هاااااااااااااي شلة،،،،،،،،،سويت خكري صح،،،،،،،،اقولك بلا خكاريه سلام
عليكم ،،،،،،،،هذا المقلب سار في ابوذكرى ياشباب بس ترى مستحي يقولكم
عارفييين ليش لأن اللي سوى هذا المقلب فيه بنت هههههههههههه اعذرني
يابوذكرى بس ماني قادر امسك نفسي المقلب هذا سار في ابوذكرى من حوالي سبعة
شهور تقريباً وانا بقولكم المقلب كأن ابوذكرى يحكيني :-
يقولي أبوذكرى:- يوم من الأيام صحيت بدري وفطرت وكاسه شاي على ذا الصبح
المشرق بعدكذا زي العادة عالنت على طول وزي كل مرة افتح موقع وصكر موقع
ودور ناس ودردش وكنت أدردش باللأيسكيو-طبعاً تعرفوه ذا البرنامج-وكنت اتكلم
مع واحد في جدة وناخذ ونعطي فاكلام انا وياه زي كل مرة ولاشوي ماأسمع الا
((كوكو))((كوكو))((كوكو))-هذا صوت الرسايل حق الأيسكيو-رسايل وراء بعض والله
فوق العشر يمكن في كل نص دقيقة وكلها يكون مكتوب فيها(ياهكر...أنا أحبك
ياهكر)-معليش يابوذكرى طلعنا
فضايح زمان-وانا اقول وش ذي البلوى واروح اشوف الخصايص حق اللي يرسلي كل
ذي الرسايل الاقيها وحده بنت مسميه نفسها ريم....وانا اقولها نعم وش تبغين
ترى اذيتينا انتي ورسايلك ويعدين انت وش عرفكي اني هكر وتقولي انا أقوى
منك ياهكر....انا أحبك ياهكر....وطبعاً انا مع ذي البلوى نسيت خويي اللي
في جدة ....وشوي قلت لها انا ياهكرجيه والنهاية معاكي ((يعني قمت استهبل
عليها))قالتلي تستهبل يا.....وشوي انا انفصل الخط عندي بيني وبينكم خفت
من جد والله واعيد الإتصال وارجع وتقولي ثاني مرة لاتستهبل واقولها النهاية
معاكي.....وتقولي انا بسيبك بشروط قلتلها والله لو انك‏ رهانتني عندكي...و
شوي وانفصل الخط عندي وانا بديت اخاف منها واعيد الإتصال وارجع وتقولي ثاني
مرة لاتستهبل معي وتقولي (((على فكرة انا جوت جهازك))والله انا ماصدقتكها
بس خفت مرة على جهازي((من حقي...صح))وتجيني رسالة من خويي اللي في جدة
يقولي وش فيك ماترد علي قلت له لا والله بس وحد مأذيتني رسايل وتفصل الخط
علي....الخ بعدين قالي وش تبغى منك قلت له ماادري الى الآن قالي طيب عطني
رقمها قلتله لا بعدين تتطب فيك انت...المهم شوي وترجع وتزعجني ((كوكو))((كوكو))
((كوكو))((كوكو))...انا قلت ياالله رجعت البلوى قلت لها ابغى اعرف وش المطلوب
مني قالتي انا مرة زعلانه منك قلت انا ليش قالتي ليش تتكلم علي عند غيري...
انا وقتها والله انخرطت خوف تأكدت انها جوت جهازي....وبعدين من النوع اللي
مغامر مااطفي جهازي في زي ذي الأمور...المهم انا سرت اسمع كلامها وقلت نعم وش تبغين
الحين قالت بس ابغى رقمك في الآيسكيو انا ركبني الف جني كل شي الا رقمي هذا -لأن رقم ابوذكرى مميز نوعاً
ما-والي محيرني ان البنت والله كان عندها رقم احسن مني وكنت اقولها ذي الشي بس مافيه ملزمه تاخذ رقمي
وانا اقولها مافيه وصاحبي اللي في جدة قالي ثاني مرة وش تبغى منك قلت له تبغى الرقم حقي وكان يقولي
عطيها طيب وفكك منها وانا اقول له والله لو اني مجنون قالي عطيني رقمها اكلمها لك لعل وعسى عطيته
شاف رقمها وقالي رقمها احلى من رقمك وش عاد تبغى منك قلت له علمي علمك المهم وهي شغالة((كوكو))
((كوكو))على نفس الجملة هذي(بتعطيني الرقم ولالا)(ترى باخربلك جهازك)وانا خايف على الجهاز بصراحة
وشي رجع خويي وقالي كلمتها وقالتلي تبغى رقمك انت،،،،،،،،،،،،،،،،،،انا بصراحة قلقان ....شويه كذا
سكتوا جميعاً البنت وصاحبي وانا استغربت وبعد مدة تجيني رسالة من البنت تقول((هههههه ركب معاك المقلب يابوذكرى))
ونفس الشي من خويي .....اثاريهم طلعوا متفقين علي انا اكتب لخويي الرسالة وهو يقولها انا وش كتبت
انا ثورت وعصبت بس المشكلة في مكاني لأني وين وهم وين والله وشي خويي يعتذر مني وماادري والله وانا قمت
اضحك على نفسي ...........الله يسامحهم.
وإنشاء الله يابوذكرى تسامحني اني قلت للشباب المقلب-صدقوني ان ابوذكرى مايدري ولااستأذنت منه-هههههه
ههههههههههههههه........والله يابوذكرى لو اني انا اللي مسويلك ذا المقلب كان كل يوم بشوفيك فيه
بضحك عليك.....ومعليش ياشباب طولت عليكم مع السلامة قبل يجي أبوذكرى.


<center><OBJECT WIDTH=160 HEIGHT=120><PARAM NAME=movie VALUE="http://mypage.ayna.com/gif_link/mr-power2.swf"><PARAM NAME=quality VALUE=high><PARAM NAME=scale VALUE=exactfit><PARAM NAME=menu VALUE=false><PARAM NAME=bgcolor VALUE=bgcolor="28,3C,0"><EMBED src="http://mypage.ayna.com/gif_link/mr-power2.swf" quality=high menu=false scale=exactfit bgcolor=bgcolor="28,3C,0" WIDTH=160 HEIGHT=120 swLiveConnect=true TYPE="application/x-shockwave-flash"></EMBED></OBJECT></center>

------------------
هلك امرئ لاعرف قدر نفسه

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه