفزيون <=== ابوك يالتفكير العلمي لازاله الطفش ........ تعلموا يالشيون هههههههه


المهم سويت لي شاهي وشغلت التلفزيون

القصه ومافيها 00 هالبنت انا ابيها


عفوا 00 السالفه ومافيها اني كنت جالس اشرب شاهي

واطلع بالتلفزيون و مستأنس و اخر روقاااااااااان

و يوشوش ( يوشوش = يسوي ششششششش ) واطلع بالسطح ابي اشوف وش فيه يوم شفت الصحن إلا و تطلع يد و تسحبني داخل الدش

ولادريت بنفسي الا وانا جوا التلفزيون والريموت بيدي..




.
.
.

و اطالع فوق عاليسار ابي اشوف وش القناة اللي انا فيها الا وهي قناة اوربت الرياضيه ومكتوب (مباشر) ومباراه بين الهلال والنصر وانا كابتن النصر


وانا امووووت من الضحك وش السالفه ياجماعه ويصيحون فيني كلهم (شت البلنتي ياازحف شت البلنتي )

اثاريه بلنتي للنصر ويبوني اشوته لاني الكابتن واطالع للوحة الملعب 00 مكتوب (نهائي كاس دوري خادم الحرمين الشريفين.. الهلال والنصر والنتيجه اثنين اثنين واشوف الوقت يؤ الدقيقه 90 يعني صرنا في الوقت بدل الضايع

قلت : هعععع و الله لاشوته برى خبل أنا أخلي النصريفوز

ويووووم صرت بشوته خلاص وبضيعها على النصرويجي واحد من لعيبه الهلال ويضغط على زر الريموت وانتقل انا لقناة ثانية..


.
.
.
طحت في القناة هذي على وجهي واقوم انفض نفسي يؤؤؤؤؤؤؤؤؤؤ

انا بين سيوف ورماح ,, ياوجه الله وش السالفه <<----------------- حلوة يا وجه الله


واثاريني طبيت في الزير سالم 00وامسك هذاك اللي اسمه جحدر واصفقه اصفقه اصفقه الين قال امين .. ويمسكني الزير سالم .. ويقول لي : من أي العرب انت؟
قلت : مممممم انت قل اول انت من وين ؟

ويصيح في وجهي بغا ياكلني ماعنده تفاهم قلت طيب طيب بقول .. انا من عنيزة بس احب اجي ازور بني تغلب (اخاف يحسبني من اخوان جساس ويقتلني ) ,,
قال : قل لي يافتى .. من خالك..؟
قلت وش تبي في خالي يامال السرطان خالي صالح بالشرقيه ماتعرفه وليه السؤال ...قال لي : ماذا تقول ايها الفتى 00 هل انت عربي؟

قلت :: عربي(ن) انا اخشيني ،، ويل اذا احببتني واقعد اغني ولاعلمت ولاحلمت الا وانا بجنب يوري مرقدي اغني هالاغنيه ...(اثاريني ضغطت الريموت من الخوف وانا مدري) بلاكم ماشفتووني بالسكسوكه البيضاء والنظارة الورديه واااااااو غير شكل المهم ماطولت جلست شوي في الفيديو كليب

و بيني و بينكم البنات اللي عنده مو حلوات

بعدين طلعت الريموت من جيبي وغيرت القناه ..
.
.

.
.
.

واسمع صوت مطاردة و طاخ طيخ و اصوات تنادي اززززحف الحقنيييي


وكأن فيه شي صاير وبصراحه الستايل اللي كان موجود مألوف عندي الا وراي واحد من بعيييييييد يكبس و يقوول وخر وخر والتفت الا وهو جيري ماشي مليوووووون وكان توم وراه و أنواع المطاردة

أثاريني طبيت في سبيس تون

وامسك جيري واقول اسمع انت ياللي اسمك توم ولد أم توم : ترا جيري في وجهي الين اطلع من القناة هذي وقسم لو تلمسه ان يصير لك شي ماعمره صار <<------------- قوي وانتوا مو دارين


غيرت القناة والقى نفسي قدام جورج قرداحي من سيطبخ المليون خخخخ غيروا اسمه


انا بصراحه اكثر شي اعجبني الكرسي ..00 جلست العب برجولي و يطالعني جورج بعيوونه <<------------ أجل بخشته .. ؟ اللي تخوف ويقول لي : ازحف نززل رجلك ازا بتريد .. قلت طيب بس لاتعصب علي تراني ميت خووف .

