 | |
| ||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
سعوديات في بريطانيا رواية رومنسية
 |
| | أدوات الموضوع | انواع عرض الموضوع |
05-16-2008, 10:39 PM
| |||
| |||
| رد: سعوديات في بريطانيا رواية رومنسية يسلموووووووووووووووووو   |
|
05-17-2008, 12:30 AM
| ||||
| ||||
| رد: سعوديات في بريطانيا رواية رومنسية انتظربحمااااااس يااحلي ملوكه |
|
05-17-2008, 03:19 PM
| ||||
| ||||
| رد: سعوديات في بريطانيا رواية رومنسية يالله متى تنزلي البآرت |
|
05-17-2008, 05:51 PM
| ||||
| ||||
| رد: سعوديات في بريطانيا رواية رومنسية شجون 15 -اعتز بالطيب-حسن عليـ -اميره القلوب -فراشة1994يسلمو على ردودكم النايس نورتو الصفحة وان شاء الله بنزل البارت قريب |
|
05-17-2008, 05:56 PM
| ||||
| ||||
| رد: سعوديات في بريطانيا رواية رومنسية يالله ياحلوين وهذا بارت لعيونكم.. الفصل السادس والثلاثون السعوديه – الرياض ذوق دقت على عادل من يومين ماسمعت صوته ولا دق غريبه لانها طنشته يوم ومالها خلقه بعد ماشافت فيصل .. خلاص ماصدق على الله وطنشها .. عادل : هلا هلا بحياتي ذوق ببرود: هلا فيك عادل : وينك يومين ماسمع صوتك ذوق: اسال نفسك عادل : حرام عليك ادق وانتي ماتردي ذوق بجديه : عادل وشفيك من يوم رجعت من الشرقيه وانت متغير عادل : لا ياحياتي مو متغير ولا شي انتي اللي متحسسه ذوق تتنهد : يمكن ... المهم انت كيفك ...؟ عادل : انا كويس وانتي .. ذوق: الحمدلله ... رائد دخل للبيت : هاااااااي ذوق: هلا .. رائد وبيده ثوب وشماغ : وصل المعرس وثوب المعرس عادل : حياتي شكلك مشغوله اتركك براحتك هاللحين ذوق تاكدت ان فيه شي يطنشها ويصرف لازم تعرف وش فيه بس تخلص من خطوبة رائد والبندري وتفضاله ...: اوكيه باي رائد يطلع الثوب من اكياس المغسله : وشرايك ذوق: ياااااي فيه نقشات رائد: ايوه مثل ثياب جواد العلي لكن علي اكيد احلى ذوق: هههه يواثق البس ونشوف ... رائد دخل اقرب غرفه عنده بسرعه ام رائد : وش هالازعاج ... ذوق: في غيره ولدك ... هذا الولد من حب البندري وهو صاير اهبل .. ام رائد: ذوق وجع مالهيله الا انتي تقولي لاخوك الكبير هالحكي ذوق: ليه انتي حاسه انه اكبر مني ب5 سنوات هذا بزر طلع رائد : وشرايكم ذوق افتحت فمها : على قولة نواره يلعن بو الكشخه ... خطيييير ام رائد تقرء المعوذات : الله يحرسك من العين ... رائد / هههه يعني حلو ... ذوق: والله ان البندري لو تشوفك يغمى عليها ... هي خاقه من غيرشي بعد بهالكشخه .. ام رائد غرقة عيونها : الله يسعدك ... انت تستاهل مثل البندري .. رائد: لا البكي لبعد بكره مو اليوم ... دخل بو رائد: السلام عليكم اللكل : وعليكم السلام بو رائد يناظر رائد من فوق لتحت : وين رائد عند زواج الليله ... رائد: لا يبه هذا ثوب الملكه بو رائد: اها .. رائد: وشرايك بو رائد : يناسبك ... ذوق: ههه اسلوب تحطيم بصراحه ... بو رائد: المهم لاتنسى اليوم تروح للامارات وتجيب بريم ورشا ... خواتك من المدرسه ... واخوانك نواف ونايف ذوق/ بابا خلصو دراستهم بوذوق: ايوه الامارات اجازتهم تخلص قبلنا .. اليوم دقت مديرة المدرسه الداخليه حقتهم وتقول سكن الطالبات بيفضى تعالوا خذوهم .. حتى سكن الطلاب حق اخوانك .. ام رائد: وحشوني رائد: وانا اكثر هالشياطين هذولاء ... ذوق : يالله من زمان عنهم اي صف صاروا ام رائد: ثالث ابتدائي ..خواتك .... واخوانك خامس ... ******************* البندري صحت من النوم معصبه لانها مالحقت على الجوري بالمطار ... دقت بسرعه على ذوق وسبقتها لبيت نواره الملتقى دائم ... لان ماعندها ام تسال ولا اخ يغث .... ************** الجوري صحت الساعه 7 المغرب صلت ورجعت نامت وبعدها صحت الساعه 9 على صووت بدر وهو يحركها برقه: الجوري .. فتحت عينها .. بدر: مساء الخير الجوري ارفعت الغطاء على جسمها حاسه بخوف .. بدر ابتسم: يله البسي وانزلي نتعشى الجوري: مابغى شبعانه بدر : لاتعاندي نفسك انزلي معنا ماكلتي شي الجور: قلتلك شبعانه .. دق جوالها ارفعه بدر من الطاوله على طول وعقد حواجبه :من ( اعيش لجلك ..) الجوري سحبته منه وردت على طول: هلا والله هلا بالغلا كله البندري تبكي: الحمدلله على السلامه الجوري ماسكه دموعها: احلفي وينك يالخايسه انتي والفساد ماجيتولي المطار انا زعلانه مره ... بدر : يله بسررعه الجوري عطته نظرت احتقار: ايوه كملي البندري البندري: مشغوله كاني سمعت صوته شددت على البندري علشان عقله المريض : لا والله فاضيه ماوراي شي .. تعالي مشتاقتلك .. بدر ياشر لها : وين تجي هاللحين ..؟ البندري : اوكيه بجي انا والشله وانا بنام عندك والله لاكرهه فيني الجوري: ههههه اموت عليك بدر: انتي تكلمي بنت والا مين حطت السماعه عند اذنه البندري: اسمعي بجبلك الام ام امز اللي تحبيه بعدت السماعه : ارتحت بدر : تعالي العشاء البندري: حنا بالطريق دامه ********** كذا الجوري: هههه انتظر.. باي بدر: هذي كيف تجي هاللحين وبيتنا كله شباب الجوري: بتكون معي بالغرفه وبعدين انا ماامن انك معنا فباليت تدور لك مكان ثاني بدر يجاريها : اوكيه بس تنزلي تاكلي الجوري: ماني بنزله النات بيجوا هاللحين ****************** بعد نص ساعه البندري ونواره وذوق دخلوا شافوا ناس على طاولة طعام كبيره مره توهقوا وش يسووا اللكل على الطاوله ناظروا بعض من هذولا البنات الحلوات والفري اللي داخلين .. وحده عبايتها الفراشه وشنطتها على الجنب وملاحها ناعمه .. وثنتين عبايات مخصره كانهم بزواج .. باختصار رايحين فيها ابراهيم عرف انهم ربعها : هلا بنات حياكم سعود: وناسه وش هذولا غلطانين بالبيت بو بدر : نعم يابنات شكلكم غلطانين بالبيت اما رناد ورنده ولمياء ومزون فعيونهم على البنات يناظرونهم باستغراب ..وانبهار نادر وسعود لولا لحياء كان رقموهم ... ابراهيم وقف : تفضلوا ... مزون ناظرته بقوه .. واخيرا الجوري بعكازها طالعه من الاصنصيل ومعها بدر الجوري مشت بسرعه مطنشه اللكل : هلا والله اركضت البندري وضموا بعض .. بس مابكوا هذا الاتفاق ..البندري تضمها بقوه: وحشتيني مررره بدر جلس على السفره من غير ولا كلمه الجوري: انتي اكثر نواره تضمها : حليانه يابنت الزواج يحلي كذا ... البندري مغرقه عيونها : ههههه وحشتيني ذوق تضمها: صح حليانه .. البندري: هلا بالعروس لجديده ههههه نواره : اوعدني يارب .. البنات :ههههه رناد ورنده القافه راحوا بسرعه لعندهم : هااااي البندري ونواره وذوق ناظروا الجوري شالسالفه الجوري: خوات بدر رناد ورنده رناد: من الحلوات الجوري: خواتي ... نواره: واكثر بعد .. عجوز بالسفره كانت تناظرهم بتامل بعد كذا ناظرت بدر بعتااب ... زوجة ابوه ام سعود عجبوها البنات ستايل مثل ماتحب: تعالوا معنا حياكم الجوري: لا مشكوره نواره بس شافت شكلها لفت على ذوق وضحكت : هههههه البنات فاهمينها بس مسكوا نفسهم ... الجوري: عن اذنكم سعود : وين بدري ...؟ بدر فاهم عليه : كلهم مرتبطات ابراهيم بهمس مايسمعه الا بدر : الله يعينك امك مقهوره البندري :..يله عن اذنكم طلعوا كلهم معها فوق .. والعيون عليهم .. اجسامهم خياليه كانهم يعرضوا لعبايات ازياء ... رنده : مايشبون لها شموخ: هذي العربجيه بدويه ملامحها عربيه جنان .زاما الجوري انجليزيه رناد: يمكن من ابوها بدر وهو يلعب بالاكل : مو ختواها صاحباتها وبلا لقافه رنده و رناد يناظروا بعض: صاحبتها سعود: تصدق بدر زوجتك كيكه بدر عطاه نظره: كل تبن سعود: هههههه يا********** طحت واقف .. ربعها شي بدر: سعود كل تبن ابرهيم: هذي زوجة اخوك يالحجي سعود: صديقاتها كلهم متزوجات بدر: وعندهم بزارين ام سعود تقهر ام بدر : ام بدر وشرايك بزوجة ولدك ام بدر مثل الاب تاكل وهي ساكته .. لمياء: صديقاتها شي مزون: الا وقحات رناد بذكاء: اكيد هي قبل لاتتزوج كانت مثلهم بدر عطاها نظره حست بقيمة كلامها ... & الجوري دخلتهم جناحها نواره تصفر : جنننننان البندري: يهبل ماتوقعتك كذا ساكنه ذوق : ماشاء الله متعوب على الديكور ... الجوري: احلفي انتي معها اجلسوا بس اجلسوا ... بعد ماجلسوا .. البندري : اذا ماكرهته حليب امه الجوري : هههههههه نواره : ههه وناسه عندهم لمه حلوه ذوق : الا الدكتور معهم .. الجوري:ايوه اخوه الهم ماعلينا ..وحششششششششتوني .. نواره: والله حنا اكثر البندري: لاتخافي بننام عندك اليوم ذوق: لا انا بعد امس سوري الجوري: ليه وش صار امس نواره : يووووه قصه طويله الجوري: قولها بالتفصيل بس قبل كذا جووووووعانه البندري : اوه نسيت الكيس بالسياره الجوري : لاتخافي بدق على الخدم يطلعوه فوق .& .......... مرت ميري قدامهم بكيس مطعم هارديز رناد : لمين رنده : صح لمين لمياء: من بقى مو معنا ام سعود: شكلها للعروس اللكل ناظر بدر بدر : بتحتفل بصاحبتها بو بدر : مفروض تاكل من البيت مو حركات مطاعم بدر : والله ماني مستعد اتهاوش معها علشان كيس مطعم ترك الشوكه وطلع لفوق .. اللكل : لاتعليق وام بدر ناظرته وهو يطلع الدرج .... مايترك الاصنصيل و يطلع الدرج الا وهو متضاق تعرف ولدها اكثر من نفسها ... بدر بنص الدرج : بنات تجهزوا بطلعكم شوي & البندري: كلي شكلك ميته جوع الجوري: تخيلوا ببريطانيا اذا طلع اهجم على الاكل نواره : هههه الله لايعذبني عذابك الجوري من قلب : امين ذوق: جور احس ان بدر يحبك الجوري غصت باكلها : كح كح كح نواره: هههههههه بسم الله عليك جيبولها مويه ... البندري تناظرها بشك : في شي جديد ماعرفه الجوري بعد ماشربت من البيبسي ...