كيف تقهرين اخوك....................للبنات فقط

السلام عليكم ورحمة الله وبركاتــه

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع

هالخطوات والله يقويكم......

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هني بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: قومي.
قولي: مب فاضيتلك ابا انظف وامسح ...

وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه(عبالك إليسا) .. ولا يهمك احد..

واذا قال: قومي لااصكك على وجهك بالكوب..
قولي :معصي ... بيجون ضيوف . .

العبي عليه حتى لو مو جايكم احد , والا سوي نفسج يالسه وتذكرتي ان الكيكه بالفرن احترقت انقزي لين توصلين للفيش ومطيه برجولك ولا تلتفتين وراك..


*** عند النوم ***

لا صار التمساح يشخر.. نكدي عليه نومه كيييييييييييييييف؟!

دخلي عليه باليهال على عيال جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وازقريه (ناديه) ذيك الزقره اللي يفز مايدري عن نفسه الا وهو جالس وبكل برود قوليله نبي نطلع..


*** اذا المزاج صفر ***

اذا شفتيه ماله خلق وموفاضي لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصكك بأي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ ...

المهم.. اضحكي على شكله والا على جلسته والا على لبسه .. هو بيقول ترى مب فايق لك اذلفي عني , انتي لا تسكتين قوليله واذا ماذلفت شو بتسوي...

عاد هو بيقوم وبيوريك وش بيصير على سنع انتي في هالوقت اقضبي اول درجتين توصلج لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من قعدتك...

عادي .. عادي اذا كنتي مثل الياهل ما فيها شي ...

اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت الضرابه ***

يوم ايدق براسك وتبين تتضاربين انتي والتمساح لازم تجهزين نفسج من كل ناحيه:

1/ اللبس: لازم تلبسين تنك خخخخخخخخ أو بنطلون او ثوب وسيع علشان يسهل الركض


2/ الشعر: لازم تلمينه وتسوين حفله براسج وتحطين انواع الشباصات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك >>>> أتحدى أحد فيكم يجيب مثل هالفكره

3/ مفتاح الغرفه: جهزيه في الباب من داخل .... الاحتياط واجب..

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله: شو براسك؟؟

عاد هو هنا بيقولك شو براااسه :هذا اللي براسي طراااااااااااخ الا ومخمس وعاطنك كــــــــــــــــــــــــــــــــــــف

لا تستسلمين عطيه بوكككككككس على عيونه الثنتين علشان مايشوف الدرب وحطي رجولك على أول درجه

وعلى طووووووووول لغرفتك اللي مجهزة مفتاحها من قبل واقفلي على عمرك الباب ..

ويادار مادخلك شر بس نصيحه اقعدي يومين لايشوفج ولا تشوفينه لانه يبي ينتقم لكرامته

وبيوريك نجوم الليل في القايله ..

***وفي النهاية***

مالي دخل اذا صارل لك شي ماشيااااات

اللي تبي تنتقم تسمع كلااام هلااااااااااااااااااااااااالي كاااااااااااااايدهم

أسمع نصيحة مجرب
ويللا اتركم مع التطبيق <<<<< الله يعين

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

«®°·.¸.•°°·.¸¸.•°°·.¸.•°®»*عزف...ونزف*«®°·.¸.•°°·. ¸¸.•°°·.¸.•°®»


عزف الحـب لحنه فكنت أنـ ـ ـ ـا...!


ونزف القلب عشقه فكان هـ ـ ـ ـو...!