قصة باللهجه الجداويه القصه مره حلوه

أول شي نبدأ بالتعريف عن العوائل


العيله الاولى:عيله الاخ الكبير طارق هوا اكبر اخ وعنده 3ابناء بنت وولدين اكبر شي وليد الي يدرس سنه 5 هندسه هنا في جده يعني عمر ه تقريبا22سنه وهوا ماشاء عليه ولد مرررررره متفوق في دراسته وكمان مررره ولد محترم ويعرف ربه بأضافه الى ذلك ولد مررررره فله وحق بسطه بس متوازن في كل شي توازن حلو بعد قبل ما نتكلم عن الباقيين نتكلم شويه عن الام امهم اسمعها عاليه بس من يوم وهيه صغيره وكلهم يقولولها لوله فهيه دحين كلهم ينادوها لوله حتى زوجها واولادها لوله كانت تعيش طول عمره ا في كندا عشان اهلها كلهم هناك ما عاشت في السعوديه غير بعد ما خطبها طارق لمن كان يدرس الدكتواره هناك خطبها لانها كانت على قدر كبير من الاخلاق مع انها كانت تربيه كندا زي ما يقول البعض وعشان كدا ربت اولادها تربيه مافي احسن منها نكمل يجي اياد عمره 19 سنه لسه سنه اولى جامعه بس انوا مررره مو زي اخواه يعني مررره مو شاطر دخل جامعه اهليه بعد ما طلعت عيون ابوه انوا يدخله جامعه حكوميه وبعد كدا دخله جامعه اهليه وحتى وهوا فيها مرررره مستوا مش ولا بد بس ماشي بالدف مر ولد حق لعب وبنات وصايعه عشان كدا مستوى مررره بطال في الجامعه مطلع عيون امه وابوه اخر شي ساره الي كل البيت ينادوها سوسه مامتها هيه الي سمتها كدا عشان مررره كانت طفله متعبه لمن كانت صغيره سمتها كدا من صغرها الى دحين وهيه كل العالم ينادوها سوسه عمرها 17 سنه يعني تاني علمي بس ماشاء الله بنت مره مؤدبه ومستوها يعني تقريبا زي اياد بس هيه على احسن شويتين يعني تنجح بتقدير جيدجيد ودا التقدير يحلم في اياد مره بنت عندها صحبات مرررره كتير مره كلهم زي صنفها طبعا التعريف عن العيله الاولى طول بس دا التفصيل الممل

العيله التانيه:عايله سعود الي متزوج من اتنين وعلى قولهم عينه زايغه على صنف النسوان ودايما طارق يقول لاياد ولده انت ما طلعت غير لعمك سعود مع انوا ما كان سعود مررررره وسيم بس شي غريب يجذب النسوان ليه مع انوا في عمر كبير يعتبر الان يعني كمان شهر حيكمل ال 45 بس خفه دمه وفلته هيه الي تخلي النسوان يحبه وينبسطوا بقعدتوا عنده بيتين يعني البيت الاول بيت امينه الي اصلها مصريه بس عاشت في السعوديه مره فتره طويله بس لسه العرق المصري فيها بس مررره دمها خفيف ومرره القعده معها مررره ما تطفش عندها بنت كبيره اسمه فرح عمرها 19 سنه تدرس اقتصاد منزلي ومررره ماخده من امها كتير وولد عمره 7 سنين لسه في المدرسه احمد بس طبعا مدامها مصريه لازم يكون اسمه حماده .اما العيله التانيه عيلته رزان الي اخده سعود قريب مع انها اصغر منوا بتقريبا 15 سنه بس هوا كان يشتغل معها واعجب فيها وتزوجوا قريب مالهم 3 سنين وبس عندها ولده الي لسه بيبي عمره 10 شهور اسمه حمزه بس سعود طبعا ما يفرق بين زوجتينوا بس اكيد يدلع رزان لانها لسه حرام صغيره وما شافت الدلع الي شافته امينه بس رزان وامينه مرررره ما يكرهوا بعض بس اكيد تحصل كتيييير من الخيلفات بينهم بس يحبه بعض مررره بس يناقروا بعض .

العيله التالته عيلته:سميره الي هيه الاخت التالته متزوجه من عادل الي ما يكبرها بكتير بس كم سنه يعني بينهم سنتين بس بس مرررره علاقتهم حلوه مع بعض يعني كلامهم ما يخلوا من حبيبتي وحياتي وحبيبي وروحي وكدا مع انهم ليهم اكتر من 20 سنه متزوجين بس مررره ماشالله علاقتهم ممتازه مع بعض عندهم 3 كلهم اسمائهم قريبه من بعض وكلهم اعمارهم مررره قريبه من بعض اكبر واحد حسن عمره 21 سنه يدرس حاسب الي في قسم علوم وهوا اكتر انسان في نظره مبسوط في قسمع عنده حب شديدللكمبيوتر يعني ممكن يقعد 24 سنه على الكمبيوتر ولا يطفش ومررره يفهم في وشاطر مررره في كل شي يخصه بعد حسن يجي حسان الي لسه 20 سنه يدرس في كليه الحقوق مو بس فيلسوف ابوا الفلسفه كلها في عشان كدا دخل كليته الحقوق عشان يدافع عن المظلومين بس مررره لايق عليه دور المحامي حتى ابوا دايما يقله يا محامي اما اخر بنوته وهيه حسن اسمها غريب بس مررررره تموت هيها في اسمها مفكره اسمها احلى اسم في الوجود ودايما لمن احد يستهبل عليها تقول ولك من اسمك نصيب بمعنى حديث الرسول يعني انها مرررره حلوه بس مرررره بنت لزيزه هيه سنه تانيه ثنوي كمان علمي زي سوسه فدايما عند بعض يدرسوا ومرررررررره حسن اشطر من سوسه مع انها مو مره ممتازه بس احسن من سوسه بمراحل تعتبر في نظر سوسه دافوره
العيله الرابعه عيله يحيى وزوجته ماجده: عندهم بنت وولد وبس الولد الكبيريوسف الي عمره 22 سنه مرررررره ولد خربان على قول ابوه ودايما يحط اللوم على مامته الي هيه ماجده يقلها انتي الي خربتي الولد وعموما المشاكل الي تسير في البيت هيه مشكلته الاولاد انوا يحيي مو عاجبته تربيته اولاده والبنت جومانه وكمان جومانه مررررره حقت خروج وصحباتها وما تحب قعدت البيت ابدا وامها عادي ما تقولها شي لانها كمان الام من الصنف الي مرره تكره البيت ومره تحب الخرجات والجمعات وبنتها طلعت زيها جيجي عمرها 19 سنه اولى جامعه تدرس ديكور في جامعه اهليه ومرررررره مو شاطرع بس تنجح بالقوه ومررررره هيه واياد اصحاب لانهم مررررره وزي بعض