اخيراً حصلت مسرع Kaminomoto بالرياض وبسعر خيالي ومع الشمبو

امال 123 · #1 (**permalink**) 02-14-2008, 06:02 PM

(( ابكتب تجربتي مع KAMINOMOTO وكيف حصلته وباقل سعر
واتمنى تكون هذي طريقه نتبعها مع اي شي بناخذه بكميه او نادر
وجوده في السوق ))

الشي اللي نتعيجز نسويه دايم اننا مانبحث عن مصدر المنتج او من يوزعه
على المحلات وهذا يخلينا نطيح بالتقليد وطمع التاجر اللي ياخذ
عموله فوق الخيال الله لا يحللهم الواحد ياخذ عموله 3 ريال
5 ريال 10 بس ماتوصل 40 ريال مره وهذا اللي حصل معي
ومع الاسف ان اللي يصير هذا يكون احياناً اتفاق من المورد مع التاجر
بحكيلكم القصه للعضه والعبره عشان مانكون مطمع لكل من هب ودب

القصه من البدايه رحت بتوصيف وحده من الخوات الله يجزاها خير حصلته بعد جهد جهيد
اول مارحت وخذيته من صيدليه بدون ذكر اسماء وكان سعر الواحد بـ 90 ريال

خذيت 4 بـ 360 ريال وكنت استخدمه مع وحده من قرايبي يعني ماكملت الاسبوع
الثالث الا وانا ابي 4 ثانين بصراحه يبيلي ميزانيه خاصه لشعري والحق ينقال
لو مالاحظت شي يفرح بشعري ماستمريت المهم دخلت النت ودورت عن الوكيل
المنتج قلت ان شاءالله ربي ييسرلي امري ويكون ارخص لو عشره تطيح عني
شوي من القيمه وطحت على موقع الشركه الاصلي وحصلت رقم شركه اللي
تورده عندنا مسكت اول الخيط وكان بجده وطلع الرقم غلط ياربييييييه ودقيت
على الاستعلامات وسالته عن اسم الشركه يمكن احصله مغيرينه ولا شي وسالته
قلت ابي رقم انجازات ترادينق بجده وعطاني اياه الشووووى

وخذيت
الرقم الجديد ودقيت عليهم وسالني انتم من وين قلت من الرياض قال عندكم فرع
لنا هناك اقرب واسرع وماتدرون وش قد فرحتي

وعطاني 3 ارقام لهم
ووصفلي مكانهم انا دقيت ولا احد رد قلت مابدهاش اروح لهم بنفسي ورحت كل
هالمعانات عشان اخذ اقل بعشره على قد نياتي وش اسوي كله عشان يوفر علي
الكثير لو خذت 12 حبه ورحت وسالته وكان يحسبني تاجره قال تاخذينه وتبيعين الحبه بـ 90
هذا اتفاق بوقع عليه عشان الطلب طبعاً انا بس اهز راسي كني ببيع شي بشوف
وش اخرتها كم بيكون السعر بالنهايه وسالته عندكم الشمبو قال ايه وفرحت
قلت بنفسي لو بمليون اباخذه خذت
12 حبه مع ان الصيدلي قال ان الشركه المنتجه ماتسوي منه خلاص شوفو الئم
عشان مادور عاد تدرون وش المفاجئه ان كل هذا طيح علي نص السعر لو كنت
باخذه من الصيدليه تخيلوا .. :

المسرع سعر الحبه بالجمله 53 ريال
وبالصيدليه سعر الحبه 90 ريال
والشمبو سعره الحبه بالجمله 15 ريال
في الصيدليه قال موقفينه من المصنع

احسبي كم بتاخذين بالجمله وكم لو اختذيه بسعر الحبه
وبتشوفين كم وفرتي على عمرك واستفتدتي بالباقي بشي ثاني
ادري طولت عليكم بس حبيلكم بالخير وكرهي للطماعين من التجار
خلاني اجي اركض واكتب لكم تجربتي ياليت كل وحده لو جت تاخذ شي
كميه تروح لمصدره اوفرله واضمن لها من غش راعين المحلات

لمعه الماس · #2 (**permalink**) 05-01-2008, 04:31 PM

الله يجزاج كل خير يا اختي

بس حبيت اعرف رقم الشركه المورد ولا عليج امر يالغاليه

اخت الجوووري · #3 (**permalink**) 05-11-2008, 02:47 AM

تكفين حبيبتي ارسلي لي المعلومات وماعليكي امر يالغاليه

saed1750 · #4 (**permalink**) 05-11-2008, 04:17 AM

كيفكم ياحلوين انا مشتركه جديده معكم وحابه اعرف فائده هذا المنتج ولاعليك امر وشكرا

تكفى يالزمن ارحم · #5 (**permalink**) 06-18-2008, 06:46 PM

اللة يفرجك همك يارب فرجي همي أنا وأختي محتاجينة ضروري صلعنا وأختي زواجها بعد شهرين ومافي شعر تكفين نزليالرقمأأو ارسلية على الخاص واللة ندعي لك في صلاتنا

$منتديات جسد اللقافة ينتهي في 15\2\1429 هـ$	$'منتدى لحظات لكل جديد ومفيد حيث المتعه والفائده ينتهي في 13\12\1429 هـ$	$موقع احطك بعيوني ينتهي في 19\12\1429 هـ$
$عقارية المدينة ينتهي في 12\12\1429 هـ$	$حراج سيارات شراء استبدال بيع جديدة و مستعملة جميع أنواع السيارات ينتهي في 12\5\1430 هـ$
$مركز تحميل فلفة ينتهي في 16\12\1429 هـ$	$'للاعلان بالموقع 0\0\1429 هـ$	$شبكة ورود الروح ينتهي في 16\12\1429 هـ$

الاستضافة الاقتصادية	directory	رسائل	دردشة شات	هاكات
مكتبة الفلاش الإسلامي	الثقافة الجنسية	صور	حدد مكان الاي بي	الأسره المسلمه
ابتسامات	العاب	دليل مواقع	احداثيات المناطق	القرآن
بطاقات	جوال	جافا java	قصص روايات	افلام
كتب	ماسنجر	خطوط	دليل مواد	دردشة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري