|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
02-26-2008, 05:45 PM
| ||||
| ||||
| شوفوووووا النذاله كيف والله قهر كان فيه ولد طفران (ما عنده ولا ريال) راح لأبوه وقاله : عطني 15 ريال,, ودي اشتري كوره الأب : أقول إنقلع عني تراها واصله معي الولد : تكفا يبه ,,بس 15 ريال ولا أقول لك خلها عشرة ريال الأب : ما عندي فلوس ... إذا تبي فلوس رح بع الديك حقك المريض اللي بالحوش .. الولد : بس هذا مريض وما أحد بيشريه الأب : ما علي منك... دبر نفسك والله الولد استسلم للأمر الواقع واخذ الديك أول واحد قابله في وجهه أكيد أبوه.... قاله الولد : تشتري الديك؟ الأب : أقول بتنقلع عني ولا أقوم اتوطا في بطنك؟ الولد : خلاص خلاص لا تنفخ طلع الولد من البيت ومعه الديك في محاولة يائسة إن الديك ينباع عرض الديك على أهل الحارة كلهم ولا واحد فيهم قبل إنه يشتري الديك قال الولد : ممممممممم, والله مالي إلا فلانة,, عقلها خفيف وأكيد بقدر ألعب عليها بسهوله فلانة هذي كانت وحدة متزوجة بس للأسف كانت رايحة فيها وتلعب بذيلها من ورى زوجها راح لها الولد عشان يبيع عليها الديك الولد : تشترين الديك تكفين؟ الحرمة : هلا والله بحبيبي .. تعال قرب مني عشان أبوسك بوسه خفيفة الولد : أقول ما ني فاضي لك.. خذي مني الديك وخليني أروح الحرمة : تروح وين يا عمري!! أنا ما صدقت إني شفت رجال عندي في البيت ... الولد : ومنهو اللي قال لك إن أنا رجال؟ خذي مني الديك وخليني أنقلع شوي إلا الباب يدق خافت الحرمة وقالت للولد : تعال إنثبر هنا في الدولاب لا يطلع زوجي ثم نروح فيها. حطت الولد في الدولاب وراحت فتحت الباب إلا وطلع لها صديقها اللي تخون زوجها معه .. الحرمة : هلا والله بعمري وحياتي الرجال : يا هلا فيك عمري... ما أمدا الرجال يكمل كلمته إلا والباب يطق الحرمة : يا ويلي ويلاه.... هذا شكله زوجي...... تعال وادخل في الدولاب دخل خوينا في الدولاب وفجأة في عز الظلام سمع صوت يكلمه داخل الدولاب ويقوله : تشتري الديك؟ الرجال : اصصصصصصصص....... رخ صوتك الله يرحم والديك لا تفضحنا الولد : أقول تشتري الديك؟ الرجال : يا خوي خلاص باشتري الديك بس قصر على حسك تكفا... الولد : طيب الرجال : بس بكم تبيعه؟ الولد : بــ 100 ريال الرجال : ايش!!!!!!!!!!!! هالديك المنتوف المريض بــ 100ريال الولد : وش دراك أنه منتف و مريض ؟ المهم تبي تشتري ولا ارفع صوتي؟ الرجال : لا لا خلاص..... اباشتري وأمري لله جلسوا 5 دقائق الولد : تبيع الديك؟ الرجال : توك بايعه علي يا بن الحلال!! الولد : تبيعه علي ولا ارفع صوتي؟ الرجال : لا لا خلاص.... ببيعه وأمري لله.... بكم تشتريه؟ الولد : بريال الرجال : أيش!! بريال!!!! أنا مشتريه منك بـــ 100 ريال وأنت تشتريه مني بريال!!!!! الولد : تبيعه علي ولا ارفع صوتي؟ الرجال : لا لا خلاص.... ببيعه وأمري لله جلسوا 5 دقائق الولد : تشتري الديك؟ الرجال : ياخوي توني مشتريه منك! الولد : تبي تشتري ولا ارفع صوتي؟ الرجال : لا لا خلاص.... أباشتري وأمري لله..... بكم تبيعه؟ الولد : بــ200 ريال الرجال : الله يمحط بك إنشاء لله...... توني مشتريه منك بــ 100 ريال! الولد : تبي تشتري ولا ارفع صوتي؟ الرجال: لا لا خلاص.... أباشتري وأمري لله جلسوا 5 دقائق الولد : تبيع الديك؟ الرجال : إنَّا لله وإنا إليه راجعون..... بكم تبي تشتريه؟ الولد : بريال الرجال : وش تبيني أقول!! تبيني أبكي ولا أشقق هدومي.... يالله خذ الديك وببلاش بعد أن اخذ الولد الديك شوي إلا الحرمة فاتحة عليهم الدولاب وقالت لهم : يالله بسرعه إنحاشو دام إن زوجي في الحمام.. بس واحد ورى الثاني وبشويش عشان لا يحس فيكم زوجي طلع الرجال وانحاش ولحقه الولد بعده ب5 دقائق المهم... قام الولد يتمشى في الشارع وهو مستأنس إن صار معه فلوس .. بعدين راح للبيت يوم دخل البيت شاف أبوه قدامه .. راح قال لأبوه: تشتري الديك؟ الأب ناظر فيه والشرار طالع من عيونه وقاله: ما يكفيك يا بن (.؟.؟.) الــ 300ريال تحياتي م ن ق و ل
_________________  ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ، ســــــابـقـــا (((مملوح العاصمة))) |
|
02-26-2008, 06:02 PM
| ||||
| ||||
| رد: شوفوووووا النذاله كيف والله قهر شكراااااااا حلوه مررررررررره .من جد قعت اضحك
_________________ من لارفـع لـك بالملاقـا ذراعـه نَزِّهْ يمينـك عـن ملامـس يمينـه لاصار باعك خمسة ابـواع باعـه خلّـه يوفـي بالمقايـيـس ديـنـه سنبوق ينشر وسط بحرك شراعـه وموج البحر لاهاج غـرّقْ سفينـه وش وهّقَهْ يعرض رخيص البضاعه في سوق غالي والفـوارق ثمينـه من لا يعـزِّكْ لـوك تغليـه باعـه مبداك والنفـس العزيـزه حصينـه من لا رضخ لك ليش تعطيه طاعه وتحط نفسـك فـي يمينـه رهينـه خذها نصيحه من مجـرِّبْ وداعـه اللِّـي يعينـك تنهـزع لا تعيـنـه واحفظ لنفسـك عزتـك والمناعـه واضحك ولو إن المشاعر حزينـه |
|
02-26-2008, 06:47 PM
| ||||
| ||||
| رد: شوفوووووا النذاله كيف والله قهر هههههههههههههههههههههههههههههههههاي حلوه
_________________ الحآله النفسيه :  |
|
03-24-2008, 02:47 PM
| ||||
| ||||
| رد: شوفوووووا النذاله كيف والله قهر يسلموا على المرور وخاصه شيهانه
_________________ ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ، ســــــابـقـــا (((مملوح العاصمة))) |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
