أفـشــل مـطــارات العـالــم.. (خنـبقه بالرحـلات) ..

.
يالله انك تحييهم

وشلونكم يالغالين عساكم بخير

اشتقنالكم وحبينا ندردش معكم عن موضوع تاخير الرحلات

احصائيه عن اكثر مطارات العالم تأخيرأ للرحلات ,,

حبيت اذكرها لكم مع الصور .. الغريبه انهم ماذكروا مطار الملك خالد .. الظاهر مهب معترفين انه مطار ابد ابد

بسم الله نبدأ


أول متصدري الترتيب من المطارات الدولية بالعالم لأسوأ وقت اقلاع هو مطار

..( Brasilia International ( BSB

مطار برازيليا الدولي



في عام 2007

27 % فقط من الرحلات اقلعت في وقتها

معدل التأخير هو 55 دقيقه لكل رحلة يمديك تاخذ غفوه

وهالشيء سيء لمطار ينقل أكثر من 10 ملايين راكب في السنة وهو يعتبر مطار العاصمة البرازيلية الرئيسي


**


في المرتبة الثانية لأسوء وقت اقلاع من المطارات .. يأتي مطار

..( Beijing Capital International ( PEK

مطار بكين الدولي



بكين هي المدينة المستضيفة للالعاب الأولمبية في 2008

في عام 2007 أكثر من 33 % فقط من الرحلات أقلعت في وقتها

هالمطار يعتبر من أكثر مطارات الصين بزحمة الرحلات واانشغالها لأنه ينقل أكثر من 49 مليون راكب

والان هم يعملون على توسعة المطار بشكل أكبر يخفف من الضغط وتأخير الرحلات

والله توقعت هالبلايا محافظين شوي

بس بعذرهم 49 مليون راكب .. حشا موب مطار ذا ماشاء الله


**


في المرتبة الثالثة والرابعه .. يحتل مطاري ساوبولو أسوأ وقت اقلاع وهم

Sao Paulo Guarulhos International (GRU) and Congonhas International CGH



حطوهم مع بعض لأنهم في مدينة وحده ومافي فرق بين خمبقة اقلاع الرحلات

41% فقط من الرحلات في مطار GRU اقلعت في وقتها و 43% في مطار CGH اقلعت في وقتها

كل مطاارات البرازيل مخنبقة ومتصدره الترتيب بعد

حدكم كورة اقول

**


في المرتبة الخامسة وبكل فخر يأتي مطار القاهره الدولي كأسوأ مطار في تأخير الرحلات

Cairo International CAI



أكثر من 11 مليون راكب نقلهم هذا المطار في عام 2006 .. ويعتبر أكثر مطار انشغالاً في افريقيا بعد مطار عاصمة جنوب افريقيا جوهانسبرغ

يعتبر مطار القاهره أسوا مطار في افريقيا في اقلاع الرحلات .. 47% فقط من الرحلات تقلع في وقتها

مدة التاخير لكل رحلة 43 دقيقه

والظاهر كل الرحلات من السعودية .. ويقولون سبب التأخير الظاهر البخشيش اللي عند البوابات


**


في المرتبة السادسة يجي مطار العاصمة الفرنسية باريس شارل دي قول كأسوأ مطار يخنبق باقلاع الرحلات

Paris Charles de Gaulle International CDG



لأنه واسع مره .. مطار العاصمة الفرنسية الرئيسي مشهور ببعد صالاته عن بعض

نص الرحلة مشي بين هالصالات

50% فقط من رحلاته تقلع في وقتها وهو يعتبر الأسوأ في اوروبا من هالناحية

ياحيف يا باريس

عاد مطارهم فاشل مايقاس بجمال المدينة ابد ابد .. زي جده عندنا <<< انقلع

**

وش نقول حنا في مطار الملك خالد ولا مطار الملك عبدالعزيز

الظاهر ماحبوا يجرحون مشاعرنا

أو ماحبوا يعطوننا جونا ويقولون مطار

اتمنى الموضوع اعجبكم ويكون خفيف على قلوبكم

المشاركة الأصلية كتبت بواسطة @البرنسيسه@ يسلمووووووووووو يالغلاااا على هالموضوع الحلووو ننتظر جديدك

المشاركة الأصلية كتبت بواسطة عبودي شان . .. الغريبه انهم ماذكروا مطار الملك خالد .. الظاهر مهب معترفين انه مطار ابد ابد