ويقول لي : انت جاوبت واستخدمت كل وسائل المساعده ..

ازحف، كان معاك ميتين وخمسين ألف صاروووووووووووا ......................؟

سواني منشوف الاعلان ومن ثم بنشوف انت كام صار معك 00 قلت ايه هين تحسبني مخفه تقعد تسحب بي

أقول ب ر ب 999

و على بالي بيقول ت ي ت 999

إلا و يقول : كان معاك ميتين و خمسين ألف صاروووووووا ......................
.
.
.
.
.
.
.
.
.
.


.
.


ريال واحد

.
.

.
.
.

وهب مدري من اللي غير القنات
.
.
.
قناة الافلام .. واو طبيت في فيلم مصري ابيض واسود

المشهد : انا واقف وقدامي رشدي اباظه هو وسعاد حسني


يوم كانت حلوة واطلع فيها وانا ميت ضحك واقول لها ليييه تنتحرين يالدبه << يمون خخخخخخخخخخ


قالت : ايييه بتئول ايه؟؟

قلت ياحليلك ماتدرين .. خلينا بس نكمل المشهد وبعدين اقول لك السالفه يوهوووووه مسكينه انتي ماتعرفين نهايتك السودا .. انتي بتنتحرين يالخبله خخخخخخخخخ ..

وانا اتكلم الا واسماعيل يس طاب علينا .. قلت هلاااااا انت بعد هنا والله ونااااااسه بس اسمع انت تراك بتموت بسبب الاكتئاب لانك بتصير فقير خخخخخ من جد نكدت عليهم بعدين غيرت القناة
.
.
.
.
.



اما القناة هذي انواع الوناسه 00 لقيت اني واقف فوق الطاوله واضحك على بنات قدامي واقول لهم وانا ارقص ( وعصبوا البنات وعصبوا البنات) خخخخخخخخخ ومكتوب بالشاشه بالتلفزيون (برافوو00 شو هالزاحف) <<-------- تولع وتطفي ..

( ال بي سي ياليل ياعين )


00 ويقول المقدم المنسم هذاك : منطلب من زحفينو ومن دالين انهم يأدموا لنا هالرئصه 00

قلت اووكي بس بشرط ترقصون معي بالسعوودي .. ماعلي .. ويشغلون اغنيه ( يادار لاهنتي ولاهان راعيك) 00

وعينك ماتشوف الا النور ، صفين والعرضه وسعة الصدر بعدها غيرت القناة
.
.
.
.

أول ماطبيت في القناة هذي شفت لي واحد كريه وماصخ وانا طايح في الادمي تسطير طاخ طيخ طرااخ وهو يقول لي : ابوس يدك ياخبيبي ماتضربني كفايه

قلت : اوهوووووووووووووه هذا انت

طلع شارون ويوم اني عرفته طلعت السكين ذابحه ذابحه ..
.
.
.
.
.


قال لي واحد : هااي صبر صبر اقول لك انا مين ياحجي 00 تدرون طلع مين؟ داوود حسين الله يرجه اثاريني بقناة ابوظبي ارهابيات





اززززحف .. قناة الجزيرة .. كابوول <<<-------- خخخخخخخخ حطوني بكابل بدل تيسير علوني


والله اللي ماجلست وين الريموت بس لايجيني واحد من تحالف الشمال عادهم يحبوونا يالسعوديين والا يجيني واحد من ذالحمر الله يقردهم
.
.
.
.
.
.
غيرت و صار لي نص ساعة و أنا طايح بهالقنوات ليييييييين زهقت


يالله تامروني بشي بمشي أنا و بخلي الريموت عندكم

بس لحد يكسره عشان ما أكسر رأسه
و كل الشكر لله اولا ثم لكم ولردودكم اللي قبل اشوفها اشكركم عليها يالشيوووون .



يالله سلااااااااااااااااااااااااااااااام

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه