خمس نصائح وثلاث خلطات للمنطقه الحميمه ...تنعيم تفتيح وتنظيف ...يامراحب

ابي منكم عزيمه واصرار مابي يوم ايه وعشره لا
ترى هذا الشي يزعل من جد لازم تهتمون يابنات خلو عنكم الكسل
اولا وقبل كل شي الاهتمام بنتف الشعر او حلاقته من المنطقه الحميمه
ثانيا الاغتسال بغسول لطيف وفيه خاصية منع الالتهابات والفطريات وقتل البكتيريا
ثالثا اذا كان عندك فطريات لازم تستخدمين قبل البدءفي برنامج تفتيح هذي المنطقه مرهم او كريم معقم وقاتل للبكتيريا والفطريات (مثل كينا كومب وبيتادين )
الاغتسال بماء دافي وملح لشد المنطقه وتعقيمها يوميا او يوم ورا يوم
والغسول سيباميد افضل شي الحساس وريحته حلوه وفيه خصائص قويه من الناحيه الطبيه
هذا يستخدم يوميا
ايضا التنقيع للبنات في حوض ملي بالماءالدافي والبابونج او الخزامى لابعاد الالتهابات والتسلخات والحكه والروائح الكريهه
هذا كل ثلاثة ايام او اربعه
والمتزوجات يفضل ان يكون على شكل دش مهبلي لانه يلزم التعمق في النظافه
رابعا ترطيب المنطقه بفازلين او اي كريم انتيميت لهذي المنطقه
خامسا استخدام خلطات لتنظيف المنطقه وتعقيمها وتفتيح لونها للي عندهم سمار
الخلطه الاولى :
نصف انبوب بتنوفيت الوردي +2م ك زيت جلسرين +1م ك فازلين +علبه صغيره دوف او كريم 21
تخلط جميعا ثم تدهن به المنطقه مرتين يوميا لطرد البكتيريا والفطريات وتنعيم وتفتيح المنطقه بس بعد ماتفتح المنطقه تبدي تحذفي البتنوفيت وتكملي بباقي اغراض الخلطه عشان تحافضون على النتيجه
الخلطه الثانيه :
مرهم كينا كومب نصف انبوب +2م ك زيت جلسرين +1م ك فازلين تخلط سويا وتستخدم بنفس الطريقه السابقه
الخلطه الثالثه :
زيت جلسرين 50مل +عصير ليمون 4م ك +ماء ورد او ماء زهر 1ملعقه كبيره
تخلط وتدهن به المنطقه ويحفظ في الثلاجه
وتغسل بصابونة البابايا النوع اللي ترتاحين له بس مره واحده في اليوم
وبعد اسبوعين من الاستخدام تبدا تظهر النتايج قويه 100%
بس يبي همه وصبر
والطريقه الثالثه هي المفضله عندي وجابت معي نتيجه رجعتني مثل اول

واهم شي النظافه والتعقيم ولبس الملابس الداخليه القطنيه البيضاء او الالوان الفاتحه والواسعه افضل من الضيقه
وفيه فوط صحيه من كير فري معطره ايضا ريحتها جنان وتخليك منتعشه طول اليوم
وفيه مناديل برضه من كير فري مره حلوه وريحتها حلوه وفيها زيت البابونج ينعم ويفتح البشره
وينظف حلو لمن تكوني في السفر او رايحه لعزومه او حفله واضطريتي
تدخلين الحمام
وايضا لازم تتهوى المنطقه عالاقل ساعه في اليوم او في وقت النوم افضل عشان تاخذ راحتها وتشد وتساعد على تقليل الروايح والالتهابات من كتمة الكلوتات
والله يابنات بعدها ماراح تشتكون لامن سواد ولا التهابات ولاريحه ولا حبوب وحكه بسبب الموس او الحلاوه
وايضا عليكم بالمسك الحجر المطحون جيبي قطنه قصيها على شكل فوطه وافركيه عليها والبسيها او افركيه على ملابسك الداخليه
وللمتزوجات حطي قطنه اغمسيها في المسك الحجر وادخليها بعمق خصوصا بعد الدوره او في الايام العاديه بعد الاغتسال برضه تمنع الاتهابات والريحه والافرازات وغيرها من الشكاوى النسائيه
وارجو ان الموضوع يعجبكم وتستفيدون منه
والله يعافيكم اللي يعجبها الموضوع ترفعه الله يجزاكم خير
عشان البقيه يستفيدون