الحمدلله والشكر تالفون على كيفكم ذوق بحماس : بذمتك نواره مانتبهتي كيف بدر يناظرها نواره بغباء: لا ذوق: مالت عليك .. البندري وقفت بعيد : الا انا انتبهت وانا عارفه من تصرفاته معك انه يحبك ... وياويلك اذا حذفتي شي نواره: ههههههه شوفي كيف تناظرك الجوري بتقتلك الجوري تكمل اكلها ولا بهامها شي من اللي يقولوه .. هذا اللي باين اما هي بداخلها تفكر بحكيهم .. هي حست ببريطانيا انه يخاف عليها .. (( لا وش قاعده اخرف حسبي الله عليهم بيجننوني )) نواره تصفق .. لفت عليها الجوري نواره: هههه وين رحتي ذوق: صار لنا ساعه نحاكيك الجوري تفشلت : معكم يالبدو بدر عند الباب:: الجوري الجوري الجوري: آف ..خير بدر : تعالي شوي ذوق : ليكون يشتغل لنا كل شوي تعالي الجوري: مصدق نفسه - بصوت عالي – بتعشى وبجي بدر مقهور : ضروري قامت الجوري : قفلوا عليكم بعد ماطلع ولا تفتحوا الااذا انا قلتلكم انا فاهمين.. نواره : شدعوه وليه كل هذا.. الجوري: قفلي وانتي ساكته .. طلعت الجوري لبدر وكانت نفسيتها غير في بريق بعيونها مختلف هذا بس شافت صديقتها شوي تعدل نفسيتها كذا ..كيف لو جلست معهم على طول بالسعوديه ..:خير بدر : انا طالع مع خواتي شوي ...تامرين على شي الجوري تتامله صدق كلام البنات والا انا اتوهم .. بدر : الجوري انتي معي .. الجوري: ها .. ايوه بتروح روح براحتك انا وش دخلني ... جئت بتدخل الغرفه مسكها من ايدها : الجوري فيك شي الجوري وقفت تناظره خايف علي والايمثل بدر استغرب وش فيها كل شوي تسرح : الجوري .. تعالي معي .. جلسها على كنبه بالصاله ..: الجوري فيك شي الجوري تبعد عيونها خايفه تناظره ماتدري ليه : لا وهاللحين بتاخر على قاطعهم ركض رناد ورنده لفوق وهم يضحكوا :ههههههه رناد: حركات جالسين هنا ومبسوطين رنده : شكلك بتكنسل الطلعه يابدر بدر: هههه اقول اجهزوا لاغير رايي فتح الاصنصيل وطلعت لمياء : اوه العرسان هنا رنده ركضت لغرفتها او جناجها مع رناد : يللللله يارنود قبل لايغير رايه رناد لحقتها وقبل لاتدخل لفت عليهم : الجوري انتبهي يمكن يطلع واحد من اخواني فوق وانتي كذا بدون غطاء .. الجوري ناظرت في بدر مستغربه بدر : اوه راح عن بالي – مشاها لعند الجناح – نسيت ان اخواني ... هنا .ههههههههه –دخلها – لاتنزلي الا ومعك عبايتك مثل قبل شوي لما جئوا البنات الجوري: ليه اذا هم متضيقين مني ابروح لبيت نواره هالكم يوم بدر : لا لاتخافي محد متضايق منك نواره : بددددددددر بدر ابتسم صديقتها هذي نواره هبله وش تبغي فيه هاللحين : نعم نواره : الييييييوم انسى الجوري هههههه البندري وذوق: هههههههه الجوري انقهرت من نواره : اقول على شحم بدر : ههههه حلالك ... اليوم وبس نواره : لاااااااااا .... طول مانتم بالسعووديه انساها بدر : اقول نواره كاني عطيتك وجه نواره نست نفسها وكانت بدف الجوري وتطلع وجهها تتهاوش معه .. الجوري مسكتها: خير على وين نواره: هههههههههه غارت هههههههه البندري وذوق : هههههه بدر ابتسم الجوري عصبت من جد : نواره وبعدين معك والله بزعل جد نواره: لا والله سوري امزح ... بدر : بالاذن تامرون على شي ذوق تبغى تقهر الجوري: سلامتك الجوري لفت عليها بسرعه ودها تقتلها ..حست بقهر ماتدري ليه البندري: هههه بتذبحك اليوم بدر (( اللي يدري يدري واللي مايدري مايدري )) اكيد ماتهوني موانتي الجوري الغاليه ..حبيبة بدر هههههههههههه ************** &&&&&&&&& ************* بقاعة واحد من الفنادق الضخمه بالرياض ... ملكة البندري ... عند المدخل نواره بالبنطلون والبلوزه الفخمين واقفه وبيدها الجوال : يالله لجون ماترد ذوق وهي ترتب شعرها الكريزي بالمرايه : اكيد مشغوله وماتقدر ... نواره: قاهرتني من زمان عنها ... ومطنشتنا – حطت التلفون على الطاوله – الا وينهم الجوري والبندري ماجوا من المشغل .... ذوق تناظر الساعه الالماس اللي بيدها : الساعه 8 ومابعد وصلوا نواره : اسمعي انتي روحي للضيوف هاللحين مع امك وخالتي وانا برتب غرفة المعارس ... ذوق: لا انتي روحي للضيوف وانا برتب الغرفه .. نواره: اوكيييييه مشت نواره بالقاعه وهي ماهي قادره تناظر كويس من العدسات ... ام رائد: نواره نواره نواره: هلا خالتي . ام رائد: نسيت الدخون اذا ماعليك امر تروحي مع السواق تجيبيه ... نواره : ابشري ... مشت شوي الا تمسكها ام البندري: نواره نواره نواره: هلا خالتي ام البندري: دقي على البندري وقولي لها يله خل تخلص .. نواره : يوووه خالتي انا مستعجله هاللحين ابروح ل لبيت اجيب الدخون ام البندري: ليه انا عندي دخون بالشنط اللي بغرفة التبديل نواره: الله يفرج عليك ياخاله ... مسكينه نواره ماعدت خطوتين الا سالتها وحده : وين ام رائد ... ؟ يابنيتي نواره مشغولها : ها ام الاسود هذي .. المراءه بخبث: وانتي من يابنتي ..؟ نواره: انا نواره صديقة العروس المراءه: اها قولي تسذا .. نواره: تامرين على شي ياخاله المراءه : لا تسلمين يانواره & ذوق دخلت للغرفه اللي بيقص فيها المعرس مع العروس الكيكه .. كانت كلها شموع باحجام مختلفه ..واضائتها خافته الغرفه الوانها عنابي وذهبي يعني قمة الرومنسيه وهذا من تنسيق ذوق طبعا .... عدلت ذوق الورد اللي منثور على الطاوله ورتبت التول وكل شي .. وشغلت فواحات العطر علشان اذا دخلوا تصير ريحه جنان ... & نواره: الو انتم وينكم ...؟ الجوري: يووووه بالطريق يالمصفوقه .. نواره: اقول بسرعه تعالوا عرس مو ملكه الساعه جايه تسعه ولا دخلت البندري تكلمت وهي متوتره وماسكه الورد بحضنها : نواره زحمه نواره: مووووووت كانه زواج البندري خاف اكثر:يالله وش هذا الجوري: هههههه لاتخافي ... نواره: يله باي بسلم على اهل عادل البندري مغصها بطنها : ام رائد مو صاحيه مابقى حد معزمته نواره: هههههه ماسمعتك باي الجوري: باي سكرت الجوري ولفت على البندري : ليه خايفه البندري: جور توني احس باحساسك ... يمممممه خايفه الجوري: لاتخافي والله انك طالعه قمر بالفستان البندري تذكرت خلاعة الفستان : ههههه لو شافته امي انتحرت ههههه الجوري: هههههههه من قالك دق جوال الجوري: لاحول اكيد نوير – بعصبيه ردت من غير لاتناظر الرقم – الو بدر : هلا الجوري الجوري وطت صوتها غصب عنها : هلا بدر ... البندري :ههههه شوفي البنت كانت بتذبح نواره وها قاطعتها الجوري وهي تاشر اسكتي : بغيت شي بدر : ايوه اهلي بالطريق ولازم تستقبليهم الجوري نست انها اعزمتهم : طيب هذا انا وصلت للفندق توني راجعه من المشغل ... هم وصلوا بدر : لا على وصول الجوري : خلاص ابنتظرهم عند المدخل ... بدر : الجوري انسي اللي بيننا شوي واستقبلي اهلي الجوري: يووووه خلاص قلت بستقبلهم باي سكرت من غير لاتسمع الرد البندري: جور ليه كذا الجوري : انتي خليك بحالك بس البندري : جور خايييييفه الجوري: وصلنا انزلي ولاتخافي توكلي على ربك ... البندري شوي تبكي : آآآآآف نزلت الجوري وبعدها البندري وكانت ذوق بعبايتها واللثمه تستقبلهم ... : ادخلوا من هنا من ورى ... دخلوا معها ... & نواره المسكينه لوحدها مرتبشه مع الضيوف ...وماسكه الدخون مريم : وصلت العروس ... نواره: واخيرا ... الجوري مشت لعندهم : نواره يبغونك داخل نواره : واخيرا افراج خذي الدخون مريم: لاعطيني اياه انا ... ام البندري : وينها جاءت الجوري ابتسمت : ايوه داخل وتنتظرك ام البندري بشك : تنتظرني الجوري: ايوه ... نواره وام البندري راحوا داخل .. مريم: الجوري تعالي ساعديني انا وام را قاطعتها الجوري وعيونها على الباب : لا مشغوله اهل زوجي بيجوا .. مريم: اها اجل روحي ... مشت الجوري بفستانها الارتكوازي اللي يجر وراه ذيل وضيق مع الصدر والخصر كانت مثل الحوريه جسمها جنان وابيض مع اللون الارتكواز وعيونها الزرقاء ... ورافعه شعرها بتسريحة غجريه طالعه احلى من يوم زواجها ... دخلوا 5 حريم بعبايات راس وبراقع ... وبس شافوا الجوري فتحوا غطائهم ... الجوري ابتسمت ومشت لعندهم :هلا هلا والله ... انبهروا بجمالها وكانها وحده ثانيه غير الجوري لمياء : هلا فيك ... مزون : الف مبروك الجوري: الله يبارك فيك ... رناد ورنده بعد مافصخوا عباياتهم : يااااااي تخبلين رناد: لو شافك بدر رنده : انتبهي على اخوي الجوري: ههههه هلا والله ماتوقعتكم تجوا ام سعود: ليه مايجوا ...؟ الجوري: هلا ام سعود ... ام سعود: هلا فيك الجوري: لا قلت عندهم اختبارات .. رنده تغمز لها اسكتي رناد تضيع الموضوع : اي اختبارات باقي اسبوع الجوري: ههه حياكم الله ...تفضلوا ام رائد: هلا والله هلا الجوري: خالتي اهل بدر ام ذوق بترحيب وتهليل : هلا والله واخيرا شفناكم ام سعود : هلا فيك ... انتي عارفه الظروف ام رائد: معذورين تفضلوا ... لمياء مسكت الجوري : خهذي خالتك .. الجوري ابتسمت :لا ام رائد بس بمكان خالتي لمياء : اها رناد : وش تحكون لمياء : مالك دعوه الجوري ضحكت من قلب لانها بهاليومين صحيح ماجلست معهم بس محد عاملها شين الا ام بدر اللي تطلع من المكان اللي فيه الجوري دخلوا وجلسوا على طاوله ... وهم يناظروا المكان والحضور ... طبقت البندري تجاري طبقتهم .. &&&&&&&&&&&&& -------------------------------------------------------------------------------- ام البندري دخلت بهدوء : السلام عليكم البندري: يمه ام البندري تناظر بنتها بانبهار وفخر : ليه جالسه بالعبايه البندري توهقت : هاللحين بفصخها ام البندري تبوس بنتها بحذر : الف الف مبرو يمه البندري غرقت عيونها : الله يبارك فيك ... نواره: هاللللللو نحن هنا يله تجهزي المعرس بيدخل وبعده انتي ... البندري : يوووووه فشله خلوه بعدي ام البندري : مشاء الله طالع قمر رجلك البندري استغربت من صياعة امها : هههههههههههه & ذوق تتفاهم مع رائد على الدخله ... رائد واقف معصب : وليه ماتدخل معي ذوق: امها مارضت رائد: ياسلام وهي بعد ذوق: مادري ماسالنها المهم اسمع مثل ماتدربنا نواف ونايف قبل بعدين انت .. رائد: والله انتم عليكم حركات مثل وجهكم ذوق: رائئئئئئئئئئئئئد رائد: اوكيه خلاص جاهزين ... ذوق : يله بعطيهم خبر وانتم ادخلوا .... & مشغل الديجيه تكلم من الغرفه المخصصه له .../ هاللحين زفة المعرس ... الناس جلست واللي بتغطي تغطت والبنات طلعوا من عند البندري وجلست لوحدها ... المصوره وقفت باول الجسر تصور .. اشتغلت موسيقى اماراتيه لليوله .. ودخلوا اثنين صغار شعورهم لكتفهم وهم توم ((نايف ونواف )) وماسكين سلاح بيدهم ويرقصون ((آه ياويله قلبن صويبن بانت اقداره .. صدفه في ليله كان القمرهيب على داره ...)) الزفه للوسمي .. طلع بعدهم رائد وهو لابس البشت وثوب المزحرف كان شكله جنان ...مشى وراء خوانه وهو مبتسم ...وبجنبه ابوه بالبشت ... يحب الاستعراض بس ماتوقع ان كل هالحريم موجودين حس بربكه وعرق .... (( قلة الحيله ضايع انا في جنته وناره من له اشكيله من لي دعى هالعين محتاره ... بو رائد ويله .. قلبه يهيب عيون جباره ...)) والشعب السعودي طبعا كلهم وراه .. "الشعب السعودي هم -> عادل وياسر صديق رائد وبدر وعيال عم رائد كلهم وعمامه كلهم حتى خواله وعيالهم ..ومن جهه ثانيه عيال خوال البندري وخوالها وزوجات خلاتها ... " عرس مو ملكه .... كانت ملكه كبيره ... المصوره تصور رائد مع خوانه التوم ... رنده : واااااااااو حركتهم جنان ... رناد: الله من اللي ورى المعرس يخبل رنده : قصدك بو ال******وكه ... لمياء : مشاء الله المعرس حلو رناد: ماكان ثوبه مثل جواد العلي رنده: اييييييييييوه جبتيها وانا اقول وين شفته .. ام سعود: شوفوا بدر معهم هههههههههه رناد: شكل كل اللي عند الرجال دخلوا ... مزون : يمكن عوايدهم .. ............. بطاوله ثانيه .. سماح بنت خالة ذوق : مشاء الله ولد خالتك طالع شي سميه بنت خالهم الثانيه : الا شوفي كشرته شاقه الحلق ... سماح: ايوه خذ اللي يحبها سميه: مالت عليه من حلاته مصدق حاله سماح: شوفي زوج ذوق بنت خالك مو حلو بالنسبه للموجودين سميه: ههههه من غرورها خذت شين ... سماح : وشرايك بعد شوي نستهبل عليها ... سميه: اكيد ولازم نشوفه وهو يلبس البندري سماح: مالت عليهم ماكانها ملكه كشخه سميه : وانتي صادقه كيف العرس اجل سماح: انا كنت اقول على ملكة ذوق كشخه بس بعد ملكة رائد غيرت رايي سميه : الا وينها صاحبتهم بنت الكاسر ماشفتها سماح: مادري ماشفناها ولا مره ................ |
|
« قصة ليلة الدخله ملاحظة عدم دخول أصغر من سن 18
|
سعوديات في بريطانيا رواية رومنسية
|
قصه روماااااااااااااانسيه حزينه تجججججججججججنن »
| أدوات الموضوع | |
| انواع عرض الموضوع | |
العرض العادي
| |
سعوديات في بريطانيا رواية رومنسية
القصص و الروايات و الحكايات قصص قصيرة و تعلم القصة story novelette
الساعة الآن 04:48 AM.